巴塞最後拎左歐聯冠軍._.往我昨晚唔訓去睇…..今年歐洲班霸球會依然都係大熱既巴塞._.有人話曼聯係大熱,我就唔認同-.-‘,縱然今年曼聯依然保持強勢打入決賽,16強挫國米,8強作客贏波圖,4強好似唔洗點出力就已經贏左阿仙奴,相反巴塞進級明顯比較辛苦…..

唔洗點講,只係中場已經高下立見-.-……沙維+恩尼斯達真係好鬼勁=.=,特別係沙維,如果你話美斯係一枝尖刀既話,咁沙維就係尖刀後面個支柄…..曼聯今日d中場完全唔係巴塞個皮=.=

加上,巴塞攻擊力不嬲都冠絕整個歐洲._.前面既三個前鋒都係獨當一面,就算係上年巴塞低沈既時候,攻擊力同樣都係強,美斯真係好鬼勁……下下拎到波都有成兩,三個阻佢@o@….我記得上年有人話,今屆應該係c朗拎世足,但係未來既日子就會係美斯._.

年紀輕輕已經咁鬼勁,今年如果世足唔係美斯拎真係天無眼,今場c朗輸左俾美斯啦._.見到c朗好明顯極度失望

下年世界盃,e條中場線既西班牙,打入四強甚至更遠真係有機._.唔好唔記得西班牙前面仲有托利斯同偉拿,加埋門將又係卡斯拿斯._.",近年西班牙既球員大熟大勇,都係人生高潮既年齡

好想快d到下年睇世界盃@o@