今朝又係都幾遲先起身…..係度左搞下,右搞下,咁又過一日=.=……

  下午…..出去面見傳道= =’,我一睇…….哇…….我真係做左主席wo,之前本來想我做招待,但Amy要上大陸既關係,抽左我上去=.=’,我諗9成9,係因為彭or賓,兩個唔肯做,先迫我上去做,原來都幾多野要講,而且個日d活動都幾密= =,而且一開波就玩一d十分暴力既遊戲=.=………係d咩??我唔講住……哈哈……基本上玩咩遊戲個d報告,我都有=.=’,咁快講你地知,到時仲邊有驚喜……太高難度啦,我決定唔玩>"<“",講下o者=.=’唔玩會俾人打…..哈哈…….

  話說我昨日打電話俾啊比既時候,佢媽媽問我叫咩名,我話"齊超",跟住佢媽媽就講"殘肢??"我本來企係度,即刻訓左係張床度= =……無奈死……我再一次加好肯定咁答"齊~~~超~~~唔該= =""當我打電話,講啊比個全名個陣,差d唔記得左=.=…….唔好意思啊,因為實在太耐冇叫你真名,成日叫啊比,你個真名都差d唔記得,我講左第二個女仔既名……講左一個,我中一識既女仔,而且唔係好熟既名=.=…….雖然都有打過幾次電話…..雖然現在已經冇再傾過or搵過…….亦都忘記左我,我都差d忘記你= =’…….點啊,朋友??還好嗎??我記得你最尾一次打電話黎,我認錯你把聲係雪人=.=……勁無奈

  唔知點解,e兩日,我都有睇番之前個d日記…….特別係對,之前同我一齊果個……唉=.=…….我專登搵番聖誕節去睇…….岩岩果年既聖誕節…..05年12月25日…..低能的= =,好記得個晚發生咩事= =…….個晚,係尖咀,明心爆樽啊= =……唉…..第一次見明心咁鬼激,個晚亦都係發生左我既第一次,哈哈…….唔好亂諗,係第一次咁遲番屋企o者,等明心等到四點幾low=.=……低能的,我已經諗前兩日已經係最遲番屋企,三點幾,估唔到之後幾日,會成四點幾……25日前兩日,我同我d同學去影相,同埋周街玩…….發生左唔開心既事,係關於迪迪同啊J= =’,之後好番冇事,個晚,我地幾個麻甩佬,係度飲酒,當係陪下勁唔開心既迪迪low@@,個陣迪迪喊到眼都紅哂啊,陰公……最低能既係,由尖沙咀,行去旺角-.-……小BB,係咁踢波……= =無奈死……..

  再對上一年既聖誕節…….04年12月25日….我xanga當然冇啦,係我另一個日記網到有……..ai…..開心….我諗個日,我係同你一齊過吧……個日,成班傻仔約左去食韓燒,之前我都講左我會去,但係都係冇去,因為約左之前果個……..重色輕友都要做一次ga la= ="……我記得我都送左幾多野俾你啊,首先係一對介指先……我買左兩隻……一隻俾你,一隻俾我,今日我仲keep左係度ga=.=+,前排,我都有成日帶住,但係最近廢事啦,發現帶住都唔係咁方便…….買e對介指真係辛苦死我=.=’,我見你個日話,係旺角見到好似好靚,你仲話要係個介指度整d字=.=’,第二日,我飛去旺角搞左成幾百蚊……仲有一份ga,就係我寫俾你既聖誕卡,我自中一開始根本冇寫過聖誕卡俾人=.=,直到今日都係,除左你個張,我寫到成張卡都係字= =’因為實在太多野講…….開心嗎??開心……見你笑住口,仲唔開心咩??

  我e兩日成日打你,可能係補救番之前我冇打,因為我怕之前打會喊住口打=.=,現在打我諗就唔會,其實我最唔開心既係,有一次同你出街,又係去左旺角,去左朗豪"方"…..個日我心情就唔係咁好…..唔好意思,個日可能就冇平時對你d態度咁好,唔開心既我……行完之後,步入旺角地鐵站,我買完飛,跟住行入去,我好似都未曾望過你一眼……當我行去地鐵站既扶手電梯,我眼角輕輕望你……見住你…..我係度行,你跟住我行,雖然有野頂住,但係我見你一直望住我行……直到我係扶手電梯,慢慢落去,你都一直望住我,停左係度…….對唔住啊,個日心情可能差左少少…..對你既態度未必好…..但唔知點解,每次諗番起都好感動,好細既事……..但係我卻十分感動,勝過好多好靚既禮物,因為心係好的……..唉……..諗番起,都唉左一聲……

  諗番起……之前有個同學問左我一個問題"你認唔認為你係一個好既男朋友??"我一聽……呆左一陣…..跟住笑笑口答佢,我係一個唔合格既男朋友,哈哈…….因為我唔叻,個外型都已經唔得啦,又唔係特別叻…..個心地??咪又係咁,所以我答佢,我唔合格的,我…..都唔係咁好….我做既係,不斷去做好自己,冇人係完美,我希望我盡量做好自己…..已經足夠,兩年半以黎,都實在太多太多……..今日講番,都可能岩ga…….因為我既初戀只係短短既兩個月吧=.=’,可以用失敗黎形容,細個唔識野,第二次就係你……兩年半,算係比較長吧…….唔知第三個會唔會係二十年??哈哈…….推理推理…..講下o者….

P.S 1:今日心情:D(拿……因為你,我先升番D啊,你記得打俾我= =)

P.S 2:焜爺之前成日叫我齊主席,我真係就黎做齊主席=.=

P.S 3:突然諗番起…..我個名咁奇怪……聽過我名既人,應該都唔會唔記得掛,希望有一日,我可以同全世界人講野…….識我既人…..可能會知我係邊個>"<“"呵呵……..

P.S 4:今晚……..我係度擔憂緊…….一個人…….

P.S 5:話時話,都好耐冇見恩婷你=.=’,唔好意思啊,個次你打黎,我係補緊課,冇聽你電話= =’,唔係唔想聽啊…….點啊??工作順利嗎??

P.S 6:聽日,有第二階段補課啊=.=……即係8點半到12點,我睇番先知,仲諗住只係石媽媽果個=.=’,咪話我唔提……..

P.S 7:公安既女朋友對我既評價如下"齊寶寶真人同張相一模一樣架…好q呀!!!^^"……..睇完之後,我都唔知俾咩反應佢=.=’……..最搞笑就係…..對我問佢點解咁講既時候,佢居然答"唔知點解望住你,我就想笑……."無奈死= =……恭喜恭喜,你地五個月= =