啊比…..肥狗…..啊源……生日快樂啊~~~~~~你地三件都差唔多日子生日=.=’差距唔夠一日…….昨日冇打,今日一次祝你地三個生日快樂先,下次食飯我請ga@@

  係度先講一個比喻先,之前都講過既,不過都好耐,我係你面前有兩張唔同既紙幣,一張係好整齊既十蚊,真係好整齊,岩岩出個隻,仲有一張係整到一團,仲有d墨水既一千蚊紙,當然仲有得,你會要邊張??我諗十個有七個都會要一千蚊紙,因為佢可以買到更加多野,咁比反係戀愛度,點解你會要一個有外在但係冇內在既男/女仔,唔要一個冇外在,反而有內在既男/女仔呢??你唔覺得好可笑咩??你會要一千蚊,但卻在現實中會要一張整齊既十蚊,人啊人啊……..有時真係的確幾好笑,交俾Amy其中一份昨晚既電影感想

  昨日番主日學,真係俾我學左一樣好重要既野,愛其實係單向,當然都會有雙向,我之前一直以為愛會係雙向,今日我完全地重新去了解e個理念,多謝,真係好多謝…..

  交俾amy既功課:昨晚去左理工大學睇電影-.-‘,你知唔知去左邊度睇,就係上次七十周年晚會個個場,當睇到最後既時候,好有上次個隻feel,個陣李副校係要離開,亦都…唉…上次我地係台上做表演,今次我係台下做觀眾,感覺有點唔同吧,講番套電影先,先唔講,好多人都講左,神既愛啊,等另一半個d,彭啊,明心都已經講左既野,我係度講一d我既感受,老馮話齋,讀後感,最主要係個感字,唔係重復套野既內容= =’,其實套野都用左一種叫做先反後正既手法=.=’,一開始做一套基本上係錯既電影,之後有個博士有風趣既手法帶出正確既做法,十分好啊,整套電影其實做得好唔錯,人地聽到,下…係教會做ga??,一定以為好悶好out,原來係好搞笑,而且係好in,昨晚博士講絕大部份野我都認同,唯獨feel e一樣野,我有所保留,咩掛住人係feel黎既咩??我只係知掛住一個人,係因為中意e個人,中意e個人係因為佢既性格,行為,當然會有少量既外表等,feel我唔可以排除一點,係戀愛之中其中一個原素,但係我亦都想講一點,千萬唔可以放feel係你搵男/女朋友係首位,因為如果你只係因一時既沖動,就唔應該啦,你明唔明我意思??即係你細個中意玩玩具車,你今日,已經唔會再玩,個陣你係對e件野有一時既感覺,但唔會係肯定,即係feel係一種唔隱定既野,可以隨時消失,可以因時間以消失,以一個人既內在既野,真好難會消失,性格係難改的,中意一個人當然係包埋佢既優點同缺點,所以e點為主,唔係因為一時既feel,所以我諗博士需要補充既係,唔應該放feel係首位,因為實在係唔隱定既做,感想太多啦,交住咁多功課先=.=有機會再作分享

 

  今日………頂…..= =昨晚都唔知咩事,諗住早d訓啦,點知訓黎訓去都訓唔著,我眼光光咁望住個鐘,下= =…..三點都黎緊啦wo,聽日仲要考會考,緊張到訓唔著??跟住祈禱……跟住之後過左半個鐘度好似訓左=.=我只可以用好似,因為都唔肯定,跟住5點幾6點就彈起身,又訓唔番=.=頂……成晚冇訓過low

  仲諗住今日去唔到食早餐,因為遲左出門口,點知都食到@@,跟住齊齊番學校考會考…….人生第一個公開試,超緊張啊……頂……係出面見到第間學校既一男一女,係度擁抱+咀=.=’睇到眼火爆…..不過算吧啦- -“..

  跟住上去考會考…….好恐怖-.-個氣氛,連平時好嘈個d都乖左好多…..兩個監考完全唔識,試場主任係陳以信=.=’一開始,叫我地拎哂所有野出黎,文具+準考證+所有其他要用既野,跟住就要我地貼個d電腦條碼,今年第一年有=.=’,跟住好小心咁貼=.=",貼完之後就派份問題,我一見到份問題,透透地,好似見到入面d題目咁,我見到一個坐輪椅既野,嚇到我啊=.=’諗住好q難……..跟住望下份野….超= =…….真係想爆e句…….不外如是

  原來都唔係好難,我做DT既做法係先做個d 20分既題目,最後先做個個40分既題目,我選擇左,第二條,講關於智能家居,第三條,玩具車個d結構,同埋第六條氣動……仲有第一條必答,頂,智能家居個條基本上係老吹= =,我吹到有幾勁得幾勁,娛樂我吹吹下都可以吹到去環保,總之一個字吹=.=……..我最叻ga la,跟住玩具車…….又係好鬼易做,除左兩點,1,表面處理,2,壓鑄,吹漲,都唔鬼記得=.=’……其他冇問題,第六條氣動,低能ga……..劉sir又話唔出,因為出左兩年=.=’,就算出都唔會成條,今次真係成條出=.=一開始睇,個度寫住一點,注:氣動配件可多次使用,好奸狗low,我諗完又諗,冇理由啊,你俾幾件野黎,仲唔夠用咩= =??我已經覺得多得濟,個陣畫左兩件都唔知岩唔岩,點知真係岩左=.=++個度咁就6分,第一條,我真係懷疑劉sir係唔係睇過份會考題=.=考mock佢出流動洗手間,會考出傷殘人仕既洗手間= =…….跟住A部份畫一個海報,同上次好似low……=.=

  做做下發現部電話係度震,嚇Q死我= =,跟住再做,發現得一個外校係做左半個鐘先走……全港得四個場,我個班去左三個場,最多係香工,其次係東涌個間,跟住係牛頭角個間,最搞笑應該係東涌-.-我諗應該係最屎,50個人考……收個陣得番28個=.=’啊達做做下肚痛去洗手間=.="…..noel講個d先爆咀,A同學:你諗住幾時走啊,B同學:一個半鐘啦,A同學:咁遲??一個鐘走啦,C同學:話哂都俾左錢緊係訓足兩個半鐘,我只係無奈=.=",東涌個間走左4成,牛頭角個間都走左5個= =,我地E間應該係最精英= =走得一個,有E班好同學幫我拉分,我諗我DT肯定唔會U= =……真係多謝你地=.="

P.S 1:哇……番到屋企好眼訓……心情放鬆??考完第一科…..係度諗DT都咁驚,遲D黎主科,仲要兩三日一科,冇覺好訓

P.S 2:加左背景圖,哈哈…….我發現我係一個唔會有人注意既位置,多左一個人TIM,個個就係浩男……..當你仲係我地同學,重讀個三個冇你地相=.=’一係你地俾NOEL,佢會幫你地整

P.S 3:距離科英文又好近…….會考果然已經開始,下次係去聖心,仲驚=.=’一黎冇咩熟人,二黎個場唔識,你地有冇睇踢波,作客通常都輸GA= =

P.S 4:許嘉偉,啊源,高綸,明心,我已打算放棄了……..我諗只有你地四個先會明我講咩= ="

P.S 5:聽日又要補課啊啊啊啊啊……..好眼訓啊

P.S 6:今日心情…….只可以用糟透同極差黎形容