今日已經係17號…..心情係百感交集,對於院長既問題,佢問,今日你地開唔開心啊??我真係唔知點答佢= =,開心有,因為已經讀完中五,對班同學玩得好開心,但唔開心既感覺可能更加大,因為所有開心既原因都係係e個既唔開心之下…..我唔知佢地番屋企,諗番會點,我就真係頂唔順……院長第二個問題,捨唔捨得,打死都話唔捨得啦=.=’,e個好標準既答案……

  對於今日既最後一日……noel係全級代表=.=’正常,佢上到位,受到老師既睇重,而且出到黎講野好有自信,你個死偽君子>"<“",我唔會唔記得你對我既事…….其實今次好想比較互動少少= =,老實講睇左咁多年中七中五走個陣,次次都係得上面d人講,下面個d就係呆,希望今次有少少回應,會比較好….

  唱校歌都係,年年都係有一個人拎住黎唱,做哂主唱,我地今年唔想咁,我地想一齊唱,因為中五最後上課日,唔係俾d係台上面既人,係俾成個中五同學,唔知點解,當我一唱既時候,就停左一停,有d想喊既feel……走了嗎??五年黎既日子…..學校既所有地點,我中一個陣岩岩入黎,得一個小息,3點就放學,中二改左,中四個陣換左新既小食部,珍姐走左…..所有所有….都令到我個鼻酸左一酸…..唱起校歌….表徵住我係香港仔工業學校既學生…..

  講番多d野,五年黎一直都冇後悔過,曾經中一個陣有個小學同學同我講"你入左香工啊"我就話"係",佢仲叫我去轉校tim,個陣我又傻傻地,跟左去填,點知因為過左時間……我相信e個係"原"神父所講,係上天帶緊我地入黎e間學校……幸好過左期,唔係….我今日不可能見到我這班好同學了…….

  校長今日曾經同我地講,你地中一入黎個陣係點既樣……想起都搞笑,傻傻地咁low,不過又冇現在d中一咁係度玩捉- -,個陣我同你地一樣,去玩足球機,好多中一都中意玩,我個陣都同你一樣……我想起當日步入e間學校第一日番學,踏入去,發叔就同我地講,你地小一到中一都好似好快,所以你地中一到中五都會過得好快,好似岩岩既事,我相信e句說話係事,中一第一日既話,中五最後一日都仲記得,五年發生太多太多…….中一仲係飯堂食飯,現在個個飯堂都唔知去左邊,學校既環境都有唔少既改變……仲記得我中一係第一次係考試拎到中一百分,咁大個仔都未試過係考試一百分,多謝馬sir啊…..中一個陣呢,你上中文堂,好中意玩d問問題ga,好掛住啊…..仲記得就係問狗仔個作者名,點知狗仔諗左勁耐都諗唔到,d人提佢巴金,點知佢講左金巴,笑鬼死…..

  太多了……我既心情實在太亂…..今年5D既同學,特別令我難捨,因為e班同學仔實在不錯……雖然佢地冇係面前度喊,暗地中有掛…..啊發,唱K個陣眼濕濕wo…..輝輝….唱校歌個陣你都有d wo….仲有…廢事講啦…哈哈….有d可能要番屋企先黎料…..再一次….打上你們的名字….永遠留在我的心中…..

  5D陣容"啊源….許嘉偉….肥明….胡百….連生….鐘仔….啊腸….輝輝….劉自…..周杰倫….高綸….華哥…..朱仔….何雞…..羅友….迪迪….元某….衡衡….啊發….撒旦….七周….Ray….桐桐….公晉….noel….啊達….區聰….啊king…..肥狗…..焜爺…..啊B….公安….董卓….細佬….大傻…..Louis….吳瑋….何偉健….區陞…最後當然唔少得我啦….."當然唔少得,我地班主任既台柱,教英文既曾sir,教中文既石媽媽,教maths+A.maths既miss鄭,教phy既錫年,教化學既啊堅,教宗教既廢sir,教DT既劉sir+林sir,教體育既慶叔……這就是五丁(5D)…..

  行樓梯上六樓….又有d沖動想喊= =…..陪左我行五年既樓梯啦…..行埋今日就冇啦,唔知點解行樓梯都可以行得咁開心=.=’都唔知係咪痴左線…..之前行,成日話起到咁鬼高= =,最後一次maths堂….測驗….無奈地咩都唔識,已經冇心情再去做

  小息去消名=.=…..之前欠個份DT,要拎去消名,唔係冇得拎準考證,真係好鬼麻煩=.=……搞到我周圍飛….今年中五同往年差唔多,都係十分興奮…..每年一到e d時間都係咁,今年亦都唔例外…..唔係因為我仲要補課,我都拎埋件三去簽名

  之後…..最後兩堂英文…..完全冇聽書,狂寫紀念冊,不過我諗曾sir都知啦=.=最後兩堂,都唔會點上堂ga la,之後我地就好開心,係度狂影相,因為我等你地俾相我,好開心啊…..哈哈…曾sir都一齊影tim,成個課室亂哂….哈哈….多謝華哥請我地飲氣水….走啦….我同我張台講左一聲再見….希望下年既5D會有人好好對你吧…..

  院長祝福我地中五全體同學……跟住校長都上黎講幾句,校長講既野…..我都知ga la,如果你問我唔捨得d咩,我好老實答你,所有野,唔理開心定唔開心,都係唔捨得,因為每一件事都留低左唔少野,唔似啊B咁=.=,啊B正傻仔,係咁叫,Peter仔,校長既英文名係Peter= =…..點知俾校長聽到,仲講左句笑話tim,哈哈….可愛既小B…..受到祝福後….我地就走…..上完中五最後既一堂…..

  之後去拎準考證,勁多人排對,點知到我個陣同我講左句,你仲有份功課未清,吹漲,個份今日交左=.=….頂….跟住我去搵番教學助理傾,先拎番張最新個張,先俾我拎準考證=.=,最後拎左….太好啦…..之後上左足球場影相….又話整個5D字出黎=.=最後都冇整

  跟住去左唱K…..成二十幾多個人去= =’,成班一齊唱海闊天空….冇人用咪….個個一齊唱…..好鬼引….e首歌已經成為我地班既飲歌,喂喂……我背景e首啊,每次聽個陣我都會唱…..仲拍左好多片tim,係個陣我再一次喊左了…..當佢地好開心既時候…..我已經喊左….頂唔順=.=’又係一滴咁大把…..望住佢地每一張臉,我已經難以忍受…..許嘉偉….擁抱….許嘉偉啊,加油啊,好朋友ma,係咪??最後最後,我地仲一齊唱多次校歌…..校歌都好唱GA??冇錯….都幾好ga….因為….我真係好唔捨得,最後同輝輝+啊B,一齊番屋企…..

P.S 1:已經結束中五既日子…..

P.S 2:今日實在太難忙…..希望大家可以堅守自己既理想,考好會考先

P.S 3:準考證….DT番自己學校,英文去聖心考,Maths去聖伯多祿中學,中文去保良局,phy去聖公會呂明才,chem去聖心,A.maths去聖伯多祿,宗教去樹仁,oral去銅記個間真光

P.S 4:今晚冇同你地去玩,唔好意思啊,下次一定會,第時出去飲酒啊,叫我,一定去= =+

P.S 5:中五結束,係一個階段既結束,開始緊另一個階段….

P.S 6:係e度,我好想,香工既中四同中六既留意….你地第二年就要有公開試,真係時日無多=.=好似我個陣咁諗,大把時間,今日已經冇哂….另外中三都係啦,你地已經俾人射中= =",希望師弟們可以好好努力…..

P.S 7:影左相個d,記得俾我啊,皆因我冇影=.="‘…….

P.S 8:同學,你地諗下15年後既今日,你同我會怎樣…..希望大家努力吧