今日睇到書入面,d教師上街個次張相入面,俾我見到梁耀忠議員=.=’佢係我地學校既老師黎,哈…..我地唔係d名校但都有個議員係度教書,見到佢係度遊行…..唔知會唔會見到其他人呢??

  我頂…..昨日發夢,又係發d死人夢,發夢又係派緊mock,好鬼死黑人憎low= =,今次係派中文,拎到份野…..點知….37分??我頂=.=……我係唔合格個d入面最高= =’,勁無奈….大佬啊,唔好再發e d夢,我再發就會死,次次都嚇鬼死我low,得37分….咁我咪差唔多科科都肥佬….今晚唔好再發啊,今晚可能會發英文=.=,咁就中,英,數都發哂……

  起身,同人玩下接龍=.=,吹下水咁low,跟住就番教會,皆因今日有栽培班,一番到去我問左勁多問題=.=’天主教同基督教啦,好多好多野…..令我知道左好多野=.=’,仲有講呢,上天堂同落地獄,好似話呢,有個青年讀緊中一,玩飛槍,飛中個頭度,跟住死左…e個青年係冇信教,佢死左個陣,佢見到周圍都係黑色,跟住佢講左一句我想見耶穌,跟住就有d光出現,佢就向d光咁行,行到上去,見到有個好靚既地方,咩都有,當佢想行前去,有個人企係佢面前,佢話佢就係耶穌,跟住話咩時候未到,跟住又復活番=.=’,第二個一個中年既女人,佢就信主ga,佢好直接咁見到有光就行,因為佢係信主,跟住都係一樣,時候未到,有個落地獄既都好恐怖=.=…..唉…..真係有d擔心tim,吹左成兩個鐘我先走= =

  坐車去華富,一去到,俾某人叫左去數碼港,我勁低能low,我行到去數碼港,跟住又見佢唔到wo,跟住係個度坐左陣,跟住見d人係度吹啦= =,我又勁低能咁行番番去華富,起初都唔識你行番去華富,問左啊明哥,先記得點行,行到想死=.=’,行到一個狗屋,超恐怖,如果明心係度一定驚到走佬,我都有d驚=.=’雖然我就見唔到d狗,聽到d狗叫到好大聲,起碼十幾隻狗= =,跟住傻下傻下行番去搵佢地,所以遲左好多

  頂…..住華富個d 5D既同學仔,你地個個都唔黎接我車=.=,冇良心啊…..住華富個d,區陞啊,許嘉偉啊,劉自啊,啊king,啊明,仲有d都唔鬼記得=.=你地班華富之友,都唔識做,接我車,跟住陪我遊玩一下華富,推動下經濟啊ma= =,搞到我…..唉…..又要我去買野食=.="好….買個陣,專登行去球場睇下,見唔見啊許嘉偉,許嘉偉,好鬼掛住你啊>"<…….d冷笑話,仲有你d白痴動作,不過你打波既認真態度都幾好ga,哈哈…..見你唔到,跟住就燒野食,唔想食野=.=皆因個嘴唇好痛,唉…..食左少少野,燒野食既成員有:我(唔洗講),啊稀,明心,彭彭(遲黎=.=,唔好嬲啦),啊姚,蔡宗泓,liza,仲有兩個唔知點稱呼既靚仔=.=’,即係5男就4女

  食完野就走左去某平台咁既公園,我輸左扮龜=.=勁痛,睇到d詩句,超搞笑,分分鐘仲勁過啊king,有一句係"寫字還寫字,咪"手然"寫錯字",仲有一句"床前明心光,食屎最健康"超爆咀….係度玩潛烏龜,我發現男仔輸既機率係比女仔輸既機率高=.=唔通男性比較蠢??跟住我就閃,都ok早閃,皆因我應成左人要早d番到屋企=.=’

  哈哈….打少左一樣野,坐車番屋企個陣,我發現百達通冇錢,我銀包只係得兩角幾=.=’岩岩夠錢俾小童價,跟住上到巴士,我就入左兩角幾,個司機望住我= =,我幾驚話我,喂….你大過12歲wo,雖然我真係大過12歲,仲要就快17=.=’,跟住我同佢say hi,仲要扮細個,佢先冇野,開車=.=’,上車個陣明明得我同一男一女,都係坐下屠,兩個站都冇人上車,冇啦啦,上層有條友行落黎,超恐怖=.=懷疑佢訓左,冇落車,勁似d路縮未

P.S 1:今日唔打同學,好鬼眼訓= =

P.S 2:破左紀錄……= =係我暫時有紀錄以黎,昨日個個日記,人次只係得14人=.=’係暫時最低既紀錄,今個星期七日入面,有4日都係十幾人,=.=’上個星期都仲有成三十幾,二十幾=.=’收視率大跌>"<嗚嗚……..

P.S 3:彭啊彭……仲嬲啊=.=’好鬼難搞LOW

P.S 4:一個月三次BBQ,真係一D都唔好受= =

P.S 5:好樂意同你做朋友@@…….你叫啊清對吧??

P.S 6:好掛住許嘉偉low……..又唔出黎wo= =唉….掛住你d冷笑話啊

P.S 7:華富之友,你地好野啊@0@唔出黎招待我e個貴賓

P.S 8:大口,生日快樂……..冇同你慶祝tim>"<‘