柯南425集轉左新op,新logo@@

哀……迷上佢啦= =,佢個種性格太有個性,迷上佢

gin同赤井……兩個都係好勁既槍手= =700米距離都命中

  岩岩又轉左背景個首,係最新既OP叫沖動@@,正…..今日睇完452集,睇左成兩個幾鐘頭,爽啊…..今次e集總算比我回未番兩年前個個咁正,比起上年個個實在淡淡無奇,太好啦,哈哈…..話說今日係反齊既日子,真係唔好意思,唔多得閒,所以冇咩點理,但係你地可唔可以轉下口味=.=黎黎去去都係講個d= =",唔好意思啊,串到你地tim

  話說昨晚同明心吹吹下水,我同佢講,你睇完班友既回應,你覺得佢地點,佢俾我既回應係,我都唔識佢地,不如你叫佢地番黎宣聖會咪知low@@,佢地好似好玩得,=.=幻想中……都幾驚個度變左獸人集中地= =’

  今日考中文,但基本上除左個日係自修室溫左陣同埋今朝係咁易睇下之外都冇溫書=.=’,死火,懶死左,頂…..今朝係咁俾人阻住我溫書low=.=’你班木契,又黎圍我low= =’搞到想溫都冇得溫啊,唔知幾時開始成為左成日俾5D同學熱情"招待"既人,

  今朝集"對"同啊源吹下水,對話如下:我話"今日考中文咩??我冇放在眼內wo"跟住啊源講"有咩唔識咪問我low"我就講"你啊,收啦@@,我拎A ga"仲要幾串下既語氣,難怪高綸同佢都講想殺我啦= ="

  拿……你班傻仔又唔信我,都話第一份考作文先啦,唉…..唔信我冇計,本來諗住作第二題,第一題一定唔諗,因為議論文,唔記得點寫= =,亦都唔岩我風格,第二條係一件令人冇臉既事既經過同感受,諗諗下= =,諗左好耐都諗唔到有d咩可以寫,有諗過記錯生日,有諗過想幫人點知愈幫愈忙,=.=最後都係算數,唔作第二啦,作第三啦,香港搵一個景點,描寫佢既環境,設施,吸引遊客既地方個類野,搵左某地點@@,老實講,如果要個文同人唔同,我覺得個個作e d都係寫個度幾靚幾靚,冇咩抒情@@100%描寫既文,唔係一件好文,而且睇起上黎亦都冇意思,所以係文章入面我諗左d我想暗中表達既意思,表面係描寫個個地方,其實入面係想講個度係地球既縮影,香港人好窩既程度,第一段就製做左個"縣"疑,就係e句"我實在不能不細心一想,到底xxx(景點)有甚麼吸引之處??"不過我冇答佢,所以唔係設問,亦都係放係第一段,唔係反問,其實係想吸引讀者睇o者= =’,都係個句啦=.=三題都唔多岩我,作左七百字,唔知點解今年考試,英文同中文作文都係比上幾年多字,上幾年岩岩夠字,多幾十隻就算=.=’今年作多好多,寫得好左= =??啊源作我右面,係度串我作左八百幾字=.=貴精不貴多啊,小朋友= =中文作文係我直到現在第一份可以係考試室訓左15分鐘既一次,作完仲有15分鐘,可以訓啦=.=,暫時係第一份可以令我訓一陣既科

  小息完又上去考埋番讀本,同往年一樣,一開始做問答,之後先做閱讀,經過上年既兩次考試教訓之後,今次叻左啦= =,上兩次都係得番15分鐘做兩題閱讀理解,所以閱讀理解係低分得要緊=.=,今次唔會好似上次咁慢條斯理,寫啊寫,啊louis,花潮同X林深處人家兩課用左咩唔同既記敘手法,花係用順敘,林係用倒敘,唔係個d感官描寫=.="其他都一樣啦,第一人稱啊,長寫略寫,多左好多思考題,其實睇05年份野都知ga la,新課程啊ma= =’,好成功,時間果然岩岩好,做完仲有3分鐘=.=

  做完同啊源既對話:我"唉……又拎A啦"佢"好想打你"出到去同衡衡講,即刻俾佢夾頭= =’,慘……考完同迪迪,louis,公安,陳偉X,去KFC,食野,仲見到啊衡衡,華哥同公晉兄@@,都唔知衰咩,行埋黎就摸我塊瞼,唉……抽哂水啦= =’見到迪迪女朋友啊J@@,唉…..迪迪你真係令人妒忌>"<

  同louis行左陣街,吹下水咁low,吹完佢番西環,我去啊ray屋企,老實講,星期五去佢屋企緊係玩下啦,打下機咁low@@,去到三點幾番去,坐91,發現我坐車= =,變左校巴,點解??真光放學啊ma,個陣仲係度諗,會唔會見到彭彭啊=.=??果然坐錯車啊,不過算啦@@

  好開心啊…….彭彭一事已經得到解決=.="佢已經冇咁嬲啦,唉…….但估唔到你都問e個問題=.=…..我講左….我現在冇對人有意思,唉……唔信都冇計= =,你要我講真話,我已經講左,講埋俾班同學仔知啦=.=’,你信唔信都好,我講就講左,而且係真話,如果你唔信,你係都要話我有,咁我咪話有low,但一定係大話= =’,如果你係想聽大話,我冇咩所謂ga= =’,不過如果你心目中已經認定左一個答案既話,仲問我,問黎都幾無聊,你只不過係想我答你心目中想答個個野,以唔係真係想聽真話,anyway,總之我冇對任何人有意思啦,係現在黎講,都好…..最好彭彭終於理番我= ="‘唉…..放下心頭大石

P.S 1:冇計啦,彭彭同我講唔番唔理我=.=’,咁…..我聽日番啦,應成左人既野我會做= =

P.S 2:彭彭岩岩SMS同我講,我又要爆你個xanga,無奈= =,你唔好同我個班傻仔一齊=.=’

P.S 3:啊發生日快樂啊……..考試,唔陪得你出去見識見識@@,如果唔係我同你出去見識見識,大個仔啦WO……哈哈

P.S 4:考完試個日23號,24號冇我地要考個科,唔洗番,23號係迪迪既生日,24號係louis既生日,兩條友生日咁近,都唔知係咪兄弟=.=??23號個日,迪迪問我同唔同佢去慶祝,咁岩考完試,考完試緊係冇問題啦@@,咪話兄弟對你差,同你去見識見識,冇禮物唔緊要,最緊要有女仔啊ma??哈哈…..我冇女仔益你班友wo= =

P.S 5:反齊既5D傻仔,放馬過黎@@,不過昧好俾D新意