首先,有d野要對你地道歉,真係好對唔住,本來話陪你地去倒數,但結果都係冇,其實係有原因,不過你地件件都飲醉哂,正常都係得幾個,我覺得個陣我講咩都冇用,真係對唔住,但…….如果你清楚我為人,我唔會冇原因之下就走左去,應該係話,唔會冇原因我就會咁快番屋企,我今日番到屋企食飯,食完野要走個陣,老豆叫我今晚唔可以玩咁遲,因為上次已經4點番屋企,今次唔得玩咁遲,我一開始真係諗住可以陪你地到12點打後,但……真係唔好意思,我真係唔想= ="‘,我希望你地會聽我講啦,冇計,俾人困左係屋企,只能用電腦,加上今日玩太遲,我聽日會去唔到,我希望你地明白,我有苦衷>"<,為你地唔開心,我真係感到好抱歉,但冇辦法……..對唔住啊

  昨晚又發左個夢,個陣,我係到釣魚……..釣到好多條魚,個陣,有個啊叔同我講,點解你要黎釣魚??我話,"唔知啊",啊叔又講"你係因為釣魚而黎釣魚??"跟住佢又講野"我就係因為中意海上既聲音,先會黎釣魚,漫無目的咁去釣魚,就算你釣到咁多魚,又有咩用??你唔覺得悶咩??"個陣佢指住我釣左個一堆魚,跟住無耐,我就俾一聲拍,整左起身,原來係跌左部耳機,個陣早上8點幾,再訓過,起身後,一直係度諗,佢講緊咩= ="‘,因為我成日都諗,我發既夢,總係有d意思= =",除左d衰野,不過我都好少會發到衰野,今日,一直思索緊e個問題,當我行緊番屋企個陣,我明白意思係咩,原來上天,暗示左兩次,一次係夢入面,一次就係今日既團契中,一個人係街度行下行下,反而明白個中既意思,團契中,今日導師俾野我地寫,有個問題係,你對下一年有咩目標,咁上下既野啦,原來昨日個句說話,唔只係對高綸講,我相信都要對我講,我應該擺脫過去既迷惑,搵番未來既目標,一直都只係因為生活去生活,為讀書去讀書,為玩去玩,玩完又點啊??拎到十A又點啊??問題係,咁又點啊??拎到十A,搵到好工作,做埋老細,大把錢,咁又點啊??你既人生就係咁??就好似你好成功咁釣到咁多魚,但係…..咁又點啊??正正對番,你好成功搵到咁多錢,咁又點啊??人就算搵到全世界既錢,但賠上自己既靈魂,到頭來你又得到甚麼??我一直都迷惑緊,從未搵到我既真正路向,原來我一直走緊一個唔知既路,太奇怪了……未清楚路向就走,除左我本來既夢想……..第二件,就係我個人既野,就係一日超越過一日,超越既唔係其他人,以係自己,你地知唔知道點解我個名叫齊超??我個名係爺爺幫我改,佢係想我超越任何人,我好似……已經忘記左太多野,嘿……多謝天主…….你俾e個夢我,係想話我知e個意思吧….

  起身,就係度諗e個問題,個陣未知,跟住就食野,唉…….彭彭都唔知點咁,係度嬲我= ="‘,嬲我話未買禮物俾佢wo,我個陣真係好想俾佢睇下我銀包有幾多錢=.="我諗當你睇到個陣,你都幾難做,買埋,我諗我都唔洗食飯= ="‘,唉……係ga,e個都認係我錯low,對唔住啊,有錯我會認,不過…..唔係有心ga= =",真係冇咩錢,你知啦,手頭緊啊,唉……總之我盡快買啦,我已經叫左louis幫我去留意下有冇ga la= ="我都有去四個商場搵過,louis搵到一個ga,不過就99蚊=.=……心諗我都唔夠錢,彭彭唔好嬲啦…….我會盡快買到ga la……

  睇係電視咁low,跟住過左陣就要番教會,問左個導師係關於墮胎,基督教點睇,天主教我就緊係知啦= =’會考題都做過e條,但就唔知基督教點睇,佢既答案係,冇正面答過,但聖經有暗示過,如果唔係有咩特別事情既話,就唔好唔生wo,老實講,係cueasy,睇到一個題目,本來都冇咩野,見佢地個個都講得岩,現在去cueasy係睇文,唔會係發表意見,因為個個都好岩,估唔到,我咁耐冇發文,昨日迫我發文= =,原因一陣講,跟住就寫05年既野,同埋06既目標,唔洗講啦,作為一個中五既學生,似番少少既學生,都係想會考考得見得人既成積,我都係啦,我現在唔諗咁多啦,特別係愛情= =,千萬唔好再搵我,我講過,我唔會再要,只係暫時,想要個陣先算,總之,我現在既目標係超越昨日既我,會考考到見得人既成積,其他野,等到我考完再算,我希望既……係唔想啊媽啊爸失望,特別係老豆,成日都叫我讀書,成日都講幾次= ="又時真係頂唔順,不過…..其實都係對我好,不過佢又唔了解我,中文差=.=’中文都唔算差,起碼我幾sure會考一定唔會肥佬先= =,平時考試都過50%,英文差,e個我認=.="我英文係差啊,數學差,拿……e個都唔係好認o者= =,如果你中三個陣講我仲認,起碼現在唔多認先啦,係屋企做下d會考題,對番個年d成積都坐低有個D仔,坐D望C= =",得化學叻…..無言……化學我都幾驚會肥佬= =",宗教叻,e個都係ga……全級第三,點都有番d料,今年就唔知啦.哈哈…….點都好啦,多謝老豆

  番屋企食野,今日31號啊,啊媽,特別煮好d wo,咁叫我番去食,冇計啦……唉……咁就番去食,又再一次多謝你地,多謝你地會黎等我,但係,對唔住,我陪唔到你地去最後,諗諗下真係幾內疚……….跟住就去赤柱,老實講,個陣啊洛,同我講,叫我睇住明心,心諗:下= =……佢肯理我先算啦,同埋…..佢既個性你應該知,我覺得如果唔係一個有影響力既人,都幾難令佢開心,應該係話佢既性格,不嬲就係咁掛…..唔知啦,最後坐小巴,哇…..勁辛苦……個胃勁痛,落車已經飛飛下,超難頂……一見到佢地又去買酒,心諗,已經不妙= =",哇……個晚又同我講今晚禁飲酒,但今晚飲得最多個個又係你wo= =,不妙不妙,不妙既係……飲完酒,你地就會痴痴地線,唉…….真係愈黎愈怕你地飲酒,飲少少就話o者,一黎就黎咁多,自己酒量又唔係特別好= =",間唔中幾次就話,最近好似次次都係=.=",我係清醒個班,因為我一淡都冇飲過,唉…….飲得太多,搞到自己都wing wing地,老實講,真係擔心你地……不過走個陣好在仲有兩個正常對兩個醉酒之人,兩個正常,一個唔知叫咩名既男仔,一個係啊賓,醉酒個兩件,明心同彭彭,好在一個對一個,我走都放心,唔係既話…..我真係都幾難做,一黎老豆就叫到,二黎又放唔低,好在,一對一,係度玩左陣

  跟住就走,彭彭係度鬧我,解釋係第一段就有=.="‘,老實講,我唔係人走我走,你第一日識我咩??如果係人走我走既話,我諗之前個幾次我一早走左= ="我個晚亦都冇必要去到4點,我走係有原因,我希望你知道……亦都希望你明白我係有原因,走…..坐巴士走,同啊蔡宗泓同巴士,一開始都吹下水,吹吹下,我勁唔掂,哇…..我坐開巴士,但我個頭都幾痛,我今日真係唔知咩事,坐到我傻下傻下咁,個胃又開始痛,勁辛苦先頂到落車

  落車之後,聽到周圍都有開心既聲音,暗示左06年已經到,05年…….再見吧……05年既一句總結係"從未試過有咁多新既機會嘗試,今年我嘗試左唔少野,今年做左好多往年都冇去做既野,都算過得還可以"係街度行……再一次諗起個夢,最後明點解,點解第二段講左

  今日講既話題係一個50歲既男仔同23歲既女仔一齊,有左BB,個題目就係咁,其實我就覺得題目講得太少野,完全唔知佢地既感情點??唔知佢地經濟點??等等既因素,簡單d講,我既結論係,如果唔係非必要,我覺得冇必要去落左個仔??點解??先唔講咩聖經角度,咩墮胎係殺人啊個d,但因為係cueasy個度,有個基督徒就用左好主觀既說話,迫到我要發文= =’用左幾個聖經睇法去同佢講,先唔講聖經睇法,用番人性既角度去睇,反對生既人會認為,個BB出世,到佢大個,個老豆已經好老,養佢唔到,好難維持,個BB會好難生活,為左BB既幸福,唔好生佢落黎,的確,e件事係會發生,唔講佢屋企有冇錢,但……首先,想問下你地,黎得我日記,起碼都過十歲啦= =",你生活到現在有冇困難既事??有……我幫你答埋,咁係唔係因為咁你就唔應該出世,用另一個角度去睇,一個出生係富裕屋企既小朋友,唔見得佢大個出黎係一個有本事既人,e個世界大把二世祖,相比之下,出生係一個貧窮屋企既人,佢反而有個鬥心,e個鬥心係富裕屋企下既小朋友,都幾少會有,咁係唔係因為佢貧窮就殺左佢,唔好俾佢出世,我覺得每個人都有佢既困難,有佢既煩擾,普通既動物都會有,如果因為怕困難,去逃避佢,唔生佢出黎,咁點解,你,我,佢,又會係e個世界,一早死左佢咪算low,個世界咁鬼多煩野,到底岩唔岩??

  第二點,父母基本上係冇權去控制仔女既生命權,雖然話係生,我時常用暫居者黎形容,當然,父母會錫仔女,咁仔女自然都會好好考敬佢地,e個係正常,但……唔表示就可以控制人既生死權,最基本,你自己既生命都唔可以俾自己結束,用宗教角度講,係因為你既生命係天主俾你,人性既角度去睇,你既生命,有唔同既人,由細到大,有支持過你既人,有好好對你既人,你死左,你對得起e d人嗎??一直對你既支持,原來都只不過係冇用,自己殺自己都唔得,更何況係父母??

  另外,你知唔知墮胎,對女仔黎講有好大既影響,唔講心理,心理既情況有大有小,就生理黎講,23歲既女仔,好才咪冇事low,唔好才第日冇得再生仔啊,如果個女仔係中意小朋友既話,咁…….女仔傷害既程度係唔係應該好高呢??23歲就冇得生,好慘low,你要明白,如果墮左係有不孕既機會,你又點睇??當然啦……..我唔知個女仔同男仔既關係好唔好,愛情去到點,屋企既情況又點,但如果唔係有咩特別事情既話,冇必要去落,佢都有權黎到e個世界,你憑咩拎走e個權,除非….個女仔未夠16歲啊,因姦成孕啊,男同女既關係都ok差,咁等等,如果唔係,我覺得冇必要

  講起墮胎……..再一次諗起我身世既秘密….我相信除左我啊媽啊爸知之外同埋我,冇人知,本來我唔應該黎到e個世界,黎既應該係第二個……唉…….我現在先知原來本來唔係我黎e個世界…..如果個陣佢地既決定唔係咁…..我今日亦都唔會係e度

  今日講23號……郭啟源,都係盡打啦=.=,唉….既然你咁迫我,不過你都睇到啦,我今日打左唔少野,不過我都盡量打埋你呢,哈哈…..中三開始識你,我記得啊,個陣你英文,主動黎同我握手ga,你知啦,中三分班,有三份二都唔識=.=",岩岩識你個陣,都知你係一個好開心既人,但自從睇左你xanga之後,原來你都係扮…..係學校開心下,有時都會唔開心,你原來都係有唔開心既時候,你都係咁易喊既人,心靈唔好受??對吧??未識你個陣都見你成日打波ga la,見你同高綸,但個陣就唔識你地,你同高綸比,一睇就知活潑過佢啦,見你成日,同人吹水,又講下笑話咁,有時真係頂你唔順……你中意打藍球就唔洗講啦,唔洗對自己身高,唔係高就太唔開心,打藍球,生得高係一種優勢,但並唔表示生得矮就冇機會@@,打藍球講既係技術,突然間既速度,爆發力,彈跳力,每日既訓練,堅持信念,心理質素等等,我覺得,生得矮都係一種優勢,起碼過d高佬易過d,打低許嘉偉啊,等佢唔好咁串嘴,生得高就叻咩=.=++我支持你啊,哈哈…..你唔只打藍球,仲踢埋波tim,上年班際我有去睇ga,好多波都係你入=.=,估唔到你咁勁……相信你都知會考就到啦,我有留意過你,你理想係做廚師啊ma,但…..做廚師都要有番d底子,我講會考既分數,你有明確既目標,好事黎,我希望你唔好因為有困難就唔去做……知道嗎??你都好幸福啊,起碼有個女朋友,仲咁開心tim,你女友又幾靚女wo,哈哈……你條友仔,請飲叫我啊,仲有啊,做廚師既時候,俾你間野既地址我啊,我幫"親"你,話哂大家同學,係咪??歐聰做左理髮師,我都會叫佢幫我ga@@,我都好耐冇改look,哈哈…..希望你地都可以達成自己理想……點都好啦,慶幸有你e個朋友仔…..但= =….唔好亂咁講野,今晚都見到有個同明心更加親近既男仔,=.=你地唔好再亂講野啦,彭彭就更加啦= =’仲有個d……都係冇可能ga la,最重要係……..我已經唔想要

P.S 1:夠啦掛,啊源哥,唔好去留啊= =

P.S 2:岩岩睇左留言數目,再破紀錄=.=有11個留言,多謝支持

P.S 3:對唔住,希望你地唔好嬲我早走

P.S 4:多謝B仔= =….你係第一個係電話度講新年快樂既人

P.S 5:多謝啊king,你係第一個係網上同我講新年快樂既人

P.S 6:多謝羅友係日記第一個留言同我講新年快樂既人(岩岩加)

P.S 7:多謝你地>"<,全部都係同學仔第一個同我講,好開心,幾時都話啦,今年既5D好優秀ga la,哈哈……新年快樂啊…..