一起身10點,昨天的事像在幻想世界似的,頭痛了,不過又幾好訓=.=…..再一次想起昨天酒既味道,真係好難飲,我現在飲緊檸檬茶,好飲好多,好過飲酒,想起昨晚真係勁搞笑,我同louis係天台,佢住個間野係天台,但係佢屋企就係樓入面,都好ga,有個自己既地方又大,天台望出去又靚,吹吹下水,發現對面天台有兩個人既身影,一個訓左係度,一個好似??哈哈….超搞笑,心諗,係度搞野??天氣咁凍又上天台,唔係掛=.=,但係諗耐左點解只係聽到女仔聲=.=’,原來係兩個女仔,係度做咩就唔知啦,可能玩掛=.=,仲搞笑係咩,我同louis做左偷窺狂,唔小心望到洗手間=.=…..有條友係度沖涼…..點知望到係男人= =…O左咀….不過佢個度都唔錯,可以成日望,哈哈…..

  今日真係悶到嘔電,無聊係度搵下有咩VCD睇=.=,搵搵下,搵到男兒當入樽@@??買左勁耐=.=,小學個陣買,好似,都成兩三年冇睇過,我老豆都中意睇,我諗係唯一一套佢中意睇既卡通片掛??所以買左成套番黎,睇睇下又幾過引,安西教練三井講過,未到最後唔好放棄,如果你放棄比賽就結束ga la,成個耶穌咁=.=…不過e句真係好有意思,希望各位同學,朋友,值得參考一下,我知班入面有好多都中意打波=.=,中意打波通常都有睇e套卡通片,參考番e個精神,真係唔錯……

  下午諗住做下功課……死火啦,之前仲話做下數,點知一題都冇做,功課都未做啊,頂……死死氣做左一半=.=仲有一半未做,頂…..我唔想抄maths功課,成年咁濟未抄過,唔想好似中四上學期咁,d maths又係麻麻=.=,下學期因為自己肯做先好番少少,phy??好似開學到現在都抄@@,唔想做你功課wo,哈哈…..死火….我拿拿林打完日記做埋個兩條佢=.=,最難個兩條

  做做下,電視又係度講世貿,見到唔少人為爭取個人權益係度同人爭持不下,再一次睇到人性既惡劣一面,每個國家為左自己利益,完全冇諗個百姓既生計??就算咁做會影響到百姓,係唔係應該有d咩補賞,甚至有咩資助??做得農夫,又會有幾多錢過活??若果作為一個統治者,即使是他國既人民利益甚至生計都冇想過既話,你憑咩做一個統治者??

  無意中發現一段文章…..睇完之後,當頭打落黎,漸漸…….開始諗通左??好了……好像已經冇咩事,但係我仲未感受到真正的快樂,至少我不再煩擾,想起中一,中二頭時,和他們在一起時,我係有住自信既眼神同心,自尊既心,和他們分開後,我好像已經消去了似的,我已經慢慢尋找到啦…….嘿……唔知點解好像有住另一種既鬥志出左黎……好像已經尋找到了….哈哈…..

  今日講既係…..8號陳偉明,e個勁秋啦,直到e個搵到一個同我五年既同學仔=.=中一開始一班,中五都係同一班,之前個七件都係中三轉班,e個真係勁秋,重量級勁人=.=,無論身高,體重都係= =……唔該有睇ga同學仔唔好爆俾佢知,我驚我俾佢食左都似,佢亦都係全班身材最勁個個=.=……好驚你low,講兩句俾你捉住黎打,又滅我塊面,滅到勁痛= =……愈黎愈唔中意人地滅我=.=,不過都知你係玩,仲有……就係坐巴士,畢生難忘,同一個巴士站放學,雖然唔係同一部車,大家住唔同地方,好驚你捉住我唔俾我上車,有好幾次俾你捉住左上唔到車>"<谷鬼啊真係……點都好啦……有d野唔好咁死牛一面頸,e個世界,係人去適應e個世界,唔係由e個世界去適應你,希望你會明我講咩,好好地努力啦,又係……少打d機啦=.=

p.s:唔該1A同學聽日記得交錢40大元港紙,BBQ之用,手頭多野搞,最遲星期四,最好聽日收哂….星期四都唔俾當你唔燒@@,當時冇得睇發叔脫衣舞啊,佢係紅館表演ma,哈哈….記住記住

p.s2:啊源好勁啊……陸運會跑6000,跑第一,@@阿達跑到一半就冇氣啦,啊源你係我偶像,哈哈…….我讚左你啦…..不過最多都係3000,冇6000@@