今日班車算係早到,91黎左,我上唔到車,其實只要我去追下就得,都係個句,我唔做d咁既野,一直都唔中意做d違反自然既野,點知94好快就到,一上車就見到阿達同佢個位教會朋友,阿達仲向住我傻笑=.=,唔好誤會啊,個個女仔同阿達冇關係ga@@,阿達點會搵到d咁斯文既女仔啊….哈哈….聽日可能俾人打= =

  一番到去先知,今日miss鄭又冇番,之上次個件事之後,今日係第一次冇番,又有三堂唔洗上=.=,爽就爽,不過又悶呢……上下堂好過,今朝收到會考個張確認書同埋06年會考規則,12月8號啦,又就黎一個星期,正如有人講,唔知點解今年時間硬係覺得好快,我諗係因為,會考就到,心理壓力大,你問番d中一中二,有幾多個會覺得快,個個都覺得好慢,比起個陣,現在既時間可能真係快左….其實只不過係心理既影響吧…..

  今日班入面好興玩一個遊戲=.=……真係放飛機,唔係放人飛機個d放飛機,係真係放d紙飛機,愈黎愈覺得佢地好得意=.=,咁有童真ga= =,搞到今日小息啊,空堂個陣,班友d飛機飛黎飛去,我e d良民想避都避唔到,中左幾次頭,結果課室變左戰場,又可以叫飛機場=.=唔係形容女仔個d啊,亦有人意圖打d飛機落黎,簡稱打飛機= =唔係形容男仔做某d行為個d啊,最搞笑就係飛左部機落左座山度,係座山度爆機=.=,死傷人數仲係不明,需要派救援人員去山邊拯救,小息個陣黃sir行過,個陣咁岩係我企係門口,加上個幾天文台,一見到拿拿林坐座,拎本中文書出黎,個個用9秒9都可能冇既速度好乖咁坐低,行完之後……..緊係再玩啦…..

  英文堂冇啦啦有份測驗,一測測左勁耐,都ok難=.=,唉….又係唔合格ga la= =,小測…..唉……做完又冇野做,係度訓…..我討厭…..我好討厭……我唔想咁靜,可唔可以俾多d聲音我,我唔想咁靜,我一靜我會亂諗野,係個陣我係度諗好多野,可唔可以嘈d,應該係話教書得唔得,起碼有野俾我諗下,唔好令我諗第二d野,好煩啊….我好討厭…..

  中文堂….一句好有意義既說話,人當你冇左既時候先會珍惜,當你有既時候你會覺得係理所當然……e個道理一早就知,唔知點解今日聽番有好大既感覺

  個教學助理代完之後,個個又係度起機= =……飛黎飛去,玩得勁過引,當天文台主任許嘉偉先生報到錫年台風黎緊個陣,個個就即係降機,因為台風吹襲個陣,空中所有飛機啊,戰鬥機啊,一律都唔俾升空,怕有危險……話時話咁就上完phy加chem,咁就放學啦=.=真係快……..

  放學個陣,louis問我聽晚陪唔陪佢去飲酒=.=??兩條麻甩佬,都好ga,唔開心既時候,我唔想咁多人,自己一個甚至多一兩個已經夠…….現在仲諗緊去唔去好…..真煩惱=.=

  今日佢又打左俾我,同我講左幾句說話,已經好煩惱咁諗,點知你又sms我=.=,你認為我係咁既人……ok,冇野好講,如果你係我,你都忍受唔到啦,你現在都唔中意你男友咁對你,唔通我中意咩??你中意咁講我,是但你….我話你知我唔係low,你咁講我好似我對你係假……你咁講我…..我係好傷心你明嗎??我唔想再同你講e d野……你有冇諗過我啊??愛情,請你唔好再接近我…..我講左你唔好再接近我……我已經你完全失去信心,今日你咁講我,我更加冇信心,係,我係一個見異思X既人,我係一個花心鬼…….請你以後咁叫我,我對自己既尊嚴已經落到收拾唔到既地步,再努力咁為一個人付出有咩用??人地根本就唔會為番你付出……我今日再受打擊,我既心情已經衰到唔可以再衰,開心已經向5D班同學借緊,問到心中……我都係唔開心…..你中意咁講我就咁講我…..只不過我想同你講多一次,我對你係真ga…….你係都唔信既話我冇野講,你唔信既話我覺得我講咩都冇用,因為你唔信既話就算係事實,你都會覺得係幫自己作緊解釋,我唔做d咁既野……一句講哂,我對你係真…..你唔信就算…….

  今日講既就係二號仔,歐毅聰啦………e個西利啦,打得唔好聽日唔好call馬抽我得啦,都係中三識佢,中三個陣佢都冇現在咁鬼死活潑,雖然個陣都多口ga la,你係班入面,算夠出位啦,成日上上下堂爆幾句笑話出黎,你係增加上堂笑容氣氛既同學之一吧,個陣我仲諗住你係個d好差既人,直到我睇到你日記……你對你個個女友既事,同埋你個次化學堂喊……我就對你軟左….睇番之後,有一樣野同你好似,你係學校玩到好痴線,番到屋企就唔開心,咁似我ga??不過我同你唔同既就係,我唔係玩得好痴線個d,不過我都係番到去就係自閉既時候,快樂….好似好耐都冇走過黎我身邊,你話你想做理髮員,又話想做警察,好事黎ga,不過你知道啦,做警察好似要你個底好會優先考慮,你唔好做d衰野出黎,有目標係好事,我諗你都唔會升番上去ga la,你都唔想升,唔知你會唔會去ive都好,我都期望你出到去,可以做個堂堂正正既人,我相信你係…….起碼你冇機心先,只不過係好中意玩,係咪??我對你有信心ga,係我眼中你只不過係一個大細路吧……係咁多先@@

p.s:同明心真有"原"部機壞完,昨日到佢壞=.=我部機冇事佢就壞……真係搞笑