b  8  唔開心嗎???每人都有……因為唔開心導致心情差,以去講人既話,其他人一定唔好受,唔知係唔係唔開心都好,我討厭俾人無理的吐罵…….為什麼從來我只有俾受氣既份兒,我從來冇出氣既份兒,係因為我唔想他人因我以唔開心,我明白俾人罵的一定會不高興,所以我沒有這樣做,為什麼其他人未曾這樣想過…….昨晚,今天,一直都不太高興…….

  上英文堂,曾sir講左句幾有趣既說話,"我地左面有山,綠綠一片,右面又可以望到大海,環境真係好,但係我地d學生都係唔識珍惜"講完都冇咩野=.=,跟住就彈多左一句"你知唔知我地學校幾時開始衰落?"個個都唔知= =,佢就答"起左鴨利州大橋開始,成把劍咁桶埋黎既學校度,殺死左學校",歐聰仲爆多句仲搞笑既野出黎"咁我地咪成日係把劍度跑=.="我心諗,會考之前個幾日,炸鬼左條橋佢,咁今年會考成積一定好好,哈哈…..上曾sir,有時好悶,有時有好鬼死開心,今日係度同d同學串嘴,真係好掂….哈哈……成日串d上堂好中意講野既同學仔,都唔夠佢串……佢先係真正既吵架王,哈哈……

  小息,輝輝坐左我個位,我坐番佢個位,七周問歐陞借手錶,咁輝輝就拎左啦wo,咁七周睇完,輝輝就放左隻手錶係我度,我就完全不知情=.=,咁就開始上maths堂啦,咁歐陸唔見左隻錶,係度好唔開心啦,咁搵唔搵,搵極都搵唔到,終於驚動左女王miss鄭=.=,咁就搵,點知係我度搵到,慘…..= =好似俾人老屈左係我偷咁,不過,個個都當冇事啦緊係,但我好似過意唔去咁= =,唔好諗錯啊,我唔會做d偷野既事=.="‘,唉…..好自責>"<下次唔俾人坐我個位啦,唔係一陣放左d咩入去= =

  宗教,化學,呆下呆下咁過= =,跟住就緊係大家都好痛恨既物理堂= =,我地又係佢堂串下,玩下咁,我e d一直都係睇= =……但係我心入面都好支持佢地,連劉自都話,都唔知你up咩= =,跟住我地上番去測驗,係咁打去塊板,我地個板度寫住小矮人,鬼唔知即係黃錫年咩,跟住個個係咁中番板,輪流中=.=,我都打幾野,家陣個個小息,食完飯,都走埋去打兩野= =,打到塊板已經凹左,我估就黎爆tim= =,可想以知幾多人憎佢

  測驗,測MA,一見到份野,比我想像中難=.=本來諗住e課咁鬼易,一定可以好高分,家陣我諗合格冇問題掛,高分就好難,放學,細佬話請我坐的士=.=,鬼咁開心,點知條友又趕又搵唔到的士,我地死死氣坐巴士,佢就唔知去左邊= =,頂…..

  今年睇黎都係冇頸巾收ga la,兩年都冇啦>"<,其實我應該有兩條,但實際上我得一條,點解??因為啊比個個一直都冇送到我手中,佢個個仲早過飯飯,中二ga la,我一直都冇收,佢……今日都唔知點,自從上次個件事,一黎冇咩點見佢on,二黎佢都冇搵過我,上次一事,你真係把我弄火,我冇真係爆哂咀咁嬲你,不過我就用一d好尖銳既講野,黎同你講,唉…..你想送俾我個條,今日我諗已經係堆填區,因為你男友叫你唔好要,如果你早d同我講,我會拎番我三年前冇拎既野…..實際上,就係得一條,今日拎住佢……再次諗起你,個陣我冇叫你俾我,個日既聖誕節,你送俾我…..我驚奇後好鬼開心……原來有人係背後默默咁為我做緊野,真係好多謝你……起瑪我冇叫過你,你都會咁做……起瑪你真係有心為我咁做…..可能佢唔係好靚,但係份心意已經夠……我一直都有同佢講野,e個世界仲值待我講心事既野,就係d死物同埋我之前既倉鼠,今日…..我已經去到要去求人俾我…….當然最後緊係冇,都知佢地要俾好多人,但咁多人之中,冇個係有我份…..是但啦…..如果要人求你先肯做既話,我總覺得冇左份心意……今天,一諗到,心就酸左…….

  聽日去青衣ive參觀啊,下午個d堂唔洗上,正爆,郭啟源,又話打日記啊=.=我到暫時為止都未見啊,你昆左我幾次