仲係好煩惱,同昨日一樣,我從來冇咁恨過自己,我好嬲自己,點解我會咁,我好煩惱,我到底應該點做??係唔係應該維持現況,做d行動,還是放棄??我好恨我自己點解會咁,我好自私,點解有人係後面咁對我,我反而冇好好咁對佢,我反而另想第二d野,點解我會諗咁多,根本係冇可能既事,其實唔可以話冇可能,可能性極低既事,我都抱有期望,下午望住個天空,個鼻酸左一下,有d想喊既感覺,好恨我自己,到底我幾時先可以諗通,我唔想咁,但係個心卻要我….唉……我唔想做一個咁既人,夠啦,我好恨我自己……點解要咁wo……….

  多謝timtam同埋英國既你,昨晚既問好,但係我都冇講到發生咩事,因為e d野我唔想話俾人知,怪我自私都好,我唔想講出黎,但一黎我唔想我默默忍受,啊比我諗佢都係想問我咩事,係咪??我見你睇緊我日記個陣,我話唔好問我野,我唔想講,希望可以快d睇化d,唉…….其實我最想係個個人睇到…..

  對上一次喊,已經係上年番大陸既時候既事,公公,老遠趕過黎,為左係見我個一粒鐘,都咁大年紀,我唔想見到佢咁辛苦,佢叫我仲話我乖,自問自己唔乖,我唔係一個好仔,亦都唔係一個好男友,我咩都唔係好,仲有d親戚朋友送我落去,因為我三年冇番過去,上年番過一次,對上一次已經係中一個陣,番去個陣爺爺仲送我車,八十幾九十歲啦,唔係佢遲結婚,佢e個年紀,有曾孫,走個陣係火車上面係咁忍住忍住,直到走,訓覺個陣,我忍唔住……我都只係整個假面具俾人睇,我冇事,我好堅強,我有好多野要做,但係我都係人,我冇讀好書,亦都唔係叻仔,你地既希望某程度上做左唔少壓力俾我,再諗番今日,今日諗起e件事,都唔可以話一件事,只不過係我自己想好多野,點解我會咁……第一次咁恨自己,唉…..夠啦

  聽日番學,成堆功課,我仲有化學未做,都唔想做,唉…聽日番去抄啦,希望彭彭仲可以番到黎啦,不過我都係冇抱咁大希望,唉……發覺世界係冇可能有公平既一日,只有接近公平既一日

  一開始已經想抒發出自己感情,我想講好耐,我唔想屈住屈住,你話我憑咩,其實我都唔知憑咩,只係知自己唔想點,點解我真係唔知,所以只能一笑置之,最近心情起伏不定,都唔知點解,真係好想有人肯聽我講野,應該係,由細個開始,已經係,有人話你細個最缺乏咩野,大個就係你最想另一半想俾到你既野,可能細個從來冇人肯聽我講野,甚至係黎玩我都唔定,童年除左幾個幾好既朋友外,我過得一d都唔開心,好多隻劉勤個陣幫我鬧番恰我既人,可惜你已經去左加拿大,你同埋家樂仔走左後,我只係得番聖堂個班友,可能曾經開心過,亦有迷失過,我好想有人肯聽我講野,我一路以黎做俾人睇好似好堅強,好似冇咩事,其實我本身就最有問題,我自己都拎住個假面具,因為從來都冇人問我,內心心處係點,冇人想我除低個假面具,到底我係度做咩,某彭,其實好想你俾msg我,暫時為止都係冇,其實都幾失望,算啦都係,你都唔俾,咁我覺得自己都好無聊,加上可能阻住你快樂既時光,可能係我錯,我仲係度思索過以後既日子仲應唔應該打俾你好,飯飯今日講佢俾個fd係後面抱左一下,都幾無奈,呷X??唔知,我個陣已經冇哂感覺,佢以為我嬲,我話唔係就厄你ga,不過我已經俾好多野煩住左,你只不過係加d油上去,整大我既煩惱而已…..我唔想再諗,停止吧

  算啦,發完傻,其實都唔係,一段心底話,想講想打,上宗教堂真係宗宗下,條決係咁講聖經,又冇d生活野,又冇d自己睇法,悶到想死,李副校就唔同啦,上佢堂不知幾精神,李副校你要我地留意一句好重要既說話,直到一年後既今日我都仲記得"失敗既人係把周圍所有既困難當作失敗既借口,成功既人係把周圍所有既困難當作推動力"我會做成功既人ga la,你有好多名句我記到好實,我唔會忘記,係我一生都需要用

  歧視??今日唔覺意聽到班死仔係度話某學校有個基佬做d咩做d咩,又話好變態,人地私人都爆哂出黎,性取向人既自由,我雖然由細到大聽聖經講同性戀,唔得啊等等,我個人就唔同意,性取向係點我唔覺得有咩問題,最緊要佢自己個格係點先係最重要,我學校係男校,讀左五年書都未見有基佬=.=’,怕女仔既就有,我都有個網友,粉粉,男仔黎,佢都係同性戀,我唔覺得有咩問題,咪又係好吹得,唔好咁話佢地啦

  louis,即係匡棋,某彭,你現在知啦??,今日俾我得知一件天大既秘密,唔怪得你話因為有做過個d野所以唔分得啦,亦都唔怪得你,但係你地之間有好多誤會,咁多年黎,又分又合又分又合,今日又聽你講合番,可能遲d又分都唔定,你同小歐歐都係d出去玩慣既人,但係你總比小歐歐好,今日小歐歐又睇中第二個女仔,好兒戲,但係你唔同啊,所以你都係出去玩,但係你某程度上比佢成熟,比佢叻得多,真係ga,下次唔好再為e d野,眼紅紅啦,哈….我唔慣好似上年咁,兩條麻甩佬係個街度吹水,女仔就話o者,係咪先,哈

  細佬啊細佬,識左你五年,五年你都係傻下傻下,成個細路仔咁,你唔可以因為屋企人迫你就選英文B,你都知你英文係好差好差個種,細佬啊細佬,唔可以咁冇主見ga,如果你考B,你一定要操好D,我唔想你拎d唔好成積,我都唔想睇住你死,不過你又係=.=’,我都未見過有人仲煩過我咁差多倍,成日問埋d勁廢既野,又做埋d咁廢既野=.=上堂又唔見你問,又唔夠自信,出黎同人講野,次次報告都係我出去講,俾d自信自己,做番成熟少少,老實講,你同中一個陣係冇咩分別=.=’唔會大既細佬

  初戀既女仔,今日我同佢講左陣野,曾經恨佢,但係我覺得恨係冇用,反正恨都改變唔到咩,唔打咁多啦,你好好地搵番份工啦,讀唔到書就搵番d技能,好好地做啦,今日打好多啊

p.s:某人去完BBQ,唔該就飲番多d涼荼,唔想見到你花面貓,盡等你啦

  我到底係度做緊咩,我自己一d都唔知道,曾經有人問,你最難控制既野係咩,我答自己,我唔可以控制到自己對人唔同既感情,想同現實係唔同,唔知點解我會咁諗,我都唔想咁,但係我…..好辛苦啊……點解要咁,唉……好煩啊,從來都未試過咁煩,俾兩件事煩擾中,第一件係幾前既朋友,第二件係現在既……唔講啦都係

  你話我日記好似作文咁,講起作文,其實我曾經係香港教育城個度投過兩次槁,有一次仲要係精選文,好鬼開心,呵呵,上年既事,一個係借一件事諷刺某人,一個係用錢比喻選擇另一半既條件,曾經寫過,冇ga,隨筆黎ga,唔係好多字,個陣有諗過,用咩筆名好,tody<<e個英文字係阿比幫我改,中二個陣俾我,一直用到今日,廢事啦,tody好似女仔名,不過是但啦,我係遊戲,係網友之間先會咁稱呼,平時唔會有人咁叫,但係諗諗下,筆名wo,緊係唔好用英文啦,本來想問阿比我應該用咩筆名好,反正英文名都係佢幫我改,佢又諗唔到,咁我當時就想到叫忘憂,想忘記好多煩憂,但係到現在都做唔到,太失敗啦

  飯飯今日去貓展,我已經叫佢影埋相俾我,我都好有愛心ga,哈哈,期待你俾我既相,彭彭叫我聽日去BBQ,好明顯就冇我心啦,我咁熱氣,個鼻紅鬼左,再去我驚會死,不過如果你係想見到我,掛住我既話,咁就算啦,算你有番d心,哈..都唔知係咪,手機上面有你半個臉既相,冇你成個tim,失敗

  個鼻已經冇咁痛,兩日後應該就冇咩事,e兩個星期就會有新prefect,我地會同新prefect一齊當,同埋教佢地個個位點做,死火啦,我d頭髮咁Q長,新個班實捉我=.=’,現在個班個個都識,新個班個個都唔識,死火,我諗兩個星期後要剪頭髮啦,唔剪唔得,岩岩先知我仲有phy未做,唔想做tim=.=’,聽日番去抄啦,我係懶鬼,哈哈,做03年英文課程甲,paper2,都有五十幾分,=.=’好屎,但係佢話個年3x分就拎E,47分就C,咁我咪C到B=.=’,有冇咁勁啊,我全部撞,一定係假=.=’點會47分就C

  今日訓到十二點半=.=’聽日又要早起,唉..早d訓先

  今日根本就係音樂日=.=’一朝就聽飯飯唱歌,晚上就聽彭彭個班姐姐仔唱歌,聽左成日歌,原來彭彭係個個人=.=’,仲話左面,唔怪得我諗黎諗去都諗唔到,我個陣就想問,我好似見過右面個個,好搞清楚左定右啦= =’,巴士站度最留意三個真光女仔,唔係話靚先留意,其中一個原因係好似同期,總之唔知點解就係留意三個,真光ga,其中一個就係彭彭,唔係掛,係你,仲有一個同你差唔多高,有眼鏡,仲有一個就好遲先會黎ga la,好高ga,冇眼鏡,多數坐小巴,唔知點解就係比較留意,估唔到係你,我記得個陣你有眼鏡,跟住唔知點解冇,個陣心諗,哇,冇眼鏡靚d咩=.=’好似惡d咁wo,唔好話我成日睇女仔,真光黎講係成日望e三個,點解,我都唔知點解,哈哈,下次你搬番黎,係同一個巴士站定同一部巴士,見到你,我會同你點頭講早晨 ga la,唔好唔應我就得啦,個陣叫你成日交叉隻手放棄心口度,好似好嚴肅咁,估唔到,係你

  唔好以為我今日坐係個度,係度發呆,其實不斷係度聽緊你d既對話同歌,我又係度睇下d歌詞,睇到你地,又睇番其中一首歌叫朋友再見,入面d內容我真係呆左好耐,加上個個導師問我點解冇去,我笑笑口咁話唔想講,其實都幾……係low,睇埋之下諗起好多野,同你地好似,我地係成班男仔,仲多過你地,而且我地有埋d二十幾歲個d,成班人一齊玩,個陣好似你地咁,電腦室既負責人,不嬲都係德哥拎住,個陣曾經有諗過俾我做,因為我係個度係最耐,三年班到中二,由細睇到大,個度多數都係小朋友,加上有少少電腦知識要應付唔難,個陣曾經話要我做,叫我好學下d對小朋友時既野,個陣你對人真係十分好,而且仲做埋我地成team人既教練,但係估唔到,係我俾人老屈既情況下,你冇幫我,反而信佢地,我真係……唉…..今日問番個度d人,中tim做左個度負責任,都好ga,中tim,係成team人黎講我覺得係最成熟,最有責任既人,而且你個陣曾經叫我番去,我想番,但係受到其他個d,我真係頂唔順,諗完,彭彭就冇啦啦行埋黎,你眼望我眼,哈哈…….

  英國既你,你受到咁多傷害,真係唔好意思,個陣我冇理到你,今日我見唔到個陣你既笑容,所以我決定要幫你,你今日問我點解要幫我,我都係個句啦,完成自己理想,你可以話我傻仔又好昆你都好,總之答案就係咁簡單,你係我現在一個可以點幫你開心番既人,我諗我又要諗d咩野出黎令你知更多,識你咁耐,你唔係我中意個隻,你又係唔同d ga,你又係文靜少少個種,大致可分兩種=.=一種,彭彭飯飯型,粗魯,活潑,二種,你同埋阿比,我都係比較中意第一種人多d,點解??冇得解,哈…..彭彭,唔好諗野先=.=’,所以你放心,唔會對你有非份之想,雖然你靚,但係我唔會有,放心

  明仔,乖左wo,我真係覺得你唔好做M記,一黎份工唔係咁多人工,同埋散工黎,我寧願你做番包野個d師父,係間酒樓做仲好,加上我仲未去你間野試下你d野食,你成熟左好多啦,個陣你仲係成日去玩女仔,老實講,個晚鬧左你咁耐,因為個陣msn有兩個人,一個係你,一個係英國個個,一個係玩女仔,一個係俾人玩好多次既女仔,好大對比,所以我鬧你,現在,好左好多啦,你都識講聽我話,改左好多,太好啦,少左好多女仔受傷,哈哈,放心啦,遲d會搵到你中意既人,你十幾歲,大把時間

  前幾日得知七周既爸爸係死左定唔知離婚,都幾慘,唔怪得佢咁啦,佢好叻ga,唔讀書,d理科分分鐘鐘仲勁過我,如果佢係讀,一定勁過noel同迪迪好多,七周既性格我好清楚,佢唔厄男仔,我只講男仔,女仔就唔知啦,佢做得出佢會認,男女都係,好爽快既性格,真係一個可伶既人,彭彭叫我拉我個d人去,我想講唔好啦,點解??一黎分兩種人,一種好驚見到女仔,二種,為左溝女生存=.=’,我諗佢黎都係為左識女仔ga la,雖然個度陰氣太重,我覺得似去左個女校做男仔= =,不過,唉…..真係唔想佢地黎唔係真心對上主,係黎溝女,所以我都係三思先

  拎住份會考報名表,一睇心到震埋,唔睇都唔知,要會考啦,個種壓力唔知係邊度就打落黎,考A定考B,諗緊中,不過我英文咁屎,考B肥佬機率都好高wo,唉……報名費都成七百幾就黎八百,都冇咩科唔讀ga la,係啦,只好加油=.=’

  出去食野,今日係我有生以黎,岩岩好番係門口附近打鐘,好在入面個d守門口既prefect我都識,通容下就入得,哈哈,都係間野low,幫親左佢咁耐,今次鬼死咁耐,差d遲到,都唔係路,我同我班個d都係,七八條友,跑番學校

  睇70週年既DVD,最後李副校好開心,好似有喊,佢話多謝,我會好唔捨得e間學校,就向成班老師谷公,個陣我同埋班死狗班兄弟係後面,原來我都有個網友係個間讀,不過就岩岩畢業去左ive,有佢幾張相都真係好經典,希望你好好搞好個間學校啦,雖然個間學校好似仲差過A記=.=",加油啦下,學校到現在現在都未搵新副校,DVD個度舞台工作人員係寫住中四D,緊係啦,我都咁有做大show經驗,唔搵我地搵邊個啊,哈哈,不過今年慈幼來華百週年我地就唔好做啦,因為要會考,師弟們,好好都幹一番,中一二個陣就諗我係聖安多尼升上黎,我唔衰得俾第間學校d人睇,現在好似冇左e種感覺,從而代之既係,我唔想出到去d人睇死我地low,雖然的確自己知自己係咩料,係low,我真係唔想

  聽日應成左彭彭去教堂,咪去下low,順便睇睇係唔係細個個陣去過個間,反正佢又想我出黎見佢,咁冇咩所謂,係low,不過對你印像真係唔多,真係唔好意思,一黎我冇咩留意,哈……個鼻好痛啊,聽日冇面目見人,等等下訓左,哈哈……

  同飯飯嘈完一陣,好在都搞掂,我要再加強,係好大壓力下我要保持本身既理性=.=’,有時都係咁,嬲完一陣,第二日諗番又好似冇咩野咁,有時唔開心睇黎我都要離開現場,冷靜冷靜先得啦,其實自己本身又唔係唔冷靜既人,係有時唔知痴左邊度,點都好啦,同你講又得,同所有人講都得,我黎同你傾番,唔係想同你講你岩定我錯,岩錯唔係d咩野,我本身都有錯,我首先同你講對唔住,我係想同你講番自己既感受,想聽你點諗,跟住講出辦法,唔係黎講,你錯哂,我要你講對唔住,唔係ga,反而我要先講甚至講出自己既感受,自己係點諗先啦,所以你地都係啊,同另一半,定係同朋友嘈,唔係講你岩我錯,我岩你錯,係講出雙方點諗啊,好多不必要事情就唔洗發生

  話說今日PE堂,唔知邊條友仔個波咁準,飛中左我對落某部位,我就同番波友講,唔好意思中肚,休息下= =’,勁痛冇力,好在都冇咩事,番黎個陣仲有d隱隱作痛,現在已經冇野,望番個藍球又諗起佢地,個陣同佢地一組ga,我係射手,冇計啦,個人唔係高,又唔係特別快,唯有係遠程落功夫,個陣一放假就去啦,唉……都係個句信上主俾我既路,我相信仲有更好既野,曾經踏上個條路,諗起唔少回憶,細個係華明中心度玩,同個度d人好熟,但係又點啊,今日有去外國,有去左第度讀書,有個就同我嘈,知唔知啊,朋友??同埋後期個d波友,德哥哥,細細個咁叫你,中一二個陣已經唔係,一直都覺得你好好,點知連你都咁,我想講,最近搬黎南區個間明愛,其中一個學生就係我個陣識左好多年既朋友,因為一個女仔嘈,難做啊……..

  phy堂,條友都傻傻地=.=’,自己派野派得慢又講咩人冇交,又講咩人做得唔好,跟住又檢查有咩人冇做堂課,係咁走黎走去,又遲左成個字入黎,你係e度都用左好多時間啦,話我地用哂你d時間,冇野啊=.=’,頂你唔順啊,朱朱真係慘,係咁俾人話,佢走左之後,我地係度狂爆粗,平時靜默既我都不禁what the fxxk,有交話人冇交,o哂嘴,頂你唔順啊

  測兩份野,兩份合格率都勁高,A.maths計番都有一半分=.=,太失敗,錯得太失敗,唔係我唔知咁低分= =’,maths冇咩點留意,因為太淺,wakakaka,俾d某人maths唔合格串下先,冇話邊個啊,自己估啦,特別係速成土竹第二個個個啊,哈…….

  今日70週年DVD都送番黎,緊係睇下啦,話哂個晚做到勁辛苦,第二日係唔郁得,好,收筆

  小歐歐今日冇番,咁岩見到icq inf什6住,冇左你好唔開心,一早估到佢昨日咁火係因為e件事啦,佢今日唔番,八成都係因為搵佢女友o者,後悔??定係咩??你好在佢可能仲會理你,唔好在佢唔會理你,就算佢選邊個,都唔係錯,因為先錯既係你啊,當你知道錯既時候,真係好啦,希望你知道啦,我雖然中一中二唔係同你一班,但中三開始同你一班,你一年比一年頑皮,我相信唔只我,好多人都睇得出,我只係想你正正經經,好好咁做落去,唔好再成日咁啦,好易俾人打死,係啦,唉………

  英國既朋友你好,一直以黎我都係用ICQ or MSN傾過下,從來都未見過你,原因係你住咁鬼遠,新界個頭,都唔識去= =’,自從中二中三,你走左之後,一直都唔安樂,總覺得你去既原因唔多唔少同我有d關係,因為個陣我知道你係唔想去,但係聽到你要去個陣,都冇咩感覺,點解??因為個陣我嬲你,嬲你點解厄我,小事就唔緊要,係大事,雖然一直都只不過係網友既關係,但係我唔想用厄可以得到d咩,消左淡氣就唔安樂,你個陣唔開心,我又唔鬼理你,諗番起個陣既我都太自私,可能你會有點討厭我,曾經想挑戰我,但係我講既又係唔係呢??我想你明白我既意思,以唔係想同你嘈,所以今次我主動搵你,平時都係你主動搵我,我想改變自己既做法,我唔想同你嘈low,冇咩好玩ga,同埋你對愛情個種痴情,我諗你都係快d改左佢,會害死你,好多野唔係得愛情我相信我唔係第一次同你講,亦都唔係第一個同你講,係啦,總比之下,你比起以前成熟左,好事黎,希望你會明白更多,暫時黎講啦,你係我識,係識,咁多女仔中外表最好既一個黎ga,係啦,唔係讚你,的確係,放心啦,唔會因為咁我亂做野ga,哈哈…..我唔係放咁重係外表,我諗你都知我係咩人

  今日先知水運會我地班係全場第一名,個陣都唔知tim,太勁啦,我地派最屎個d都第一,唉……你地,唉…..我地不愧係精英中既精英,俾番一d書友仔,下年番唔到黎都可以有回憶ga,可能係我,哈哈,唔洗補DT,爽啊,番到黎,見到本書仔,係我細個個陣既日記,個陣係寫,小學一年班買,小學個陣都係寫下唔寫,中一都有寫我同初戀個個d野,都幾幼稚,哈……跟住到中三先寫最多,幾乎成日寫,寫到爆哂,個陣3A班,基本上係死狗班前身,70%都升番同一班,因為3A班又係成積比較好,今年開始中三冇分,我個陣仲有,個陣又幾開心,教我中文個個老馮,勁變態,勁惡死,特別係day6最尾個4堂,連上佢4堂,開學個陣,好似啊羅友一睇到連續4堂老馮,就大叫,X街啦,4堂老馮,都幾好笑,睇番好多野,唔知,三年後既今日睇番又會唔會係咁??

  彭彭話我成日係日記講最多係DT同phy,咁就要俾多d心機,咁我成日講啦,我咪…..哈哈,咩意思自己諗啦,打俾你勁多次冇人聽,你豬黎ga,訓左咁耐,太差啦,飯飯補完習打俾我,同你傾,我都係聽個個,冇計啦,對手好鬼中意講野,哈哈,聽到你學校既趣事,你個班書友仔都幾得意啊,見你學校生活咁開心,真放心,反而啊比就= ="…….好,聽日兩個測驗,準備好哂

  精神不足,好想快d星期六,大訓一覺,想訓到幾時就幾時,最正,聽日DT又要加時做工件,後日又要測驗,中文都好似要測驗,今日有時間都唔想讀書=.=’想訓覺多d,去外國都幾好,起瑪冇香港咁,時間咁迫人,呵欠…….

  今日都冇當過值,太懶啦我,唔想又落又上咁,唉…..想死,小歐歐今日心情就真係麻麻,睇黎同佢女友分手有關,從匡棋身上得知,佢成日對女友呼呼喚喚,我就唔知係咪啦,如果係咁又抵佢死啊,女友拎黎錫,唔係拎黎so野,俾人睇自己幾勁,唔係話自己女友好靚,放出黎俾人睇好似溝到好勁,我唔覺得low,跟住個陣恰啊輝輝,輝輝咁乖,除左懶d,成日打機唔做功課之外,都冇咩野,你憑咩搞人,仲要拎人d野,跟住仲推佢,好在個陣冇人o者,我真係有d睇唔落眼=.=’,激死,一眼就睇得出佢心情幾差啦,唉….自己反省下啦,你真係做錯左啦,你同住你之前咁多女友除左諗住心字邊加多個生既字,仲識咩,我直接d講,你真係唔識low,都唔知點同佢講好

  第一次去補啊咩sir,唔識打tim=.=’,佢退左休ga la,但係都會年年番黎補phy,我聽佢講書好過現在教我個個,幾得意,果然係係紅館度舉行過坐談會,係有d料,你話教我個個係佢就好,再唔係劉sir都好>"<,好過我個個

  番黎都五點幾六點,沖個涼,呆幾呆,打俾彭彭,冇啊,吹陣咁low,又唔想溫書,因為好累= =’,先知你病左,睇你xanga仲諗住係唔中意個種feel,原來係真係病,早d講啊ma= =’,記得食藥,早訓啊你,不過聽你把聲又好似冇咩事,咁就最好啦,打完都仲係好想訓=.=’呵欠~~~~~

  昨晚訓得勁辛苦=.=’訓唔到咁,訓訓下又訓唔到,搞到一起身好似死死下咁,勁想訓覺,一諗到今日有三堂phy,已經唔想番,番到學校先知我中文未做,而且又冇拎番番黎抄,冇計啦,唉…..今次真係欠功課>"<我個紀錄咁優良,DT今日成二十人冇交,你地係唔係路啊= =,睇我幾乖仔,我就有做啦

  宗教堂=.=’個阿sir勁…..唉….我都唔想講,佢成為我第二個唔中意既阿sir=.=’,當我當完值,好開心咁上去既時候,點知二樓見到自己班落緊去,仲諗住有咩睇,原來落去排對,唔係啊化,我好無奈=.=’去左當值都唔知咩事,同班友去下面排對,睇大家都知唔係好耐煩,不過班友又係嘈ga,平時我都知,不過我真係唔覺咁做,班友會學乖=.=’而且我仲會諗佢地可能更差都唔定,教佢地唔可以用e招ga= =’,佢地唔會服,好掛住李副校啊,上年好中意上宗教堂ga,我諗我地班好多書友仔都係,李副校講野好有力,有時有幾搞野,我上佢堂好有啟發,現在=.=’唉….個個就差d啦,點解李副校要去第間做校長>"<

  三堂phy,第一堂冇咩事,第二堂尾已經想死= =’,咩都諗啊諗啊,勁想訓覺,班友好似死死下咁,我都就死,好在跟住有五分鐘休息o者,唔係我當場暴斃,死鬼左,訓下訓下,訓左落去,唔係有人傾下計都唔識起身,冇計啦,加上昨晚訓得唔好,好似冇訓過咁,成日冇咩精神,番到屋企諗住做hw,點知又訓左=.=’,阿媽入黎叫我沖涼先起身,痛苦

  聽日又要補課啊,到五點走,今日有個書友仔問左我一個問題,你覺得自己係唔係一個好男朋友??當堂呆左,笑笑口咁問番佢,你認為係唔係呢,哈,諗番自己啦,又唔係生得特別俊俏,份人又唔係特別好,有時仲做唔到d咩,都會覺得自己係一個唔合格既男朋友,係啦,所以曾經中意過我既阿比,你好在啊你,我咁衰,如果個陣答應你,你就慘啦,我都係覺得自己唔係好,唔知你地又點睇呢??哈……真委屈飯飯啦,要你接受我(笑)

  唉…冇事啦=.=’搞掂左隻彭彭,真係怕左你= =’,次次都係咁,我咪好唔掂,乖啦,下次唔好再搵e d野搞啦= =’,玩多幾玩會玩死我,仲有啊,快d俾我啊你,今日係咪有fd係你屋企=.=’,咩你都會同你個fd講我d野咩=.=’,仲諗住唔會tim,係啦,記住俾啊你

  我既飯飯,哈……你今日睇左神話套野,又令我諗起我玩神話online個陣,現在隻野愈黎愈廢=.=’所以都冇玩,玩左兩年幾,中四開始就冇咩點玩,中二中三個陣玩得好勁,好掛住你地啊,雖然係game,只不過同你地係網友既關係,有台灣有大馬,你地都好好玩啊,現在都各散東西,有好多都仲有傾ga,maggie啦,timtam啦,蠢頭啦,karmen,仲有好多好多,都廢事數@@

  飯飯今日俾左msg我,睇左心情大好,多謝你啊,你同我講,聽日會凍,聽日會落雨記得拎傘,唔好好似上次咁病親,好甜wo,我都有睇網上新聞都知e幾日會有涼風,你咁同我講我真係好開心,你係第一個,可能都係最後一個都唔定,因為都唔會有人咁同我講ga la,我中意你咁關心我wo,因為我中意女仔識得關心我,關心我既女仔可能會愛上佢都未定,哈……真係好開心,不過你又唔係第一次咁同我講ga,不過有人咁同我講我真係會開心low,我愛你wo,老婆仔

  明仔,有時都會同你傾,雖然我同你係網友關係,中三出黎做野係辛苦d ga la,你屋企咁係會俾壓力啦,有女朋友未必好好ga,係咪??唔好因為同屋企人嘈搞到自己咁,又想死又想點,我知你之前一定係唔開心,點解??一個中三冇書讀既人,一黎學校生活就唔開心,二黎屋企都係唔開心,昨晚同你講番好多野,今日見你就冇咩野,點都好啊,唔好諗死啦,你唔想成世做點心仔,就諗下進修啦,得閒既話我會去你個度食下ga la,睇下你整得好唔好食,哈,不過你咁遠,九龍個頭,得閒先啦

  今日睇番小歐歐女朋友既日記先知分左手,三個星期即一個月,真係快左少少,大佬啊,我初戀,點衰都有兩個月啦,見佢睇得好開,睇得出佢有用心,唉….小歐歐佢又點識e d野啊,佢只係識玩,同埋做野太沖動啦,唔識諗,唔識珍惜你,係佢既錯,雖然我唔識你,你都唔識我,本來有沖動用一個某某人既名去搵你,不過,都係算啦,見你睇得咁開,我諗冇事,你d fd都會識做,小歐歐隻死野,唉…….第日你就知死,玩人玩得多第日你俾人玩番就唔好話慘啊,雖然我想幫你