病倒了…….昨晚已經發覺得有d問題,勁辛苦=.=’,今朝七點幾起身,好無力,企都企唔隱,想飲水,都拎唔起,真係不濟,個人好殘,就刷下牙,都仲係傻下傻下咁,已經發現自己燒到38度,難得今日成家人唔洗番工番學,如果係之前既我可能會同佢地講去飲茶啦,但係我病左廢事出= =’,坐係張床度發呆

  可能啊比講得岩ga,我的確好差,我係一個好差既人,信心嚴重受挫,是但,你中意點講就點講,我應該敗陣落黎,我冇能力再去講d咩,應該係話我憑咩好同人理論,我應該諗唔到d咩,你點講就點講,反正我係一個衰人就係,我係做錯個方吧了,對吧??自知自己冇資格……所以今日問左你,如果你係我,你會點??係再落去定係放棄??我都唔知………病痛已經夠麻煩,夠辛苦,加上心入面既事,我已經敗陣,我想投降,我唔想再玩落去,你同我講,叫我唔好再為你,如果我真係可以控制到既話,可能一早就做左,我敗陣,我唔想再咁……可以投降嗎??定係上天你連俾我投降既機會都唔俾,係我做錯了嗎??但我可以控制到自己既感情嗎??可以既話請你幫我,我已經唔想再咁落去,我怕有一天我連個少少既理性都會消失……….

   發完呆,又訓左…..今次訓完之後精神左唔少,一起身我好自動又去左刷牙,= =’唔記得左原來我一早就刷左刷到差唔多刷完先知= =’我燒壞腦??是但啦,今日真係刷左幾次,跟住上下網咁,下午既時間,班姐妹團去左派傳單,我就係屋企溫書………唔係掛??你冇睇錯係溫書,我自己都唔相信,我自己會去溫書=.=’,可能冇咩野做掛,溫A.maths,冇計,測驗就到,唔想A.maths肥佬,咁咪溫下書low,溫左成個下午,溫得個微分同埋個d咩法線方程既開頭= =’,仲有極限同埋睇圖啊,應用個部份未睇過,得番聽日,都唔知夠唔夠時間=.=’起瑪唔好肥佬先,中五啦,要玩都玩夠,好好地做埋自己既本份,時日無多,今日電話量又係大增,通常有A.maths功課交,就會有書友仔打黎=.=’問點做,都好ga,好過番去抄low,maths好耐都冇抄過啦,抄phy同chem多= =

  今日冇出去啊,成日係屋企,所以冇咩好打= =’,今日又有一件話我日記打得多= =’我想講你已經係第1X個,差唔多個個都係咁講,死火,又差多一個人一餐飯,搞錯=.=’,當我打e個日記既時候,我諗我既病已經好左好多,聽日番學唔係問題,聽日努力啊

  另外打多少少=.=’,自己有個咁無聊既特技,手指十分軟,軟到可以貼到手背,搞到個個拎我隻手玩=.=’…..仲有一個,真係可以隨時轉雙眼皮,轉左之後俾人睇,個個都話有想打你既感覺= =’所以平時我都唔轉,係咁先,無聊既一段

  發覺自己好蠢,等了都是無用的,真係唔明自己點解會咁,愈黎愈辛苦,頭好重,鼻水不停流,心情都唔係特別好受,多謝英國既朋友你關心我仲有阿king,果然好同學,真係多謝,我想個個人關心我,卻受到冷落,算啦……我仲可以點??唔講啦,唔想咁辛苦,等落去都係冇結果

  係打日記之前先同B仔講聲生日快樂,真係唔好意思,雖然你有叫我去你個燒烤生日會,但係我冇去,一黎今日要去第度,二黎,你都成幾十條友陪你,多我一個唔多啦真係,總之B仔生日快樂啦,跟住,我現在有d發燒啊,但係我今日又可能幾多野想講,真係字字辛苦=.=’,好啦,前題講完

  首先由昨晚既野講起,本來昨晚都想講,但係唔記得,昨晚傳道問我關於學校既野,對自己學校學生睇法,我咁應佢,學校冇幾個係壞學生,但係有眾多既頑皮學生,同埋就係唔知點解,懶,你話佢地好差咩??係我眼中一d都唔覺,只不過係太懶,有好多好叻既人,好似七周個d,唔洗讀d理科都咁勁,仲有好多都好叻,你話歐聰唔叻咩??我覺得佢只不過冇放時間去讀書o者,我一d都唔覺得佢好差wo,你地覺得noel好叻咩??我唔覺,係佢勤力o者,佢本身未必好過你地,noel睇到真係唔好意思,我的確係咁睇,你地個個都好叻,只不過對讀書冇興趣,一黎個底唔係咁好,二黎對自己冇哂信心,認為自己好似唔夠料,追極都追唔到,所以有d放棄既感覺,係我眼中,你地大部份都係好天真既朋友仔,當你出到社會既時候你會知咩叫奸險,但係今日,你地都係好中意玩,唔會玩到d咩奸險招數,你地同小朋友一樣都係好中意玩,你地有天真既氣息俾到我,任何人聞到都會放心微笑,知道嗎??你地一d都唔差

  昨晚某人訓左,我本來都打算差唔多訓,點知見到阿比,同佢發生爭吵,唔好意思,我昨晚係太激動,我用左好多好尖銳既字眼去同你反駁,去問你既睇法等等,真係唔好意思,可能昨既心情一黎就普通,二黎你講既全部都係我好介意既野,你知道嗎??你講得岩,你有你既睇法,但係我亦都有責任,講整個情況你知,你先講你既睇法,我當然會尊重,如果你知d唔知d咁講我,我覺得好委屈,我唔講番昨晚同你嘈件事既結果,係點,我只係好煩,你係我眼中係好識諗既女仔,所以我好介意你會咁睇,同埋你係暫時我識得最耐既女仔,我同你唔係成日傾,一星期一次咁上下,你會覺得你都唔係好清楚我d野,正如佢都一樣,可能有多d接觸既時候先會知,因為你係我識咁耐既女仔,所以我好介意你咁睇我,我唔係搵借口俾你,我只係講個事實你知,直到現在,我都好介意你昨晚既說話

  一朝俾個msg嘈左起身=.=’,講完一輪又訓,一訓訓到十一點,冇計,昨晚差唔多3點先訓,就算起身我都係冇咩精神,搞到要出門口個陣又訓左,唔係俾同一個人send msg嘈下,可能都唔會起身,跟住就出去派單張=.=’,咁大個仔第一次,發現仲麻煩過賣旗,賣旗好似易少少=.=’又要講,真係唔多識講,點知俾我再一次見到個個人…….一見到你,就有驚慌既感覺沖出黎,真係好驚,好多我小學既回憶出黎……

  五六年級,我自己都認自己係一個好壞既小朋友,真係咩都做齊,除左女人既野= =’,屋企人都半放棄我,有人睇我現在咁,都幾難想像到我曾經都係咁既人,的確,我都想像唔到,我個陣會係咁,以今日見到個個人,就係我當年同我地玩開個陣,最憎既人,個條友好似係黑社會既人,個陣我同我班fd周街玩,就同佢地個班發生d爭吵,佢就成日係度同我地搞,同煩,有次放學個陣,佢仲拎住把刀想殺左我個fd,好在最後都冇事,曾經係旺角附近,同班fd,又見到你個班,我打到你流鼻血,你一野車埋我個頭度,唔想再諗了,我冇出去玩e d野好多年,你都唔會咁易記得我,就算記得我,我唔想你傷害到我現在d朋友仔,好唔想面對之前既我,今日見到你唔係驚你,以係諗起之前既自己,難免有d驚,個陣既回憶好似走馬燈,係我面前度轉,唔想再面對自己了…….

  唔知點解,我派完就開始有d流鼻水,有d頭痛既feel,我好似有d病左既feel,我怕聽日番唔到=.=’,如果聽日仲係咁,真係打字都打得辛苦,打都唔係問題,仲要諗= =’,希望某人今晚去完老銅番黎會陪下我,病左都等你啊,真係…..睇你幾重要,哈哈,係wo,今日番到屋企發現阿媽買左條X煙通,我好少會著,真係好鬼大條= =’,著左我覺得唔著出面個條褲都冇問題=.=’,搞到我好"空虛",希望有男仔會明,"空虛"得黎又好"通風",難怪會病左啦= =’,都好ga,會"涼爽"d,男仔應該明我講咩ga la,哈哈,好累= =……打住咁多先,應該冇咩打啦

  一朝起身就見到有件好神奇既事,坐life落去,11樓停左係度,見到一個婦人同佢個女,仲有個成層樓最高負責人,個女人一野沖入黎,個個負責人,都唔入,跟住狂按山門,係度爆d咩,有賊又唔幫手,都唔知咩管理員,都唔想住e度,睇到我同另一個阿叔呆哂= =",個女仔就係度喊,真係想問安慰下個女,跟住就沖左出去,又見到佢講咩偷哂我d錢= =’,都唔知咩事…..

  死火啦…..今個月尾星期六有家長日啊,曾sir大哥,唔好搵我啊,我真係…勁驚e d野,雖然中一到中四,有成8次,我得1次見左,唔好搵我= =’唔該…..我同我屋企人唔係好多時間應酬

  上chem堂,第一次見到歐聰好似喊咁,好似有眼淚,睇左你個日記,其實唔係今日先睇,前兩日都有睇,男仔……係唔係真係咁堅強??總有軟弱既時候,可能你平時係學校玩啊,好開心,番到去就係另一個人,同我一樣,雖然我唔係你個隻,但係我係學校的確係開心,起瑪可以短暫令我忘記,我現在最煩惱既事,跟住仲做報告,係度吹水=.=’,唉….發現科科都會有出去講野,中三個陣唔識講野,中四中五,愈黎愈有自信企出黎講野,加上對住d識既有咩所謂,最緊要係有自信,唔好驚,上完chem堂我就開始……

  唔開心,你知唔知啊??唉……今晚同我出街個個,一直諗住你啊,好煩惱……..我覺得自己一直都放棄唔到low,唔知點解,本來諗住唔好理你,咩都唔理,一黎你都唔開心,二黎我又做唔出,我……好辛苦…….有人幫我嗎??好多唔開心既事都係心度出現,個心就會麻左一麻,好痛,算啦……自知係不可能既事,雖然上曾sir堂笑左幾下,但係我都係度諗緊你,你知唔知啊??你知,但係我冇資格………

  食完飯,番教堂,個陣唔知咩事,叫我番去,同佢吹水吹左成個幾兩個鐘,當佢第一句同我講,你知唔知我對你第一個睇法係點??我緊係話唔知啦,佢話好有禮貌,跟住佢又問我,邊度學,我都唔知邊度學,我只係知,如果我唔識尊重人,冇人會識得尊重番我,如果我識尊重人,起瑪有d良心既人都會尊重番我,跟住講左好多野,仲俾左幾句聖經上面既野黎問我佢既意思,好多都俾我講中,冇計我叻啊ma,哈哈…….講笑,一黎有底low,由細到大都聽,咁唔多唔少都識d,仲同佢講左我好多野,跟住佢問我對e間教會有咩睇法,我答左三個字,佢好認同,邊三個字??唔話你地知,賣個關子先,想知就黎問我,跟住仲有咩決志,都好ga,反正遲早都要……

  跟住同你出街,等左勁耐low,沖涼都唔講聲,係咁打俾你,其實我想你今晚出黎,係想講你d野,我d野,知下咁,點知你又唔想聽,你又唔想講咪算low,見到你講起個個人既時候,你一d都唔開心,真係令我又妒忌,又心酸,世界就係咁,想拉住你隻手,講咩魔術啊,只不過想拉住你隻手o者,都唔得low,本來仲諗住同你講個三隻字,岩岩msn講左,但係又…..廢事啦,唉…..反正我e d都係冇可能,唔知點解對e方面,我一d信心都冇,好唔開心……我想拉住你,算= =’…….

  祝某人聽日PA考好d啦,雖然冇溫,盡做啦,好冇,令到你咁遲訓真係唔好意思

  昨晚,又有幾個人話我好勁,日記打咁鬼長=.=’,其實只不過係廢話多,同你地比,好易就分得出咩叫又短又精細,我e d又長又多廢話,昨晚msn,同阿king玩地雷,我win一場,第二場我俾佢拉遠勁多,佢差唔多20分,我仲係個位數,咁我咪走佬,即係幾大回應,上兩日同阿發玩都係咁,俾兩條友,打黎係度串我,好在我都串番佢地,搞到佢地火到黎,都估到今日番到去,俾佢地玩死,得罪阿king e d武術高手就死得啦,咩武功都識,又多"機"肉,真係俾佢殺左都似

  今朝見到你,一直都好想問你,你有冇事?最後係上車個陣,我問左,只見你話無,一睇就知係厄人,不過你既然都講冇就係唔想講,咁我廢事迫,因你的事,一直好唔開心,你既野一陣再講,番到去,一開波就測驗啦,maths啊…….35條MC,一睇,有咁多好似做過ga,份野都唔係好難o者,我希望有二十幾題岩,我有三四題係撞=.=’,都唔明點解d人做得咁快,可以訓到,我希望多少少時間俾我諗埋個幾題=.=’個幾題雖然長d時間,份野係發叔出,一講起發叔就……….

  想當年,我仲係中一個陣,岩岩入黎e間學校,基本上小學同學都係其他班,去左一個,咩人都唔識既班度,加上中一,唔係點識交際,現在中一一齊升上黎中五既好似得七八個咁上下,講番發叔=.=’,岩岩入黎,發叔同埋miss嚴做我班主任,個陣有個師兄,奇哥,奇哥一見到發叔做我班主任就講,哇…..你就好啦,發叔做你班主任,上佢堂好開心,的確好開心=.=’上佢堂勁廢,成日講埋d冷笑話,真係想笑都笑唔出=.=’,成日講3分鐘書,一講就講30分鐘= =’,點知發叔中一做我班主任做到我中三,maths俾佢教左三年,炒足三年咁濟,最差去到二十幾分,最高都係六十分,上堂,一轉個面,冇左三份二個頭,點解??訓哂low,個陣d maths咁差,真係好鬼死差=.=’,可能仲差過英文,你知我英文已經差到想死= =’,都估唔到會入到A.maths班,經過中四俾miss鄭教教下,真係好左好多,多謝你啊miss鄭,冇你,我maths就死硬ga la,仲記得個陣好似成班三十幾四十個,唔夠五個合格,想死,現在唔只要合格,仲想高分tim,A.maths岩岩學緊積分,今晚一做就做到二十七題,本來做到十八就夠,因為交功課= =’,點知愈做愈興奮,所以話呢…….現在成積唔好,唔緊要,最緊要肯去追low,雖然我maths都唔係好好,但起瑪冇個陣,成日炒先啦,合格已經唔係咩問題,A.maths就……一時時啦

  測完maths,做到已經想死,點知英文堂又測英文,唔係掛,英文就死得啦,對住d英文,有d對下,有d諗左勁耐= =’,我估都可能炒ga la,唉……做做下,校長入左黎,我估校長可能有d野想同我地講點知我地測緊驗,跟住係度睇我地測驗,焜爺連校長入左黎都唔知,之後先問我地,咩今日校長有入黎咩?想死中

  PE堂,真係唔係講笑,俾阿king同阿發圍攻,我只好走佬=.=’,佢兩條友,見我輸咁多,就俾我走佬啦,狗就狗d,俾佢地追殺中,我見,遲早都會俾佢捉,只好投降=.=’跟住…..咪俾佢地sm low= =’,唔同你地玩啊,都唔俾走佬=.=

  係學校中,你地可以令到一個心入面幾唔開心既人都可以開心,實在有太奇妙既能力,其實我一直都仲係好唔開心,唉…..e個感覺係番屋企個陣已經出緊黎,我想你陪我,但係我又怕我會一直喜歡你,你明白嗎??其實好想你親口講一句,你死心啦,你冇機會ga,可能我會得到解放,不過都係會唔開心,不過起瑪知你心意,唉……聽到你昨晚講,你男友既事,我昨晚訓覺個陣真係火到黎,唔該佢啦,有野又唔洗珍惜,冇左先後悔,定係佢連後悔都唔會,女朋友係拎黎錫,係拎黎好好咁去對佢ga,唔係拎黎唔理ga,我唔知咩心態,亦都唔想去理解e d係咩心態,我自己知自己冇資格,好心你e d有資格既,好好做番你既責任,我唔想見到啊彭咁唔開心,我冇所謂,我只不過係一個好普通既人,你唔係啊,你係佢男友,你既做法直接影響到佢既心情,e點我做唔到,我唔想啊彭唔開心low,就係咁簡單,我知道當喜歡一個人既時候,只會想佢開心,以唔係佔有,我唔想彭彭咁,至於我……..我冇所謂,反正我又唔係第一次唔開心,所以唔該你,好好咁對彭彭好冇啊??求你……我唔想彭彭唔開心……

  很累了…..昨晚收到消息後直到現在都提唔起勁,今天一朝起身,想send野俾你,但係我都係冇咁做,我自己知自己咩身份,我自己知自己諗咩,我唔想諗咁多你,我只好,唔send…..見到你,只係望左你一眼就走,我唔想面對你,怕會諗起你,我做唔到,我冇勇氣去敢做,我諗你今日都睇到,平時係上面我地講野好嘈,今日冇聲,我都冇野好講,佢地都冇野好講,咁只好靜哂,我想休息…….見到你打電話,send野,係打俾個個"人"吧??我自己知自己唔係d咩人,我冇謂做埋d咁既事,落車,唔想望你

  今朝睇阿達個xanga,都知阿達今日心情麻麻,同我一樣,我今朝心情都係麻麻,但係,阿達今朝同個F.4,係度嘈,好大聲,可能心情唔好掛,以我好多野都默默忍受住,我都想好似佢咁,破口大罵,可能會爽d,小息個陣,大傻整到我,我個陣訓左係張台度,諗好多野……我好差既態度問咩事啊,跟住佢又串嘴,平時我冇咩所謂,咪同佢玩下low,我今日真係火到黎,跟住講完我再訓,佢又串多幾句,我好大聲咁講,你講夠未啊,頂你個肺啊,個陣有個沖動,想一野踢張野過去,算….我都係冇咁做,我唔想鬧自己d同學,認真個d啦,我真係唔想…..雖然之後同佢冇事,但係我好煩….唔該…..唔好再搞到我,我唔想一陣做左d我唔想做既事出黎,唔該…..至於默書,是但默下,都唔知幾分,冇心情

  DT測驗,一望到份野,信心大減五成,加上今日冇心情,再減三成,又冇精神再減一成,得番一成,望到後面咁多圖,嚇親我,我成兩年未學繪圖,好在個d係拎黎睇,唔係真係要你畫,係咁易做下做完走佬,幾分??炒硬ga la……

  成個DT,都係得過且過,做都唔想做,都唔知做咩,唔想做,有人問我做咩咁愁,有幾個啦,我都唔想當面講,所有野都係我自己諗太多吧,仲有,輝輝啊個d,唔好再講我同佢有咩關係,佢有男朋友,佢只不過係俾個msg我o者,唔係d咩關係,我唔緊要,但係你咁講人清白就唔好,我亦都對唔住佢男朋友,我唔想再聽到好冇啊??我已經解釋好多次,唔知點解都係冇人信咁,點解我講咁多正經既野冇人信ga,要我講咁多次,都以為我講笑,唔係啊,總之佢係有男朋友,我只不過係一個好普通既一位朋友,真係好普通,唔該唔好亂諗

  一隻甲蟲,無論佢點努力,無論佢做到咩都忍,無論佢做到好似好好,無奈地係冇用,自知自己係一隻甲蟲,唔會有人喜歡,亦都冇人會接受,佢做到幾咁好,就算有咩事都講冇所謂,就算做到點都唔會咁易嬲,就算有咩唔開心,佢都係默默忍受個個,只希望既係,個個人可以開心,就算自己幾咁唔開心,佢只希望其他人可以開開心心,就算有咩事都忍氣吞聲,但都改變唔到d咩,由頭到尾都只不過係隻蟲,由頭到尾佢都係唔會有中意,由頭到尾佢都係俾人吐罵,只有無奈地接受,以我自己就係個條蟲……

  聽日要測maths,冇計,溫書啦,今天我唔會點望有人陪我溫,我只係想聽日考好d,唔好因為自己搞到成積好差,好少有咁既決定,希望溫個陣唔好亂諗野,唔係就事倍功半,唉…..我唔知自己想點,亦都唔知自己唔想點,唔開心………岩岩sms,我想你陪我溫,只不過你冇講,你話冇野好講,是但啦,再一次期望太高,我諗要降低自己……

sms收到突如其來既消息,係啊,係你,按制不住自己要打多少少野,收到消息,再次加上沈重既打擊,是我應該放棄了嗎??定係係佢面前扮到自己冇事,好開心,不在呼??我做唔出,是我太遲了嗎??還是??是但……我心已死…我都係放棄吧啦,應該疏遠同佢既距離吧…….自己都忍唔住自己…..

朋友們,聽日少d同我講野,我想玩自閉…..

  今日又多幾件知我既xanga=.=’,連啊連生都知,唔好意思= =我應該打你全名先岩,唔好嬲啊= =’,周同學,阿king,今日我都俾埋你,我諗當你睇完既時候你知點解我既名會咁叫,某noel講= =’啊發話你日記好似作文wo,可能啦,我都覺自己打左唔少,不過我覺得我除左係度講野之外,我唔通自己同死物講野咩,加上講多d,等我幾年後睇番,咁易諗番,喜歡八掛ga,緊係愈多愈好,分左段啦,易睇好多=.=’多謝有人肯花時間

  昨晚算好訓好多,但係今日精神都係差左少少,冇解,起身第一個任務就係叫人起身= =’,叫都唔緊要,起左就叫聲我知,其實昨日好驚一件事=.=昨日放學,周同學,廢事爆你花名= =’,同焜爺心情都麻麻,仲諗住咩事,大佬啊,昨日我做哂笑話你睇,你都咁= =,今朝見到你,冇事,反而焜爺就,本來都係好似有心事啦,跟住過左幾堂,佢又好似冇咩事,又同佢串下嘴咁,中文測驗22/40,得七個過20分= =,其實得六個,因為焜爺本來21,其實計多左兩分,係19先岩,點知,食完飯之後,俾啊開和捉左落去,心情又好似昨日咁,大既都知咩事=.=睇黎成班好似得我一個知,我廢事講啦,個事主都唔想講,我覺得要尊重番佢=.=唔好問我,唔係d咩大事

  上chem堂,今次啊堅冇放d書係個度,我同我附近個d都笑,因為上次佢飛書落樓一事後,今次學乖左,哈…..上兩堂自修= =,條友勁懶low,唔教書=.=’,食左我兩堂錢,不過算啦,好過上兩堂煩悶既phy,上phy勁想訓覺,條友又唔知自己講到咁鬼難明,上上下個陣,冇啦啦又諗起佢…….個陣已經係phy堂後半段,唔知點解,諗起好多好多野…..唉……心情好失落,再靚既陽光都吸引唔到我灰黑既心靈,個陣send野俾對面海既朋友,解一解心煩,不過都冇咩點解,過左一陣好番少少,睇黎我仲要一dd時間

  食焦啦,聽日要背默,加DT測驗,殺到黎啦,唔想背書low,勁黑人憎,好在今晚有人應成我陪我啊,仲要睇埋聽日實場會唔會有d唔記得,焜爺識做啦,好似上次咁就岩啦,哈哈……死火,e件事一講成日俾阿發串low,睇完公安個日記,都有d慚愧,我就係個d冇咩點捐既人,唔係因為花錢花在其他人身上=.=’當你今日睇到我身上有幾錢個陣,我諗你都知= =’,我得番五個半,不過你又講得岩ga,都捐番少少low,話哂自己學校

  昨日msn受到一位網友既煩惱,同年都係16歲,中三就冇得讀,出左黎做野,又冇女要,屋企人又唔理佢,朋友又唔係多,又多野煩…..難怪佢昨日都同我講,我可唔可以自殺??有人話抵佢死啦,唔讀書,可能係,所以佢今日食番自己既後果,佢生活可能真係一d都唔好過,中意既女仔,怕左佢,唔敢同佢講野,生日個日冇人講生日快樂,屋企阿媽阿爸都唔知佢生日,就算點差,阿媽阿爸都應該知掛=.=’,朋友,都知唔多啦=.=’,佢阿哥又煩住佢,番工又多野搞,難怪佢會咁,我唔認為一個有意義既人生,會係咁,如果係,你唔會講e番說話,講就講左,你既生命,某程度唔係你管,你用宗教既角度就更加唔係,就算唔用宗教,用番正常去睇,你對得住曾經為你想辦法,同你一齊既朋友嗎??加上我….我會覺得你係咁諗,我只會覺得你對唔住我,要講既野,昨晚都講哂,最後叫你好好去訓,唔知你生活如何,只係唔想見到有咁既事發生,自己可以控制既,我想我會控制,= =e個真係網友黎=.=冇關係,e個真係男仔黎,唔係女仔,講明先,唔係一陣又講,女朋友啊??= =’男人黎唔該

  唔講唔講,今個星期五,個個余傳道約左我星期五番教會一次,叫我一個=.=’都幾奇怪,到底咩事,到時先算,係咁先,收筆

  勁辛苦,昨晚完全冇訓過咁,12點先過一次身,1點起過,3點起過,4點起過,5點半又起多次,想死…….訓極都訓唔到,我又唔係因為個d事煩惱訓唔到,係唔知點解訓唔到=.=’,到底….點解= =??今晚唔該訓好d,今晚仲訓唔到,我諗聽日會死,真係拜託拜託

  某彭low,成日咁遲起身=.=’,咪話我冇叫你啊,我叫左你好多次,下次早d啦,早d訓咪可以早d起身low,俾noel發現左我有xanga= =’,好似係阿發報串,好似=.=’,個陣食完飯,係課室度,佢已經講,咩彭彭??心諗,咩話= =??你講迪士尼啊,冇應到,因為好似唔係對住我講,放學個陣先知,係唔係阿發條友仔報串=.=’,好啦,應成左你,今日俾我xanga個網你,雖然你冇玩,唔好問我啦= =’,我點識個位某彭??我係度答左佢=.=’,有日,番學見到有個好可拎既生物,性別不詳,你知我幾好心啦,見佢咁,我咪收養佢low,雖然有時係頑皮左少少,但係都唔係太差o者,同佢都過得幾快樂,明白冇,係啦,我收養佢ga,唔好問我男定女啦=.=’,一聽個名就知係男啦,哈哈….好似都幾假既大話

  今日心情平伏左少少,我現在只係希望d咩,我只係希望佢搵到個比我更好既,我唔想佢好似佢媽媽咁,俾佢爸爸咁搞法,對男仔失去信心,雖然好多都係= =’,但係唔係個個都係咁ga,唔想佢憎惡男人既程度會同佢媽媽咁高,我唔想有咁既男仔會去恰佢,我諗現在係唯一想佢可以咁,唉……想得多只會令自己深入,企唔番身

  死火啦,今個星期真係食得屎,星期三,背默,加上DT測驗,死啦,兩個野要溫,某彭,你要識做啦,星期四,maths測驗,死得,星期五,A.maths測驗,死硬,今次係統測,唔係普通測驗,平時個d肥左都冇所謂,e次e d唔同啦,重要好多,請某彭,今個星期d時間俾我,希望你永遠既時間都俾我,哈哈…….

  宗教堂,講色情,大家都好興奮啊,估到啦=.=’,阿ray,你條友仔冇啦啦爆左句,性博士,直指向我,唔係掛= =’??你居然叫一個冇經驗既人有咁既尊稱,唔係ga,我覺得正經d啦,有番少少個方面知識係要=.=,唔係話咩增進情趣,以係了解番自己同埋異性既生理結構都應該ga,咁至於話睇"死"仔啦wo,話冇睇就厄你啦,其實最緊要你係用咩心態去睇,同埋唔好上腦low,係啦,e d正經話題黎,唔好諗到咁咩= =’…….

  三堂phy,想死左,上完仲要聽佢係度up= =’,搞到我咁遲先放,唔係我諗今日一早番到屋企,唔洗同彭彭差唔多時間放,其實講咁多我覺得用途唔大,如果知既話,我諗一早就知,有d可能要考完先知,但我覺得,佢地要知應該一早就知,你點講都係冇咩用,只會令人更加憎你,唉…….

  今日放學等人low,等你啊,想見你啊,哈…….掛住你得未?等你勁耐,俾我見到你,一見到你就俾你打兩野,=.=’,又要我等你,又要俾你打,慘……好野low,入左超級市場,我見冇咩野做,咪等下你low,其實有ga,想見你o者,哈哈,等等下見到教會d朋友仔,俾佢見到我,我係度話我等人,我又廢事講邊個,咁就88啦,冇耐你出黎,驚訝嗎??有個傻仔會等你,冇所謂啦,你開心既話就得=.=’等下冇咩所謂,你開心就可以了

  唔該啊,今晚訓好d>"<

   行左勁耐,今日唔想打我做左d咩,我只係想打,我自己既感受,有兩次想喊,一次喊左,係教會上面,坐住坐住,冇啦啦諗起,好多好多事,我只知道這個時間唔係做e d野既,除左強忍只有強忍,跟住拎住個假面具,握手,笑臉迎人,我能做甚麼??除左咁,我可以點?番到屋企,我忍唔住,我再一次哭了下來,我覺得自己好衰,拎住佢俾我既信,睇到我真係頂唔順,佢話,我係咁耐以黎最錫佢,同埋最就佢既男朋友,我唔係…..我慚愧,佢話,你係我掛得最多既男朋友,我喊住口自言自語講,我希望你第時個個會比我仲錫你,對你仲好既男仔,佢又話,雖然我有時任性d,衰左d,成日玩你…好多,令你嬲,我係度同你講聲sorry,唔會啊,有活潑幾好啊,我同你講sorry先岩,好多好多,我……真係唔想再諗了

跟住同某人,同佢個fd出左去吹風,我有再一次諗起好多野,海,一直都係永恆,而且都唔會停,但係……e個世界有好多野係唔會,天空既小鳥真係好,能自由自在飛,兩隻一雙一對,”你地”係度笑我嗎??但我都不期然祝福”你地”,跟住佢地都走埋,我想留係度,應該係話我想周圍行,反正我都慣左一個人既滋味,我是一隻甲蟲,只會受到人既吐罵,殺之而後快,行行下,我行到沙倉既路,個度,係個陣同我班fd,係個度玩,個陣個班老死,一路行一路諗個陣既情況,可能你地仲會去個度,唔同既係,我已經不在你們當中,相同既係,你地都係開心咁黎開心咁走,我好像沒存在既價值,係個度吹風,望住個場,又諗起個陣,真奇怪,今次係我一個人黎,寂寞嗎??比以前係,望住個就落山既太陽,我起瑪都知仲有個太陽陪我

   跟住我又走到,華明中心,個陣小學好中意黎e度,仲同d管理員好熟,好多地方都仲係度,但係人面已全非,好多好多回憶,同班人玩啊,有玩有笑,係度同d管理員串下,係度發下呆,係度跑黎跑去,今日,我中五黎番e度,好似個陣既情形係我面前出現,但我卻捉摸唔到,小朋友時期,個種天真無邪,唔怕有咩事,中意玩既性格,好吸引住我…..

   行番小學,係門口望兩望,小學個陣,有好幾年都係虛度過,諗番起好多好多事,俾人打手板啊,俾人寫手冊啊,自己簽默書名啊,成日默書唔合格,成日番學都好驚啊,諗住d搞掂d簽名,測驗,唔想俾屋企人知,成日欠功課,又唔想俾屋企人見到手冊啊,諗起都好笑,諗起都仲有d驚,雖然今日,我已經唔怕,加上人大左,屋企人唔會好似細個咁打我

   第三街公園,又係幾有趣既地方,好多時除左華明,創業,就係去e度,跟住周圍行……今天我想了很多事情,不單單係佢既事,仲有好多好多,個陣可能冇咩野,但係今日行番去既感覺已經唔同,我寂寞了……某人,我今晚問左你好多次個個問題,但係你都冇答我,但我……真係想知,唔知係咪真係有點兒喜歡左你,可能只不過我一時想壞腦,點都好,我現在真係對你有d……..唉..算啦=.=’,係啊,唔講唔知,昨晚阿爸出去同d朋友飲酒,飲到有d醉番,係度發傻= =’,唉….酒可以亂性,又要勁臭low,飲少少唔係問題,飲到醉就= =,我一定唔會飲酒low,除非一定要飲,咁飲一杯都得ga,陣味我頂唔順,食煙,咪搞=.=’我一d都唔覺得型,又係勁臭,飲檸檬tea唔好??我至愛,哈….