= =又玩啦….記得睇番今日日記

01.中文名: 齊超=.=
02.英文名: chai chiu
03.人地點叫你: 最近五丁同學都叫齊寶寶= =

04.出世的日期: 89年2月15
05.住既地區: 西西西西西環
06.幾多樓呀: 19字樓
07.拎過咩獎: 冇啊

08.髮形: 一個字,七= =
09.用緊咩手機: LG
10.咩台: 3台
11.想收咩生日禮物: 你,岩岩先講完,哈哈
what do you like?
12.花名: 下???
13.卡通人物: 好多都好中意wo@@
14.科目: MA掛,如果俾我去做數,唔係聽佢係咁講
15.口頭蟬:=.=下…真係唔知

16.Miss/Sir: 其實個個都中意,除左錫年同廢sir= =
17.食物: 冇特別喜好
18.髮形:冇諗過

19.人:咩人我都接受
20.活動: 發呆= =

21.牌子:都係冇特別喜好
22.日子:有學番既日子= =開始怕冇得番學
23.上堂最like同邊個sms: 彭彭= =,我好似90%都係同佢玩
24.串邊個Miss/Sir: 點敢,邊個夠料挑戰大佬曾sir= =佢勁串
25.邊隻手指: 下=.=…..咁廢既問題
26.天氣: 秋、冬
27.歌星: 無特別喜好
28.Color: 藍藍地,綠綠地
29.動物: 貓,倉鼠

30.同邊個朋友傾訴心事: 我想講既時候我咩人都講
what do you hate???

31.花名:無= =
32.卡通人物: 都係無=.=
33.科目: phy其實唔係憎phy係憎教我個個= =,如果真係話科既話一時間諗唔到
34.口頭蟬: 下??
35.Miss/Sir: 錫年,廢sir= =
36.食物: 好腥既食物
37.髮形: 現在個個low
38.人: 一時間諗唔到= =
39.活動:下=.=??憎就唔去啦,仲活咩動
40.牌子: 冇特別憎
41.日子:冇書讀= =
42.邊隻手指: 隻隻都有用
43.天氣: 春,夏
44.Color: 下=.=…..唔知
45.動物:蟲類= =,不過我又唔驚
 46.人地對你做d 咩:= =….唔知tim
if… you will…

47.如果你可以開間鋪頭* 你會: 賣電腦零件都係唔錯既選擇@@其實我冇諗過打本做生意
48.如果你隱形一個鐘* 你會: 偷窺,哈哈……唔知=.=’
49.如果俾三個願望你* 你會:我會希望我既理想實現,有問我既人就會知,第二個係可以好好咁過日子,最後一個緊係要多三個願望
50.如果俾你改過個名* 你會改: 緊係唔改啦,齊超齊超,個名幾型啊,唔識野,哈哈

51.如果有得揀做男/女* 你會: 都係男啦,女仔好多野搞=.=……
 52.當你做左男/女之後* 你會:下???

53.如果俾一百萬你* 要你一日用晒* 你會: 捐d出去,留番d俾番屋企,留番一兩萬俾我洗就夠@@
54.如果你可以入一個童話故事做主角* 你會入: 唔知=.=
55.如果可以做明星一日* 你會: 係屋企自閉
56.如果有免費午餐吃* 你會: 咪食low= =
57.如果有人想非禮你* 你會: come on baby@@,通常你愈驚佢地愈中意,哈哈…講笑
58.如果你識得飛* 你會:周圍飛….去到邊就去到邊
59.如果俾你鬧一個人* 你會: 下???
60.如果你做錯左一件事* 你會: 道歉,跟住睇下可唔可以救得番,救唔番盡量對番佢好
61.如果激嬲人* 你會: 同上= =
62.如果你係孤兒* 你會唔會憎你既屋企人: 唔一定憎,睇下咩原因唔要我先
63.當你既屋企人搵返你* 你會唔會怪佢地: 唔會ga……
64.如果你男/女朋友有第三者* 你會: 反省自己係咪做錯左,如果唔係冇可能會跟人走= =
65.如果你突然做左人地爸爸/媽媽* 你會: 下…突然啊,我仲係青頭仔wo,哈哈
66.如果醫生話你有絕症* 你會: 希望有人會同我實現理想,交付番我既野就夠
67.如果你半夜三更俾人嘈醒* 你會: 睇下咩人啦
68.點知係隻鬼係度叫你* 你會: 我會話,玩夠未啊= =
69.上堂/返工果陣* 收到惡作劇電話* 對方又無噤133* 你會: 采佢都傻
70.如果你行街果陣* 見到你男/女友拖住第二個* 你會: 睇住一陣,番到去問佢有冇咁既事,就知佢會唔會厄我,佢講番真話,我希望講哂實情我,佢厄我,係咁先,最憎俾人昆
71.如果你覺得悶* d朋友個個唔得閒* 你會: 玩下game,睇下書,訓覺= =
72.如果你執到多啦A夢個百寶袋* 你會: 爽啊,我做咩都得
73.點知係空既* 你會: O哂咀= =
74.如果你俾朋友出賣* 你會: …..= =我都唔知個陣會點
75.如果你既仇人突然好友善咁對你* 你會: 下…..覺得有d怪

  突然收到兩個消息,第一個係miss嚴要我做負責人啊,本來俾阿毛做>"<佢唔做,冇啦啦搵我做,冇計啦,e d野緊係要搵埋大佬細佬e d咁中意做野既人材啦,唔該幫幫手啦,01-02年1A班既書友仔係咁易講下12月邊幾號你認為得閒ga,同我講聲,唔該唔該…..第二個消息,足球比賽輸埋啦,2:0敗陣左,估唔到今年足球同藍球都敗陣=.=,上年假假地都第四同第二,我諗最大原因係今年要對住d中六中七,年上對住d中三,根本就唔洗打=.=…..高級組,d實力果然係高d,盡左力就得啦

  A.MA堂,係度望到呆哂,咩歸約公式,真係好鬼難明=.=,中六都要學e d,不過就仲難d,我明白到點解有d人升到上去係度叫救命,讀唔到,岩岩夠分升,要應付中六中七課程果然係好難.miss鄭又係咁易教下就過左,都知ga la,班友仔對住e d數,差唔多死硬,加上e d題目一定出係B部份,可以唔選擇e題ga@@

  PE堂俾鐘仔一野打埋個眼鏡度,如果用物理公式計既話,F=ma,佢既手既重量X佢一野打埋黎既加速度,e下真係死火,中到佢鼻都唔緊要,副眼鏡仲爆左,搞極都搞唔番,已經盡力搶救ga la,最後下午宣佈死亡……e幾日買個新ga la,係學校爆過三次,加埋今次,中一一次,中三一次,中五一次,下次會唔會係中七=.=,如果升到既話

  出去食野番黎,去到六樓見到鄺B係度,就已經知大事不好,番到去先知我地用多一次機會,得番最後一次機會=.=用埋我地就冇得留低ga la…..>"<,原因係許嘉偉同梁永傑係課室度除哂三,祼上半身,冇計啦PE堂之後,都估到ga la,如果e間係男女校…..我覺得唔會係度,除哂三=.=,知你地身材好= =,除三o者=.=…….唔洗咁就冇機會掛= =,反正大家都係男人……我知啦….肯定係鄺B妒忌你兩位身材好好,所以就冇埋個次機會

  冇眼鏡上埋跟住個幾堂=.=,睇到黑板ga,不過就要估估下low,睇到d又唔多肯定low,慘….派番上次化學測驗,完全冇溫=.=…..仲要係統測,分數岩岩過一半,26/50,算係咁ga la,冇溫過,幾驚炒啊

  晚上火都到,唔該唔好亂屈我啊唔該….我覺得我個陣已經控制自己好好ga la,最好就係我專登整壞眼鏡,屈哂你地d錢……最好就係low…..16年過多兩三倨月就17年,對左我咁耐既人都唔知我係一個點既人??其他人都冇咁火,其實都火,你係我阿媽黎ga,我最憎俾人抵毀我人格low,我根本就唔係你咁老屈,你除左想我認係low,仲想點啊??人同人之間最緊要講個信字,如果你地唔信我,就算係事實,講埋你知,你都係唔信既話,咁我講咩都冇用啦,所以我一向都好尊重人地既解釋,除左真係好假,我唔理人地會唔會厄我先,如果真係,我對e個人唔會有好感甚至憎惡,我解釋就講左,你唔信就算鬼數,我係d咩人,你都唔清楚,我真係覺得你d觀察能力會唔會有d問題low,仲要係16就快17年,老實講,你問番我d同學仔,我會唔會因為厄人錢自己整壞自己眼鏡d咁on居既野,我係唔會做,如果要屈你錢我唔會用e招low,同你講唔信就問我d同學又唔Q問,驚自己錯啊??明人不做暗事,我係就係,唔係就唔係,就算我無錢到就死,我都唔會因為咁去做d對唔住人既野,我寧願講個事實出黎去求人,都唔想做d對唔住人既野,仲有啊,知道錯唔洗道歉啊??特首做錯都要開記者會出黎同公眾道歉啦,你抵毀我人格,唔洗道歉啊??我最憎人抵毀我人格,如果係真又唔怕講,最憎係假,仲要講到咁鬼難聽,我頂…….想搵人講,唔鬼理我,由本來好火轉到好鬼唔開心…..煩鬼死人

  彭彭就快生日啦,仲未諗到送咩??佢平時又冇咩表示中意d咩禮物…..好煩惱送咩low= =,有冇人知啊,知既偷偷地話我知,有冇d情聖知送咩俾d女仔係最好=.=……

  P.S:好神奇既一日,阿達今日好似冇咩訓過覺,平時佢成日都訓,成日都俾人叫,今日阿達乖左咁多ga@@??唔同今日有波蕩先咁精神??定係真係乖左??哈哈…….加油啦

  全港最強陣容5D………1.區泯陞 2.區毅聰 3.齊超 4.陳匡祺 5.陳啟迪 6.陳功晉 7.陳國輝 8.陳偉明 9.陳煒彤 10.陳永焜 11.周文傑 12.周永樂 13.趙俊傑 14.朱沛強 15.鍾展滔 16.馮俊達 17.馮海銘 18.何家峰 19.何子安 20.何偉健 21.許嘉偉 22.高學綸 23.郭啟源 24.郭子俊 25.黎奕衡 26.劉自興 27.羅鍏豪 28.梁祖軒 29.梁浩翔 30.梁永傑 31.吳俊華 32.吳家瑋 33.吳偉文 34.施永泰 35.黃卓謙 36.黃家進 37.黃錦發 38.王錦榮 39.胡百宙 40.楊文雄

大佬:曾宇新,其次最多堂大家姐:石志寶,鄭錦蓉

  5D同學…多謝你們….只有你地唔會唔理我,開心過日子

  今朝9點起身,昨日成兩點幾先訓啊=.=,原因睇番今朝打昨日既日記,聽人講野,聽到唔係好清楚=.=…..精神不足,好多野諗….唉….真係好煩….一陣都冇主動咁同你講個一句說話,應該係,我今日都冇同你講過幾多句說話,最直接既應該就係我走啦,我都唔知自己想點…..好辛苦…..幾時先可以黎個了斷…不過點講都冇用,佢都唔知佢想點….咁又點講我知,唉……是但啦….

  再一次上聖安多尼堂,想見見佢地,今次俾我見到,佢地既背影……已經足夠了…….見到佢地咁,我已經足夠….次次去都好似偷偷摸摸咁,好似做小偷咁,唉….

  番到去做下功課,溫下書咁,跟住就上網吹下水啊,其實今日真係冇咩好打= =

  愈黎愈覺得做好人真係冇咩用,細個聽好多人話大個左要好好對人啊,要點點點咁,最衰我自己本身就做唔到d好壞既人=.=,咁冇計都要做,如果現在俾我講,我會同人講你千萬唔好做好人,冇鬼用….你對人好,人地會對番你好咩??唔好話會唔會對番你好,連最普通既朋友都不如啦,起瑪最普通既朋友見佢唔開心都會問咩事,但係所謂既好人,冇人會咁做low,好好地關心人,飛黎既只不過係一d你唔好理我,唔接受既說話,沮喪….所謂既好人,成日想有人可以理我,人地都不屑去理你,反而一d唔理佢個d,佢一直都想理佢,原來想有人掛住多d,想有人理你多d,係要唔好理人,佢就會自動掛住你,想理你,你主動去係冇用ga,所謂既好人,原來俾人當傻仔咁….你好好對人嗎??人地就中意黎玩你,中意黎盡力咁去洗你,去用你,去玩你…..你話做好人有咩用,所以我現在同人講,你千萬唔好做好人,我做左,結果係冇人會對你好,你地唔好做好人啊,我做唔到對唔住自己本性既事……好痛苦……

  我都係冇打日記,現在打番,26/11/05……..本來日頭個陣都好好地,一到晚上就…….唉…..

  今朝一起身睇番公安既xanga,原來所有事都只不過係一場誤會,高綸你就唔好再嬲啦,原涼人地啦,凡事留一線,日後好相見ma,佢真係有錯,都貼哂道歉個d野,咁就算啦……再唔係星期一四四六六傾掂佢,係啦…..今朝睇到,心情都輕鬆不少….一個人率直,有好有唔好,人不嬲都有唔同既性格….你都知個個人係率直,不如退一步…..唔好再嬲啦….握手言和….大家都係同學

  番去睇套影片….關於賭博,咁似上宗教堂ga= =??前個排先講完賭博,點知今日番去又睇,真係有d似係度補課,講番自己啦,其實我4歲個陣有去買馬,有去買六合彩,係4歲,個陣當e d好似一個遊戲,好得意,就成日都玩…….最後俾阿爸話,就冇玩,一去就已經十幾年,今日既我,已經唔識點玩=.=六合彩仲記得少少,我都係覺得,玩少少冇咩問題,最緊要控制你自己,千萬唔好放好多錢落去,因為會後悔,當一種消閒,其實都幾唔錯

  有時真係想自己入院……講真,真係想……唔知係咪平時睇得少人地會對我好好,我真係好想入院有人會黎搵我…..可能係一個好白痴既諗法,但一個人會有咁既諗法既時候…….其實我都覺自己真係有d問題,所有事都係徒然…..

  當同其他人分開既時候,我一直遠遠地望住你走……想見你平安咁回去,想你唔好再亂諗野,所以我一直咁跟住你…..我覺得我現在既處境就好似咁,我一直遠遠地跟住你,我冇資格企係你身邊,以無論你點走,我都未曾放棄……到你個刻,你同我講可唔可以唔好跟住黎,既時候,我就離去….做任何事都抵擋唔到你一句話,咁你不如同我講埋你死心啦,我一定會離去,你總比我好過一點,我自己會調節番自己….但你仲未講,我都未曾放低自己既腳步,直到有日你同我講,你死心啦,我諗我會好似昨日咁,唔會再追住你

  總覺得冇人理我既感受……..有冇人企係我立場諗諗

  多謝今晚陪我既人,仲陪埋我"訓"真係所謂既陪"訓",哈哈……其實我本來想講點解咁遲番,但係我諗你睇到e到都應該知點解…….係個陣起瑪我冇咁唔開心……

  一朝起身著埋件校縷,反正下個星期一都要轉,加上今日畢業禮,冇理由是但著件就番學,唉…..今日勁灰low,見你好似唔多理我咁,send左十幾個msg俾你,你都冇鬼應,個陣真係灰哂….問左幾位同學,點算好=.=…..好在番到去你先同我講你冇拎電話,=.=朝早又唔同我講聲…..俾你激死…..

  今日派左份中期評估表…..好在o者,唔洗見家長,真係開心,一望住份野,我O左咀= =,總結大致有2科良好,1科需改善,其他個5科都係普通,最驚奇係咩,我科英文良好…..評語係上課專心,e個係最神奇既事,有d懷疑係唔係入錯左= =….我英文差唔多係咁多科最屎,俾左個良好??唔係掛….仲有科良好係宗教……需改善係A.maths=.=,好唔俾面low….俾個需改善我>"<,應該普通啊ma……評語係,要有每事問既求學精神=.=……最後,優點三粒,缺點緊係一粒都冇啦,遲到0,早退0,冇番學0,欠左兩份功課,頂…..有一份記錯low=.=

  宗教堂又俾左堂去唱歌,發現廢sir成日俾堂我地去練歌,正常ga…..宗教既課程岩岩教哂,現在係開始溫書既時間,爭持左好耐…..要背對背,好似上次咁,定係咩都唔洗,要唔要假音??洗唔洗d咩咁??只係搞e d都搞勁耐=.=…..

  跟住DT堂……今日我係咁做野啦….趕工啊,唔係咩都做唔掂就死得啦,做做下,做到好累=.=….坐左一兩個字就夠鐘…..跟住d時間又唔知做咩好,係學校周圍行,唉…..青年中心又冇機打,又冇得拎波出黎,打波,係度呆等……等到夠鐘參加畢業禮

  跟住就開始畢業禮啦,同往年差唔多啦,未開始個陣係咁滅B仔塊面,好鬼得意low…..又好滅….哈哈…..開始,個個嘉賓係之前香工既學生,咩三間上市公司老細啊個d…..好似好勁咁=.=,個陣學校係名校,家陣老實講就真係差d啦,講左好多野= =…..見到好多上年中五同埋中七,現實係殘酷….你升唔到,番唔到黎學校…其實學校既生活真係好好…..當你出到社會唔係咁多野好似你諗咁易,係學校面對住一班冇機心既同學仔,你出到去面住一班鬥心既人,差好遠ga….跟住我地五丁班又上堂啦…..最後都係冇假聲冇動作,冇上次咁多搞作,嚴肅番少少,唱得都ok啦……希望人地會接受,放個陣都成6點,又話五點半放=.=…….搞到咁耐先放….

  番到屋企,一上到19樓一開個電梯門,發現有人俾人淋紅油=.=一開電梯門就見到,咩寫住12室咩小文還錢啊,第一次見到=.=…..睇到O左咀…..

  公安…..高綸….唔好因為咁小事發嬲啦…..我問左人先知你地發生咩事,你地都五年同學啦,唔好再講個場藍球賽,都過左去…..總之大家都盡左力就得啦……同埋講還講,唔好講到其他人身上,女友,大家都唔想俾人咁講自己女友,你唔想,佢都唔想,咁明知e句係冇心說話做咩咁留意….算啦…..唔好因為咁係度嘈咁大=.=…..唔想見到自己班友會嘈交嘈咁大

  昨晚發左個唔應該發既夢,你知啦,我平時都好少會發e d=.=,當我起身既時候,先發現原來個夢係真係有發=.=,唉…..點解會諗埋咁既野= =……罪惡唔該遠離下我……

  今日真係好啊,今朝早會,公晉幫人清理垃圾,俾啊鄺B發現,係早會講出黎,搞到佢幾唔好意思咁啊,鄺B都有講到,5D既同學都會感受光榮,緊係啦,咁大聲講,仲要係d好人鬼唔知咩,公晉…..為你既好事感到光榮啊@@,身為5D既同學,實是一種福氣,聽日畢業禮我地會上台表演,又係一種光榮黎,仲有之前好多好多…….突然諗起,之前唱一首詩歌,"曾經"入面既一句,是我根本不配受的福氣…..多謝你們…..五丁既書友仔…….

  中文堂差唔多有一堂唔洗上,因為去左練歌,聽日要表演啊ma,真係希望聽日可以唱好d,因為聽日有好多高級既人,加上上年個d中五中七,同埋係全體老師都會睇,緊係唔可以衰俾人睇啦……我相信你地一定會做得好好ga,中文堂冇啦啦講手提電話,石媽媽好似望住我笑= =…..無啦啦心虛….唔係俾你知道左我成日send msg掛=.=……好驚= =…..

  化學測驗啊,統測黎ga,我今日先知,O左咀=.=,冇計啦,盡讀low,只好盡力做啦,長問題就唔知幾分啦=.=,長問題25分,MC25分,MC就知有16/25分啦,都算可以啦=.=仲諗住死硬,結果都算唔差,長問題我盡左力做ga la=.=我諗合格唔係問題掛,下次冇咁好在ga la= =…..

  物理…..唔該叫錫年食焦=.=,勁差煩,唔怪得啊明咁嬲……可能佢真係有錯,但係你有冇諗過點解咁多人咁唔中意你= =??又唔見我地憎石媽媽,miss鄭,曾sir個d=.=,就算有都極少,唉…..我諗你知既話你既教學方法唔會係咁,英文堂落mmlc作文=.=,用電腦作….都好ga,好過用手,打字點都輕鬆過用手寫,加上我d字靚到=.=……所以….係啦= =’

  今日許嘉偉冇啦啦同我講,多謝你,你放心啦,三日都唔會打你,你幫左我一件事,我聽到呆左=.=第一個反應,下…….條友又唔講咩事=.=唔通我xanga講你好波俾你睇到??你都冇我日記=.=,是但啦,唉…….放學測A.maths,又係冇溫過=.=今次連睇都冇咩睇,總分好似28分,我聽人講我有16/28,都唔知信唔信好=.=,noel得11/28???唔係掛=.=咁就真係令人跌眼鏡…..有好多唔合格??咁我咪好勁??哈哈,講笑=.=…….

  係啦,聽日畢業禮,放五點半咁上下時間…..要黎最終都要黎….好唔想畢業…..歲月真係不留人…..機會唔係放係你面前送俾你,以係要你捉緊佢,唔俾佢走…….唉……好好為聽日作準備吧…….

  今日轉左校服=.=,俾幾件同學仔話似老細,打條呔加件三長少少o者=.=……一定係太耐冇見我著e件校服,上宗教堂,歐聰向住我玩,咁我緊係要應酬下佢啦,做下d低能動作俾佢=.=揮下手都俾佢話我有"拍"力= =

  話說一開波英文堂派份測驗,成班第一件4X分,總分仲要係90,E班好似有件成70分啊,我…..一望得29=.=,灰哂….不過都估到啦,英文差唔多係最屎個科,不過又要係最重要個科,我見我附近個d都係十幾分啊,二十幾頭咁=.=,我拎左29應唔應該開心呢= =??不過有一小部份3字頭,我差1分,俾多1分我就好啦…….冇計…..學校d英文水準真係幾差下,不過今年d中四就好少少,起瑪有班所謂既"英文班"個班d英文水準應該唔差,唔講其他科,英文科應該唔弱

  宗教堂又睇片,睇睇下有d睡意= =,仲有一堂宗教堂係度練歌,冇計啦,鬼叫我地d聲咁好咩,畢業禮個日我地要上台唱,因為上次比賽我地係全個中五最好,好似上次講過,咁咪唱下low,好似聽朝都要練….咁我洗唔洗上課室=.=??煩惱中

  食完飯番黎,有人放料話錫年冇番,個個幾興奮,點知……冇啦啦番黎= =…..個個都….勁失望,差別好大,睇落都幾搞笑,上佢堂,上陣都悶死啦,派上次份phy測驗,得六十分=.=勁低low,不過都估到啦,今次我都知自己測得唔好,因為個日冇心情,又唔夠時間….唉……算啦,下次測好d,最緊要都係個會考o者

  今日睇番好多人既日記,特別係昨日有份落場個d,個個都係度自責…..你地唔好咁灰啦=.=,其實我知你地好難受,有d係學業上唔係咁好,佢覺得最有自信既就係佢地既藍球,當佢地最自信既野俾人證明唔夠料個陣,佢地會覺得一無是處咁,唔洗怪責自己,你地係一組人,係一team人,唔係話一人藍球,有錯其實係成"對"人都有錯,唔係一個人錯哂,阿源講左個幾句真係好岩好岩,你地今日拎唔走第一第二第三名,冇實質既野拎走,好似咩都冇拎走,但係你地諗深一層,其實你地拎左最貴寶既野,唔只係輸係邊,有經驗e d經典既說話,你地拎走你地中五同你地同學仔一齊開心玩既回憶,e種回憶,唔係實質,但係有意義得多,既然係盡左力,e d回憶應該保留,因為個d係你地今日既"勝利品",知道嗎??男兒男入樽我都有睇,屋企仲有VCD,我引用其中一句,其實阿源個度都引用左,我係度都打番"你地係最強ga"知道嗎??俾仲因為昨日輸波唔開心既5D同學們

  今日同你地講下一個問題,e個我都想講ga la,不過我今日先記得打落黎,問題係"番教會係唔係好易溝到女/仔??"其實唔只同一兩個同學仔講過,之前係網站度同樣有咁上下既問題,有人話係,有人話唔係,同埋改正一d對未番過教會既朋友既一d錯誤諗法,先講,其實有d同學仔,從來冇番過教會,不過從身邊d同學仔發現,個個番教會都好似係為左識女仔……搞到俾左個錯誤觀念…..先入為主既諗法,番去唔係真係為左同天主基督教用天父,係為左識女仔…..識男仔就唔知啦,我男校,的確….我眼見有不少既都係因為e個目的,你問我番教會係唔係易溝到女,我老實答你,"係",最主要係你抱咩心態入去,你抱住一個想識女仔wo,咁我話你知,你番,的確係,好似話,你讀男女校易搵到女朋友定係男校易搵到,一定係男女校,同一道理,的確,番一個有男有女既教會,總比番一個男校易識到女仔,再講…..唔同教會有唔同人既睇法,有d可能男性好多,女性好少又唔多熟,可能佢地會反對易溝到女,咁就係主觀同客觀上既問題,總結番啦,其實係會易溝到女ga,但e點唔只教會,只要你有心無論係邊都得,教會只不過係一種途徑,同埋番教會係為左e d野都幾無謂,我個人認為,你番教會就應該尊重番個宗教,咩為先咩為次,我諗要識分,當然啦,我所講只係一部份男仔,唔係個個都係,同埋全部都係個人立場=.=,好,係咁

 

  今日真係….= =唉…..我又浪費左一天啦,今日我又冇認真咁上過堂,原因一陣再交代= =,得番48日=.=,我著校服既日子又少左一日,唔中意著校服既我,唔知點解開始有d唔想有日冇得著住佢番學,好怕有日迫我除低佢……真係唔想除低佢

  今日,d人又再度唔理我=.=,唔俾電話o者,都唔洗咁掛,你拎去又唔係做d正經野,你知唔知你上次send埋俾我之前個個,搞到佢send番野黎= =,你要玩唔係問題,但係唔好咩人都send low,我唔介意你玩,我介意係,唔好咩人都send,特別係有d我好介意個d,你明嗎??所以我冇俾你,e個係我原因,都唔明你,為左咁既野唔理我low…….都唔緊要,仲要之後咁對我,真係覺得自己好灰…..因為咁,今日所有堂,都係冇咩心機上過,真係唔好意思=.=……之後,好番……下次唔好啦…..成日都唔理咁,俾我既感覺係中意理就理唔中意理就唔理咁,覺得自己好咩low,同埋呢,我做事都有我既原因,你應該要問下我點解唔肯借俾你……我相信你睇左之前你現在應該知點解

  食焦啦,DT要20號之前交,今日開始係咁做野,已經完成左個入口加條路=.=,完成左40% o者= =,報告就更加唔洗講,做得好少,DT真係好鬼煩= =…..真係好驚唔夠時間做,MATHS堂,上次測個份A.maths有21/40,都估到啦=.=上次都講21-25之間,有兩分勁唔抵咁扣左=.=,點啊,上次叫我肥佬個幾件,合格左wo,哈哈……

  下午,今日係貴班5D對7B爭出線既一戰,e場激戰ga=.=,win左就起瑪都頭三名,輸左就食得焦,今次我一早就去睇ga la,一開始已經落後緊啦,啊許生本來係度熱身都唔出住,點知好快就出去打啦,打得火哂啦班友仔,對方好鬼準=.=,唔係講笑,我見佢地好多遠射都入左,相反自己友好多球都唔小心失左,今日表現都唔係咁好啊,高倫唔好咁怪責自己,雖然表現真係失準盡左力就得啦,最火既應該就係許嘉偉(許生),好多都單刀直上,打得好激又勁=.=,佢次次上藍都好鬼大聲咁啊一聲…..仲有個好記得,佢成隻手拍落番藍球板度拍甩人地個波=.=就知佢幾火啦,講起場波,個球證就真係食屎啦=.=,都唔知識唔識吹ga,好多好明顯打手啊,推啊,又唔吹wo,真係唔鬼識吹,學生會請埋d咁廢既球證=.=,愈後就愈激動,最後輸左10分=.=,打完,許嘉偉,勁火low=.=,又幾件人拉住佢先得ga,係度講個球證幾唔掂,咩唔識做就唔好做,上面唔知邊條契弟,講咩輸唔起啊,真係想上去打佢=.=,跟住班友仔勁灰咁入去換三,唔好咁灰啦…..晒日足球和左波出線都好低機會,藍球就出唔到,對佢地既信心都會有d打擊,打得好好ga la,盡左力就得

  今日唔洗補,番到屋企做埋功課,係咁易睇左一陣書咁啦,準備埋件校服聽日換件校服,都差唔多時候,星期五就要改,唔識打呔=.=……學過但又唔記得左,總之聽日轉校服啊我,現在個件可能冇機會著=.=……

  昨晚打番俾鄉下,先知阿爺病左入院,好在冇咩事,九十幾啦,唉……真令人擔心,個個都叫我俾心機,唉……個表妹都係咁中意講野,真係好鬼死得意,真係怕你大左,變左個成日出去玩個d女仔=.=’,係啦……因為你實在太活潑= =……

  昨日同你既對話,問左你好多次俾唔俾機會我,你都係冇答到我…..你一直都逃避我既問題….我寧願你叫我死心吧啦or好聽少少,我唔俾機會你,咁我可能個心好過d,昨日李牧師講得好岩,最慘既係無了期既等待同埋對e個等待抱有希望……你唔想人唔開心,但係你唔講,仲令人唔開心,我寧願你講好過唔講,你一係講你有機會,一係講你冇機會,再唔係你講唔知,你唔知自己想點,三個答案已經足夠,好冇…..我希望你今晚可以答我…..真煩惱…..

  一朝起身番學,見你今日好開心咁既樣=.=,你唔好亂黎啊,我有好多馬仔ga,哈哈……一上到車,已經見到佢地個衰樣,就講你失戀啊=.=??解釋左好耐,你啊,彭彭啊,迫我爆你出黎= =,係度偷望偷笑low=.=,唔係因為你,我洗俾人咁老屈,個個都講"唔緊要啦,仲有好多野做ga"搞到d唔知ga,好似連生個d都番去串我=.=連生都串我啊,幾無天理,最慘就係俾細佬知道左,佢條木咀周街唱………推波助瀾…..搞到周街都知=.=,個個問…….你失戀啊??個個都用e句黎串=.=最慘就係E班d木咀都知=.=行過都問,你係唔係失戀啊=.=??走個陣E班有件走埋黎同我講,我地型全力支持你冇事ga…..= =冇言左

  澄清先=.=個個msg唔係我send,係個傻ga send,send左俾d傻ga,又俾細佬e d傻ga去周街唱= =…..大家唔好諗e d假話,各位你地既眼睛係雪亮ga,真相唔多加解釋=.=總之係假ga la

  英文堂,太好運啦…..我唔洗見家長,=.=放下心頭大石,都幾驚會見家長,你知啦都唔知會講咩,我寧願2月個陣見=.=’,都唔想現在見,好啦……放鬆一番

  下午三堂都唔洗上,有一半時間係聽理財,一半時間係誓師大會,哇…..講到咁嚴重,好似出去打杖咁,攻唔破敵方既城堡,我地就冇面見鄉親父老= =,我諗太多啦…..話自己會考有鑄分…..我估我努力多少少,再之後個幾個月多d搵時間去操下,我諗16分應該拎到掛,猿"某"寫自己有17分=.=,真係唔係話我睇小= =,佢…..現在咁上堂法真係冇咩可能……

  個陣衡衡出去演說,講番佢上年5D班既野,同埋佢要重讀啊,佢拎住份咁既成積喊咁,真係講得幾好,佢11分,其實係可以原校升,不過就算升到都會幾辛苦,就係佢個d理科唔夠分,要理科夠分先得,佢英文考課程甲,得個D,ive最多都只係收佢讀基礎,俾我都唔讀基礎,又貴又浪費時間….咁只可以重讀,佢都講佢好幸運咁入到五丁班,阿達係後面係咁講=.=緊係啦,叻仔班ma,哈哈…….佢講完我地緊係支持啦,話哂五丁班ma,下午食野個陣自己友都講,自己班係幾團結ga

  話時話,當校長講個陣,唔經唔覺原來得番49日上課日,真係…..= =……愈黎愈有種殺到黎既feel,都唔知自己點算=.=,冇計啦,唔通唔考咩,但係我都幾難提得起勁……內憂,內心好多野煩……煩咩,唔係煩錢就係煩女仔ga la= =,咁你話呢??緊係煩女仔啦…….又唔知我點,又唔知佢點,都唔知之後會點,好煩惱…..又處於一個外患,得番49日上課日…….得番五個月左右,冇時間俾你再係度浪費時間……冇時間可以玩……屋企既壓力又大增,學校既壓力都大增,自己對自己都有一定既壓力,我現在真係面對緊一個"內憂外患"既處境下……真係好易玩完,我需然既係……有某人既支持……,我需要既係我可以盡快解決自己既事情…….俾我專心咁對付出面黎既外患吧了…..

  上番課室,發現個電話有d問題,係度狂震=.=幾驚佢壞左,好在冇咩事,跟住班友仔番到課室又有另一個既"誓師大會"真係足球比賽5D對6B,緊係啦,話說上次藍球5C對6B,5C多一分,win左,點知話唔計wo,個學生會又係6B,班友仔有d同C班d人好熟,咁緊係火啦,個次就重賽啦,話說上到去,班友仔已經激勵哂d氣勢,個個係度大叫"打佢老母"個個好齊心咁講,冇計啦,我e d平時好乖ga ma,我都要激動下ga,就一齊"打佢老母"反正都係男人有咩所謂…….似d女仔咩,哈哈…..冇計啦,今日好累=.=想快d番屋企,冇去睇到,但我支持你地ga

 

   最後番黎既結果係1:1和波=.=個個都灰哂…..仲諗住話"打佢老母"ga ma真係啊= =……唔緊要下次再打過

  今日發現電話同msn d書友仔都叫我齊寶寶= =,真係俾你地激死=.=…..不過我現在已經接受左,更體會到班友仔既熱情= =

  唔係講笑,今朝俾某人既sms叫左起身,都係ga,我昨晚留左sms叫你今朝叫我起身,正常啊,為左你昨晚咁遲訓=.=叫下起身都冇咩問題,等你落樓= =,見你冇耐,你就沖住去,食埋野就番去啦,唱下歌咁,好快就表演啦,同平時差唔多low,不過我都係覺得細聲左d@@

  聽完彭彭既媽媽分享之後,對我昨日所聽既野有更深刻體會,而且我更加發現兩個人有個一樣既性格=.=,就係靠自己,聽個陣係度笑,笑你地兩個原來都係一樣,記得曾幾何時,你唔開心既時候,個陣係同你慢慢熟既時候,我想幫你一把,你既回應卻係,我到現在仲記得,雖然係幾個月前既事,我由細到大都唔想靠人地,可能係好事…..但係你辛苦嗎??有時放低自己倔強既性格,可能會冇咁辛苦….今日個個李牧師,講既野都幾有趣,又幾岩……

  散完個陣,KK同我講,你唱得好好wo,有天份=.=,遲d開詩歌班你要入,我既反應係下…….唔係掛=.=’,昨日我仲諗住,我冇咩音樂天份,是但唱下就算,你叫我入咩班=.=??講聲音好,我個班友仔個個都掂@@,我e d好屎o者,點都好=.=我都係對音樂e方面既信心係冇咩= =……

  當我走左,我不其然咁走左去聖安多尼個教堂,一去到勁多人,我單身入去= =,為既係咩,想偷偷咁睇下你地,當我去到電腦室個度係開住門,我行過,望下,發現得幾個小朋友,你地唔見哂,都冇咩點變,同以前差唔多,見到台上面放住你地一抽二抽既袋,就知你地唔係度,不過亦都係去唔遠,好掛住你地啊…..當我行番上去,見到積奇,高大左wo,不過你好似都冇望過我,好似唔記得我咁,見到德哥既媽媽,我拿拿林轉面走左,因為佢會認得我,我真係好煩,又想見佢地,又唔想俾佢地見到…..咁就走左,後來先知咁多人既原因係因為耶穌出巡,佢地由聖安多尼落去,我估到你地一定會係其中既當中,當我走個陣見到noel…..同佢講左兩句,=.=’佢又問我有冇事,再次表明我未失戀= =,你又去補習,真努力= =….

  番到去出面勁嘈,因為耶穌出巡啊ma,想訓都冇訓到,就做下無聊野……咁就差唔多完左一日=.=,聽日一定好凍,諗住著番件外套啦= =…..

  係啊,e個係後期加番既一段仔,睇左某題目度講好多女仔既野,唔好意思…….我真係有d嬲,睇到有d火,女仔生出黎係唔係男人既玩物??係男人既附屬品嗎??只不過係一件工具??唔該尊重番女性啊,我係男人=.=,但係我覺得一個文明既人應該要學識尊重女性,你居然對女性做出如此既事,仲可以好開心咁講,你咩意思= =,我可以咁講女人唔係男人既玩具,我可能係女人既玩物>"<,我成日俾女仔恰,唉…….好灰