1) 現在幾點： 下午6點2個字
2) 你的全名： 齊超
3) 你的花名： 哇…..都幾多下,不過最近最多人講既係,齊超,齋超,齊寶寶
4) 你的網名： tody
5) 你的學校： 香港仔某工業學校
6) 你的年級： 中五
7) 你的血型： 唔知=.=好似係B唔係就係O
8) 你的生日： 89年2月15日,岩岩個日學校放假,慶祝我生日,唔信你睇下校歷表
9) 你的年齡： 16
10) 你最好的朋友：講到最好,真係好難選擇wo= =,個個都有唔同特色,個個都好
11) 你最喜歡的人：喜歡o者??喜歡既人就大把啦,基本上個個都係
12) 你最愛的人： 愛e家野呢……就唔知啦,哈哈…..
13) 你最討厭的人： 諗左好耐= =,都係冇,最多冇兩句o者,唔會討厭
14) 跟你最有緣的人： 彭彭=.=,估唔到我會識到佢
15) 跟你最無緣的人： 飯…….
16) 跟你最相似的人： 冇,我咁七
17) 跟你最不相似的人：件件都係=.=
18) 跟你最岩傾的人： 最岩傾啊??其實當我想講既時候,你又肯聽既話,已經夠=.=
19) 跟你最不岩傾的人： 哇……點答你=.=真係唔知
20) 誰最重視你： 屋企人啦,其實講到底都係對我好ga,5D啦,唔敢講全部,但係都好多都對我唔錯,仲有緊係教會既朋友仔啦
21) 誰最了解你： 其實……..我連自己係點都唔知,都幾難答= =
22) 誰最關心你： 都唔少ga,我問你啊,我唔開心,你會唔會出黎陪我啊??當你答會既時候你就係其中一個……
23) 誰最喜歡你： 點知=.=??
24) 誰最常跟你一起：食野咪RAY,屋企咪啊媽啊爸,學校咪5D,教會某個幾件女性,電話最近好似明心多,sms咪彭彭low(基本上sms全部都係佢)
25) 誰最支持你：講一句支持有幾難??係個心度真係有支持既…..我真係唔知…..
26) 誰最常跟你聊天： 明心,彭彭,5D
27) 誰最常責罵你：啊媽啊爸掛=.=
28) 誰做錯了事：下???
29) 誰做錯了事．你一定不原諒：ai……其實肯道歉多數都會原涼番ga,不過厄同埋出賣既人,我就最憎
30) 朋友中，誰最令女：哇…..我唔答同我同年個d啊,廢事一陣諗咩,karmen同埋貓貓最索,哈…..karmen讀緊城大最後一年,貓貓係加拿大做會計,拿……冇誤會啦,哈哈….
31) 朋友中，誰最令仔：個個都咁靚仔啦,除左我
32) 朋友中，誰最型女：型…..= =’好難答
33) 朋友中，誰最型仔：平時扮型個d low,哈哈
35) 朋友中，誰最聰明：其實係七周=.=,noel係勤力,但唔係話太聰明,講聰明應該係七周= =
36) 朋友中，誰最笨：唔洗講,我肯定係,成日俾人講
37) 朋友中，誰最討你歡心： 5D,同佢地上堂後生幾十年,上年代課個個miss講,哈哈……
38) 朋友中，誰最口花：啊……唔知= =’
39) 朋友中，誰最穩重：煜寅啦,e個係真ga=.=,C班個個
40) 朋友中，誰的話最有道理：下…….可唔可以答耶穌= =
41) 朋友中，誰最會說笑話：e個多啦,歐聰啦,啊長啦,歐陞啦,許嘉偉啦,啊達啦,啊源啦…..喂…….真係多到我數唔哂,5D大部份啦
42) 朋友中，誰最直腸直肚：唔明=.=直言??曾sir??哈哈
43) 朋友中，誰最愛說謊：好似都冇
44) 朋友中，誰最誠實：我,哈哈….講笑,唔知= =
45) 朋友中，誰最高：自己班就許嘉偉,C班就姚明
46) 朋友中，誰最矮：自己班咪B仔low,C班都有個最矮,估唔到最高係C班,最矮都係C班
47) 朋友中，誰最肥：肥明同埋肥聰=.=
48) 朋友中，誰最瘦：大把
49) 朋友中，誰最八掛：我…..哈哈…..
50) 朋友中，誰最追上潮流：咪成日好潮個d low
51) 你最喜歡的牌子：實用就得

52) 你最喜歡的運動：打籃球,乒乒波,兩個都好耐冇咩點玩

53) 你最喜歡的動物：貓,倉鼠
54) 你最喜歡的食物：咩都食,不過太腥味既野就少食= =

55) 你最喜歡的髮型：冇,睇我咁七就知
56) 你最喜歡的電視節目：勁耐冇追
57) 你最喜歡的電影：一時間點答你,最近咪kingkong
58) 你最喜歡的衣著: 睇我咁七就知冇啦
59) 你最喜歡的卡通人物：柯南,男兒當入樽
60) 你最喜歡的歌曲：無咩特別喜好
61) 你最喜歡的歌星：無咩特別喜好
62) 你最喜歡的明星：星爺,算唔算啊??
63) 你最喜歡的說話：睇卡通睇上腦,柯南名言"真相永遠只有一個"男兒當入樽"你地係最強ga"
64) 第一次到Ｘａｎｇａ的感覺：又係日記網= = 
65) 你開Ｘａｎｇａ的日期： 9 月2號,好似係,今年
66) 你最常看誰的Ｘａｎｇａ： 全部我sub左個d都成日睇
67) 誰的Ｘａｎｇａ最靚：ai…….唔知=.=
68) 誰最常打Ｘａｎｇａ：我,成日打啦,明心都係成日打,羅友算係ga,仲有邊d呢,唔多記得= =
69) 誰最很久才打Ｘａｎｇａ：下=.=…..點知
70) 你經常留言給別人：唔定
71) 最常留言給誰：岩岩留個個好似係大口
72) 誰最常留言給你： 唔知= =冇計
73) 會否覆別人的留言： 一定會啦
74) 收到留言，感覺開心嗎：開心,緊係開心啦,除左彭彭諗住留個d=.=你千奇唔好留啊
75) 誰的Ｘａｎｇａ最多照片：啊….=  =一時間唔知
76) 誰的Ｘａｎｇａ最多字：唔洗講,肯定係我,哈哈
77) 誰的背景音樂最好聽：冇留意
78) 誰的Ｘａｎｇａ最常更換背景：唔知=.=
79) 現在ＳＵＢ了多少人：數下先………23個@@
80) 現在有多少人ＳＵＢ了你：20個
81) 你的理想情人是怎樣：唉…..唔好提= =
82) 拍拖次數： 2次=.=,再一次答左你地,同學唔好再問
83) 你是不是專一的人：我好花心=.=唔好搵我
84) 喜歡的感覺是怎樣： 好難用字打
85) 愛的感覺是怎樣：更加難= =
86) 容易愛上別人嗎：唔知……唔好問= =
87) 容易對別人有好感嗎：好感??岩岩識,對個個都有ga wo@@
88) 怎樣才能開始一段感情：大家都認定左對方係另一半既時候
89) 現在你有喜歡別人嗎：大把啦,我好中意你地啊,朋友們,同學們
90) 現在你對別人有好感嗎：個個都係
91) 若有，多少個：答案係無限,哈哈…..
92) 現在有多少人追你：一個都冇
93) 現在想拍拖嗎：………無言
94) 現在的感情生活快樂嗎：哈哈…….(苦笑中)
95) 現在最想念的人是誰：其實…….係你啊,哈哈,冇特定= =
96) 現在最想說的一句話： 就黎打完啦=.=
97) 現在最想做的一件事： 想飲野= =
98) 睡覺前，你通常做什麼：祈禱掛,=.=明心打電話俾我low,去洗手間??,哇…..= =勁多

99) 給你一個願望，你想怎樣：希望我既理想會實現……當e個理想實現既時候…..我死左都已經夠…….不過e個係無可能既事…想知係咩,自己問我
100) 現在幾點了：下午6點點10個字過dd

  頂…….冇野做,=.=,放假都唔係咁好受,雖然係多時間,但係好似少左d歡樂=.=,都估到啦,其實一早知= =,番學係一種樂趣,無論係,聽書定係玩=.=,跟住落黎既日子,有d日子有野做有d日子係冇野做…….掛住你地啊,5D…..5D幾好啊,讀書唔係差@@,我意思係學校黎講,玩又玩得,其實我覺得學校既分班制度黎講,4D,5D入面學生既成積係最參差=.=,原因係用番我地個年黎講,DT班得兩班,E.E有三班,好明顯E.E分班就分得細d,所以D班入面可能有d成積好好,好到可以上頭一二名,都可以差到成百幾名打後,5E雖然就叻過我地=.=,但係……其他就差low,陸運會啦,水運會個d,加上佢地就冇咁多野玩掛,同埋冇我地e d後生仔咁活潑=.=,所以都幾慶幸係五丁之中

  話說今日後生,懶懶聞係度睇下VCD,上下網咁=.=,我諗番上年個陣仲係度玩緊game=.=,今年…….反而想讀書= =,已經諗定左聽日開始溫書ga la,同埋做埋份報告,唔想浪費時間……睇番昨日啊楊x雄套片,睇睇下拍得都幾搞野,不過B仔個球踢得咁差,女fans數目肯定大減,哈哈……..

  用左好多時間打昨日既日記,可能係我咁耐日記中其中一個最長既日記,的確要細心品味下,哈哈….相比下今日好似冇咩好睇,我就影唔到好多相啦,等緊迪迪個d相o者,已經係度汁緊相=.=,皆因我收埋收埋都好多相,唔理係學校又好,之前既朋友又好,打機個d都好=.=,總之就一堆

  晚上,火鍋既時間,正……食到完個陣老豆講左好多野=.=’,又講讀書啦,又講其他野wo,講到唔得既時候,會送我去外國??e件事我從未諗過,通常只有人地會去,我唔會去…..唔係掛,老實講,我仲有好多野未放低,要我走,去另一個生活,重新黎過,我係度有好多朋友wo= =,你叫我放低佢地就走,係一件幾痛苦既事,你千萬唔可以咁做,除非到左一個冇得救既地步,如果唔係我唔會去,同啊爸講野永遠都係得佢講,冇我講=.=,即係由頭到尾都係佢講哂,就如佢岩哂咁,到左一d分明老屈我既地方,想講,佢又唔俾我講,就算俾我講,都係得兩句反應,一,頂嘴,二,認定左你係咁,講咩都係冇用,好無奈=.=…….我想講我既意見俾你知,想講我既諗法,我大個仔,有我既諗法,你唔聽,咁…….我點會服啊,仲有= =,唔係個個都咁乖仔會同你講自己既諗法,係現在e個世代,是但……俾你屈左隻死貓食,我只可以無奈咁接受= =……唉……雖然唔係d咩重要既事,但係就…..幾無奈,因為永遠都係得你講,冇我講,有我講,你都係認定左,講完你都唔會理,唉…….如果政府好似咁就死得啦,都唔聽民眾既說話,點得= =??所以……無論第時有冇仔女都好=.=,對朋友又好,對咩人都好,你要聽人點諗,點解會咁諗,到底係唔係咁??以唔係一味得你講= =,雖然我明白你地對我好,我知,我有眼睇到ga…..不過,聽人講可能會更加好呢,是但啦,你地對我好,我知道…….

  今日講16號………馮俊達(啊達)…..今日到你啦,開心冇??都知你等好耐啦,不過我諗楊x雄,等得一定仲耐,哈…..中三識你,其實未識你之前,都聽人講過E班有個叫自閉達既人,係唔係自閉呢??其實唔係ga,一時時啦,哈哈…..中三個陣你幾叻ga,特別係MATHS,好似仲拎A tim,係唔知點解中四開始差左,證明d咩??你唔係做唔到low,你係做到ga,跑步,踢波,唔洗講啦都係你最叻既人,遊水我就唔知你得唔得啦??你對朋友都幾好ga,我睇到ga,有時搞下d 冷gag,可以促進下d氣氛,不過你就成日訓覺啦,唔知點解e個月好似冇咩點訓,唔可以話冇訓,係少訓左唔少,有堅持好事,最好笑係中五岩岩開學個陣,有個鐵四角,你同歐聰,後面好似係吳偉加B仔,四個成日俾人話,哈哈,四個一齊坐,果然係會有問題,我唔知你係愛情路上係如何,就單單你係日記個d咁簡短的確好難令人明……但我只可以知,你都係一個識諗既人….能夠打到個d野既…..可能真係有感性既人先打到ga,你可能已經失為一個班入面唔可以少既人,冇左你,可能冇左好多榮譽,可能……都少左笑既氣氛,多謝你….未來既路係點冇人知….點都好……好好地俾心機啦,唔好咁快打定自己成積一定好差,仲有幾個月

p.s:都係昨日既日記精彩d=.=+,快d去睇啦

韓燒個陣既大合照,不過有幾個人中途走左,迪迪,大傻,啊發,啊king,去左睇野,食左個幾鐘就走

  21/12/05,今日既野多到打唔哂=.=,不過過左今日放假個陣都冇咩野好打ga la= =,玩到三點先番到屋企,係度諗,差唔多明心都起身=.=,估唔到我玩到咁遲,今朝起身都成1點幾,第一次訓到咁遲= =,好鬼累

  一朝番到學校就開始睇人表演,跳舞唱歌個d,特別係跳舞=.=,個個都望住d女仔,對個d男既好似冇咩興趣,令我諗起小學個陣,個個都唔望女仔跳舞,因為好似係一種恥辱咁,望女仔就好似係好色既行為,個陣小學d同學仔都係咁,中學就岩岩相反,你唔望,你就好似唔係真正既男人= =,玩遊戲,抽中羅友上台玩,自己班d人真係夠義氣,明明冇叫羅友,自己班友又怕唔記得,大叫羅友上堂,可憐既羅友,就上台玩,抽禮物,我個班抽中左兩份,兩份都係紙巾,現在放左係課室,第日去洗手間唔洗再驚冇紙巾= =,成幾十個,啊king同班長中左e兩份禮物,真係有用=.=…….

  番到課室,自己搞班會既活動,點知冇啦啦d入拉哂d氣棒出黎,其實個d所謂既氣棒係藍球比賽個陣,個d拉拉"對"為左有大d既聲勢,以整成ga野,不過打落去個人度,又唔係好痛,但係就大聲low,上到去,班友愈吹愈多,個個係班入面發生一場大戰,好比第三次世界大戰,我e d平民=.=,勁白痴low,我都唔知係咪衰樣衰,俾人圍打兩次,十幾條友,拎野黎扑我=.=,搞到我要拎垃圾桶黎掃你地,但係都冇用= =,慘死了…..一個點打咁多個,其次就緊係打啊king啦,啊king e個自稱武功天下第一,緊係俾人圍,一個打咁多個,都係俾人扑到傻左,跟住大佬曾sir上到黎,玩遊戲=.=,個個提意玩集體戰,我無奈死,點知就係玩扑傻瓜,輸個個要出黎俾人扑,好多人都出左黎俾人扑,無奈既係,我都出左黎俾人扑左一次>"<,今日全日俾人扑左三次,最搞笑就係曾sir都俾人扑,扑得特別開心,哈哈…….

  跟全就決定去日本食定係食韓燒,嘈完一輪決定左去食韓燒,其實個陣都幾對唔住歐陞,不過我又唔係跳黎跳去個d,你又唔可以怪我=.=我都係講出我想食咩o者,去食野個陣,個個都大飲大食,你地有冇見過啊king食煙飲酒,今日我就見到,三條友係度食煙飲酒=.=,啊king,歐聰同louis= =,雖然就頂得順,不過我都唔係太中意陣煙味,e d野都係唔好叫我,冇計,好男人ma,哈哈…….個個係度玩十五二十,輸左飲豆漿,飲熱茶,緊係冇飲酒@@,我就同另一班人係度X大D,開心咁玩完一輪,咁就走左,有d人就去世貿度打機,包括我=.=+,都係唔多識玩,慘……跟住就去踩冰,我冇去,我番屋企,一黎唔識二黎冇咁多錢,三黎想番去食下野,屋企好似有煮我飯

  番屋企個陣係地鐵度見到樹熊,樹熊係個陣教我打波既助教黎ga,佢番緊工,我都成三年冇見過佢,佢都好忙,佢一個人做兩份工,朝頭早九點去到晚上十一點,一個月有9千到1萬= =,不過就真係辛苦low,而且都冇咩假放,忙又忙死,人工好似好高不過唔好唔記得係打緊兩份工,唉…….咁耐冇見佢,估唔到冇啦啦見到佢,問最近佢地點,得知中tim,原來去左加拿大讀書,(最後問番中tim,其實係去左英國),估唔到中tim去左個度,唉……成team人入面,我覺得中tim係最好,的確可以勝任到做"對"長既位置,亦都可以做到一個控球既位置,不過佢都走埋,從樹熊口中都得知有好幾個我唔識既人,三年…..的確變左好多,最後同佢告別,唔知今次e一別又要幾耐先見到佢…..佢都好耐冇見啊德佢地,佢都成大半年,因為工作關係,都好耐冇打波,有機會再見……….

  最近中意左坐電車,今日坐電車又令我睇到一件事,坐坐下,見到有個啊婆,隻眼睇唔到野,又老,行到又震震下,好多人扶佢上車,俾位佢坐,d人仲提佢係邊到落車,落車個陣,個個電車司機仲扶佢過埋馬路,一件簡單既事,其實再一次表示左,人係有仁心e一點,即係咁講,每個人都有側隱之心,e個婆婆真係好痛苦,佢見唔到e個咁美好既世界,就算今晚去睇燈,e個婆婆可能直到死個日都未必睇到,一個健全既人係幸福,再一次證明幸福唔係必然,e件事,令到一d年輕既人值得反省,我都係其中一個,年輕既人未必有咁多人會明白到一個公民既責任…….當然我都受到其感動,去扶佢一把,隨左夕陽既降落,人生既結束可能都會接近…….可能對於婆婆黎講…..死已經唔係咁恐怖既一件事…….

  番屋企,食完野,上網吹左陣,玩完一陣就拿拿林趕住出門口,去中環影相@@,點知去到係個度食風,凍到……爆左兩個英文字既粗口= =,總之真係好鬼凍,又大風,死左…..個度真係幾靚,又勁多人,我寫左一個許願卡……上面寫住…..哈哈…..都幾多野,三行寫哂,想知係咪??諗下講唔講你知啦,影左好幾張相,不過就大部份都係迪迪影,因為佢有部專門既相機ma,我都有影左少少,係個度玩完一輪,行左一陣去尖沙咀度再行

  點知一去到個度,發生左全日最唔開心既事…….迪迪既女友,之前唔係分手,我都唔知= =,總之迪迪既女友同佢個朋友一出到碼頭就走左,迪迪個陣就眼濕濕,到底咩事= =??都唔知咩事,我只係知個陣我勁急尿,=.=,搵左個地方坐低,迪迪就……跟住就分頭行事=.=,我,楊文雄,同ray三個去搵洗手間,高綸,歐聰同B仔就去追番佢地,louis同陳偉X,係度陪住迪迪,我地去完洗手間番到黎,迪迪仲係唔開心…….收到佢女友既電話,迪迪唔聽,俾左louis聽,講完一輪,迪迪講左兩句,即刻,扔左部電話落地下,連佢女友送俾佢既手機繩都拒左去垃圾桶,跟住,歐聰,高綸,B仔佢地都番番黎,佢地話見到佢女友,佢女友話唔好理佢,一陣就番黎,但係係電話度,佢同迪迪講,佢唔會番黎,e個咁凍既晚上,係充滿歡樂既環境下,居然有一角有人在哭…..陪住佢既……係我地……

  其實諗深一層,我地都有d錯,其實我地去沙咀個陣,我地都冇咩問佢地意見,其實我地係度玩個陣,我地又真係冇咩點理到佢地,一黎,佢地人少,二黎佢地女仔,三黎可能佢地又唔係d主動既人,我地又冇主動去問,咁佢地就會覺得好似冇人理咁,其實都正常,不過就咁走左去……過份左少少吧……特別係迪迪,迪迪夾係中間難做人,一黎要睇住班同學仔,二黎又要睇住你地,有冇諗過迪迪既感受,你可以話我地冇諗,但……迪迪呢??件事最後傷心既人係迪迪,應該係話最傷心既人可能係佢同你,我唔知你會唔會傷心,又有冇佢咁高,男仔既心是否真的如此堅強??其實……一d都唔堅強,畢竟都係人,畢竟都係有感情,而且louis同佢講個陣,louis講得幾激動下,如果真係想佢番黎既話咁既遊說手法係唔得=.=,俾人聽到,的確好似有種,我咩都錯ga la,番到去俾人鬧,咁番既可能性就低,如果用一種手法=.=,講左自己其實都有d錯既野出黎,跟住再講番迪迪既現況,最後叫佢番黎講清楚,會好d= =,番黎先講番我地既立場,加上迪迪個陣要冷靜既話,咁就易解決=.=’,所以louis咁講,係遊說唔到佢地番黎,最後迪迪好番少少,我地就去七仔買酒飲,高綸就走左,因為佢話唔飲,咁我地又少左一個人,買買下個陣,發現上次明心,係公園度飲個枝,我只係飲左一淡=.=,佢俾我= =……咁我今日就買多一次,個個買咁鬼大枝,我個枝就咁細枝= =….唔好諗錯第二d野,哈哈……跟住仲話唔好理d女仔啦@@,我仲話我唔send msg同打電話啦,點之明心就打黎俾我=.=,吹左4分鐘,彭彭又俾msg我= =,我都係講下o者,哈哈…..

  跟住就去左太空館附近既公園仔係度飲酒食花生,玩下十五二十,又玩d咩=.=8既倍數個d,輸左做掌上壓,好在我冇輸,哈哈…..發生一件好奇怪既事,有個傻下傻下既人,跌左條頸巾,歐聰係度叫個個話跌左野,點知佢行番黎,向住我地笑,一腳踏左落去條頸巾,跟住走左,好恐怖=.=,出面又勁凍,玩玩下,迪迪笑得好開心……可能暫時冇野,玩左陣,陳偉X都走埋,得番,我,ray,楊文雄,迪迪,louis,B仔,歐聰,跟住玩玩下俾條友望住我地,仲去報串俾管理員知,我地就拿拿林閃人,好在冇事,咁我地就展開第二個旅程…….由尖沙咀行去油麻地之旅

  我地漫無目的咁行,個陣我已經勁想訓覺=.=,歐聰又再一次流淚,今晚第二個男仔= =,係度周圍行,又凍,B仔就好活潑=.=,B仔愈睇愈得意= =,成個女仔咁,唔係話咩,係得意到有d似女仔o者,一開始,成班友仔係度唱下歌,反正街都冇咩人,發現平時乖乖既ray都有放縱既一面,可能飲左酒,有d wing wing地,迪迪都有d wing wing地,我可能係最正常個幾個=.=,因為我個枝咁少枝= =,飲完都好似冇咩野,跟住B仔,迪迪佢地拎枝水樽係度踢波,踢左勁耐,由尖沙咀踢到油麻地,行到七仔,買野食,B仔請我食串燒,兩條友食一串,冇所謂@@,反正大家男仔,行左勁耐,到左油麻地,搵到一部通"消"巴士係番鴨利州,咁ray同楊文雄就走左,行行下,見到有部車係去東"充"咁迪迪都番埋屋企,得番四條友,四條西環之友,簡稱環友,係度呆左一陣,跟住距離二百米既路見到小巴,我地就沖過去,上車番屋企………

  係車度同B仔傾心事,又多一個人知道我既野既人,一到晚上既時候…..好多野諗……同B仔講左我D野,都係大既講ga o者,想知精細少少,有心情個陣咪講你知…..哈哈…..番到屋企,好似做賊咁,細細聲入屋,跟住就倒頭大睡……訓到今日一點幾,仲要係因為阿媽番到屋企,叫我先起身,佢唔叫我,我都唔知幾時起身= =……..

  今日講15號…….鍾展滔,中四先識佢,其實我同佢都冇咩幾句=.=……..應該係話班入面除左連生同佢熟少少,其他人都唔係同佢好熟…..佢理科都ok ga,幾叻個d 黎,不過就係因為咁,所以佢好扮叻=.=,記得之前岩岩開學個陣我坐佢前面,上maths堂,係後面成日講,搞掂,maths教緊個陣又成日講咁咁咁low= =,俾佢吹起=.=…….我覺得佢都幾懶叻同埋有d串,加上份人好似有d冷漠…….不過佢的確有理科既天資係度,成積都唔錯,就係e d令人討厭吧=.=…..我對佢既野就係得咁多

p.s 1:啊達,唔好意思,今日打太多,唔可以打埋你,反正今晚會打

p.s 2:迪迪,玩完後…….你都係要面對番個現實,我實支持你

  好眼訓既一日,起身已經唔想起身=.=,好鬼累咁死死氣番學,諗番起,番埋今日同埋聽日既派對就可以放假,咁就番學啦,番到去發現我未做中文,頂……未做都唔緊要,拎都未拎,溜左係屋企….又要欠功課>"<,DT我都未交,唔鬼交佢功課,慘….

  一開始ma堂,派番上次份A.MA測驗,有18/21=.=+,其實我都覺係份野淺,最尾個條可以唔識,因為出係最尾個個部份,而且唔係年年都出,頭個七條,應該要識,又教下野,睇下野,學下野咁上完埋個堂,小息,一望埋去,全部訓哂覺,好似死城咁,好勁=.=,因為見個個都訓,無奈咁我都去訓啦=.=

  英文堂,做下05年份會考題,做下做下,時間又過得好快,跟住就PE堂啦,今日要做測試,一開波做掌上壓,同我數既居然係啊源=.=……一開波啦咁就死做難做啦,做做下,有d累個陣,啊源同我講,明心,彭彭等緊你ga,即刻訓低左= =,搞到我冇左一兩下既時間,做sit up個陣又係,做到累,又講同一句說話,俾你吹起=.=,啊king勁變態啦,掌上壓成97下定96??勁白痴,唔記得邊個講,車,都唔過100下,一秒做三下low,條友仔食左藥黎= =??去驗下尿啦,sit up都有56下=.=,勁白痴,雖然阿達係最多,有成60下,跑9分鐘,又係阿達跑最多=.=,其次係B仔,B仔好似跑狗啊@@,哈哈……..

  跑完,去食野,食日本野,好似係最後一日,聖誕要倒閉,咁咪食埋最後一次low,食到飽飽,又上完PE,勁想訓覺,上到課室,見d人除褲,著x煙通吹風,我又除,半除半著咁吹風,點知俾人強迫除褲=.=,勁變態low,成十幾條人係度除我條褲,我知你地妒忌我勁@@,好在條x煙通除唔到,唔係咪睇哂@@,采你都傻

  maths堂,miss鄭都知我地上完pe又食完野,一定好想訓覺,一開始上堂就講左句,唔好訓覺啊,點知啊B仔爆左句好爆笑既笑話出黎,就係點解啊=.=,講就咁講,咪又係勁多人訓,miss又叫左成堂,我都勁想訓,轉堂,訓得勁爽,不過就短左d,上哂堂,好眼訓low

  放左學,勁變態,班友仲係度爭緊聽日去食咩,我緊係支持食韓燒,雖然食左兩年,上年我冇去度,因為飯飯叫我去陪佢=.=,中三個年就有去,但係就唔多想食日本野= =,韓燒好似過引d,咁班入面就勁嘈,皆因食韓燒同食日本野既人數係一半一半,個個都好陣憤,大叫"韓燒""韓燒",跟住又好有節奏咁講,好似街邊個d抗議人仕咁,又係度講個句"打佢老母"e句好似已經成為班既口號=.=……緊握隻手,係度舉起,係度叫,本來諗住拍低咁少有既畫面,點知已經完左=.=,各位兄弟,支持韓國農民,我地食韓燒,打倒日本軍國主義,唔好食日本野啊

  慢慢行番屋企,冇計啦,彭彭叫我慢慢行=.=唔俾快過佢番屋企咁話wo,一見到你唔夠一分鐘就番到屋企=.=,一番到屋企,拿拿林換三就訓覺, 一訓就七點=.=到現在都係有d想訓

p.s 1:今日唔打住,冇咩精神打同學既野=.=推遲一天

p.s 2:noel話我戴左e副眼鏡似神偷= =,叫我打出黎

p.s 3:歐陛唔好意思= =又係你迫我打,我都係支持食韓燒,改變唔到我食日本野ga la>"<

  各位兄弟,姐妹,xanga好似有中毒既危險,拿……..現在教你解毒既辦法login→去safe mode→去Weblog Entries ,delete有fuck既post,有fuck既post係勁多,你快d解就delete少幾個,你遲解佢就會狂增加,同埋暫時千萬唔好kick Your  subscriptions,因為如果你按左個個,以你sub左既人之中,有人係中招既話,你一睇你都會中埋招,所以暫時唔好,係咁啦,我先post出黎

  昨晚……..一直討論愛的問題,我雖然唔可以好明確咁答到你愛係咩,如果用一個深層既角度去答既話,e個問題既答案係好長好長,而且因應唔同既人所定既愛既標準都唔同,所以你睇左,你都可以唔信,因為佢既標準同你一定有出入,但我起碼知既一樣一定有既野,愛係想令對方開心,e點我一直都好相信,神都係想我地快樂,所以佢愛我地,朋友都係想我地開心,所以佢愛我地,你既另一半都係想你開心,所以佢都會愛你,就好似我唔係讀理科,我唔知微積分係咩黎,但最低限度,我知道微積分係有數字一樣,唔知有咩符號,但一定會有d數字,正正回應左條問題,點都好…….愛係點,你冇須要要去了解,用你認為你點愛既辦法去愛人,因為每人都唔同,簡單既愛就係最完美既愛,希望你明……唔想見到你整天自閉既樣子,精神d啦

  最近可能慣左遲訓,昨晚12點訓,今朝5點起左身,起左之後訓唔番,訓得5粒鐘=.=??之前好似要訓好多,又見到某彭=.=,唔係又ga,應該係成日見到咁濟,都好ga,哈哈…….不過你成日坐埋d角位,唔想俾我見到= =??咩意思先??咁就番到學校開始新既一日,係打今日既野個陣,影左兩張唔關DT既相,B仔叫我幫佢影相wo=.=咁我咪影左張low,但係,佢好鬼呆= =傻仔=.=+

工場中,個個努力做野既樣子,講努力=.=??好似錯左d,玩就多,哈哈………

  話說,今日上中文堂就作文,第三次作文,上兩次都係作描寫,今次作下記敘+抒情,咩刻苦讀書成功既經過同感受,講明作文,緊係老吹ga la,一開始都有心情吹,點知吹吹下=.=,俾許嘉偉同啊源兩條木咀又阻住= =,咩齊超xanga成日作文啦,又講埋我打既野d內容=.=咩地鐵啊,咩……= =唉…….我都廢鬼事講,搞到我作下停下= =,本來我一作就興起,唔會停ga ma,你兩條木咀啊,認得你地>"<,今次係三次作文我諗係最多字既一次,我都唔知作左幾多字=.=,可能e d文容易寫多d字掛

  小息,勁…….無言,個個都搵我黎講=.=,拿拿拿…….再一次澄清啦= =,我諗都澄清左n次,我同佢冇野ga=.=……我同個個都冇野ga= =,總之呢,我識既女仔呢,唔係有男朋友就係有意中人,就算兩個都唔係,就係去左第度= =,男朋友同意中人都唔係我=.=,我亦都冇咁好既福份,咁你老屈我話係中意佢地都冇計ga=.=’,你都講到明要老屈,點知換黎既係,成班既哄動@@,我只可以講大家冷靜d,仲要俾人搶手機,勁低能=.=十幾條友搶我手機,我如同俾強暴一樣= =,都話冇野睇ga la,你班友仔又唔信,係咩呢??我都冇同佢地影相,點會有佢地d相,加上,佢地都唔肯俾我影ga la= =,msg??得彭彭個d o者,你都睇到啦,佢唔係講食屎就係想死= =,係咪啊,都話冇野睇ga la,大家好似係我部手機搵唔到d咩野睇,就好失望咁散=.=,哈哈……苦笑中….

  冇計,經過今日咁,我諗又全班都知我d野= =,又係度…..唱啊咁,自上次我失戀既事之後,我諗住都唔會咁>"<,點知今次又黎,谷鬼啦真係……宗教堂,好悶咁上完= =,maths堂,啊源冇書,坐我側邊,係咁講你係唔係同XX一齊o者??定係同XX一齊啊??無言中…..=.=…..我認輸啦…..老屈我係咁都幾無言

  第二個小息之後我地落去影班相啊,要貼落校刊度,影完……唔知幾時有校刊睇,我都幾期待本校刊,可能中五係最後一年仲同班友一齊,下年好好在升到中六既話,我諗仲係一班既有幾多個係5D??都唔會太多=.=,咁就完左一堂時間去影,其實我想,所有教我地既老師一齊影,點知得幾件,有d去左上堂,冇計……唔洗上英文,直接上DT

  上DT,今日又好努力做野,除左突然間,許嘉偉唱首,明明白白我的心,個句之外,=.=……..今日做左好多啦,我做到五點,份報告就未做好,件野已經可以分到四粒電,仲差一個載電個d,同埋個頂未合埋,搞掂e兩個就做完=.=,聽日交報告,交得幾多得幾多,反正我都唔係好想交= =,唔鬼理佢份野

  食飯個陣得知B仔失戀=.=,唉……..最近咩日子啊,個個都失戀ga= =,搞到好似個個都好灰咁,唉……其實聽你咁講,因為一句話令到分手,真係勁唔抵,開心d啦= =……唔怪得最近你灰灰地啦,原來係咁……我諗…..可以幫既我會幫,總之提起精神啦

  今日到………..14號,朱沛強,重讀生黎ga,今年先識佢,其實同佢都未係好熟,不過都唔會好生個隻@@,佢都ok叻ga,就係有時上堂訓覺俾人捉到o者,冇計啦,你坐個個位太易俾人睇到,有番一定既領導能力,歌唱個就係,咁多鬼野搞,佢份人都ok ga,個個都叫佢豬豬@@,哈哈…….到我熟你個陣再打多d啦

p.s 1:歐陞對唔住,整掉你枝筆= =,你迫我係度講

p.s 2:noel好叻=.=…..又係你叫我多d講你叻,哈哈,多謝你e個忠心既讀者

  食焦啦= =….今朝一起身就10點九個字咁上下=.=,已經知道遲哂到,拿拿林出門口,冇計,我昨晚好似兩點先訓=.=,搞到今朝咁遲起身,死死氣咁番去啦,聽人講道,其實我前半部都未番到,只係聽後半部,所以都好似唔係好入腦咁=.=,講完一輪,去左栽培,討論左好多問題,咁就完左上午既主日祟拜=.=

  本來諗住下午去番聖安多尼堂入面既圖書館拎波落去射=.=,冇計,我發現我現在好想射下波,冇打三四年波,我現在同新手冇分別= =,同埋,射波都係一種樂趣,能夠射波,又入左係一件好快樂既事,話係咁話o者,圖書館個粒藍球仲係唔係度都係一個問題=.=因為我十年都冇去過個度,冇既話,只好危險d潛入電腦室拎啦= =,我諗個班友仔唔係成日都係個度,再冇既話就算=.=,e個係我一開始諗既意念,不過睇下時間點幾就兩點,屋企好似又有功課=.=,諗諗下都係廢事啦,食完野,去下創業行下,去下華明行下,行行下撞到小學同學,吹左兩句又走左,行完既時候落去點知俾我見到louis@@,佢好呆啊,係佢面前講拎身份證,哈哈…..個陣先知佢番救恩,吹左兩句又走

  番屋企諗住快手做埋功課,跟住上網玩,點知好鬼眼訓= =,諗住訓半個鐘,點知一訓就訓左三個鐘=.=五點幾先起身,死火,咩都未做= =,拿拿林拎番maths出黎做,做左幾個字就做完,聽日交DT報告,食焦啦= =……..睇下自己做左幾多,一睇只係做左二十幾頁=.=….真係…..要買條焦食下,諗諗下,我件野都未起好,點做啊,聽日DT堂我諗我可以做完件野,報告就……聖誕後啦,做夠80頁俾你都得= =

  聽日要影班相啊,要貼落校刊度啊,聽日要著好d啦,哈哈…..我最驚都係我頭髮太長唔俾我影o者,其他問題都唔大,5D同學,明天係我地名留青史既日子,他日d師弟見到5D個個都咁型仔,咁就冇計啦,唉……希望唔好捉我頭髮長就得啦

  世貿今日結束,講得太多有錢人唔好既野,其實韓國農民都有錯既地方,你地諗深一層,俾你地攻到入去世貿又點啊??殺左個班部長??阻止佢??唔好傻啦= =…..諗深一層,其實咁做都做唔到d咩事出黎,但…..又唔可以怪佢地,佢地做農民,知識水平比較低,唉…..點都好,事件都差唔多平息,因為今日都完結,你們累了……快快回家去吧….別在這裡勞苦,家中還有田地,還有老婆仔女等住你們….快回去吧…..

  今日講13號………趙俊傑(ray),同佢五年同學啦,識佢好耐啦,仲日日同佢出去食飯,應該算係班入面同我最熟個幾個黎,佢遊水好勁ga,佢最勁都係獨木"周"好鬼勁啊佢,練到有"雞"肉,佢都ok識諗啦,起碼定左目標俾自己,好好ga la,唔係好多人有定,佢都算ok啦,有時同佢吹吹水啦,有時都會講下我既心事佢知ga@@,我當你好朋友ga,第日就算畢業,分左唔同路都好,搵日出黎食下飯啦,堅持自己既路向,好好咁去前進,唔好因為周圍既野去吸引左你,好好加油……

p.s:啊發正一死傻仔,昨晚俾人厄左落去灣仔,可能今日俾班差佬捉左…..哈哈…..

  好啦,打番今日既野……諗黎諗去都係戴啦,因為我想你同我一齊,開心與否我都希望…..今日訓到十點,冇計,昨晚一點先訓,又有好多野想打啊……記得睇番昨日個個wo,我冇打,我打番左,阿媽阿爸真係勁,幾個月嘈一次,嘈完第二日又冇事=.=玩死…..

  今日死左去行山,未行山之前,當我知道要去鑽石山個陣我心情大減幾成,去鑽石山咪會見到飯飯low= =’,咁岩個段時間應該係佢同個媽出去學跳舞既時間,由踏入鑽石山站開始,一直都閃閃縮縮,我未放低??唔係….我係怕應該點面對佢o者,重回往地,行緊當時既地鐵站,仲要係同一個出去,佢就係星河明居,一出就見到= =,走緊地鐵站,想起對上一次仲係好開心,想不對今次我會咁…….就番上個個商場,記得嗎??曾經和你在這裡行過……戲院好在冇上到去,仲諗更多野……..當我行完山個陣,我落番地鐵站,想起有一次去完旺角,我個陣好唔開心,你個陣又低下頭,我買完飛就走,我一路行去,你又一路係對面度跟住我,我扶手電梯慢慢落去既時候,你一路追住望住我………想起往事……太多了…….點都好,我真係冇野,只不過好似仲有d遺憾o者…….

  行山,體力不足,一黎今日好鬼眼訓= =,二黎我勁耐冇行,體力真係不濟,估唔到,冇打三四年波,冇同佢地玩三四年,我既體力會如此差,記得個陣,我仲行得好好地,激死……唔通我齊超真係咁冇用咩??唔好同我講笑又講起自信又再一次…..想起你們…..個陣我同你地成日去行,雖然就冇今次e個咁鬼斜,其他都差唔多,除左最後一次,次次都好開心,個陣我仲好好地…….個陣我對自己好有自信ga,心諗,咩都得,但係你知我,人又唔係高,跳得又唔係高,跑又唔係特別快,所以個陣我成日去射波,個陣中一…….因為咁可能個陣係聖堂入面,我係四個入面最準個個掛,皆因射波真係好講自信心,如果你已經諗住唔入,你射既波一定冇可能會入到,一個好既射手唔只要有本身既材能,最重要仲係每日不斷既練習,所以個陣我只不過係一個純射既得分後衛,唔係d好勁個d,李祟德個陣教我,真係好鬼死勁=.=,我諗我直到今日,我都未見到有人好似佢咁勁,係空中做好多動作,想起個陣既陣容,教練李祟德,控球後衛:中tim 得分後衛:本人 小前鋒:傑 大前鋒:無=.= 中鋒:肥慶(佢同啊陳偉明有得比=.=)現在打鬼打馬咩,因為有一次因為我肥慶同埋恩(我初戀),三個人既事,搞到我完全係冇哂心情,次次都炒,唔鬼打啦,唔知係咪個陣我冇左個份自信係度,加上佢地咁對我…..一下子就離開左佢地…..唉….

  行到我差d死左咁濟,唔去佢地個度食野,想番屋企先,坐完地鐵,打算坐坐電車,咁耐冇坐,點知發生左一件奇事,上到去見冇位,咁岩有個角落頭,係個度企下=.=點知有個女仔係我側邊,年齡應該差唔多掛,仲係度傾電話,我都唔汁輸,打個電話俾人先@@,哈哈…..佢企我前面,點知一腳踏中我隻腳,跟住同我講sorry,我緊係講唔緊要=.=,心諗,真係唔緊要,反正俾大把人踏過,特別係女仔……..= =坐坐下,電車個司機係度好惡咁鬧人,咩冇百達通唔俾錢啊,之類既說話,我見佢講得好惡,好似係部百達通機壞左,咁岩個個女仔好似冇散紙,我見佢眼望望咁=.=,咁佢問我有冇十蚊散紙,一睇之下,個d散紙用哂坐車同地鐵得番五蚊散紙,唉………見佢咁慘,冇計啦,俾左兩蚊佢,佢又講唔好意思ga同埋我遲d還番俾你之類既說話,我就同佢講,算啦,唔洗還,拎去啦,咁冇耐就落車番屋企,雖然只係好簡單既事,只不過…….幫到人既感覺真係唔錯,點都好,認得你ga,你記得還錢啊,哈哈…….講笑只不過一面之"原"吧……

  點知番完一陣打埋昨日既日記,又要出去,出到去先知蔡瘋華生日,我個陣先知=.=……生日快樂啊…..係我師弟,好好地咁加油,突然諗起昨晚有人問發叔,今年3E點,佢既回應係,嘈既人又唔係多,只不過個個都無咩心機讀書,所以miss嚴幾時都話掛住你地,有開心有唔開心,開心係我地乖仔low,哈哈,唔開心係,暗示左我地低班一年比一年差,唉……俾心機啦,師弟們,俾人睇死哂咁,我都吞唔落淡氣,係公園玩下d遊戲=.=,玩到我就死,又要錫又要扮又要企又要起又要咬,咩鬼都有=.=,玩死左我啦

  番學既路途中,你同我講,你好慘…..e個真係要記,慘既原因係見到彭同火機咁好,我…其實一d都冇話好唔開心,我睇到我都冇眼紅過,你見到ga,我冇野wo,如果……火機佢可以好似今日咁好好咁對佢既話,ai…….我覺得係一件好事tim,唔好話慘,如果你只係諗,你只會默默忍受,如果你明白少少,中意一個人唔係想佢開心咩,見佢今日既開心,唔洗再去飲酒,我仲有d咩要求??所以你唔見我都扮話買野,咁就走開左,一黎係因為唔想阻住啦,二黎俾埋野你,anyway…..如果佢可以成日都開心既話,對我黎講已經足夠,同埋我都唔係一個人啊,我仲有你e個朋友啊,仲有我學校既5D同學啊,仲有我好多朋友啊,仲有之前個兩個啊,一直都係度陪緊我,雖然今日你地唔再中意我,我仲有好多啊…..我唔係一個人ga,唔會因為咁去失落,去唔開心,見到佢開心已經夠,我又唔洗煩,一見到佢謝哂,我就大把野煩,你都係=.=…….應該係話個個都係,唔知幾時開始,當我見到人真係開心咁笑既話,我個心就好過d,起碼唔理我開唔開心先,起碼佢係開心既話…….已經足夠,同埋我同火機,你見到我同佢有敵人既feel??我冇ga,我當佢朋友咁ga,好好地對人啦,做到e點對我黎講已經足夠…….功成身退,唔洗再理lu

  有人係街度見到一對一對既伴侶,你會妒忌,但係你又有冇諗過背後既辛酸,只會看人成功既地方,再一味妒忌,係冇智既行為,你見到一對對,背後既辛酸真係好多好大,佢地流過幾多眼淚,用左幾多精神,用左幾多時間,又有冇人知??當你真係接觸到愛情既話,你會發現唔係表面咁開心,背後既野比起表面既野做得更多,更麻煩……..

  今日講既係12號………周永樂(七周),e個就耐d識,中四先識佢,一開頭見佢,好似係d咩好惡個d人黎,其實唔係,接觸耐左,發現佢對朋友好好,佢都ok好人,而且佢d理科,除左中英文之外,同埋DT,宗教e四科之外,其他個d科科都好鬼勁,勁係勁左e d科,佢唔讀書,都好鬼死高分,佢好有天才,中英文其實都唔係話差,中文係佢唔想寫咁鬼多字,最好就寫數字,符號同埋唔好有咁多野記,英文,平時好少接觸,但係個底唔差,佢對朋友都好好ga,佢上年仲寫左句好勁既說話,貼左出黎,俾啊穌sir睇到,大叫一聲,勁秋,個日七周冇番所以唔知,穌sir仲講佢e種係d咩咩理論話=.=,我只係記得第一句,如果e個世界有神既話,跟住就……唔記得lu,當佢聽到李副校講個d哲理既說話既時候,有時會見佢眼光光,好似係度諗緊好多野,佢既眼神好……有e種光芒出左黎,可惜既係,佢唔肯去讀書,成日去MC打機,浪費佢本身既材華,評語係,好好善用自己既才能,班入面,最有才能又冇好好咁去讀書既人,最有潛資個個係你

  16/12/05:昨日本來想打,又係太累想訓,最後都係冇打度又因為今日太多野做,所以到現在先打,今日同昨日既日記內容都好多野打,因為我實在有太多野想講….

  係講今日既野之前,我先講一個故仔……學校入面有三個好壞既同學,佢地咩都做,有一次仲因為太過頑皮,搞到學校差d火燭,校長叫佢地入去,要退佢地學,個d學生係度哀求,當佢地求完,校長同佢地講,"你地咁,第時可以做d咩,我問你地,你地第時想做d咩??"三個同學就係度諗,有個同學講我要做太空人,第二個就講我要做特首,以第三個就講我要做韓國農民,奇怪啦??點解會咁講,當校長問佢,佢就答"韓國農民可以周街搞破壞,警察都冇佢地符,咁勁秋,我緊係想做啦"故事到e度,人們啊…..你地睇看事物唔可以太表面…..比如你係一個農民,我相信香港冇咩人會做農民,冇咩人食過苦,但你都知係好辛苦既工作,佢地本身既工作辛苦,一年既收入一千蚊都冇,食已經唔係多,有錢既國家比如美國,居然去令到e d國家既窮人,連現在咁辛苦既生計都破壞,間接黎講係叫你去死,如果你係佢地,我相信都係唔好受,就算唔出黎抗議都會十分痛恨有錢既國家,e一點我相信好多人都唔知,應該係話部份既香港人只係識理自己既感受,人地點死唔關我事咁,記住係部份,有d勁加差既就好似我故仔入面既第三個同學咁,其實我打出黎,我仲暗示左d野,講白d,係暗示香港人既無知,凡事只係睇表面,太易俾大眾傳謀影響,正如曾sir都講左,有一個警察用腳踢一個男人既老豆,咁個男人見到就推開個警察,個個記者就影住個男人推開既記者,原因係點??有冇人提啊??有冇人知呢??唔好咁易俾大眾傳謀影響,要有自己既個人分辨是非既能力…..

  今日我拎住三件野,一件係左手既介指,一件係右手既手繩,一件係中間既頸練,我已經好耐冇拎e d野佩戴係身度,原因係,介指同頸練係飯飯送,手繩係五年前,我初戀個個送既,保存在五年,我一早都冇拎走佢,點解今日我會戴佢地,原因係,我想俾自己知,兩個都曾經是和我在一起的人,因為之前一直害怕佢地,我唔想戴e d野,唔想諗起佢地,今天,我再一次證明俾自己睇,佢地永遠都會係我心中,就算係好係唔好,都係,我想同你地講,你地俾我既禮物每件我都收得好好,直到今日我都有戴住去行山,我想你地陪我去行,我想你地都睇到景色,我想我已經冇事了…….放心…….可能已經明白係咩事了…

  一開始就phy??點解??因為同中文調左堂,但係佢冇教書….本來諗住佢講到咁偉大,一定同我地教書,點知俾mc我地做就算=.=….頂……咁你不如俾d mc俾個代課,跟住俾埋答案佢好過,我想你係黎教書,你都識講,中五會考班好重要,就算唔教書,你都同我地溫下書啦>"<,書都未溫就做mc,中三d野,記得少少o者,你又唔同我地溫,點識啊=.=…..唉…..咪話我話你

  跟住化學堂…..頂…..咁樣衰low,啊源同許嘉偉,係咁俾壓力我射波,其實係射垃圾=.=,我又唔想射住= =,點知迫迫下,冇計啦,射啦…..點知….中後面彈左出黎,啊啊啊……..唔入啊>"<,最慘就係俾啊堅睇到我炒粉>"<,跟住問我做咩上堂扔垃圾,= =冇言……勁樣衰low,太快啦射得,慢慢黎我黎會入=.=,激死,e次炒粉我一定記得>"<

  中文派作文,61分@@,全班好似第五高定第四??差唔多啦,上次個份作文,得58分=.=,點解??因為我錯左6隻字啊,扣左3分low,勁黑人憎,所以今次我今次冇咩點寫錯字=.=61分,爽…..教完我和我的唐山,中文科得番一課書…….好似就黎教完…..意味住中五既時間都就完…..

  英文堂,本來做03年既paper3,點知係做過,搞到係個度講係新聞,我就係度做paper2=.=,maths堂,混混下就過埋今日,咁就番學係度傾d燒野食既事宜,分哂人去做唔同既野,我就拿拿林,快番屋企,換埋三,出去買野,搬番去學校,辛苦死=.=

  今次係我地同3E班一齊燒,見到啊蔡瘋華,不過佢只係打波,都唔鬼去燒=.=,見到好多當年既1A同學,雖然由1A升上黎5D大既只係8個左右,見到佢地……好開心…..特別係已經退左學個d,啊陳錦源,個look唔同左之外,好似都差唔多,狗仔啊,不過狗仔成日都見到佢,不過佢條友仔黎食野唔俾錢啊,打死佢都似,仲有光頭仔啊,個陣個頭就光光地頭,今日見佢,已經唔再叫光頭仔啦,佢既髮型有d似火機,教會既人應該知,前面個條再長d,跟住條長ga係金色,佢係X堂既人,愈黎愈有大佬既氣勢啊,哈哈…..我見佢跑得好鬼快,成日打架訓練番黎??哈哈……幸好…..我中一中二都過得很快樂……因為當年既同學都ok團結,我真榮幸係中學既日子,無論1A,2A,3A,4D,5D,都係過得很快樂……不過我相信中四中五既番學日子會更加快樂,因為人大左就多好多野玩,燒燒下,其實我地一早就諗左個節目搞搞氣氛ga la,就係熄哂燈,跟住搵人送個蛋糕出黎,咁你知點解我會40蚊啦,我要用200蚊買蛋糕,不過原來係值得,送左出黎,個個就一齊唱生日歌,先祝佢生日快樂,佢2X號生日,本來諗住個日燒,不過冇計,見到miss嚴勁開心,miss溫,就好似勁妒忌,哈哈……冇計啦,我諗miss嚴都係第一年咁有咁多學生同佢過生日,仲要送埋蛋糕俾佢,俾哂驚喜啦,哈哈…….跟住就同啊發叔啊,miss嚴,當年1A既兩個班主任影相,今日參加既人數差唔多有30個多少少,接近全班都有去啦,五年前,我仲害怕,因為1A班冇個係小學同學,冇個識,好陌生,五年後,重新望番感覺唔同…..跟住就燒啊燒,燒完仲去食糖水,糖水團啊…..跟住就番屋企….發現彭彭同發叔係同一日生日,12月4號,哈哈…..兩個都傻傻地

  番到去諗住打今日既日記,點知有人打俾我叫我出去,我知d人睇到又問我,係=.=,係明心打俾我叫我出去,咁冇計啦= =,咁佢叫到,加上一條友係出面,我幾時都話=.=,你有人陪我可能未必出去,如果冇人陪,我會出,廢事一陣俾狗食鬼左,仲要我飲個枝酒=.=,老實講,我係想飲下,試下,只不過= =…….講左好多野,冇唔開心就厄你ga,你傻ga??見到你咁既樣,特別係講到咩有朋友要走啊,同某人番又冇聲啊,我見你就……冇事??唔多信low,有感情既人點都會有dd唔開心啦,點都好,咁就係出面坐左一個鐘,你既感情做得好明顯,唔似彭彭,係朋友面前玩啊玩,好開心咁笑,心入面係點,唔開心low,我想你唔開心就唔開心,點都好,有咩事就叫我,多人我就廢事啦=.=,原因係….咁鬼多人,多我一個都唔多,即係有咩事同我講,其他朋友仔都係,我實出黎ga,總好過你一個係度自閉,係朋友既話,唔洗講咁多……

  今日講11號……周文傑(連生),中二開始,自從我係個度坐車,成日都見到佢=.=,不過又唔鬼識佢,中三同佢一班,先識佢,佢份人好乖仔ga@@,又係d乖仔黎,都唔多見佢出街玩,又驚女仔wo= =,都唔知驚咩,雖然d女又真係幾恐怖,佢做野都幾認真,上堂都好專心,引佢傾計,佢都唔理你=.=洗唔洗咁專心啊,成積都唔錯啦,好過我,都幾勤力啊,ok善良咁啦,至於識唔識諗??我諗佢未經歷過社會既經驗,可能都未必知太多掛??所以話成日留係屋企都唔係一件好事,平時又唔多講野,要叫佢先肯講野,都ok"俾"動= =,但又時開心個陣又好鬼多野講,比平時多啦= =,即都唔想多野講,我對你既評語係,多d表現自己既野出黎,好好學習,多d接觸下其他人,擴展下你既視野,要學會主動

P.S:啊king條廢人,玩地雷輸17:0啊,勁臭啊,快d開窗啊,今日成日係度串佢,17:0既紀錄,我影埋相啦,哈哈……笑死佢,鬼叫你成日係度恰我=.=你唔好以為你有好多"雞"肉,又識中國功夫就驚你wo,現在用手槍ga,傻佬= =+哈哈……四枝發達頭腦簡單啊,17:0….呵呵……

  又好平凡既一日…….番到去hea番陣,咁就上英文堂=.=,B榮係咁對住我唱歌,跟住仲問我唱得好唔好聽,=.=,咁我叫佢唱多次啦,我冇望住佢個樣,跟住我講,都ok ga@@,跟住我再講,如果望埋個樣就唔合格ga la,哈哈…….即刻俾佢打,點唱機??你真係咩歌都識??哈哈…..曾sir講得又係,日記e d野,好好保留,所以我今日打好多野出黎,係想令我自己仲記得今日做過d咩,發生左d咩事,一一紀錄落黎,他日睇番,的確好搞野,我睇番我中三個本日記,睇到我O左咀,哈哈…..愈耐睇個感覺就愈怪,好似……唔係你打….好似一種….好陌生既感覺,anyway,我想保留我既回憶,我會好好打埋佢

  小息個陣俾人sm啊>"<,又俾人串,又俾啊發條木咀,拎我番臉取暖,凍Q到我=.=,俾啊源激死>"<,都話個d唔係我既"親密朋友"男女一定係個d關係咩=.=??跟住你又同我講,情侶係由點開始??佢自己答埋,朋友啊ma,我話=.=一見鐘情唔俾ga??佢就無言…..

  MA堂,教書好鬼快=.=……係我地聰明定係咩??總覺得教ma個陣,係飛得超快,但又唔係唔明,兩日….教左大半= =,過多兩日可能就教完,教教下個陣,我仲係度諗聽日BBQ既細節=.=,好似有d唔夠錢既現象出現,千幾蚊,用左二百蚊買蛋糕,你買碳啊,個d咩野飲啊,工具啊,個d可能又會用左一二百蚊,得番咁少錢,點買野食=.=……..??點算…..正在煩惱中…..今日仲要搵D大力士,聽日幫手去拎野番去,希望唔好甩底,唔係就搞到踢哂腳,放學番去再出黎,再買野,再番去,都係岩岩夠時間=.=,麻煩=.=…….唔夠錢要搵miss補貼??咁樣衰= =…..早知叫細佬唔好買個咁大既蛋糕,講講下,又冇咩上堂=.=……唉……

  宗教堂,完全冇咩點聽書,跟住就派紙做堂課,仲要即堂收,唔係啊=.=……望住個條題目,分左五個小題,簡單d講,即係五題= =,做下是但做下咁,由於時間緊迫,sms彭彭,e個宗教咁忠誠既人,又對左咁耐,希望佢幫我答到一個小題=.=我做其他四個,點知佢回得咁耐>"<,自己做埋左,佢先回我,搞到我最尾個題冇時間做…..頂=.=…..

  跟住就係3堂phy…..都好ga,今日有測驗,唔洗聽佢咁耐書,唔係我會死ga,上phy堂,個陣,錫年見歐聰起身,歐聰勁火low,我見歐聰好似就火到要打埋錫年,真係想佢冷靜d,錫年見佢咁火,就唔好迫佢咁多,佢唔係個d咁易受落既人,唉…..佢有時就係咁唔冷靜,好易壞事……..都唔係一件好事…..可能真係唔開心,但係冇計….你係學生…..可以如何??你番得黎真係聽佢講,冇計……除非你有日地位比佢高

  放學又有測驗,頂…….最尾個條抄左題目low,唔係我諗最尾個條都有幾分汁ga,好唔抵……>"<其他都識識地咁啦,應該唔會錯掛??唉…….放心唔落,錯都錯得唔抵low>"<,發現今年細佬差唔多堂堂都訓覺……好心佢啦,我知佢唔想訓,但係……唉…….叫佢起身唔夠一分鐘又訓,= =……無言…..

  聽日BBQ既大日子,都唔知順唔順利,昨日留言數目係暫時最高=.=,得八個,都好過冇,多謝有讀者啊…….我都成日有去你地既日記,特別係我sub左個d,一定有去

  今日到10號啦………陳永焜,係我地環友既成員,番學放學都會見佢,仲要坐我側邊,中三識佢,開頭識佢個陣,以為又係d唔中意出聲既人=.=,點知識識下,原來係咁鬼串= =,成日同佢串下嘴咁,又同佢講下d廢話,佢幾叻ga wo= =,唔知點解唔溫書,但係d成積又唔係差,又係有d天才,定係佢理解能力高??佢…..都好識幫助同學tim………(幫人做功課),又好專心上tim………(訓覺)最近少左,因為要簽紙,佢其實都幾錫佢細佬,有d咩食都俾佢細佬先食,有d咩都就個細佬,佢細佬上年中一,人生路不熟,仲成日等佢放學,佢對細佬都ok好ga,雖然好多時唔認真,但認真起黎個陣,又幾岩,好好地讀書啦,有機會啊你,運用你本身既才能,唔讀書都可以ok高分,唔係差ga,天資唔係個個都有,好好珍惜…..講到天資令我諗起七周…..

陸運會中的五丁……拎住5D緊係B仔啦….哈哈……好在冇影到我…..唔想上鏡….同學們…願畢業後的日子還能有機會見面,畢生難忘的中學生活…..

5D後面個個係??????答案係許嘉偉先生@@,願他日看到5D同學能腳踏實地做人….

  今朝上上網,望望下……居然俾我望到迪迪佢同佢女朋友既事……事情係點,我都唔係好知,迪迪都講得好難明=.=,不過點都好,話哂都年幾兩年,相信佢一定好心痛…..仲要係成日見=.=,唔似我……相信大家都好知迪迪女友係邊個,好多都見過,今日見佢都好頹=.=,平時佢傻下傻下ga ma,見佢隻眼都…..好明顯喊過黎啦= =……睇住佢都唔知點…..我實支持你ga wo,不過係仲未知咩事之前,唔可以亂咁做睇法=.=,最近都唔知咩事,好似個個都為女愁咁=.=,女人o者ma……周街都係啦,頂多咪唔要….好叻咩,係咪??哈哈…..唔好理d女仔啦@0@,我地有我地既happy hour,唔要女仔啊@@….咁鬼難明,仲難過微積分,哈哈…..講笑,女仔唔好打我…..希望你可以重新振作吧….

  番到去又要抄化學,冇錯係又要=.=….其實一開始自己做,做做下覺得太慢啦….跟住搵人d化學黎抄,我份化學西利啦,集合左五個人既力量合而為一,一定岩好多,哈哈…..我做十幾題,係啊king度又抄左10題,係連生度又抄左十幾題,公安度又抄多十幾題加埋長問題,係細佬度抄埋幾題,搞掂,唔好意思@0@,冇計…….江湖救急,你都唔想我欠交掛??哈哈…..

  昨晚發現唔見左本手冊…..冇左時間表用校歷表,現在用時間卡同埋校歷卡,手冊都廢鬼事買,因為我開學到現在都未抄低過功課=.=….哈哈…..其實唔係開學到現在,係由上年中四10月開始到現在,成年都冇用過,= =

  DT堂…..今日DT堂,算係我中五咁耐上得最認真ga la,成個型整左出黎,正……開始有個型睇,仲差收集電池個個器皿,同埋外型,仲有d顏色之外,其他都做完……好=.=+….仲差份報告,咁之後既DT堂就唔洗做野……可以hea下….班友仔上網,點知上我日記…我見到ga=.=……個個都話我係度作文…..多謝= =…

  宗教堂,講起亂倫…..突然間令我諗起啊ray有個網友=.=,超級變態,係超級= =……個網友同佢啊媽發生關係low…..唔係啊=.=…..我….好難接受e個事實>"<……最驚訝既係….七周居然同我講,冇咩大不了,大家中意咪得low….七周果然思想前衛=.=

  食飯去左日本個間野度食,冇意中聽到個個經理話,做埋聖誕節之前就唔做…..咁第日咪少左個地方去??不過話時話……我都係中意以前既台南…..又平又抵…..

  中文堂,派測驗……成積係23/40@@……都接受啦,我覺得最低限度都要過一半分,miss石話要當50%先當會考合格,我都係咁諗…..下次真係要溫溫書=.=…..我好似都未真正發過力,唔想會考有遺憾…..明明做到唔去做,係最蠢既行為

  放學補DT,今日同我sms既彭彭都知道,平時我DT成日都同佢sms,今日好耐先回佢,點解??因為放學我都係做得好認真ga@@,時日無多ma,要搵番個位都要好多時間,免免強強算係成功low,仲差少少,俾d意見我,點先可以整到佢個look吸引d=.=….有意見既人唔該俾俾我…仲有…..noel,你隻死仔,係我後面講我??哈哈…..同人講你有冇睇齊超日記啊??我望左佢勁耐= =….佢又係咁講…跟住同我講….打得好好啊,你作得好好啊,成日作文….=.=無言…..沈默做野中……

  看到往日,你俾我既禮物…..一看之後….心情大跌….反問自己,是否真的無事了嗎??我想我還要時間…..亦又有問我,你真的不喜歡那個女仔嗎??我答係啊,我現在當佢朋友,當佢指住我部手機既時候,咁你點解仲保留住佢要你既手機畫面,個隻公仔…….無言以對….問心真的完全冇事了嗎??可能正在灰心地方,我還是需要一點時間……但….現在已經好多…..我相信我自己有一定既能力,應該係話我一定做到….我係咁易受到打擊以受傷,受傷完起唔到身既人嗎??廢話,我會??我話你知唔會…..

  今日係大日子…..我隻倉鼠生日啊….2002年12月14日我買你地兩個番黎….今日你地個個都唔係我度,連d子孫都唔係度,3年啦….我一直當你地係我最好既朋友……我最記得係我有一次好唔開心個陣,我同你地所生既BB講野,個陣你地開哂眼,仲好細左,超可愛….係度走黎走去,你地既BB好活潑,放佢係手度,我同佢講我唔開心既事,佢望住我,我一路講佢一路望住我,平時應該好活潑咁走,但係佢今日唔知點解冇,好記得,好似你地真係聽緊我講野咁….好掛住你地…..我仲記得D BB幾時生日ga,2月19號,好近我生日,唔可以叫BB,因為我送走你地個陣,你地都好大隻啦…..你地…係我最好既朋友…..可能…..希望….你地唔好怪我送走你地,係阿媽阿爸迫之下我冇計先送,我個陣講左好耐,嘈左好耐,但係見老豆有敏感….我先放棄……放學番到屋企,你地冇哂…..心情…..唉…..一諗起就勁灰….我真係唔想…..對唔住…..你地搵錯左一個主人…..

  今日到9號啦…….陳煒彤,又係識左五年…..但係我對佢既了解…..係勁低=.=…..因為佢係個度唔多出聲啊,咩都唔鬼講,又好少見佢講野既人= =…..其實都幾難講佢,我覺得佢讀文科好d,因為佢肯去背野……但係……佢唔多識理解=.=,諗左勁耐都唔知打咩好=.=…….多d表現下自己啦….唔好再咁靜