慘……岩岩先發現21-23號既同學都係打波,而且都係要我打多d佢既野= =,唔打就…..唉……真係怕左你地啊= =,許嘉偉,高綸,啊源,你地好野=.=,講番相先啦,左面最頂個張係,今年陸運會既相啊,B仔拎5D,啊達左面個個咪許嘉偉low@@,等我爆你出黎先,哈哈…..左面下面個張咪上年4D個陣去紅館,走個陣既合體照low,個個都要著黑三啊,因為我地要走黎走去,又唔想影響到人地,著黑三就冇咁易發現,人生高鋒期,係勁多人面前上台…哈哈…..我相信冇下一次,李副校都講得岩=.=,唔係我地俾機會佢地,係佢地俾機會我地,右面上面個張咪上年係考試前一日,我地同miss楊(唔知係咪e個楊)影既相low,佢係黎代石媽媽ga,睇下我地對新老師幾好,我張台俾董卓踩住左= =,右下面個張就係今年我地係畢業禮度唱歌,有頭有面啊,係個陣好多大人物ga,見佢地都好似幾中意咁,咁就好啦

  今日一起身就成11點幾= =,又開始去番咁遲起身,跟住就開始hea,hea到現在……死火啦,書又未溫,DT報告仲有一半= =,唔得啦,聽日開始真係要開始做野啦,唔係我真係死俾你睇,唉…..想做同真係去做原來係差咁遠,會考日子就到啦…….e個係我人生第一個好大既挑戰,我聽番首歌,係日記ga,上次明心俾我個d,有幾句個主角係度講,諗番起當年我同d同學會考個晚,我地唱K,周圍d同學都係度問,20年後既今日,我地會係如何??的確,20年後既今日,到底我地係邊??可能…….有人成功左,亦都可能係失敗左,有人好開心生活,有人幸幸苦苦咁生活,有人開心亦都有人唔開心……20年後既今日,冇人知……人生既路程….其實不斷係度跑緊…..

  今日都已經30號,聽日就31,後日就06年,我睇番成個05年,原來我都有唔少既事情發生,1月:凍到痴線= =,個個月係勁凍,個陣仲係學校開放日,3日開放日,番足三日,對住小學既同學仔,真係難應付,有d啊叔問我野tim,我做左個推銷員,係咁講同一番說話,仲有就係考試月,考試成積咪12/40,45/200(我計齊頭數)2月:放假番大陸,三年冇番過,見番三年都未見既親戚,特別係d,姓齊既唐兄弟啦,仲有個妹tim,三年班,勁活潑=.=,無奈….南平,唔係一個好差既地方,但係我眼見當時既環境,實在令我不忍,可能我係香港大,但中國要成為強國,看來,人民既教育同埋貧富差距仲要改善,亦都係本人生日,同人去左又一城hea=.=,生日都係平平咁過,3月:悶到嘔電既復活假勁長,成兩個星期,個陣亦都係中五同學仔畢業既日子,係台下,身為中四既我,望住佢地,唱埋最後一次校歌時……想起,下年就到我啦,下年我就中五啦,唔知我有冇機會上一次台,唱一次校歌…..望住個陣中五既同學…….希望你地好好加油吧,亦都係林sir同miss余結婚既日子,不過我就冇去啦= =’4月:發燒月,發左兩次燒,平時勁少發燒既我都發左兩次,不過我都堅持番學,係唔知點解番學個日我係冇事,係放假個陣先痛,想搵借口唔番學都唔得=.=’,亦都係我地去紅館既日子,天主教學校教師日,全部天主教學校,無論幼,小,中,既老師全部都黎哂,爆哂人,我地就去幫手做野啦,每三年就會搞一次,咁岩個年係我e年,又搵中我地,哈哈…….真係得益唔少,5月:一個幾悶既月份=.=,都冇咩事發生,只有一個感恩祭,去守門口= =,悶到痴線,e個感恩祭,係係聖安多尼度,哇……小學啊sir見到我,就叫"喂……你咪齊超,見到我做咩唔同我打聲早晨= ="無奈……其實個陣我係度認緊佢= =",6月,又係另一個考試月,死讀難讀啦,其實都係懶懶閒咁讀ga o者,番番黎既成積係11/40,42/200,比上次全班進步1名,全級3名,咁大把= =,年年都咁上下,冇咩突破,都冇咩跌,7月,學校七十周年晚會,又搵中我地班,學校對我地真係好=.=……..可能因為我地有紅館既經驗掛,我就冇去亂打廿四,我班入面有一班都去亂打廿四,我就去做啊四,搬野,哇……搬到想死….個次七十周年晚會係理工大學個度舉行,哇…..熱到訓左係度,又多野做到嘔,成身都係汗=.=",勁辛苦,勁想沖涼,坐的番屋企= =,好在車錢全部學校俾,番到去1點幾,勁慘,早上7點做到1點= =……跟住就係放假既開始8月,我既日記停止,之前我都有個日記網,都係打得唔少,估唔到今年打既日記係比上年打既多成倍=.=,無聊既一個月份,玩下咁low,都唔記得玩左d咩啦,補下課= =,放傍個日我仲去做工作人員,見到有人幾高分,有人就…..唉……下年就到我啦,點算好= =??仲有,e個月開始就同彭彭開始混熟,亦都係往日番教會既伏筆…..9月,中五既開始,總覺得大個仔啦,班主任係大佬曾,個陣仲諗住係錫年=.=好在唔係錫年o者= =,愈黎愈唔係好中意佢,人事變動,教宗教既李副校走左,廢sir黎教=.=’,又係….唉….個個月30號,我地水運會,我地5D班仲拎到全場第一tim,仲有啊,我xanga亦都係e個月2號開始用,10月,退休啦…….我地e度prefect退休,新既班子已經組成,老實講,今年d prefect又真係廢左少少= =,咩都驚咁,而且有d地方都唔係做咁好,第一次番教會=.=,俾彭彭拉左去,心諗….唉…..算吧啦= =,見佢俾我張相,睇極都好似未見過e個人,原來佢左右不分= =,一見到佢,心諗"下=.=……你咪成日見個個,當日遲到既兩名大軍= =,我仲記得ga,賓賓同明心=.=,e個月我地班歌唱比賽,仲拎到第二tim,諗動作都諗死人= =,個日勁開心,e個月正式上台3G,冇計啦,= =就展開左我每日都同彭彭sms既日子,11月,步行,悶到嘔泡…….等車等左十世= =,仲好記得個兩部車點漂走=.=,25號個日畢業禮,我地要上台唱歌= =,就冇咁多動作啦,就乖乖地,齋企咁唱,嚴肅d ma,有相ga,岩岩介紹左,同明心混熟既日子=.=,又會唔會有咩伏筆,唔知啦,12月,陸運會既開始,相上面都有介紹啦,最好達唔到目標,拎唔到全場第一,唔緊要啦,唉…..仲諗住今年可以去跑圈,又有感恩祭,去天主教總堂度,成班俾又分開兩邊,唉….冇哂心情= =,聖誕派對,個個都玩到開心哂,食韓燒,直落影相= =,諗番起個晚係尖咀迪迪唔開心,諗番起個晚係街度由尖咀行去油麻地=.=,跟住,第二次尖咀,明心一事再次係唔開心既結局,亦都破左我既紀錄= =,第一次四點番到屋企,啊媽仲問我做咩咁遲番屋企= =,老豆亂講話我失戀=.=,無奈……

  本來今日想打我今日睇到一個文章,我有好多野想講,不過今日要打好多野,都係聽日先打啦,你地都可以諗下,一個50歲既男仔同一個23歲既女仔一齊,以個個女仔就有左佢既BB,咁認為生唔生好呢??自己諗下,我聽日再講我既意見

  今日要講21號……高學綸啦(高綸),放心啦=.=,我盡量講多d,你唔好亂黎就得啦,中三開始識你,點講呢??其實我同大部份人都一樣,岩岩識你,你好cool,俾人一種好冷既感覺,相比之下你個朋友啊源就唔同啦,中三識佢,英文堂,佢就同我講,你好=.=,仲記得啊我,相比之下,你係好多野之間你就cool好多??但如果了解你多d,其實……你又唔係表面咁cool,外冷內熱,e四個字黎形容你就最好不過,看到你打藍球既熱誠,真係令人敬佩,射手,係需要不斷既訓練,先係一個好射手,你做射手e個位置應該知道吧,有苦練過吧,話分兩頭,你成積都唔差ga,次次都係我後一兩名@@,再俾多d心機係有機會ga,你睇我就知啦,我冇心機=.=,你有心機就有機會,升到中六既話,你又可以打學界ga la,睇你日記,都睇左幾次,愛情方面,我一直都唔知咩事,可能我唔多明= =’,點都好,送你一句啦"擺脫過去既迷惑,找到未來既目標"

P.S 1:高綸,夠多啦掛=.=唔好做傻事啊

P.S 2:聽日我又要出去,同人倒數,我諗聽日既日記可能後日先打到= =,又唔知幾點番,啊源,你靜侍啦下

  整xanga,算啦=.=,起碼冇之前咁空先啦,雖則都唔係靚,好啦,講番今日既事,由於昨晚彭彭叫我今朝要叫佢起身既事,搞到我今日唔可以學昨日咁,懶懶閒,你幫左我= =??今朝好早啊,上電梯之前就見到連生,同連生差唔多時間就有一個保證,保證一定唔會遲到= =,你知佢e d乖仔黎ga la,哈…..係去之前,同佢打賭,我估今日都係十點半左右完= =結果……

  番到去,果然準時,但今次到啊堅遲到=.=,遲到既時間同我昨日番到去既時間差唔多,係啊堅未黎之前,係到同人吹下水,許嘉偉係咁串我low>"<,唉……係想俾我e個高等同學一d心理壓力??嘿….講到明高等,緊係有番少少心理質素,咁就開始上堂啦…..啊發坐我附近,開始冇耐,公安就去洗手間,係去大= =,咁就呆呆下聽左一陣啦,去左幾個字,公安就番黎,跟住啊堅就話,好啦,講完,個陣我嚇左一跳,心諗現在先9點7個字= =,唔會咁早講完啊??心諗,如果我係公安我就死左去算啦= =,大佬啊,要十幾蚊車錢番學校去洗手間= =,勁無奈,好在….原來仲講埋落去,講講下,歐聰打電話俾我,上堂,唔得閒聽佢電話= =,就sms我,係咁問我幾時完啊,洗唔洗著校服個d野= =??我就同佢講昨日補到十點半,你估今日會幾耐,=.=,點知條友仔番左黎,最後兩分鐘番到黎,一黎到,啊堅就話走得……歐聰個樣勁無奈,定唔知嬲好定笑好= =??用左十幾蚊番黎,坐都未坐,哈…….笑死我

  十點三個字放人,老實講,番去只不過講下d重點題目,都冇咩學過野,都幾無謂,不如番學個陣搵個有番既同學抄低d重點題目好過,唔洗浪費兩日時間去同你抄題目= =,唉……我想番黎學野>"<,都唔知啊堅係唔係想博佢教個d班,可以合格率高d,所以俾d重點題目我地,唔理啦=.=…..照殺,冇理由,俾左唔讀咁衰仔

  番到西環,早到11點都未到= =,我唔想番到屋企又落街買野食,是但買d野番屋企= =’,跟住就開始展開我既xanga改善工程=.=,哇……d碼睇到我眼都花哂,又英文又符號,又要唔知係邊度改野,= =,左面個個圖,即我張相下面個個圖,其實係個訪客人數,人多個陣,隻野會幫我起屋,現在起左少少啦=.=,遲到會有大屋起出黎= =+,跟住就休息下咁………明心去左地獄??問佢又唔講咩事=.=??你指既地獄係某室內??真奇怪…..= =,不過你唔想講既話我唔會迫你

  拿….係e度,教你地一d野,特別係打字成日都亂碼個d,有一個辦法可以糾正,其實仲有一個辦法,e個就簡單d,louis同Ray e d成日打野都亂碼就要留意,如果你打完出黎,你發現個日記係亂碼個陣你按編碼個度轉左做簡體,就可以睇到你d字,跟住copy哂你d野,跟住按edit it入去,delete哂亂碼既字,貼番岩岩你copy左既繁體字,跟住係最後貼番我昨日個日記個R字,e個好重要,貼左跟住你放番出黎就會冇事

  岩岩睇完一個文章"我是一個妓女,你會娶我嗎?"內容大既係講一個二十幾歲既女仔,係做妓女,做得妓女,唔好話人地睇唔起,老實講,佢自己都睇唔起自己,有一次佢個鄰居,要去佢屋企拎飛左出去既三,點知飛到好遠,咁就係佢屋企訓,但係個男仔冇同佢訓,以係訓出面,當個女仔一起身,發現有早餐,仲有張紙上面寫住多謝,e個多謝對個女仔就西利啦,佢做e行做咁耐,冇人同佢講e d野,個男仔又對佢好好,仲同佢做左朋友,但男仔一直都唔知道個女仔係做妓女,個女仔好開心,但佢知道,佢只不過係一個妓女,擺脫唔到e個身份,咁就搬左,唔同佢一齊,而且個男仔屋企係有錢人家,故事就咁上下完,如果想要既話你問我,我俾你,唔係好多字o者=.=’

  其實…….個女仔有咩問題呢??我相信最大問題都係出現係對自己既信心不足,我相信如果個男仔係真心中意佢既話,就算佢係妓女都唔係問題,因為中意一個人既時候,比起肉體更加來得重要,最後不能在一起,不是男孩不要他,以是女孩自己不要自己,擺脫唔到肉體既框框,係e度我想講一個幾重要既野出黎,就係e句,要留意"你唔好介意人地點睇你,最緊要係自己點睇自己"好幾十年前,有人話可以飛上天空,係冇可能,白痴既事,但都有人做到,十幾年前,有人話復制人,係冇可能既事,但有科學家,堅持自己既信念,佢做到底,最後咪又係,復制人係唔係一件好事,遲d再提,雖然人地點睇你,唔多唔少會影響到你,但…..請你影響到降到最低,以你自己唔好因為人地咁睇你,你就認定左係咁,要堅守番自己…….明白嗎??

  彭彭,叫我去倒數,心諗,唔好好似上次咁就得啦=.=,一陣又搞到我4點先番到屋企,老實講,我放心唔落= =,就算邊個都係咁話,想起上年倒數,係同飯係電話中倒數,再上一年,冇倒數,再上一年,係同之前個班人,一齊倒數,個次係李祟德屋企打邊爐,跟住齊齊上山頂,張相,我仲keep住,放左係屋企,個陣係02去03年,山頂……..都係勁多人= =,多人到岩岩夠我企,更加唔好講,尖咀啊,CB啦= =……一定多到你白痴

  今日講21號………許嘉偉….講完….哈哈…唔知啊許生會唔會打我呢??講笑o者….佢好串ga,今日串我就知啦,許嘉偉…….你係班入面已經有不少作為啦,我諗班入面冇左你,冇咁多歡笑聲,因為冇人企出黎笑,而且…..我地既曾sir大佬冇人串,我地又冇得笑,嚴重影響我地學習啦,岩唔岩先,你幾重要啊?老實講啊,見到你,心情都好d,因為實有野笑,開心ma,但我唔知你內心係唔係真係開心??總覺得唔係,冇估錯既話,你都係寂寞ga??係咪??其實我隱約記得你中三個陣係頭十名,唔知點解中四開始成積退得咁勁= =,你中三個陣咁勁,證明你唔係冇能力啦,好好努力啦……雖則短短幾個月要追,好難,但…..要係張會考證書上面多幾分,應該可以做到,相信自己能力,你唔係打波ga咩??我記得個場對7B個場,你到最後都係咁沖,係咁標去拎分ga,一個人沖入去,好有鬥志ga,但係你都知你時間唔多ga,雖然最後都係輸,但…分數差唔係好多啦,你有睇男兒當入樽啦,未到最後唔好放棄,放棄比賽就結束啦,許嘉偉……相信你不是表面如此快樂…..但…..我真係好欣賞你,唔係你串人,係你在藍球場上既鬥志……仲記得你,拍人地個波,去板度,你隻手拍落番板個下聲…..好難忘記啊….

P.S 1:岩岩改完板,有咩改,唔該講=.=’

P.S 2:大炒啊king,地雷,26:7,哈哈…….啊king好差啊

P.S 3:炒完啊king,我俾人炒,同明心玩左七次接龍,輸足七次,之前同佢玩都係五五波=.=,玩地雷,輸埋,大比數落敗= =26:1X,第二場險勝26:23= =,都唔知佢今日咩運

14歲生日那天,正好是你們為我慶祝生日的一日,我當時當往日的生日,和你們在一起,深信不疑,今天我才發覺,只不過是我太天真了吧……估唔到之從e張相影落黎e日之後既幾個月會發生重大既事變,這地方已不能再容納我……我好似著緊件波三wo@@,勁耐冇著

半年前,李崇德俾我既相,今天他們當中已經沒有人,因為我已經離開了,收到時,心情還有一點放鬆但還是有一點妒忌,輕鬆的是你們快樂了,妒忌的是,我已不在,前排者:大班,樹熊,海詩(唯一一個女仔= =),啊傑,後少少個個係中tim,前面個個唔知咩料= =’,啊龍,肥慶,企係度個d由左面開始第四個咪李祟德low,真令人氣憤………

  話說昨晚老豆飲醉左,唉=.=……搞到要我去汁手尾,係佢出門口個陣已經同佢講,唔好飲咁多= =,之前你仲好飲得,現在你就唔係咁飲得啦,就唔好免強啦=.=,老實講,我都會因應自己程度去飲,平時都唔會去飲,就算唔開心,都唔會搞到自己wing wing地= =,起碼我仲可以諗到野,雖然咁就失去唔開心飲酒既定義,但我都唔想俾到麻煩=.=’,汁埋手尾,訓左,我打埋電話,訓埋= =

  一訓訓到1點幾=.=,啊媽番到黎我都未起身,醉左個個都起身,我都未起= =,跟住就開始發下呆=.=,上網吹下水啊,玩下啊,之後老豆先叫我落街買野食= =,就黎3點先食野,慘…..不過算啦=.=,反正佢飲醉左,周身痛,唉…..怕左你啦,咁只好落街買野食

  跟住就搵人吹下水咁low= =’,跟住就食飯,好似都冇咩溫書,唉……成日老豆都同我講要讀書啊,要咁啊,唔係第日就好辛苦啦= =…….基本上差唔多日日都有一句,老實講,咁唔係表示佢煩,係表示佢真係希望我可以咁做,佢都係想我好ga= =,唉……想起真慚愧,我做左幾多野,自己知=.=’,但又如何…..真係要去做啦,心靈固然X願,但肉體軟弱,果然有道理,聖經果然係聖經,講既野真係中左人性= =…..

  好耐冇同啊比傾,之前兩日就諗起,今日我去佢日記一睇……哇….= =唔係掛,要講分手??你地到底咩事啊=.="??就即係咁,之前你都想同佢分ga la= =’,今次唔係第一次,不過……佢係咪對你咁差啊……我講過啦,我唔想佢恰你,如果佢恰你,你同我講,我就算點我都會幫你,你係一個好好既女仔黎……我唔想佢咁對你….你明嗎=.=??還好……你仲有一個朋友,真係有d對唔住你,諗起上次既事,不過我咁做自然有我既原因,希望你會明白我既做法,如果你係我,你會點??又可能我的確係做錯左,我都覺我之後咁做有錯,錯既經驗一次已經夠,唔洗第二次,點都好……你係我識咁耐既女仔黎ga@@,你份人係點,我知ga,睇起你細個俾老豆打既情況,又諗起我細個,都差唔多,自從上左中一,屋企人都好少打我,可能我大個吧……你有咩事,就同我講,我有好多野都對你唔住……我可以做既一定會做

  今日講既係19號……..何子安,(公安),中三同佢一班,佢好叻ga@@,個陣除左noel同迪迪之外佢就係第三名,中四佢咪第四low,第三俾啊發個傻仔霸左>"<,佢係班入面既主席,所以…..有時就可能會得罪到其他書友仔都唔定,大家就忍讓下啦=.=’,同埋佢份人就直左少少,不過都係一個好事,好鬼虛偽既人,拿……..我唔係話你啊,noel= =唔好嬲我,直率都唔係差,不過就要睇咩環境對咩人啦,佢影相都唔錯ga,跑步都唔差,之前佢同你地之前有時可能有d唔係咁高興既事,但唔好介意,你地都唔係衰人ga@@,就忍讓下啦,話哂同一班ma,你諗下wo,世界咁多人,可以係同一間學校,同一班,係幾難既事,好好珍惜,而且…….我地班友仔又唔係d咩衰人,係咪??就唔好嘈咁多啦,雖然最近都冇,大家都好開心=.=

P.S 1:唔打20號啦= =,發現唔夠時間,所有推遲一天

P.S 2:聽日補化學啊,時間大既係9點到12點,問過幾個書友仔,應該係GA LA

P.S 3:最後提提你地,唔飲得唔好飲咁多,=.=會亂性

無聊到又要玩一百問啦@@….好,解悶先

1.有冇試過買野向阿媽報大數以圖呃阿媽錢： 有啊,不過數目唔多=.=
2.有冇上過咸網： 哇…好問題,我咁純緊係冇啦,哈哈……其實我會覺得男仔10個9個都有上過wo= =,問題係多定少識唔識控制o者
3.你想曾蔭權做2年定5年： 係冇第二個岩既人企出黎做既時候,咁冇計都要做5年
4.有冇偷睇過人沖涼： 有啊,上次同louis係天台度,哈哈…不過男人黎ga= =,望左一眼,即刻洗眼
5.有冇睇過報紙的風月版： 冇專登去睇入面d內容,唔小心望到都有
6.鍾意咩音樂類型： 個音韻順耳就得啦
7.最常講GE粗口係乜： 頂你個肺,pk@@
8.鍾唔鍾意Avril Lavigne： 唔係太認識=.=’

9.孫中山幾時死： 中史冇讀兩年啦wo= =
10.有冇試過除晒衫影相： 冇= =
11.你覺得香蕉似乜： 咪似香蕉low= =
12.某d野你係咪等到大減價先會買： 唔係
13.識唔識講法文： 識,睇星爺套野學ga,"今晚打老虎"但唔知點解= =
14.食漢堡包時會唔會拎走舊青瓜： 我食個d冇青瓜= =
15.覺得人生乜野係最重要： 有意義既人生
16.死前一定要做： 斷氣= =
17.你有冇紋身： 冇
18.孟加拉有幾多人口： 點知= =
19.呢排想睇咩戲： 哈利波特啊,但冇人陪我睇>"<,唉….算啦
20.請發誓你會誠實作答以下問題： = =好,一定老實答

1.裸睡： 有,一次咁大把
2.暗戀學校既老師： 咁又冇= ="
3.偷野： 有啊
4.俾人偷野： 有掛
5.背叛情人： 唔明點先係背叛= =??
6.見過人死： 未
7.企圖自殺： 冇諗過= =’
8.搞到人大肚/俾人搞大個肚： 哇,我個頭仲係青色ga wo= =,咁你話啦,都未發生過點會有呢,哈….
9.被遺棄： 有……
10.考試唔合格： 一次點都會試過,不過我就唔只一次咁少啦
11.界手： 冇= =
12.被拘捕：我咁乖,緊係冇
13.逃學： 冇啊= =’
14.被出賣： 應該冇掛
15.被玩弄感情： 冇掛

你係咪
1.靚仔/索： 肯定唔係
2.蠢： 一定啦= =
3.有魅力： = =唔知啦,問第二個啦
4.怕癢： 怕啊= =,好驚tim
5.多愁善感： 係掛
6.性感： 唔會= =’
7.聰明： 多數情況下唔會= =’少數情況下就唔知啦
8.易呃： 勁易啦= =鬼叫我中意信人咩
9.脆弱： 係= =’
10.自信： = =以前好肯定答你係,現在我只可以答一半半
11.單眼皮：係,但我可以變,隨時都得@@
12.食得辣： 係,食得幾勁ga@@

如果要你向以下既人講一句野，你會講：
1.鍾意既人： 我好中意你
2. 前度情人： 最近如何??
3.仇人： 無聲出= =
4.你偶像:哇=.=
5.死左既親人： 我生活得好好
6.你隻寵物： 好得意啊你
7.董建華： 無咩兩句= =
8.樓下既看更： 最多係早晨,冇兩句= =
9.李嘉誠： 我冇錢啊
10.最憎既老師： 打佢老母
11.阿拉丁神燈果個神仙： 我要理想實現啊
12.最遙遠既朋友： 點啊,現在你點啊??
13.出賣過你既朋友： 無言= =
14.William Hung： =.=下??
二揀一：

1.電視/收音機： 電視
2.性/愛： 愛
3.LV/GUCCI： LV
4.楓華/Willian Hung： 蔡楓華,分明支持你啦,小雲
5.李小龍/李連杰： 李小龍

6.美國/日本： = =兩個都得
7.有樣冇腦/冇樣有腦： 冇樣有腦

8.93/新城： 新城
9.黃貫中/周國賢： 周國賢= =
10.坐/企係度睇SHOW： 坐

11.YAHOO/MSN： MSN
12.自拍/俾人影： 比人拍
13.崔尚宮/韓尚宮： 韓尚宮
14.NIKE/ADIDAS： nike
15.唱K/睇戲： 是但= =,睇戲掛
16.《MILK》/《新MONDAY》： = =唔識

17.DOWNLOAD歌/買正版︰ download= =

18.UA/百老匯： UA啊
19.米奇/米妮： 米奇= =
20.睇樣/睇內涵： 內容為主= =
21.VCD/DVD： VCD

22.天使/魔鬼： 天使
23.有錢但唔開心/開心但唔有錢： 開心冇錢,但唔表示冇錢到咩都冇得食= =
24.事業/愛情： 現在黎講,係事業

25.M&M/彩虹糖： 冇所謂= =
26.《功夫》/《少林足球》： 少林足球
27.讀書/工作： 讀書
28.樣貌/身材： 樣貌
29.媽咪/爸B： 媽咪
30.結婚/唔結婚： 有人肯要我先算= =

  慘……昨晚打日記打到2點幾,我3點先訓=.=’,好痛快咁訓,一訓訓到12點幾,其實仲想訓,但係我知老豆又煮緊野,冇理由俾佢食哂我冇得食= =’,咁就起身啦,發現成日都好遲起身,好野……日記回應破左紀錄=.=,有9個咁大把,好ga la,多謝各界會友既頂力支持= =,我會堅持寫落去,多謝多謝

  其實今日都幾悶下=.=,又係上網吹下水,e度講下個度講下,我已經冇咩野,我相信我都有足夠既智慧=.=’,唔會唔番屋企訓,唔似某D女仔= =,叫極都唔番,我昨日同完louis吹完之後,冇咩事啦,最緊要係有人陪我一陣就夠ga la,多謝彭彭昨晚係咁俾msg我,原來彭彭你昨晚都幾忙啊,一黎要sms我,二黎賓賓昨晚又好唔開心,我都唔知tim,三黎,明心仲要留係個度,賓賓要走,你都唔信陪邊個好,難為左你啦,彭彭………..唉…….你真辛苦,有你sms我,夠ga la,多謝…..原來明心都有sms我wo=.=,但係我3點訓個陣先收到,收其他台個d sms係唔係耐d= =,咁鬼耐先收到= =,你都訓左我先收到

  今晚……..老豆去飲,本來係請埋我地成屋人去飲,一個我都唔多識既親戚結婚,係我老豆既啊媽既大佬既表妹個女= =,真係好遠既關係,我就緊係唔識啦,咁就啊媽都唔去,我陪啊媽=.=,老豆就一定要去ga la,咁冇計啦,直到現在老豆都係未番,我真係諗住買番套西裝,有時要出席下e d場面,不過都係算啦=.=……到時先諗啦,雖然我就唔多識你,新婚愉快啦

  係屋企,清理番d e mail,真係多到爆炸= =,但唔可以全部delete哂,因為有之前既筆友留俾我既信……雖然現在冇理啦,2002年5月29號,我人生既一個轉向點,我加入左cueasy,一個討論區,現在唔同左……雖然現在仲係度,我睇到好多人俾我既信…….當年既回憶,不斷係我腦海中出現,係e度是但copy幾封信出黎"

chiu chiu….sorry 呀~~姐姐咁耐無黎…係因為我個電腦唔掂
呀….上唔到網呀…唔知整幾耐呢….放心啦..我咩事都無
呀……我好好呀…但我就黎開學啦….都無咩時間黎呢….
如果你想搵我既…可以send e-mail 比我啦….
如果下次得既..我留電話比你..你call me 啦~~好唔好….
你呀~~~自己小心d 啦~~知唔知呀…..要讀書呀…ok~~~~

e個就唔係cueasy識,不過佢都對我好好ga= =,唉…….冇佢哄下我,都幾難維持

走喇我~~~~~~~

睇實呢度和~~哈哈哈~~~大個仔呀﹐識諗左野~~~~~好事~~~~~~

我短期內認該唔我上黎~~~~~ 
11月到時提體我送份手信仔比13歲既~~ chiu~~~~~chiu~~站長~~~~~~

bibi~~~~~  😉 衰人神婆~~~~~~"

原來再打字會轉左色,咁我用藍色字再打落去啦=.=,神婆……唉…..好掛住你啊,勁耐冇見你啦,我諗有4年啦>"<….唉…..,.係啊,個陣11月,我13歲….唉…….個陣你買手信番黎俾我ga,朱古力,食左啦,件三著完啦,現在唔岩,手巾我仲係度….好多謝你啊神婆,你d占卜幾好ga……..冇你,我點會識諗咁多,冇你,Leo同埋雪人,我根本就唔識諗野,冇你地教我點去睇唔同事物,我諗我今日仲係一個細路仔咁,唔識去諗野,好多謝你地教我去對事物有一定既分析能力,唔係我唔會諗到咁多野

“超超

    遲d我寫信比你呀,有心機就會寫ga

la,你等我la…咁呢排你就緊d咩呀?打機?不過你都乖gei,我就唔worry

la,我記得你幾時exam

ga,18…..你既死期….haha….我而家就怕放榜,死緊…..8月…..下個月我就有謝師宴~~應該會幾好gei~~

我有~~~你冇~~~haha

超超

    你好乖呀…你識咁就最好la…我會考…我諗要repeat

ga la…因為一d

野,我都冇心溫書,攪到成績好差,希望你唔會咁la,今日我好早起身ar,比my

不滿現實
水瓶座太多變化，太多空想，他要在人生各方面不斷求變，不斷求好，永遠有新觀念，永遠覺得可以更好，所以水瓶座的人最容易轉工，搬屋甚至離婚。

固執
水瓶座的固執，來自他們的自負，因為這樣，很容易看不起別人，對人經常冷嘲熱諷，令人有挫折感，影響別人的自尊心。

自戀
如果要問水瓶座的人最祟拜誰人，答案一定是他自己，水瓶座的人覺得自己是最聰明。就是因為太自戀，所以和朋友相處時，會有一種疏離感，不容易令人深入他的內心世界。

冷靜
水瓶座的人不會感情用事，他會在旁邊冷靜思考分折，從現實的利害關係去考慮去解決問題，不會感情用事。

自私
可以說是非常自私，但他不是隨時將這特質表露出來的人，而是會在生死關頭的時候，以自己為優先考慮，會完全不理他人死活，既可以說是無情，但反過來說可以說是有果斷力。

博愛
水瓶座的外向性亦影響到他的博愛，如前面所說他對外人比家人好，對朋友非常熱情，但回到家可以不和家人交談半句，他們的人生重心是放在外面的。而且他永遠在朋友面前，擺出一副我這樣做是為你好的態度，誰不知其實內?他只是將自己的一套想法加諸在別人身上。

  見幾個同學都去睇自己星座,諗諗下,我都好耐冇留意=.=,我就去第二個星座網,唔係你地個個,睇完之後……都唔知係唔係= =??其實最難睇既人都係自己,你地話我知係唔係啦@@??

  啊….岩岩飲完三枝番黎=.=有d頭痛= =原因如何,一陣再講,總之聖誕節都係一個唔係咁好既日子=.=,話說本人昨晚4點先番屋企啦,咁就打算去訓覺,點知勁耐都訓唔到,啊媽起左身,我都未訓= =,為咩…..諗緊一名係公園既小女孩=.=,搞到我訓下起下訓下起下,直到8點開始,我終於訓到= =

  其實今日本來要番教會領詩,但冇計啦,其實我都估到今日一定番唔到,因為我4點先番屋企,實際係8點先開始訓,咁又點會番到啦,最後緊係冇番啦,仲有七個miss call tim,加一個留言,就係火機既留言=.=,我起身個陣已經12點半,其實我係隱約聽到老豆煮野既聲音,我先起身,如果唔係我仲訓緊,起身食下野咁,仲係冇咩精神=.=死死下咁low,冇耐就俾彭彭叫左出去酒樓食野,又食= =……基本上係個度我都係飲茶,飽死,其實係余傳道搵我先岩ga,電話中得知明心昨晚原來去左賓賓屋企訓,唉=.=……個陣先放下重擔,我幾驚幾朝起身,有人同我講,明心去左邊啊= =??昨晚唔係叫你睇住佢咩??等等既說話,好在=.=咩事都冇,釣下魚,飲下茶咁,咁就坐完一陣

  之後同佢地分別之後,我去邊??我拿拿林跑去聖安多尼堂,唔知有冇人見到=.=,不過我諗都冇,其實原因係想面對番佢地,點知上到去,電腦室鎖左,諗住去圖書館睇睇有冇波,點知鎖埋= =…..頂…..跟住就去第三街公園望下,點知發現空無一人…..難得有一日星期日個度係一條友都冇,激死=.=,係e個時候,佢地可能去左卜公or沙倉,諗諗下都係去沙倉啦,就算個度既機會係低d,不過就多回憶,行完咩都冇,吹左陣海風,行番去海傍,跟住又行去公園行下,日頭同晚上真係兩回事,日頭人多d,光度都唔同,感覺就唔同,行完,就番屋企

  番屋企打番昨日既日記,打到半死= =,沖涼食飯,等等既事情都做完既時候,又俾人叫左出,俾明心叫左去公園坐=.=,其實一開始都冇咩野,應該係話我未走第一次個陣都冇野,當我走左之後,本來係去洗手間ga,去完之後想番去個陣,接到一個電話,e個就係飯飯既電話,同佢講電話,空左唔講野既時間仲多過講野既時間,可能係因為…….有野講唔出口掛,佢既內容大致係咁上下,佢同我講聖誕快樂,同埋仲有一句,每年既聖誕都係唔開心,e一句就打沈左我,咁就收左線,跟住就諗起上年,上年我都冇同佢過聖誕,不過係22號咁上下時間同佢出去,老實講,我今日e隻介指就係個陣送俾佢,佢有一隻我都有一隻,而且手頭上只有一條既頸巾亦都係個日你送俾我,又係一年既時間,其實…..每次見面,都係好多野送,因為勁耐見一次ma,而且我仲多左一份野要送,個份就係一張聖誕卡,一張好普通既聖誕卡,不過係上面我寫哂字,寫到冇位……..我講左好多野,我寫左好多野俾佢,佢曾經都講過,聖誕係唔開心既日子,因為佢每年既聖誕佢都係出唔到去,只可以睇住人地,我係卡上寫住,有一句係下年既聖誕唔會ga la,其實仲有好多野,不過我仲記得有e句,今年就係下年,哈哈…….真好笑……有時都好自責,不過我都會覺得,如果連普通既溝通時間都冇既話,講咩o者??好似唔講野既時間多過講野既時間,因為大家都冇咩傾過,好陌生,每次都有e種感覺,加上後期,你知啦,都ok冷淡,而且佢都多番暗示過,咁我識點做,其實理由係放低左,係諗起上年所講,所對佢講既野,我係講左句大話出黎,齊超啊齊超……你唔好去死,唉……灰到爆,跟住就去左喊左陣,跟住就番去企下,坐下……真係唔想係女仔面前做d咁既事,所有當真係唔開心個陣,我就走開…..唔想俾你地望到我,好歹我都有份自尊心係度,老實講,我放低左又如何??其實一早放低……只不過係諗起好多野,又諗…..諗完又點,麻鬼煩= =……唉……

  幾時都話,我唔要愛情住,要黎灰咩= =,唔好再問我中意邊個啦??中意就大把,男人都會中意ga la,愛就另作別論,唔洗再問啦,唉…….我唔想要啊,接受唔起e d感情,我好耐之前都講過,我係一個唔合格既男朋友,所以千萬唔好搵我,唉…….唔係話忘記唔到佢,諗起個陣我做既野,個陣既希望,就有d唔開心low,再一次證明左,我仲係一個冇自信既人…….

  唔講唔講,有人提起啊比,其實我都好耐冇同佢傾過,自從上次同佢嘈,我已經冇搵過佢,應該係話我冇記低佢電話號碼,icq又唔見佢=.=佢冇msn,所以好耐冇搵佢,唉……一個識左好耐既女仔朋友,唉……識佢咁耐,都係第一次咁耐冇搵佢,唔好再諗=.=e個真係冇野,如果要有我幾年前就有,加上佢有男友= =,唔好亂諗,如果你有睇番我好耐之前既日記既話,我諗你都知= =

  跟住之後佢地走哂,我就本來企轉左係度坐,坐左一陣就去七仔買番枝黎飲,去番公園坐,一路坐一路飲,最近喜歡飲酒??唔怪得有人話,你唔乖啦,之前仲乖乖地ga,心諗…..冇野ga=.=,我會覺得,煙,毒,我一定唔會掂,酒就睇下咩環境=.=平時冇咩野都唔會去飲,飲左一枝,就走,louis同我一齊去飲酒,咁我又去買多枝,去到佢屋企附近就打俾佢wo,一路飲,一路行過去,行到過去,已經整完一枝,見到佢,佢又買左枝俾我,去左佢屋企個個公園玩十五二十,玩下X大D,飲埋個枝,全晚飲左三枝,飲到有d頭痛咁番去= =,所以你知我點解廢事陪多你一陣,都好啦……其實e個結果你應該一早估到啦,分手o者,都講唔好諗愛情ga la,兩條麻甩佬,唔好講女仔…..緊係講下d大事啦,哈哈…..又玩昨日玩過既遊戲,要講真話定係要罰=.=,佢問左一個問題,直到現在愛過幾多個女仔,我答佢,唔夠四個,初戀個次都唔知算唔算好=.=??其實個陣都唔多識野,如果你都計埋,都係四個度o者,我諗= =

  多謝明心……原來你有番公園搵我,多謝你….我仲諗住你地各自飛,唔會理我tim,好在,三個女仔都有一個肯番黎搵下我,雖然個陣我已經行緊去第度,你其實應該一早可以訓,唔知點解你唔訓=.=等我online??我諗唔會咁好掛=.=,唔知啦,總之真係多謝你……起碼你係有心個個,多謝埋彭彭啦,雖然佢冇搵我,但起碼有打兩個電話俾我,冇野ga,飲緊酒,唔想亂講野,多謝埋louis,多謝你肯陪我,今晚本來冇人理ga,其實都唔緊要啦,果然好同學,一講就到樓下搵我,幾時都話,我冇入錯班,香工05-06年既5D係最好ga@@,真係多謝你,起碼你係第一個陪我既人,其實明心都係,佢都係想陪我ga,如果唔係都唔會番黎啦,不過我就走左,總之多謝三位啦

  今日講既係18號……..何家峰,中三開始同佢一班,點講呢,平時上堂又冇咩野wo@@,係最近上中文堂就……唔好咁記仇啦,算啦一人少句啦,話哂佢都係石媽媽,石媽媽都幾好人啊,唔好係度串黎串去,大家唔開心o者,其實佢又係少少串啦,其實佢都幾平隱啦…….有時就你串下我串下咁low,我諗歐陞個d就同你熟好多啦,我只係知你都係同佢地去MC打機o者,都係個句啦,就會考就打少D啦,冇謂第日後悔啦,有時有d野呢…..就放開d@@….希望你會明我講咩,不過你應該都睇唔到

P.S 1:再一次多謝之前提個三個,特別係louis同明心

P.S 2:louis,失戀o者,分手其實一早就估到啦,上次同你飲,你都估到會係咁啦,我諗你既心情已經有準備,唔好諗咁多啦

P.S 3:迪迪到底咩事=.=??你同你個honey啊J咩事= =,好似就分就分咁,最近你地成日嘈wo=.=……

P.S 4:為李英傑老師,雖然佢冇教我地,不過今日冇啦啦kick佢個網睇到佢爸爸有癌症…..希望佢爸爸冇事,話哂係我老師既爸爸

  24/12/05,又再一次遲左打日記=.=,真係唔好意思,要d忠心既讀者冇左d閱讀時間,唔緊要,今日大把野打= =,昨晚成4點先番屋企,破左我個紀錄=.=……第一次咁耐先番屋企,明心,你好勁= =,再一次俾左最遲番屋企既第一次你= =,好…..其實番到屋企一直放心不下,搞到訓下起下咁,今朝都係冇精神,今日既野,遲d再講,講番昨日既野……去…..

  話說,今日,我一起身,已經係冇所事事=.=,其實今日下午教會係有個聖誕派對個類野,我連禮物都未買,同人傾下計啊,睇下vcd,總之就係hea到3點= =,因為3點打後我先真係多野搞

  3點,約左明心去買禮物,冇計…..叫佢去佢買個間野買=.=,是但買左條電話繩就算,加埋教會ma,咁緊係要十字架啦,買完之後就番去,我係門口度看門口=.=,其實係要人放低禮物,同埋俾d號碼佢o者= =,一直都好想知明心個份到底係d咩黎,余傳道就同我講,咁你係個度填一啦,我問一定中ga=.=??佢話係啊,咁就聽佢講,唉…..之後就好鬼內疚,係個陣就玩下遊戲啊,吹下水咁,到抽禮物,我唔知其他人個d係咩號碼,我只係知明心個個係一,=.=……點知…….佢睇到之後就好似好鬼死嬲咁,加上賓賓又用d好….咩既眼神咁望住我,好似我不擇手段咁去拎份野咁,加上份野又唔係俾我,唉….傳道啊傳道>"<,你唔好教我用e招ma,勁內疚low,我就係咁,做左一個衰人,之後我就拎份唔係佢個份,都好ga一本記事個d,唔知叫咩=.=好似noel個d呢,都好ga……其實最緊要開心o者,我冇諗你會咁大反應,唉……之後都冇咩野,好在……

  之後唔係個度食野,番屋企食野,俾人叫左去尖沙咀海傍,心諗,下=.=……又係上次迪迪唔開心個度,上次去完冇耐o者wo,咁跟住就去啦,又去番中環個頭,坐天星小輪去尖沙咀,基本上行程係同上次一樣=.=,只不過人唔同左o者,今次比上次多人到痴線,多成十倍有多=.=,迫到爆,慘……當去到個度,又有d人流控制個d野,只有一條路線,當我行下行下,難免想起上次既事,迪迪你冇事了嗎??啊J同你好番左未??諗起上次迪迪個個殘樣,真係勁灰,因為佢係我同學ma,其實……我發現係同學當中我比較多野吹=.=可能大家都男仔掛,比較容易明白,而且…..你明啦,女仔一嬲就可能嬲好耐ma,而且又好鬼易嬲=.=,好多野都唔講得住,反而同其他人可能講野唔夠放掛,比較自閉…..唔知點解……係個一陣我就感覺到,今晚可能都會好似個晚咁…..落得唔開心既收場…..唔知點解…最後,果然實現左= =

  換左個角落頭坐低,玩下野咁,跟住明心佢地去左接賓賓佢地,順便買左勁多酒番黎,老實講…..買咁多飲,你又唔係真係飲得咁多就唔好飲啦= =點知明心做左一個驚人既舉動,就係爆樽,其實原因係,因為彭彭拎左佢枝野,點知明心就好嬲,跟住拎番,飲完就爆落佢度,雖則唔係第一次見人爆樽,但係係第一次見女仔爆樽=.=,跟住火機就好大聲咁叫佢,其實佢咁做係一個幾好既做法,就算佢唔咁做,我相信我都會分開佢地,既然佢咁講我就做下啊四,去幫人扔野=.=,其實火機咁做,係幾岩既做法,不過有一點就….唔洗咁強烈,同埋唔洗係度大叫叫差佬= =’,勁多人圍住睇野,我就忙於清理垃圾=.=,的確,火機咁做已經夠冷靜,如果佢火個陣,佢可能一野車落明心度,因為佢扔去彭彭度,佢咁大聲叫停,其實係想佢唔好再咁做,當你扔完一次既時候,好有可能有下一次,甚至有更加強烈既行動,如果佢唔叫停,可能做更加多野,之後當然係閃人啦,因為今次昌既強烈情況比上次迪迪個次更加勁=.=,因為迪迪上次都唔會做d咁既野啦,一個人喊o者,但如果係咁激既話,的確係要同佢去第二度,拿拿林坐地鐵走,行緊個陣見佢好似冇咩野,其實係咪冇咩野??一直諗e個問題,望住佢…..其實係假扮出黎,周街都係人,成日發出大叫既聲音

  其實學校真係社會既縮影,當我聽到有好多人係街度大叫既時候,就勁似學校=.=,成班友仔係度大叫咁,A記特色ma,係出面都係=.=,老實講,好多都係人云亦云,人地做你就跟住做,羊群心理o者,唔信??我同一個岩岩識個個男仔,啊姚,講,你試下,搵番十幾二十個fd,企埋係人多地方,睇一d表演又好,睇熱鬧都好,總之係有目標,唔係周街叫,咁當你十幾二十個一齊叫既時候,周圍d人就會一齊叫=.=,做成好大既叫喊聲,學校都試過好幾次啦,明明係一個同學扔d野落去地下度,跟住佢d fd係度大叫,跟住個個都叫,係其他地方既同學仔都叫,而且一齊去睇熱鬧=.=,又可以做一個實現,廢sir教,當你企係藍球場,指住六樓個陣,你身邊所有人都會一齊望,跟住望既人就會愈黎多,唔洗三分鐘就成堆,好明顯,e個係香港人既一個敗筆,特別係香港e個要求民主既社會,當有一個人企出黎既時候,係度支持既時候,好多人都會跟隨,e個跟隨係肓目,老實講,當你問個d幾十萬遊行個d人仕既時候,你問下入面d人清唔清楚,跟住示威既目的,同埋政改既內容,我相信十個起碼有三個係唔知,見人行自己都行咁,其實e個係唔係真民主??只不過係跟隨吧…..失去左自己既個人主見,係世貿一事中,再一次睇到香港人既八掛程度,老實講,有部份去世貿睇熱鬧既香港人到底係咩心態,佢唔係黎幫d示威人仕,以係齋睇,你話黎幫個d都有個明確既目標,敢行出黎,係好事,但有d根本係黎睇show,e個唔係一場電影,亦都唔係話出動左幾多部坦克車啊,戰機啊,咁就好睇,咁就興奮….人命黎ga,佢地舨既背後含意係點,並唔係睇電影節目….真愚昧….

  話說,個位啊姚,原來係讀明愛個間,又識肥慶,仲要係同一班,再一次證明左,e個世界真係細,同佢講左好多我既野,可能因為佢都係個間,我都想知佢既近況,退左出藍球"對"之後,多左唔少新人,但亦都退出左兩個,我同中tim,中tim要去外國冇計,由頭打到現在得番啊傑同肥慶,老實講…….事情都去左三年,係唔係要解決…..我想都差唔多係時候,我要面對你地,我仲有個陣既水準嗎??我浪費左三年既時間……我既手仲可以射到波嗎??一直諗住e個問題,再一次證明我失去左自信心,我浪費左……太多時間…..可能…..我真係要去面對,事實上….經過咁耐好多野都諗清諗楚,可能番去既時候,就好好多呢??唔知….得知肥慶係佢個班度好受歡迎,好似幾好人咁,心諗….佢個陣….點對我,我仲記得,奇怪,變了嗎??係啊姚口中得知,佢同女仔一齊,但……中三既時候係第一次,咁….之前個個呢??唔當係??唉…..太難明,反正只有當面講清楚係最好既辦法,我諗我要去面對

  啊姚問我,愛係咩??我既答法同上次明心問既時候差唔多,我唔知愛係咩,因為愛,人人標準都唔同,而且講唔到出黎,我講唔到愛係點,愛唔係話,你有哂一條條既條件,話愛係咁,愛係咁愛係咁,唔係……個個唔同,但最基本係想對方開心吧….其他我咩都唔知,因為人人唔同,以你都冇必要去諗,其實你如果去問一d好老又一齊個d老婆老公呢,即一齊左幾十年仲係好恩愛個d,佢地既答案都係你成日聽到個d,咩要忍耐啊,要就下佢啊,咩要關心下,等等….我相信e d你地個個都聽到熟哂,先背tim,其實點解會咁耐,原因係,佢地簡單咁去愛,唔係諗愛係咩,點先係愛,真係ga……用你愛既方法去愛,唔係諗愛係點,我要點先可以叫愛,先可以愛佢,唔係….簡單既愛就係最好既愛,就係咁簡單……唔洗諗咁多,亦因為咁先係最持久

  番到西環,跟住去公園玩下野咁,一直放心不下既係…明心…你知啦,佢係一個幾情緒化既女仔,即係有時好開心,有時就勁唔開心,當一唔開心既時候,佢要訓完之後先會開心番,因為咁,所以e個係我玩個陣背後既一個擔憂,彭彭同賓賓既問題都十分…….無奈= =,係咁問我中意邊個,你係唔係想我答係佢啊=.=,激死,跟住又直接問,你係唔係中意明心??唉= =…..點解咁諗啊,不過你地都冇我個d同學仔咁傻= =,我d同學係傻ga,我再講多次一次=.=我唔會再講ga la,我現在唔會再想要愛情e家野,所以我對個個都係咁上下o者,老實講,我之前都講過,我唔想要….我諗e d野….真係唔岩我,唉…..總之,我現在唔會再對任何人有任何既意,暫時黎講,我唔知之後日子會點,總之現在係,我唔係一個人……e句話我再一次講左出黎,我仲有之前曾經一齊過既女仔係我身邊,只不過佢地轉左死物,我仲有出前五丁班(5D),我仲有好多……我唔係一個人,我唔會因為冇就灰…..唔會…..

  之後既問題就出現,個個都要番屋企,得明心唔番…..我一直擔心既野出現左=.=’佢唔想番正常…..不過…..其實你知啦,一個女仔,仲要wing wing地,仲要冇哂其他人,周圍仲咁鬼多飛仔,點放心得落啊,佢地叫我留低睇住你= =,慘…..俾人老屈左黎睇住你,其實都唔緊要啦,唉…..總好過你一個人,我就係度陪住你,我覺得起碼陪到你有電話先啦,咁起碼安全d,就算走,我放心唔落,聽你發開口夢,唉…..我當你係朋友,所以我先黎陪你o者,係唔係個個都咁衰,走哂啊??起碼我未走=.=,就算你冇理我都唔緊要,最緊要係你冇野o者,我知我做唔到d咩,因為我知你需要一個你信任既人同你講野,e個就只有賓賓,所以當你同佢傾個陣,我就問你,你叫我走,咁我就走,因為係個陣我相信佢可以勸到你,所以….我就走,走還走,咪又係放心唔落,搞到番屋企都冇覺好訓,訓下起下咁= =唉….你知道嗎??我有一個白痴既夢想,我今日講俾你知

  細個既時候,大既四歲見到d婆婆永日係街度汁垃圾,好慘,成日見到d人係出面打架,做衰野,成日見到d人唔開心,我個陣許左一個願,我希望…..有一日,我可以係新聞到睇到,今日既新聞係冇新聞,世界冇死傷,而且個個都係開心快樂,冇左d婆婆要咁辛苦,d政治既人唔洗係度嘈黎嘈去,人人都係開心…..係真正既開心…..打從我四歲開始就有e個天真既想法,真係太天真……人愈大,睇好多野,發現一個所謂既夢想,根本係不可能,甚至係我最壞個陣,我好似已經忘記左e個夢想,直到有一日,好神奇,有人問我,你有冇夢想,我話冇,咁你就快d去搵啦,冇左夢想,你冇野去追求,就好似海入面冇左一個標記,你唔知點遊,唔知點解會有一個陌生人咁同我講,係唔係天主暗示要我堅持番e個夢想….其後既日子我就為e個夢想去做事,雖然有時自己都會唔開心,但……我都只要一想起,如果自己都做唔到,點要人做到,其實….e個係我既夢想…..見到你咁….老實講…..我唔忍心,應該係話,我見到所有朋友咁….我係忍心唔落,唉……其實如果可以有e一日既時候,我可以冇左咩都得,甚至自己冇左都得….因為….e個係我真係好想睇到既世界,並非現在e個…..不過…..好似仲距離好遠…..

P.S 1:今日唔打同學啦,勁多= =唔打住

P.S 2:啊ray開左日記,叫我做下宣傳wo

P.S 3:五丁既幾個同學,唔係好多=.=岩岩去完camp,好玩嗎??

P.S 4:明心…..我相信我都冇野要講,你都知ga la,乖乖地啦

P.S 5:祝所有朋友,應該係話,祝所有世界既人仕,動物…死物…..聖誕快樂……

  多左首歌係背景度,首歌中文名好似叫"只有你"都ok ga@@,我個人覺得啦,佢係柯南第四部劇場板既歌,劇場板名叫"瞳孔中的暗殺者"都唔錯ga,不過套劇場板就……差少少啦=.="個人認為,首歌就ok啦…..配合番套野既內容

  話說昨晚,發左個奇夢,發個陣,我番左學校上堂,上英文堂個陣曾sir冇番,慶叔黎代英文堂,奇怪吧=.=,我都勁奇怪,慶叔識教英文= =??佢教體育o者= =,用左一堂時間去左做d英文既練習,跟住仲有一堂,個堂先奇怪= =,冇啦啦慶叔講日本侵華既野,講講下,我唔知點解好似入左二次大戰既環境入面,所有屠殺既段片係我面前出現,好真實咁,當我想去幫既時候,但又捉摸唔到……只能眼見佢地既死亡,又過左一陣,我番番去課室,點知就上完堂…..跟住過左陣就起身,到底咩事=.=??

  我個人只係討厭一d支持軍國主義既日本人,因為係日本度,其實支持同反對都接近一半一半,我唔可以一既以論,一句話我好憎日本人,所以我只會答,我好憎d支持軍國主義既日本人,至於日本首相,你拜先人,對我黎講冇野,可以接受,但你用首相身份去參拜又係另一個問題,用首相成份,同一個普通平民係好大既唔同,唔好忘記,你背住既係,日本首相既名字,可能我生於一個比較傳統中國既家族,啊爺係打過日本人,啊爸都係勁憎日本人,對於我黎講,我只係知道,唔係所有日本人都係咁…..所以我只係反軍國主義既日本人,至於買日本既野,聽日本既歌,睇日本既野,對我黎講,e d係自由ga,就好似音樂係世界共通既語言,咁你就明啦……所以昨晚發e個夢,的確有點兒恐怖……

  哇……一早起身,e…….唔見左老豆ga=.=’,一起身諗住今日係星期日,啊爸應該放假,慣左放假第二日係星期日,諗諗下,今日好似星期五wo= =,咁就死死氣上下網,睇左陣書咁low,下午,啊媽叫我落去飲茶,唔講唔講,我都幾耐冇去飲茶,愈黎愈似一個成熟既男人,拎住份報紙,如同其他既啊伯一樣=.=,慘…..未老先衰

  番去就睇下vcd啊,睇下書咁low,其實真係是但咁溫下=.=,到底我幾時先肯俾心機咁去溫書ga??想同做真係兩回事,麻煩……晚上又食火鍋,其實今日既生活都係好空虛,有陣咪同人chat下,send下msg咁

  啊ray,今日同我講左一個幾重要既問題,估唔到佢都開始感覺到,其實我諗好多人都會感覺到,我地既日子就黎遠啦,距離中五最後上課日3月17號e一日既日子,番學既日子可能只不過係30日多少少,而且重點係……..我地5D之間既同學,已經冇得再一齊上堂,冇得再一齊玩,一齊吹下水……..其實愈接近完既日子,我相信e種感覺會慢慢強烈,特別係岩岩同成班人玩完,你會覺得,你下年已經冇e個可能性,對我黎講都係,我都有唔開心過,但番學可以俾到我一個好似避難所咁,起碼係個陣見到佢地,會開心好多,上年代課個個miss楊(係唔係e個楊??)佢第一次黎e間學校代課,黎左e到,簡直後生左幾十年,其實我都覺,我地學校既學生,好多都比較有勇無謀既人,即係冇咩心計個d呢,好似小朋友咁,中意玩,中意懶,咁令到我都會無意中忘記好多野,我都會怕,有一日,冇左e個"避難所",其實真係好快,你數下手指,時間唔多,無論第日點都好啦……其實如果仲可以keep住傾電話啊,msn啊,xanga都得,有時間出黎食下野咁,其實已經夠,但…..我相信要好似現在咁,其實都幾難,始終我地番學,番工面對既野已經改變左,出到社會既時候,d人就唔同係學校,所以學校既生活係快樂,出到社會,唔係你厄我就係我厄你,同你做朋友其實係為左利益,都唔出奇,以係學校就免左e d野…….只有學生時期既友情先係最真,好好珍惜埋佢,有機會咪出黎食個包,飲淡茶,如果我得閒既話,你叫到我一定出ga,係咪??最終……大家都要面對一個事實,3月17號好快會到

聖誕個晚我地一齊影既相,冇左歐聰同迪迪,因為迪迪拎機,歐聰呢=.=??

B仔超可愛既玉照@@,仲拎住把野,係槍??哎呀……..咁危險就唔好拎啦,哈哈

高綸既照片@@,又幾cool wo…..我講個天氣啊,哈哈…..其他個晚既相我都有,不過就唔多,迪迪應該多d,仲有套影片tim01-02年,1A五年後既照片,個晚BBQ,算係比較齊人既相,其實有七八個冇黎=.=,都有差唔多30個左右有黎,話哂我個陣都1A ma,哈哈……

  今日講17號……..馮海銘,簡稱大傻,英文名係咩??緊係big kid啦,大傻啊ma,哈哈…….中四先同你一班,其實……你都係一個幾中意搞冷gag既人=.=,真係冷到冇得再冷,一d都唔好笑,充滿既係無奈= =……有時你都幾黑人憎,因為你都好中意玩人,同埋火上加油,點講呢…..我知你其實係玩ga o者,不過,有時你就過份左少少啦,我唔知你中一中二成積係唔係好好,我只係知你中四中五個陣都係普通o者@@,唉…..你成日咁玩法,又咁串嘴,真係死得啦,有時又成日講人地唔想聽既人= =,不過某程度上= =,你既笑話……真係……好鬼冷啊,答問題個陣口震震咁,都唔知答d咩出黎= =,考中文oral就死得啦,好在我地唔係用新課程,點都好啦= =,有時一d唔好既野,改少少,唔係真係幾令人討厭=.=…..

今日無野要ps