兩年前既5D…….總覺得…….

兩年後既5D…..總覺得有點相像……一樣頑皮嗎??

  今朝早會唔見左曾sir都估到佢今日冇番,佢昨日好似都有d病,石媽媽堂,係咁講份mock……啊源冇mock,就痴埋黎= =’,係咁講野,唉=.=……咁就用左我兩堂….吹水真係耐…..

  化學堂落實驗室,做d好低能既實驗,今日兩個姓區既人都冇番=.=成組得番三個人,係度做實驗,啊堅都kai kai地= =’,好在冇話要收o者,我做都未做個份野= =’,跟住就叫我地改個份mock…….我覺得好無謂=.=’因為我唔中意做d抄寫既工作,=.=’不過是但啦……

  英文堂,我上到六樓,條教學助理先同我地講曾sir冇番,又落番去,一堂之後又上番去,勁無奈……去睇套西片= =,同d師弟一齊睇=.=’…..我相信佢地過左今堂之後會知道佢地d師兄,會係幾咁..咩啦…..,一入去大家就好鬼興奮= =’,當影到個女仔既時候,d兄弟就講"身材唔錯wo"跟住發出d怪聲= =",d師弟係度笑…..一男一女係度錫…錫完之後第二日起身,都估到晚上做咩黎,大傻個傻仔有係度講,點解冇左中間個段既,又有d係度講,個d先係精華= ="…….d師弟又係度笑….係e個時候董卓既一句"大傻…你講夠未啊"……超爆咀…..跟住又發出d叫喊聲= =’,睇睇下….許嘉偉又係度講,啊sir唔好成日係度淫笑….無奈死= =",之後啊肥狗又講後面個d嘈完未,上面個d就講,下面隻狗唔好嘈=.=……咁就完左一堂……d師弟好似睇得幾開心= ="

  maths又係對番份mock,maths堂既時候區陞冇啦啦番黎…..食飯俾B仔挾持左去食太宮…..

  下午班主任堂……講ive既野……俾哂d報名表啊,參考個d野黎,老實講……我對ive入面d科真係唔多有興趣=.=",不過如果真係要搵都可能搵到ga,我未必會選擇設計科,可能我唔係e方面既人材吧……老實講,唔多想讀ive…..不過如果升唔到都可能會去…..份表格都係寫住先,廢事第日升唔到連ive都冇得入,講左好多野……之後就完…….

  之後兩堂maths,都ok精神= =’,唔知點解,平時應該差唔多訓,可能有d彩虹糖可以頂到d睡意,跟住俾啊源見到,俾佢迫= =’係咁話,你唔講"我愛明心"同"我愛彭彭"我就講哂俾人知你有野食=.=’,真係俾佢吹漲…….最後…..結果係點,我到底有冇講??哈哈…….唔知啦……..你條友仔,筆啊~~~~~~

今日講既係33號……吳偉文(啊king)……中三先識佢,啊king……唔洗講係一個武學既天才=.=,好中意學功夫,勁低能low,成日拎住d書係度練功夫……又係度訓練身體,搞到佢身體又多"雞"肉,唔好睇佢,成個賊咁,其實佢好有詩意,之前d詩都係佢作,好好文采=.=,成日講野都講幾句名言,真係俾佢吹漲,條友又成日打我=.=,d中文又勁…..佢同noel d中文都好勁,中三個陣識佢,佢勁似d張子強個d大賊=.=…….成個恐怖份子咁,所以中三個陣都唔多識佢,現在就好鬼熟= =,果然唔可以睇樣ga…….

P.S 1: noel佢考mock成積都有成23分=.=超變態

P.S 2:彭彭佢又去拎ive報名表,我升唔到佢又升唔到,唔通第日會做同學=.=…..???

P.S 3:聽日係唔係要交化學功課=.=??我完全冇做,我考完MOCK,冇哂動力

P.S 4:派番份A.maths,有38分,真係吹漲,差兩分low….我見我周圍個d人都唔合格,有幾個仲要係個位數=.="‘最高個三個都係noel,華哥同啊發= =’,華哥最勁…….成72分….

  今天可能係我最後一次上中五,最後一次著住e套體育"三",因為下次體育堂,已經係3月17,最後上課日,我唔想係最後一日著體育"三"…..所有都完結了吧…….真懷念……

  今朝我一番學校就已經發左一件事= =’,話說我落車個陣就見到啊達,個陣已經見到佢條褲唔係學校個條,似學校個條,但唔係= =’,啊達就行得快d,咁番到去,諗住買我既早餐,點知見到啊達俾啊余歐鬧@@,鬧佢條褲,真係唔好在,俾余歐見到,唔俾余歐見到,可能上體育堂個陣俾慶叔扣下分,就肯定唔會咁鬧法= =’,跟住余歐叫走左,之後先知,叫佢換番條褲先可以番= =,最後啊達今日都係冇番……

  之後發生左一件超爆笑既事,一定要睇= =+,跟住上課室,平時我都係坐電梯= =+’,今次啊何偉健話唔好坐啦,可能因為上次姜sir一事掛,上到去,享受我早餐既時候,d人馬快報,有人困係電梯…..唔怪得我聽到其他班傳出d好興奮既聲音@@,跟住我地d人又走出去睇熱鬧,心諗"真好在= =,我今日冇坐"跟住d人諗住整開到門,但係部野,係四樓到五樓之間,開唔到,岩岩係正中間= =…..個個都開唔到,咁咪等死low…..部電梯入面得E班個個周X聰(廢事爆佢全名),一個人係入面就慘d,我坐電梯,通常都係同啊何偉健同焜爺,三個行動,跟住,開波黎到,幫手開,聽E班d人講,搵消防員黎開門= =’,真係俾佢吹漲,下次都係咪鬼坐= =’

  maths堂…..勁無奈low,俾啊源搶左支筆,係咁迫我講"我愛明心=.='"我緊係死都唔講……佢條變態佬就死都唔還筆…..係咁迫我講,= =’,真係俾佢吹漲,你仲未還筆啊頂…….你好快d俾番黎=.=,maths堂,我同焜爺係度食糖= =…..吹下水咁

  小息勁變態low,我都唔知咩事=.=’俾人sm…..幾條友圍住我,我只能從力突圍= =’,我咁好人,點會串嘴啊,岩唔岩先,我講既都係事實=.=’,俾人除褲low,唔知點解次次著pe"三"都要俾人除褲,好在我力保精操,用力抵抗,雖然敵眾我寡,拎起d野亂飛= =,跟住逃離63室…..今次啊king冇搞我,果然俾面=.=’啊發佢條木契……係混戰之中,眼鏡俾人偷鬼左,幸好俾我搵番= =

  英文堂,曾sir身體唔係咁好,做練習,我就同輝輝狂吹水= =’,PE堂就去打波…..好耐冇同人鬥過@@,同我打個幾個就比較差少少啦,咁緊係同許嘉偉個d冇得比啦,個d成日打,純粹玩下,好耐冇玩……但係都仲有d料子@@,佢地防守唔得啊,冇伸開手,我就過左佢啦=.="‘啊源條木契踢緊波就同我講,齊超好英啊~~~~~,唔怪得咁多女….無奈死……= ="‘第一次見到d人係咁踢d波落街,知道我學校既位置都知,我地足球場出面就係馬路,勁多車,今日唔知咩事,踢左三四次波落街,真係吹漲……B仔今日流鼻血,好似係踢踢下波俾RAY佢整到,踢十二碼唔入,笑死…..

  之後maths….已經想訓….釣魚中….phy…..大家都仲係好唔中意錫年=.=’,個個都係度玩野…..激到佢幾火,化學堂…..派番份長問答,我好高分=.=+’,我周圍個d,份長問答都冇我咁高…..好正啊,份長問答啊源得9分…..超爆咀,我同佢講,我e一題,已經拎左9分啦,我一題已經等同你成份野,串死佢=.=跟住又嚇我去d女既xanga留言,我就冇言以對…..無奈…..最後份化學都有D

  之後放學…..我去左傾關於謝師宴既野,我今次以一個秘書既身份入,亦都係我第一次開既會,ACDE班,除B之外都會一齊搞,傾左好多野…..但其實雖然既人手真係好多…..而且錢都ok貴,不過都估到,希望真係可以搞得成功,上年個次好似都唔係咁好,今年會搞得好好睇睇,而且實在要大量唔同既小組去做唔同既野=.=…….CD啦,場啦,設計啦,搵人讚助,公關等等,好鬼死得,一睇到司儀居然係我地班既許嘉偉,同C班既羅成,就諗起佢地d白痴野=.=",都好ga,反正兩個咁中意串人,而且唔會面紅,又咁好朋友…..

  晚上…..搵彭彭,送佢三個願望啊ma,收到未啊??哈哈…..當去搵佢個陣,係路中,見到余傳道同埋彭彭既媽媽,咁都撞中??好在冇問我去搵邊個o者,哈……送左野食俾佢=.=’,跟住就行左陣,我就去買野食…..

P.S 1:超勁啊…..我睇noel d成積,勁到痴線= =’,中文C就黎B,英文好似係C咁上下,maths都有C定唔知B=.=’,phy有A=.=’,chem都有A,DT都有B= =’,仲有兩科未知……但係就睇e個成積,佢肯定係成班最勁個個= =,自中三以黎同佢一班,次次都全班第一= =

P.S 2:A.maths好似真係勁少人合格= =",noel同啊發都合格…..noel真係好鬼變態= =’

P.S 3:媽媽又打黎,每日都打,今次仲叫我,食咁多熱氣野,俾我去飲涼茶= =’,係咁同佢講,我得ga la,識照顧自己=.=’佢都好似唔多放心咁= =’

問卷是誰傳給你: 彭彭= =’

覺得他靚女靚仔嗎: 還可以,@@

覺得他受歡迎嗎: 都有一定既影響力

覺得他受同性歡迎嗎: 好過異性啦@@,佢中意同性多d

覺得他受異性歡迎嗎: ai…..唔知佢d男仔fd點睇=.=’我覺得比同性差d

覺得他在朋友中重要嗎:唔重要,就唔洗佢成日嬲完又要我諗爆腦= =’…..

覺得他在朋友中是可有可冇嗎:肯定唔係low=.=’冇人會係

覺得他最吸引人的地方: 佢既活潑??

問卷是誰傳給你: 明心=.=

覺得他靚女靚仔嗎: 都還可以@@唔會好差ga,俾自己多d自信

覺得他受歡迎嗎: 熟個d咪會,唔熟個d可能就唔會,我覺得o者

覺得他受同性歡迎嗎: wei……我相信係

覺得他受異性歡迎嗎: 異性??一半半啦@@……不過都有d人緊張佢ga

覺得他在朋友中重要嗎:同彭既答案差唔多=.=’每個人對我都係重要…..

覺得他在朋友中是可有可冇嗎:唔係…..

覺得他最吸引人的地方: 佢笑既時候??定係…..開心既時候??

傳俾:明心,彭,Ray,louis,均記,區陞

唔好咁短都唔做,咁唔俾面啊= =……另外打少左….今日某人同我講左一件好震驚既事…….我只能期望既係….佢會冇事….

  昨日勁耐都訓唔到,12點幾個陣仲起身望下= =’,再一次發現,原來家中沒有一d聲音,只有一d電視既聲音,係十分寂寞,總好似少左d咩咁,原來…..佢地既鬧我既聲音,都實在會令人懷念….不禁令我想下…如果10年後既今日,我能否自己一個去生活??原來都唔係咁易….細個個陣好想離開屋企,其實都唔係細個,應該係話中學既時間都有咁諗,可以中意點就點,老實講….我真的怕自己照顧不了自己來……難道真係好似人地咁講,要搵個好既老婆嗎??一黎我冇可能搵到=.=,二黎我唔想做太依靠人既人,睇黎要學好多係屋企上面d野= =’……晚上既時候,睇到一個VCD,講一個小朋友,為左唔想佢地爸爸媽媽消失,佢地就不斷咁努力,佢爸爸為左佢地俾人捉左,跟住到啊媽….一個一個咁……最後e個小朋友講左句,我想同爸爸媽媽一齊,仲有個妹,同埋我隻狗……之後影e個人既成長,小學到中學到識女仔,到畢業,到出去第e度開始自己生活,到自己番工,到識佢既老婆,到佢個老婆生左BB,到佢成日番工個陣番到屋企既情面……冇啦啦鼻子一酸……只能強忍吧……

  今朝勁想訓覺=.=…..點知都係訓唔到,唉…..講完d作文,講讀本,太好啦=.=+’,我讀本個份都ok高分,全班第五高ga,noel好鬼變態,讀本拎到B=.=’,就黎A tim,真係俾佢吹漲,我要石媽媽既利是=.=+,我要珍藏啊,讀本頭五名有冇利是ga= =??我岩岩第五

  小息又俾人搞= =’,難道俾人搞已經成為左一種風氣??冇計,我太有才能@0@+,我幾時都講,太陽係東方升起,冇人會再講= =+’只好認輸啦,唔好真係小命不保….又係許嘉偉=.=’,你條木咀

  宗教,我仲等緊佢份野=.=,話哂成日都接觸聖經啊,我諗都唔會好差掛,希望快d睇到啦,不過我份宗教,B部份個陣我冇咩時間做…..頂…..英文堂….大家都好開心….曾sir,又大展佢d鬼念頭=.=’,就係話抽人啦…..皆因,今個月14號個日,有15個同學要參加晚上舉行既慈幼來華百周年,啊曾sir仲講一百年一次,一定要參加= =’,晚上8點到10點,我真係唔想去,noel,第一個去@@,果然好….跟住啊king都去…..跟住1-40號既紙仔,由左至右,上至下,排列好哂…..第一個中左何雞,15號…..fifteen…..跟住d人就狂中,點知中左louis…..佢係4號,我標左d冷汗= =’,因為佢4號我3號=.=’,嚇鬼死我……好在都冇中,啊連生都中左,公晉都中左@@,不過公晉唔想去,要去睇演唱會,本來諗住係陪佢女友睇ma@@,因為2月14….唉….好妒忌,點知原來係啊發= =,無奈……基本上係天主教d同學都中哂,除左焜爺,唔通真係天主召叫??哈哈……..恭喜恭喜…..連生陪你唔到啦,呵呵…….

  DT,派 mock…….又係灰哂…..真係俾佢激死…..合格,我唔想合格咁低要求>"<“",學校合格有咩意思,出到去都係唔夠分,我頂…….發現左一個地方超唔抵……有一個地方我做左係題目度唔記得炒左落去,成14分啊…..我岩左我可以升兩個等級……有五分我仲肯定岩= =’,都升到一個等級,好鬼唔抵low,諗起火都黎= =’,louis最慘……之前考完DT,仲係咁同我講佢DT,點點點,點知分數就有d強差人意…..唔好咁灰= =",學你講,最緊要都係會考,e d係前菜,之後係度呆左……

  番學唔想補phy……同細佬講唔去= =,唔想補啊…….冇咩心情…..

P.S 1:唔係俾B仔提一提都唔記得,我唔記得打同學啊= =’,聽日打番

P.S 2:想念爸媽了……

P.S 3:miss鄭講,A.maths好多人炒……超無奈…..= =我想合格wo…..上年得10個合格,我岩岩好合格=.=今次唔好唔合格,E班d人有個拎到80分…..係重讀生黎,上年佢會考A.maths拎到B,好鬼勁= =

岩岩沖完涼,冇野做,影左張@@+

  昨日唔知咩事,係緊張自己成積咩??,好難訓=.="……訓左一陣,起左身,訓左一陣,起左身,但係成積已經注定,只不過係mock吧……如果會考真係唔知點算= =…..唉…..

  好似好耐冇番學校,今日諗住齊齊坐電梯,點知俾啊姜sir,望到,拿拿林扮哂野咁,喂喂,你去左邊~~~,咁就走佬,我係咁叫,喂…..啊發,唔好走啊,啊發~~~~,@@好在都冇野,哈哈…….第一次咁失敗= =’

  一開始中文堂…..我諗起個夢,個似放假前個個夢,諗起中文得37分=.=,係最高…..唔合格入面最高,一開始石媽媽係度同我地拜早年,成班傻仔問佢拎利是=.=",跟住派mock,真係嚇得我= =’,兩份野一睇….好在@@,都唔係差,而且都ok啦,不過呢….我份作文就真係好鬼死差low= =,中英都係,今次考mock,作文唔知點解比我估計中差= =’,唉…..好灰low….其實中文個三條題目我都唔多中意=.=",我考個日都講左= =’,最後既結果係D~~~

  跟住CHEM………見到啊堅,老實講,都知份化學九死一生,啊堅only派左份MC……好心佢=.=’拿拿林,派哂佢,俾我睇下生定死啊ma,唉….好鬼死驚low,化學,我真係唔中意你= =’

  PHY…..再一次令我好鬼死失望= =’,其實我真係冇咩點睇過個份精讀,因為考mock,我唔想依賴e d野=.=’,成積就十分差,咁緊係啦,都冇咩溫…..都抵自己死= =’,唉…..自從中三有一次拎E之後,中三,中四,都未試詔拎過E…….今次居然又拎到E,差幾分就D,頂佢…..

  英文…..派左3份,炒左2份,個2份都係差少少合格= =,差幾分,仲有一份就合格,睇下paper 3,考成點,如果個份好既話,可能有機會拉埋合格,唔掂既話,咁就食得屎,唉…..好灰low我.

  maths…..又諗起個個夢,個陣我收到份maths,係得十幾分,跟住大叫無可能……跟住打我附近個個焜爺,= =",最後都冇實現,太好在,收到份長問答都已經合格= =’,仲未計mc= =+,睇黎十幾分應該冇咩可能,mc……一開始狂岩…..岩左好鬼死多條,到底40條打後就開始狂錯=.=’,睇番之前日記,我考maths個日,我得番15分鐘做個14條,我做到40條個陣同我講得番15分鐘,所以40條之前份野好花,40條之後就咩都冇,係咁撞=.=’,最後成積…..我頂…..中四開始,次次考試,maths都係e個分= =’,又係D……..

P.S 1:見到D MOCK…..好鬼死灰,覺得好差= =’

P.S 2:啊源,你今日冇番,你PHY好似炒左= =,應該係得F

P.S 3:係度公佈下D數字,留意啦,上我xanga最多既人,頭六個都破百次,第一名係 Ray(335次) 第二名係 歐陞(238次) 第三名係 董卓(227次) 第四名係 迪迪(221次) 第五名係 明心(158次) 第六名係 louis(100次岩岩好)  暫時紀錄@@

P.S 4:聽日仲會有mock,唔知考成點??

P.S 5:今日又俾許嘉偉夾頭啊,黑狗,高恰矮啊

P.S 6:公晉,幾時介紹你位夫人我識啊,見你成日打掛住佢,唉….好鬼死妒忌你啊…..唔好有異性冇人性啊@0@,唔記得我E個兄弟

P.S 7:啊媽啊爸,岩岩到左,佢地要坐成18個鐘火車先到=.=真係辛苦

  昨日既日記又唔記得打=.=,係度講下昨日既野,如同平時好悶,跟住就番教會,玩左陣就番屋企,死火啦,發現成日遲到= =’,晚上明心叫我出去=.=’,咁我就死左出去,去到電梯個度先同我講唔洗我落去= =’,個陣都落去,咁順便落去行下,跟住行行下,去美國X險樂園玩左陣= =,我頂…..玩極都唔win,搞到我用左幾蚊雞,係個度換左三粒糖,諗住番去,跟住係度諗明心既野=.=’,老實講,佢有幾多次肯會乖乖地番去,據我了解,唔多過三次=.=’,諗諗下,唉….去搵搵啦,食食下,得番一粒糖,唉…..= =’諗住話佢心情唔好,俾粒糖佢=.=’,行既路中見到啊稀,眼神接觸左一下,好似叫我唔好叫佢,有人@@??咁就走左,跟住去到公園,拿…….都話冇錯啦= =’,仲話番屋企wo=.=’你都識厄人ga,諗住俾埋個粒糖你,你唔要= =’,好無奈,陪下你行low,雖然就係附近,但係我都廢事開口問你野,只係用sms對答= =’,稍後,當你叫我你走啦,咁我就走啦,廢事係你附近…..但係我唔放心ga la,最近打槍game,打得多,有時玩下狙擊槍,學識係咩位置,可以偷望人,係度呆望=.=’,見你行左一兩個圈,仲有一個圈個陣見你傾緊電話,之後就走左,再用我用d樹木阻檔,俾我見到你去海旁,知道原來有人陪你,咁就放心,之後番屋企@@

  今日要番教會,10點起身啊,平時冇12點都唔好叫我=.=’,所以因為咁,死左去訓,諗住早d訓,可以訓好d,點知成晚都冇訓過,真係俾佢吹漲,我老豆起身我都未訓= ="跟住就訓……訓到啦……訓左4個鐘咁大把…..10點個陣有個鐘聲,一個係彭既sms,一個係鬧鐘 = =’,死死氣咁起生,超眼訓low

  今日d祈禱,搞到我差d訓左…..一合埋眼就想訓,真係激死我,講道個陣我都好頂住咁聽佢講,有d似岩岩食完飯既堂= =’,諗起miss鄭係度講maths啊,諗起石媽媽係度講中文…..諗太多=.=’,好想訓覺啊……..跟住主日學……講完之後我就番屋企

  番去冇耐開部腦……..我頂…..壞Q左,本來想打番今日既野都唔得,真係吹漲,唉…….媽媽一早去左深圳度買火車飛,老豆就係屋企汁野,,見唔到媽媽tim>"<“",跟住老豆就同我講左好多野,又見我睇住間屋啊,又要我點啊,又要點啊,要清埋垃圾啊,好多好多野…….跟住老豆就走埋…..冇耐媽媽又打個電話黎,又係講個d野

  跟住部機都係開唔番,打電話俾均記,叫佢上黎整,點知佢一上黎,部機自己好番,真係俾佢吹漲,岩岩仲玩緊,冇啦啦,佢上黎就好番,俾佢激死,跟住我地係度打下機=.=+,跟住我同佢落去,我去買野食,佢就去扮佢爸爸,係到行,都唔知食咩好,啊媽啊爸係度佢地煮ga ma= =’,都唔知食咩…..

  好掛住媽媽爸爸…….係度行,又唔知食咩既時候….唉….係佢地眼中我都係小朋友,放心唔落我,成日提我…..離開一陣就要咁….第時我自己點出黎行= =’,雖然我好少會把我心入面既野講俾佢地知,係因為有代溝,但係都知佢地係對我好ga…….愈黎愈怕有一日冇左佢地會點……

  跟住行到去西環尾,聽到一個"黑""衣"係度吹口風琴,加上個feel……好有feel……佢好慘,好多人都認同,咩都冇,係度訓街,對於我地食得好,住得好,但係仲會唔開心,會否令人可笑??唔講你地聽慣個d……..我覺得人既貪婪係無窮,當一個人冇生活上既需要,如住,食,衣e d,佢地就會想要e d,當有衣,食住,之後,佢地就會希望係感情上,事業上,學業上既追求,希望有個好既男/女友,考到好既成積…..我想問…..就算你有左e d,你肯定自己已經唔會再追求第d嗎??你地成日口中掛住我好唔開心,我好唔幸福,e d只不過係你地既追求吧….我敢肯定,當你地有左好既男/女朋友,有左好既名次,我相信仲會有所追求,比如住得好d,點可以做到老闆,做高d,想好多好多其他野,個陣受到失敗,難道又係度痛哭??一個BB仔,想玩玩具,當俾一件玩具佢地玩,佢地有e一件玩具玩既時候,係無形之中,佢地已經追求緊第二件,唔俾第二件佢地,佢地又係度喊,又會要第三件……請問……幸福既定義係邊???

  聽彭既意見,食西炒飯= =,番屋企,坐左陣,啊媽啊爸又打黎,哈哈…..長氣可能會長左dd…..不過總覺得有人關心

P.S 1:聽日番學啦…….好鬼驚考成點low= ="

P.S 2:早D訓,再唔訓,聽日一起身就上緊第九堂= =’

P.S 3:屋企好寂寞,冇左平時鬧我啊,叫我既聲音……總覺得好似少左D咩咁……俾人鬧成為左樂趣??

P.S 4:睇完啊達既日記,又有D感動= =’

  3/2/06:真係長話短說啦=.=’好鬼死眼訓,現在既時間係3點10個字都冇= =,用2個字時間拿拿林打埋佢

  今日又係訓到12點先起身=.=’,真係唔知聽日,啊唔係,係一陣會訓到幾點=.=",唉……基本上今日同昨日都差唔多

  下午出去買野個陣,俾我撞到奇哥@@,之前都係讀香工,都好幾年畢業,好似我中二個陣佢就中五= =’,跟住聽佢講,之前讀基礎文憑,大家同學仔咪話我講= =’,一係你就升中六,一係你就去第d地方進修,一係你讀ive就一定要讀文憑你勁d就讀高級文憑=.=’,讀基礎,貴到你痴線,一年過3萬,每個月幾千蚊,除非你係少爺仔,屋企有錢,但我睇,唔係個個人屋企都好似啊發咁有錢= =’,咁你就食得焦啦,唔夠分升中六,又冇錢讀ive,唯一就係學番d一技之長,好似去d中華廚X,啊奇哥講=.=佢讀完基礎,但係冇錢升文憑,現在慘到要半工讀,連睇電視都冇時間,真係俾佢吹漲=.=’仲好似我咁得閒,同人吹下水,上下xanga,咁悶= =’……..唉……..但係讀文憑,都知啦,大家最屎個科英文係一定要合格= =’,e點我諗都死左大半……

P.S 1:聽日早點起身就得啦=.=’

P.S 2:DT已經半放棄= ="

P.S 3:聽聞我啊媽啊爸要番大陸= =,番一個星期,黎緊既星期日去到下個星期日,搞到開始番學個個星期,一個人係屋企…..死啦,我驚有鬼@@……..哈哈…..

P.S 4:岩岩好,4點= =訓得…..

又有一百問=.=+’

1. 你XANGA個ID係： chaichiu
2. 用左XANGA幾耐： 岩岩好五個月多1日
3. 中意男定女： 應該係女= =
4. 除左XANGA仲有咩網上財產： 下=.=’唔知wo,神話入面個20憶??同埋d神裝= =??
5. 人地會點叫你： 普通既咪叫齊超low= =’,5D個d同學有d咪叫我齊寶寶=.=’有d叫齋超,有d叫超超= =,之前仲興叫我做齊總師令啊,屎路比之類= =’神話入面咪叫tody,
6. 最憎好朋友做D咩： 自己放棄自己
7. 試過介手未?! 諗起李副校講既野,我地學校d學生,介人隻手就有,自己介自己手就冇,證明我地d學生好少會自殘= =
8. 有冇諗過死： 有ga,不過就一定唔會
9. 呢排開唔開心?! 還可以,為左份報告,同埋會考好煩
10. 你而家最愛邊一個?! ai……個個人掛??其實我都唔知=.=’應該係冇
11. 佢有咩好： 都唔知有咩好= =’
12. 最好朋友係邊個： 都ok多係最好= =,點數??不過如果你真係要我講一個,我會話係我d倉鼠….
13. 如果聽日世界末日. . 你最想攬住邊個死： 反正都一齊死=.=’有咩話想抱住邊個一齊死
14. 覺得介手好唔好玩：白痴既行為= =’,點會好玩 
15. 身邊有D咩係最值得你開心： 時常看到人笑的面容,實是令我開心
16. 岩岩有冇去街?! 點幾兩點個陣落左街
17. 聽緊咩歌： xanga個首=.=’童話
18. 最中意邊個明星： 星爺??好鬼中意佢d笑話,哈哈….
19. 最近一次喊係因為咩事： 最近??都ok耐冇喊起碼都兩個月=.=’
20. 如果你最中意既人話要溝你. . 你會點：咁緊係正啦,哈哈
21. 你會唔會做第三者：盡量都唔會做
22. 對狐狸精有咩睇法： 冇咩睇法,有得第三者,個兩個人之間一定有問題
23. 對死亡有咩睇法： 我相信會重生
24. 信唔信呢個世界上有鬼： 撒旦@@??有都唔出奇
25. 有冇試過撞鬼?! 如有. . 係邊： 冇= =’
26. 最貴一次電話費幾多錢： 我好乖ga@@,最貴都係百幾蚊,哈哈,唔知某人成2XX幾蚊,呵呵……..
27. 中意呀爸定呀媽多D： 兩個差唔多
28. 呢排有冇比俾人打或者鬧： 成人俾人打= =’
29. 今日天氣好唔好： 不錯
30. 驚唔驚行雷： 唔驚
31. 中唔中意返學： 中意,見到班死仔,點會唔中意?
32. 呢排有冇邊個老師最想X佢： 唔會想打ga,係唔中意上佢堂o者= =’
33. 邊個係你識得最耐又好FD既好朋友： Ray??識左佢五年=.=+’又成日玩
34. 第一個偶像係邊個： 通常一個人第一偶像都係佢地父母
35. 中意過邊個明星令你最後悔： 冇= =’
36. 比人出賣你會點：你…..你…出賣我??某台詞,哈哈
37. 有冇試過中意一個人中意到要生要死?! 如有. . 寫佢個名黎： ai……唔會到要生要死= =,我唔會係d睇愛情去到咁重既人
38. 你鍾意過幾多個人： 大把
39. 愛過幾多個人： 唔多過五個
40. 對上一次因為咩笑： 成日笑@@,要笑面迎人
41. 你過得快樂嗎： 還可以
42. 呢排有冇邊個明星最想X佢： 冇= =
43. 呢排為咩而煩惱： 報告low,頂佢= =….仲有要溫書,好煩
44. 講出十個朋友： Ray,louis,啊發,歐聰,B仔,彭彭,明心,羅友,輝輝,啊棋………..排名不分先後
45. MSN同緊邊個CHAT：現在冇,對上咪明心
46. 對上收果個MSN係邊個既： 明心??
47. 邊句歌詞最岩你宜家： 好問題,唔識= =’
48. 係你心中. . 開心既定義係咩： 人地開心我咪開心low
49. 你身邊有冇邊個係姣婆： 哇….個個都好保守wo,哈哈….
50. 呢排有邊句係你成日講架： 真係俾你吹漲(俾louis感染左),咁屈機??(俾輝輝感染左)
51. 愛情?! 友情?! ： 兩個都殺,不過要一個既話,會要友情
52. 何韻詩. . 容祖兒： 容祖兒??雖則我都唔係中意佢
53. 殘酷一叮/獎門人： 獎門人
54. 李克勤. . 梁榮忠： 李克勤
55. 莫凱謙/３R： 好難選擇= =’
56. SONY ERICSSON??NOKIA： SONY ERICSSON
57. I-POD/PSP：PSP
58. 綠色/藍色： 藍??
59. 冷氣/暖爐： 冷氣啦,香港流行開冷氣多D= =
60. MSN/ICQ： MSN
61. 愛德華/佐助： =.=下??
62. 雪碧. . 可樂：雪碧
63. 無線/亞視： 無視
65. 糖/朱古力： 朱古力
66. 老鼠愛大米/童話：童話
67. 元華/元秋： 元華
68. 周星馳/鄭中基： 肯定係周星馳
69. 金/銀：金 @@
70. 他約我去迪士尼/夢中一吻： 他約我去迪士尼

關於你自己!
71. 叫咩名： 某齊既某超
72. 幾多歲： 16,仲有12日就17@@要升LV
73. 讀咩學校： 香港仔工業學校(ATS)
74. 幾時生日： 2月15日
75. 住邊度： 香港島既西面,叫西環@@
76. 屋企有邊個： 啊媽啊爸,加埋我= =
77. 有冇養寵物： 之前有,現在冇
78. 屋企幾多部電視同電腦： 兩個都係一部
79. 距離你下次生日仲有幾耐：12日
80. 屋企邊個你最信： 兩個差唔多
81. 放學多數做咩： 番屋企= =’
82. 返學同邊個一齊返： 通常咪同細佬啊,何偉健啊,焜爺啊,連生啊,個d,不過有時louis同noel都會一齊@@
83. RECESS&LUNCH同邊個一齊： Ray比較多
84. 多數幾點沖涼： 5點幾6點幾
85. 食飯呢： 6點幾7點幾
86. 幾耐食一次M記：好耐= =’ 
87. KFC呢： 仲耐
88. 屋企得你一個多數做咩： 上網=.=’
89. 幾耐溫一次書： 咳咳…..睇心情= =’
90. 幾耐冇喊過： 兩個月度掛,都唔多記得

ENDING!
91. 做呢份問卷果時成日諗住既係邊個： 唔知呢,係唔係你啊,哈哈…….
92. 佢同你咩關係： 朋友= =??
93. 用四個字黎形容呢份問卷： 仲可以@@比較多元化
94. 如果有十分. . 你比呢份問卷幾多分： 嚴格d就係6.5@@
95. 做呢份問卷果時聽緊邊幾首歌： 都係xanga個首歌= =
96. 做呢份問卷果時有冇邊個煩住你： 冇= =’
97. 有冇睇緊電視： 好少睇
98. 做問卷之前做緊咩： msn,同埋sms
99. 咁之後又會做咩： 打機= =’
100. 好喇!!你答哂喇. . 有咩感覺：好= =用左d時間 

  真係唔係路,我第二次啦=.=’…….破哂我紀錄,第二次一點幾先起身low,搞到我一起身,沖出去,哇……= =點幾啊,我現在係度諗緊一個裝置,令到個手機一震個陣會有d野掉落黎整醒我,諗左好耐,俾我諗到啦= =,其實較鬧鐘就搞掂,唉……都係講下O者,我想放假訓好d,番學成日好眼訓= =’

  跟住出去買野食,去買野食個陣,順便買埋個個語音個個野,哈哈……現在可以講野啦@@,我頂啊…….timtam個衰仔成日都唔on low= =??死左去番工??我要你d相啊= =,跟住就死左去做DT,畫番d圖咁low,畫到冇哂心機= =’,勁憎畫圖,諗住話讀左A.maths班,唔洗讀繪圖= =’點知DT又要畫埋d死人圖,好鬼死憎=.=’,做左少少咁low,多左一兩張紙,點死份野出黎啊,又諗起林sir講個d野= =好鬼恐怖,唉……..唔想咁快番學tim,因為e份報告,搞到唔想番學=.=’

  晚上,食食下飯,啊媽拎左我部電話睇d相,就問我,點解冇女仔相??跟住我話點解會有女仔相= =??跟住佢問,有冇女朋友??跟住我…..ai….= =只係ai….冇野講,無奈死…..過左一陣,我玩緊電腦,啊媽就同我講第時幫你睇住個仔啊,跟住我話唔洗啦= =,跟住佢又講,你估我好想咩,都唔知你生唔生到tim…..第二個,自彭彭打後,第二個懷疑我既能力=.=….個個居然係我啊媽,= =無奈死…..

  晚上,超無奈……因為明心去左沖涼= =’,我諗住去打機,應成佢沖完我會係度=.=,點知…..激死,俾人殺太多次,火到黎,跟住玩多幾次,搞到要佢等左勁耐,跟住就嬲啦= =’死火…..幾經辛苦,終於哄番佢=.=’,唉…..我發現對得佢地多會學多一d野,就係哄人= =’,之後彭又嬲=.=’真係俾佢地吹漲,好在現在都冇咩野= =’

P.S 1:今日日記都好少,我諗之後幾日都係少= =’皆因都冇咩野做

P.S 2:原來今日火機生日……唉…..但係佢同彭彭…..真係煩惱,唔怪得岩岩識彭彭個陣我同佢講我2月生日,佢好緊張問,幾號啊,今日先知點解= ="

P.S 3:份DT都唔知點死…….

P.S 4:頂……最近個MSN都唔知咩事,成日打唔到字,冇字出= =SHIT~~~~~~~

P.S 5:番完大陞既朋友…….你地好~~~同胞們

都ok準wo@@,真係唔錯…..你地都試下玩

http://www.whobirdyou.com/test.asp

個性
你是所謂的「美景不如美實」之典型貪婪的人。你認為一切努力的結果，都是為了立即可得的利益，也就是，你是個極現實的人。在營造財產上也表現出此種性格。不會去買預售屋，即使它比較理想。你會去買馬上能住的現成房子。你是一個在心智上完全臻於成熟的人。每天精神奕奕、充滿自信，同時又很受到朋 友們的信賴。但是相對地，你對日常生活乃至人生的態度稍嫌嚴肅了一點。或許是因為 你給別人的印象就是如此，而你也刻意地去表現出這一面。不過，如果你能更加任性點 ，偶而輕鬆一下，不要固執地想要一直去扮演完人的角色。說不定反而能提高你的聲望也說不定。 你是那種即使明知道吵架是自己的不對，但還是 有意無意會把責任推給對方，彆扭地不想認錯，你是那種稍微低頭也不是很願意的類型。你們很樸素又很不起眼，可是卻很實在，知道如何運用錢，也懂得儲蓄之道，不會任意花錢，對每一分錢的花用，都能夠詳加計畫，也不喜歡玩樂的事，只喜歡樸質的生活，所以會被人認為很「小氣」，也會因此而失掉賺錢的機會，改變一下自己略小氣的脾氣，對你很有幫助。 表面上看起來，你好像是一個很好說話的人，其實最最固執的人，就是你了，一旦發起牛脾氣來，任誰也拗不過你，因為在你的內心是封閉和害羞，冷漠就是你用來掩飾害怕和人群接觸的自然反應！你肯定是那種大哥大或大姊大級的人物，見到別人侵犯你的權益，或是惹了你身邊的小嘍囉，那你絕對會馬上挺身而出，傾全力討回公道。不過你也是會英雄惜英雄，假使只是場小誤會，等到風波過去，你會將對方當做是知交一般看待，是個很有風度的敵人。你是心地非常善良的人，但與人相處時為了不想暴露自己的缺點而設了一道防線，所以有時會被人誤會為不容易親近之人，雖然朋友不多，但能擁有深厚友誼。再者有優秀的數字能力，能在理工上一展長才。你的個性保守,相當重視道德.因此這種類型的人很重視自己的想法,不勉強自己與他人交往,有頑固的一面.你能擁有一份可以發揮自己專長的工作,逐步完成自己的夢想。還有，你脾氣變化無常，有興趣時，能認真踏實做下去，一旦失去興趣，就會對所做的事感到莫明其妙，予以放棄。

愛情
你在感情上是充滿安全感的人，在朋友中深的人緣，從不與人有正面衝突，總是盡可能包容別人，你相信人與人能和平共處，極少無意義的打擾別人，朋友也不會過度打擾你，生活過的悠然自得。暗戀是你最拿手的戀愛方式!永遠只在遠遠的地方看著心儀的人,幻想著有一天他會主動來約你.愛他就要勇敢說出來!加油唷。先天上你就是一個會掌控戀情的人，不管是怎樣的戀情，一但讓你遇上了，你都能順利地照著自己的意思運作；而且你非常地瞭解異性的心理，知道什麼時候該撒嬌、什麼時候該使性子，這也正是你的魅力所在，所以對方很快地就會被你吸引。只站在遠處觀看，是不會為自己帶來任何機會的。但是，也許有第三者會被你那謹慎的態度所吸引，這時，即使那個人長得不帥，仍然會使你被他的真誠所感動。你喜歡比你年輕，可愛而嬌小的異性，戀愛時會樂於工作賺錢。男性會喜歡古典型，順從丈夫而文靜老實的女人。你對於戀情抱著浪漫、綺麗的夢想，對於喜歡的對象，你是不是在單戀人家呢？對你而言，得到他的愛情，就算沒有了全世界，你也會覺得沒什麼了！你會使用柔性策略來誘引愛人入甕，因為你知道太過強硬只會造成對方的反彈，就像是無法吹掉旅人外套的西風一樣，你寧願散發溫暖的光芒，讓愛人衷心願意留在你身旁。不過，你也是非常講理的人，只要是必要的活動，你不會限制對方去參加，而且願意成為支持者，真是個明事理又貼心的理想情人啊！你會因愛人的言行舉止，而產生許多迷惑，你不能肯定他是否真心愛你，也不知道愛情會延續多久，所以你時常為了這個問題而煩惱不安，其實你不必這麼懷疑對方，應該以信心和誠意來對待他，才能共創永恆的愛情。基本上你算是很專情的，只是你好像不太願意去承認這些事，只把這種愛慕放在心裡，面對性時，你只是像個孩子一樣，雖然笨拙，但也純真得可愛！你給異性的感覺是個喜歡交朋友的人，所以跟你較相近的對象也應該是個悠然自得、懂得享受愛情的人。你們兩人很可能成為令人近羨的鴛鴦夫妻。在交往的時候你會有結婚的念頭，尤其是選婆婆的意味更濃。因此，以結婚為前提之下，會努力地去尋覓另一半。你的醋勁不算太大，但是偶爾會疾火中燒，不過不是很強烈，不過忍耐太久 就會有爆發的可能。

事業
看來你是一個企圖心很明顯的人噢！你很講求效率和效能，馬上想到什麼事，就要立即做到才行，這樣的個性，在你的臉上，表現無疑，所以你也是一個不適合耍心機的人，有些血淋淋的鬥爭，你也不喜歡因為怕別人的閒言閒語，就虛情假意的做著，明刀來明刀去，就是你的標準作風！你IQ很高，才能不錯，EQ則略欠，又對八卦消息十分熱衷，只是害怕被權力中心遺忘，雖然不是野心份子，卻是八卦女王或王子，容易被野心份子利用，成為辦公室鬥爭放話的傳聲筒。

人際關係
無論遇到甚麼人，你也會真誠相對，實話實說，可謂有點天真爛漫。不過，在某些場合上，卻因過份的毫無保留而令對方感到尷尬。因為 性格率直無機心，所以很受朋友歡迎。為了顯示實力，也會向別人提供不少八卦秘聞，總之有你出現的地方，就絕不會有沉悶場面。工作上，率直的性格令你成 為上司的好助手。你善守中庸之道，希望和朋友的交往是有節有度，不會太過親膩，也不會太疏遠。因為你是很實際在考量和朋友之間的分際，一般而言，朋友是很有用處的，俗語說出外靠朋友嘛，可是你又覺得有時聽多了負面的例子，也有可能被朋友陷害利用，還是要謹慎小心，別被人家當成無辜的肥羊痛宰。你是那種很看重友誼的人，對朋友很好。