今日都幾多野想講,不過有一樣好重要既野一定要先講…..關於我啊媽既野…..啊媽因為身體既問題,現在應該係大陸坐緊火車……番去……點解??因為係屋企多野搞,而且搵極都搵唔到病原,香港既壓力又大,所以佢番左大陸,我昨晚都聽e件事,諗住佢吹下水,點知真係真…….我放學番到屋企,已經唔見左媽媽= =",有個長途電話打黎先知…..咁係唔係表示佢唔番黎呢??我一直都問佢,幾時番,佢既答案係,搞掂好身體先,不過都唔會好耐,我諗都係幾個星期度=.=",唉…..估唔到……我真係有d覺得不孝low= =",唉…….咁大個人,咩都做唔到,今日見老豆番黎就搞到踢哂腳,又要煮飯又要搞e個搞個個,真係慘,番完工番黎仲要做咁多野,我就成個皇帝咁,真係……..唉……..覺得自己勁衰low…….真係好希望啊媽可以快d冇事啦…..同埋老豆唔好咁辛苦low……我真係成個廢人咁

  昨晚……訓覺個陣差唔多成一點先訓…..點解??陪彭彭low=.=’,但係佢回我msg又耐wo,搞到我等勁耐,搞搞下搞到一點,佢又唔俾我訓,不過自己又好似幾樂意陪,不過諗聽日都係要番=.=’都係去訓…….彭啊….唔係我唔理你ga,咁訓覺都要ga= =’係咪??

  今朝起身仲見到媽……媽問我個鐘壞左??我話唔係,因為我改左時間……跟住再訓……媽媽……真係好掛住你low,你咁,我一點都唔好受low,老實講真係唔知點解你要去個面low,擔心low,你病仲去咁遠,唉…..聽到你講e幾日都訓唔到,真係好鬼心up…..唔好睇老豆好似咁啊,其實老豆真係好擔心你low,我都係low,你病仲去咁遠,老實講,我真係放心不下,我現在仲擔心你有冇事,一個人坐火車番去,唉…….媽啊,你幾時番黎啊??我知你一定睇唔到我打既野,因為你都唔知我有日記,但係,我希望你感受到low……老豆,真係辛苦你….今日你一放工,踏入屋企既時候我都同你講左,真係辛苦你…..屋企要你做咁多野…我真係難受…..番工都夠辛苦,放工仲要做咁多,你年紀又唔係細,我又做唔到太多野,真係覺得自己好廢low,老豆…..真係辛苦你啊,真ga……對於你地既期望….唉….我係不孝low,我咩都做唔到,真怕做唔到你既期望,媽….身體唔好就小心啦,係個面仲凍ga………

  真係唔係路,今日天氣凍到成隻咩咁,我今日仲要上PE,件三又唔熱,凍到痴肺,隻手係冇哂feel= =",你知寶X園上面係勁大風,真係…….爽到唔可以再爽…..精神為之一振,就算昨晚冇訓,今日咁爽一爽,真係咩都爽哂…..一路係度等,車幾時黎啊,救命啊…….一上車就熱好多= =,唔係會凍死

  今朝,有個師弟真係好鬼乖,係2,4,6既時間,佢講佢既讀書心得個陣講左一句"唔知中五D師兄,準備會考準備成點呢?"跟住我地就係度偷笑…….睇死過半數人都未準備好哂啦,唉…..不過真係有心

  maths堂……講下書…..問細佬問題,唉=.=,細佬真係…..不過算啦,佢不嬲d能力都係有限,跟住小息個陣,同幾件去洗手間咁low,係個度過活,冇計=.=我諗冇第個更好既地方…….

  英文堂做paper3,影少左幾份,咁曾sir就落左去影,班友就緊係……..超變態low,歐聰,我真係要俾十個叻你= =’,表演真人show,又同劉自係度…….哈哈…..笑鬼死我,超搞野low……迪迪定唔知邊度係度拎部相機出黎拍片,可以放上去18禁…….真係…..勁搞笑……番到黎個個扮哂冇野咁,前後既變化都幾大=.=",跟住就開始做,原因都有d地方有d難……..

  PE堂…….如無意外,今日係我中五入面最後一堂PE堂,因為再下一次PE堂係3月17號,最後上課日,個日既PE堂,都係照慣例係行事……….其實年年都係ga la,每年既中五最後上課日都係番半日,番到12點半就走……係走之前仲有一d專為中五同學既感恩祭,而時間應該就係PE堂個段,所以今次應該係最後一堂PE堂,佢地班友今次踢波,又係踢到勁爆咀………我諗…..可能係最後一次仲可以係度望住佢地踢波吧??就算好好在番到番黎,個班已經唔係5D…..已經係第二班,唔同既人,冇哂個d feel…..我好享受現在既生活,但係卻就黎完,輝輝同我講左句"全班一齊重讀中五"原因人唔會老,時間唔會向前,的確係幾好ga………哈哈….不過未免太假了吧……

  食飯又去小矮人,好搞笑,個司機好變態,同我地講笑咁,大傻叫佢,舉起雙手,佢真係舉low,幾驚炒車…….昨日俾我地鬧個個師弟,今日都唔敢黎,哈哈……去到個陣,我見d師弟同第d同學講,走啦,e度冇位啊,我地就岩岩相反,我地成13,4個人,全部都係5D既同學,咁我地就有先有後咁上黎,我地唔係同同學講,冇位啊,你走啦,反而係同侍應講,加多張台啊…..跟住一齊吹水…..我覺得咁真係開心low……

  maths超眼訓….死頂=.=…..phy,錫年又係遲上,我個陣真係有d火…..因為俾焜爺整一整,個眼鏡又好似有d問題,細佬又對住我係度笑=.=’抵死,真係爆啦…..我就好大聲鬧佢"你係咪kai ga"跟住啊源就講,齊超發火啦@@,唔好嬲啦…..歐聰個d就係度圍焜爺,唉…..唔好意思,仲爆左幾句粗,好在仲整得番= =’…

  最搞笑就係化學堂…….化學堂啊堅一黎到,開哂d窗,變態low,d風係咁吹,我地就凍到成隻狗咁…..哇…..超唔掂…….我記得上年佢好似仲開埋風X,驚死我地唔病咁,今日冇哂人賭錢,可能因為昨日既事…….跟住搞笑既係,B仔同啊king係度賭,俾啊堅見到,跟住啊堅就講……又玩估錢啊??超恐怖…..估唔到我地既事,搞到好似好多老師都知咁=.=啊堅你又知e個名咁叻??哈哈……跟住叫啊B,一定要抄哂先俾走

P.S 1:原來中七今個星期五就走………師兄,高考努力,升大學啊

P.S 2:個個都叫我寫紀念冊D野……我都打算買番本,你俾我寫,我一定寫一大段野俾你,因唔同既人,我會寫唔少針對你既野,希望你畢生受用

P.S 3:仲有15日上學日

P.S 4:明心…….多謝關心啊…..一開始見你咁開心,真係幾好,不過可能因為其他野唔開心,你好乖….今日成日溫書,我就冇啦,哈哈…….加油

P.S 5:今日許嘉偉,問左我一個問題,佢問"你係唔係青頭仔啊"跟住我答"緊係唔係啦(其實個陣我都未聽清楚佢諗咩,答唔係就冇死=.=)"點知…….諗番先知,我應該答係…..無奈=.=’水洗都唔清

  一番到學校又係早會=.="好鬼累……冇啦啦發現一點…..中五到現在都成大半年,但係都未選出一個新副校= =",李副校走左,少左一個副校……由上年已經開始諗,今年都未知係邊個,不過大既都估到邊個會升做副校ga la= =’,一係余歐,一係鄺B=.=’,通常都係d教務同紀律主任升ga la= ="而且余歐升既機會大d=.="咁miss鄭咪副校夫人@@???哈哈….

  企左勁耐low,冇左幾個字堂,一上到去發生一件事= =",就係個窗d玻璃爆開左,成地都係玻璃,何偉健張台勁多= =’,原因不明,係近山個面d窗,人為機為就低=.=’初步懷疑係昨日大風得濟,可能有d石仔吹到,一沖就沖爆左都唔定…..搞左勁耐,先搞完,搞得黎就冇左一堂中文堂….之後就中文堂就係溫書= =’

  宗教,無奈地上堂=.=…….maths又係咁上,miss又講我地抄功課= =’,maths功課,我好似由上年11月開始唔抄=.=之前都狂抄,我諗maths係咁多科入面,除左pe之外,係最耐冇抄過=.=",當然啦,a.maths都係= =’,可能因為上年10月尾個陣個個統測,a.maths測到超差= =’,勁失敗low……之個次之後都唔鬼抄….

  英文=.=……又係講個份閱讀理解…..曾sir做得幾好既係,係不斷俾d練習我地操,唔係講書…..我諗起教我之前英文既老師,個個都係講書,英文講書真係冇咩用low=.=",老實講我中五買個本英文書都唔知買黎做咩=.=新到冇新……平時上堂,都係做會考題or出面d似會考題既野…..我覺得咁會實際d,總好過講書=.=’講書都學唔到d答題既技巧等等,而且英文既考法唔同中文= =",講書真係冇咩用,操多d可能仲有用……不過我地上英文堂都係吹水多=.=",因為我地d學生好多對英文都係半放棄……包括我= ="

  食飯去小矮人…..係度講番d背景既野,由小矮人係海怡個面,所以個間野,有部專車停係我地學校附近,想去就上車,車我地去,跟住車番我地番黎,以今日我地走個陣,我地上次就係度串個低form,原因??因為個師弟仔,上次一上車,大叫開車開車….啊達佢地上唔到車,火都黎埋…..咁車上面,勁多都係我地5D 既兄弟,成十幾個,個個好大聲係度串佢,特別係啊達把聲,真係好鬼易認,啊達係咁串佢,後面d兄弟又係度串,咩粗口都係度飛ga la,我都係保持沈默……之啊源講左一句"我地派齊超都夠打啦"跟住我先打破沈默……講左一句"你咁講會唔會大材小用左d??我e d人材黎wo"班友好鬼興奮=.=……叫喊聲都ok大……睇黎個位師弟仔真係唔好在啦…..下次把口就唔好咁衰啦…..

  DT堂……爆咀….我地就係度做會考題,咁noel因為受唔住佢個台好多人係度賭錢既關係,黎左我個台…..問題黎啦…..許嘉偉條友仔笑到勁大聲…..真係好大- -……劉sir好無奈咁望住佢…..我諗因為佢win左錢掛……成七八個係度賭錢…..最近班入面既賭風都係有增無減= =",跟住個台d人又係度狂叫-.-“劉sir……忍唔住啦……個台d人全部充公….跟住寫哂係課室志度……寫邊d人賭錢仲寫埋隻遊戲既名"估錢",估唔到劉sir咁叻都知我地隻野叫估錢遊戲….- -“‘……大傻條友,賭左扮無賭,最慘係冇寫佢名low,大傻真係好鬼死狗=.=…..

  之後……佢地同曾sir解釋,作左一個好假既大話,不過曾sir都信= =……我諗係因為,曾sir想俾機會佢地……其實都係ga,就黎冇學番,冇必要再紀咁多野,曾sir算好人ga la,鬼唔知你地真係賭咩= =",打死我都唔信啦……咁你地先唔洗記缺點,曾sir算係唔錯啦=.=’上堂都算ok容忍….又中意串下人搞下d冷gag,你地下次唔好賭得咁勁啦…..小賭就算@@…..

  今日既心情……..十分低落……原因= =??唔想係度講……彭彭??唔知幾時開始,都會把我既野講俾佢知=.="‘,唉……為咩??自己諗太多了吧…….我永遠都會覺得你地好幸福= =’,因為人人都可以選擇自己中意既人,以我卻不能,我只能做既就係祝福吧…….從來冇人會幫我祝福,因為我冇野值得祝福……我嗎??我可以有選擇既地方??睇黎我都係俾人迫住走……我實在難以再去招架,彭….其實今日問你既問題,一黎係個個原因,其實我好想知係第二個原因,以第二個原因係比第一個原因大得多,多謝你講咁多野解答我個個第一個原因,但第一個原因根本就唔係我最想知,反而第二個先係………唔想再諗了吧,請唔好再出現好冇………我現在中意既已經唔係你,反之你中意個個亦都唔會係我,以我卻不可能會有人中意的

  頹廢既一日,除左係度發下呆,上下網之外,我諗都冇別的事可做……..書…….都唔多想溫……我係度浪費時間嗎??冇錯,我係……..唉…..唔想做野

  愈黎愈中意柯南中既一句……….某個要自殺既殺人犯俾新一即柯南救左,個殺人犯就講"點解要救我??"柯南"需要理由咩??"跟住又講"殺人有好多理由,有好多動機,以個d理由都只不過係借口,我亦都唔想去理解,以人救人係需要理由既咩??"………..十分之好=.=+…….人救人需要理由嗎??但係人殺人卻有千千萬萬既理由,但e d理由都只不過係一堆借口…….

P.S 1:咳既情況好鬼嚴重=.=……

P.S 2:心情不太好…..如果聽日對你地比較燥狂少少既話,唔好介意…….

P.S 3:功課未做=.=…….一陣要去做

P.S 4:明心係咁唱佢D蛋糕幾好味……..勁想食low….= =

  今日有好多野想講,係講之間,睇下d書友仔既日記吧,先睇高綸"F.3到而家為止..我諗真係11年黎最開心既3年..

雖然F.3有d人唔鐘意..而家變到成日串下..幾好

班長..由F.1到而家好尊敬佢..F.3做埋朋友..肥明

..好彩佢唔睇人xanga..成日似住自己大隻周圍

整人..不過不失為好人..我好鐘意而家5D班..因

為我地係最好嫁..^ ^..最團結..哈哈"

跟住再睇我最可愛既小BB"

今 日 上 堂 .. 見 到 每 一 個 同 學 既 笑 容 ..

真 係 好 想 影 底 佢 ..

我 驚 以 後 都 見 唔 到 ..我 ５ 想 冇 左 呢 班 同 學 ..

4D & 5D …真 係 比 左 好 多 野 我 ..

佢 比 我 既 感 覺 係 F1 2 3 未 試 過 有 嫁 ..

我 覺 得 呢 1 班 人 好 團 結 ..

我 希 望 走 果 日 係 笑 住 咁 走 啦 .."

再睇輝輝既msn"5D….永遠既好兄弟….永遠唔會忘記"再睇louis既msn"生係5D ga人,死係5Dga鬼"就連啊king都要提番首詩wo@@""道別"同窗四十皆好友,知己三五獨汝親"

再次多謝你們…….仲有20日都冇既時間

  岩岩慈幼來華百周年,個個大show,好多高官都有黎,成個show又係我地既李副校搞,睇下佢最近既近照吧,如下:2

順便貼埋,許嘉偉個張=.=",唉….上次貼左俾佢打,因為我打d字太串,咁我今次只可以打……一d都"唔"扮野既許嘉偉,如下

喂,許嘉偉先生,你件校服d三飛出黎wo,要記缺點,仲有件外套好有問題……記你三粒……

  一朝起身就番教會啦,都係咁啦…..搞完一輪就番屋企,下午個陣真係有d唔開心=.=",不過算啦……其實我都覺得我有時都唔得冷靜,有時= =’……有時會冇啦啦講d都唔成道理既道理,之後冷靜番兩三個鐘先可以諗番野=.=",個陣先同佢講番會好d……係啦,彭彭,,,,,唔好意思啊@@,我仲用d咁既語氣對你,係我既問題@@,好在你都冇野

  係下午既時候我冇啦啦諗到d野…….之前咪講我唔想感情ga,其實係一個錯誤既做法,點解??我就黎打個比如吧,如果你身體冇哂d神經線會點??,假設唔會死個d,跟d人打你,打針都唔會痛,好似幾好,你feel唔到有痛,但係實際上你身體係不斷受傷緊,而且當身體出現毛病既時候,你又察覺唔到,同埋,俾d有毒既野咬傷,你又唔知…..其實唔要係唔係真係好??雖然你唔會有痛既感覺,但你既心又會係點??唉……人就是這樣….唔知點解冇啦啦俾我諗到=.=+

  跟住訓左陣, = =好累……講番昨日我對小朋友既睇法,你見到個個小朋友一個人係度跑黎跑去,好開心,喂……所有人啊,你地小個陣係唔係都係咁ga??我實實在在咁講"係",我實在好難想像到十多年後既今日,我地眼見個個小朋友,會唔會好似我地附近個堆飛仔咁,可能十幾年後你行番個個公園,你會見到佢已經壞左都唔定,問下你地吧…..你地小時候曾否都係咁ga??點解大個左會咁ga??人大左自然會有所不如,智慧上既增長,身體上既增長等等,都係有增,但你既心卻不斷咁減少咁你心入面既命……希望你地會明白,如果個個都好似小朋友咁,的確社會會好難進步,帶黎既問題都會有,相反,都不見得有多好…….人大左,煩惱自然會多,但好多野都係自己搵自己黎煩…….我係度祝福昨日所見既兩個小朋友,一個男既,一個女既,別要走一個黑暗既路,要走都走一個光明的吧,不過….我要提醒你們,縱然走光明既路,煩惱都係少不免…..睇你點對待…..我想….黑暗同光明既路都係….點對待係重點吧…….

P.S 1:結束中五既日子仲有19日

P.S 2:今日家長日,中五唔洗見,聽日又有假放,正……

P.S 3:彭彭…..我偷飲左一包檸檬茶=.=",搞到現在咳到半死,我有聽你講= =’已經冇飲一日半……點知一飲就咳到半死…..係啦= =……唔好意思啊,你都已經千叮萬囑叫我唔好飲= =’我衰,唔聽

P.S 4:咳死左

25-2-06:又係遲黎既日記,真係唔好意思,e幾日都唔多得閒,搞到人地d xanga都冇咩時間睇tim= ="所以e個日記既內容都係比較少,其他野就留番今晚打既日記

  起身呆左一陣就番教會……玩我係羊咩咩=.=",即係咁,唔知點解我扮極都轉唔到聲,有冇人教我=.=???估中係我既機率係100%,另外明明唔係我又估我既都好多= =,到底點解呢= =??再一次證明左我既聽力係唔錯,only錯一次

  又係講金錢d野=.="岩岩個堂宗教堂先講完,所以d野都特別記得…….

  晚上又出去,俾人老屈左出去,= =,好眼訓,應該係因為食左藥既關係吧……見到一個小朋友,感想都有d,今晚既日記會作一個分享,俾某人,搶左部機亂sd msg= =,唔洗錢咩,個msg已經爆左又狂sd= ="你睇唔緊要,唔係亂sd啦=.=",真係有d激氣,區聰就真係ok火=.=",係咁講,你浪費左我一蚊wo,點計先,我就同佢講番,都講左唔係我sd= =又係咁問係邊個sd,又話要XX,唉….總之麻煩=.="每個交代完,先走…….我不知道今晚你出去既原因,我只係知我今次唔會再跟住你= =",因為冇必要low,都好ga,反正你行左一陣…..

  燒就冇啦,身體暫時都算係可以,但係就有d咳-.-‘成日冇飲檸檬茶…….我諗我勁耐都未試過有一整日係冇飲過一包檸檬茶= =’……我上左引…..今晚日記見

24-2-06……唔好意思,遲黎既日記,昨日都唔知發咩溫,番到屋企,到晚上既時候,冇啦啦,就頭痛+流鼻水……之後搞搞下仲發埋燒tim=.=’完全係俾佢吹漲…..身子弱= =’,話說24-2-06 e一日,我地起義啦……反對勢力可以增大…….要求中五留課室既訴求….日漸加大…..詳情可以睇一陣既兩個小息= =

  昨日番到去,派全級頭三名既成積表= =’,基本上往年最好個d ga人,今年都係不負所望,冇咩驚喜,中五同中七就緊係冇成積表啦,收到通告,成積表係5月1號自己番學校拎= =’個陣應該考緊會考,師弟們,好好地加油啦=.=……我地e d就黎要退役,香工既未來都係睇你地= =,不過望住現在d中一,不禁都有d…..可能考成熟o者

  2006年,會考死期表=.=……..4月10號考設計….4月28英文paper 1同2,(sylA),4月29號考英文paper3(sylA)….5月4號考英文paper1同2(sylB),5月6號考英文paper3(sylB)……5月8號考數學….5月9號考中文….5月10號考物理….5月15號考化學…..5月17號考最強勁既附加數……5月26號考宗教……面臨大敵當前……難道我地真係扶不起既後主嗎??考得又早,又遲=.="最早個科設計我地有份,最遲個科宗教又有份,真係吹漲= =……同學時間不多…距離第一科既日子連一百日都冇既時間…..仲係咁傻傻下咁過嗎??要開始了吧……..

  今日七周有番=.=佢昨日冇番,聽唔到昨日d宣佈,當我今日同佢講番昨日d野,佢就講.咁我咪冇哂人生意義……唉……唔番學啦,中文堂,做閱讀理解=.=’,做得有d悶…….就到小息,我地就好鬼叻咁同石媽媽講,miss不如俾我地做埋先走啦,好冇啊??你幾時會見有學生要求miss留小息= =’,我地就係…….跟住我地哀求,miss俾我地搞到…..就話,求求你地俾我放小息啦….最後都係啦……我地都係要出去

  小息,我自然去洗手間過活= =’,唔知佢地既起義行動已經開始,我都係後來先知,早d講啊ma,我又起ga@@…….話說係洗手間既時候,一開始都聽到出面好嘈,跟住突然間冇哂聲,事情係咁……課室入面個鎖其實係有辦法自己開到,唔洗用鎖匙都得,咁跟住我地d兄弟就開左門,入去,拉埋哂d布,成功佔領左63室……話說C班d兄弟就係條走廊度,跟住我地班既兄弟就好鬼靜咁……點知殺出左一個黃SIR……C班d兄弟….周圍走佬,有d走左去新校舍,有d走出左天台,我地就係63室度….好靜,跟住唔知咩人叫左公安出去睇下黃sir走左未,公安一突個頭出去,就望到黃sir,你眼望我眼,跟住我地成班都俾人捉哂….小完息,我出番去,好似少左好多人咁,得知原來有半班既朋友仔已經俾人捉哂落去…..跟住化學堂上左一陣,成班先番黎

  唔講唔知,其實今日5E班出左去BBQ,所以今日都唔多見5E既兄弟……唔係可以一齊起義=.=+"‘

  化學堂,講05年份會考題,最好笑既係,啊堅就講,你地下星期做埋份04年既俾我,我地O哂咀= =,跟住佢講放成4日假,咁都做唔完??跟住d人就講3日o者wo,啊堅又講,加埋今晚咪4日low……超無奈,照佢咁講我地應該每日都放緊假=.="

  今個小息我落去行下=.=…..之後完左我先叫到又有一班人俾人拉哂落黎,我見d樣就知係5A既兄弟=.=估唔到佢地都俾人捉埋……喂……校長啊,見到我地中五學生既訴求,仲唔支持民意去做= =??

  phy堂測驗…….波動,光同埋熱…..全部都唔記得哂….= =,唉,亂做就做完,唔知做成點,得知錫年係A班既事…..唔知點解真係好心up = =……我覺得佢都係想學生好ga,不過佢教書就真係差左d,固執左d….個心係好,都係算吧啦=.=….兄弟們,唔好去咁盡…..

  食飯,去左好耐都冇去既地方,好景…..想起中二,第一日可以出街食飯,第一次去就係去七仔食杯面=.=,第二日就係去好景…..想起當年實在好似一下既時間,睇番我俾人sm個d片段…….係公安部手機度,可見你地幾變態=.="

  英文堂,諗住去mmlc做paper3,點知唔係,我仲昆左幾個人tim,我記得好似係今日去mmlc,點知唔係,佢地就咁講,我地要X左齊超,無言=.=….都話唔記得左low,背扶啊明上6樓…..等於行左6樓3次= =,死左咁濟,最後係做paper2 d野,岩一半=.="

  maths堂,一開始見到miss笑笑口咁,緊係啦,部電梯壞左,要自己行上黎,miss,知道我地辛苦未=.=我地幾乎每日都要行4-5次,跟住就放學

  放學開左一陣會,幾個字= =’,傾左一陣就散….我已經諗住同Ray去應該舊生會個面…..

P.S 1:結束中五既時間仲有21日

P.S 2:高綸係咁叫我介紹D女啊,西環既真係得幾個=.="遠d既就有d=.=…..

P.S 3:迪迪既問題得到解決,個陣真係嚇到我想死,好在冇事,下次唔好啦=.="

P.S 4:迪迪好似昨日因為訓覺記左一粒缺點,成為第一個新措施下既第一個戰死者= =

  所有人注意,重大事件宣佈,番到去學校早會個陣發生大件事啦,e個真係要睇下,話說早會,平時都係聽下人地吹下水,跟住就等上堂,點知今次係早會,鄺B,宣佈d野,搞到我地全部人都火起上黎,有幾樣野,第一樣野,對我影響不大,就係捉d人唔俾係上堂訓覺,上堂訓覺俾啊sir見到,第一次會口頭警告,第二次就寫落本課室日志度,第三次就一粒缺點,如是者,第六次又會俾多粒缺點你,跟住停你學,見你屋企接你番屋企,聽到個陣真係吹漲,集齊6個印花就可以番屋企訓覺= =’集齊3個更加上有一粒糖送,真係幾過引,對於啊達,迪迪,e d係上堂訓覺既王者,就唔洗多講啦,我真係怕佢地上唔夠半日就俾人踢出去= =好啦….第二樣,對我既影響比較細=.=",d啊sir係街度見到d學生校服飛哂出黎,著得好差既話,會收學生證,收夠五次又一粒缺點,集齊五個可以換多一粒,真興奮=.=",有時我後面d三都會飛出黎= =’,要注意,第三個,對我影響都係比較細,唔可以講粗魯既說話,對於我黎講,就緊係冇咩問題,上堂個陣我唔會講e d野,當然,只限上堂,落左堂啦wo……我就緊係…哈哈…..對於好似上次啊明爆左句"關你春事啊"咁就死得啦,又可能好似區聰,係出面同人講"x街啊"又可能好似d人講X你XX,e d,一聽到馬上記多粒缺點,好啦…..最後一個,第四個,對我影響係極大= =’就係唔俾留係課室……個陣心諗,鄺B應該會講除左5D同5E除外,點知冇講,即係加埋我地啦,食焦啦…..之後既日子,小息啊,食完飯都唔可以係課室low……我有時要抄功課都冇地方=.="落去又上黎又浪費時間……頂……中五既學生,得番十幾日上課日,十幾日都唔俾埋我地=.="都變態ga,比較好少少係唔會俾人打= =??頂…..總之整體好煩low,唔俾留係度,火都黎= =……..

  英文堂,曾SIR係度爆d冷笑話,e個香港有好多洛克人,因為香港有個地方叫洛克道,個度住既人咪叫洛克人low….超無奈= =…..有個答案可以係天主經度搵到,當然係英文板啦,跟住佢就話,所以會考之前,一定要背熟天主教,你考中文就讀中文板天主教,你考英文就讀英文板天主教…..考數學就問你個miss啦,除左無奈都係無奈=.=…….得知石媽媽原來有幫我地問可唔可以留係課室,石媽媽果然好關心我地wo@@,哈哈…雖然結果係唔得

  小息啦,平時可以課室度吹下水,今次我地要走出去low=.=",超無奈……6樓全部班都俾人趕,我見到E班個大口仲扮哂野話,miss miss,我有野問,唔好走住……哈哈…..個個都唔想落去=.=",跟住黃sir係61室個面掃過黎,我地只好走佬,個個都走佬= =,跟住去到4樓,見到啊發個d係個度,我就同佢地講,快d走啊,掃緊落黎四樓啦,同打杖無分別=.=",最後又見到林sir係個頭殺緊黎,我混入5E班之中,俾迫退入2樓,吹漲low,2樓都唔俾留=.=,個個都好鼓燥,最後因權力問題,加上d prefect守實哂,想進行突圍都係失敗,而且d prefect仲要係高層個d=.=,聽日我真係諗住拎番我之前個prefect"排"上去,話哂我都係退休prefect=.="有冇面俾先,最後都係退到1樓,投降了= =……

  maths堂,唔記得帶書同筆記,唉…..不過都好,反正今日講d野都係唔多洗用書,上左冇耐,見到有個人用一個好頹廢既腳步行緊番黎,冇錯個個就係啊達= =’,個樣勁呆,大家望住佢慢慢行……無奈死,啊達e d係高危人仕,可能唔覺意上半日就俾人踢走,加多兩粒,一陣係出面爆粗又多一粒,d三飛出黎又多一粒,真係過引,迪迪係英文堂已經俾人寫左落課室日志,差一次就要記=.=…….

  完左之後又再一次要走佬,小息個陣黃sir已經係課室門口等緊我地,仲係度講,落去啦,等你地啊……係對面林sir係前樓梯掃,黃sir係後樓梯掃,我地5D班,已經成為難民,冇家可歸,冇地方收留我地e班難民,冇錯,有個地方,就係洗手間=.="我同啊長兩條友成個小息就係個洗手間度過活……啊長係度睇三國志,我就係度sms= =",仲有幾件係新校舍度…..係新校舍個幾件仲見到鄺B,親自操刀上黎6樓,睇下有冇d難民,好在佢冇入洗手間,如果唔係就食屎…..

  宗教堂,廢sir冇啦啦問我問題,佢話,3號??跟住我話,係@@,個陣我個心都唔去左邊=.="諗緊第d野,連佢問咩都唔知,跟住是但up d野,但係都厄wo,呵呵……冇計,太叻= =+"

  食完飯番去三堂phy……想死….用左一堂黎測驗,一堂教書,又一堂測驗,都好ga,唔係三堂都教哂我會死low…….教書個陣又問問題,又係我,我太勁= =,又俾我好好運咁講中左,之後劉自講,錯ga個答案,跟住我指住佢講@@,你講咩話,放學要去補maths…..

  純粹係做d練習,類似會考甲部d題目,會考咁出,都ok ga,本來去6A個課室度,我一坐,哇……超亂low= =,咩都有,櫃筒垃圾超多,咩紙包飲品兩盒,仲有一盒朱古力,加上d廢紙,報紙隨地都係=.=’中六中七既生活果然好快樂,我係度諗,唔知會唔會搵到d針筒啊,藥物之類=.="點知曾sir要用,我地就轉左去7A個度……

P.S 1:距離完結中五既日子仲有22日

P.S 2:Noel都成為賭徒,見佢今日係咁講,喂,賭啦,快D啦,睇黎我地班既賭風已經愈黎愈勁,估錢遊戲愈黎愈多人玩 = =

P.S 3:5D成為難民….= =

P.S 4:好Q煩low,咩理由唔俾留係課室>"<“"得番十幾日都唔俾……唔俾都俾左大半年,唔差左個十幾日o者…..對學校既制度有d討厭……

  連續兩日=.=’兩日都上唔到班車,其實我今日都ok早出門口,我個八達通就冇哂錢,咁諗住去7仔入錢,點知間7仔停電真係吹漲,我身上又冇散紙,咁唯有去第二間,搞到我浪費左好多時間,又再一次好無奈咁望住部車走左……真係吹漲…..番到去,許嘉偉冇X帶,住左係門口,度望住我地=.=’跟住曾sir就同佢講,許嘉偉,快d同你d同學say hi啦,許嘉偉超無奈又冇同我地講hi,……跟住曾sir對住我地講,快d同許嘉偉say hi啦,我地就好開心咁揮手同佢講,許嘉偉,hi……笑死我,曾sir最後講左句,真係好過去睇電視

  DT堂……係度聽劉sir講會考題=.=’,悶Q死,仲有d時間俾自己做,點知,班友係度賭錢low,跟住小息之後DT堂,d啊sir係電腦整緊野,我地就做份功課,但事實我地就當然唔係做功課,係成班係度醉賭,你地班損友仲引我去賭番兩手= ="‘,你叫過未,我就見過= =’,十幾條友一齊係度賭錢,特別係許嘉偉=.=笑得勁大聲,我發現班入面既醉賭風氣愈黎愈勁= =,好多病態賭徒=.=",小息又多人係度X大D= =,大家都好興奮…….

  maths堂又係聽下書咁low,小息個陣noel俾左張紙我,係寫d紀念既野俾佢,我其實都仲有d野同你講,我就係對你有期望,所以我先同你講e番說話,一個管工,有一班員工,大部份商人都係以錢為重,現實為主,我唔想你咁,某程度上,現在都睇到你對會考既現實程度= =",所以真係要記住…….如果第日你有d員工,請你俾d仁心去對待,仲有一點,我講少左,發展下其他地方啦,老實講,你only讀書,睇書個d之外,其他好似都冇咩興趣=.=",見你PE堂,只係坐係度就知= =",衡衡講得岩,你讀書都煩,PE堂,就緊係同班死仔踢下波,打下波,happy下,係其他方面,好似音樂,體育,美術等其他方面可以有一定既增進,別埋頭咁讀書吧……一個搵唔到興趣既人就好似一顆好粗壯既樹但冇左青綠既樹葉差唔多,除左書本外發展一下吧

  宗教堂,派番份mock,勁多人訓覺,聽佢講份野真係聽到好鬼死悶low,果然係廢sir=.=’,名不虛傳,一個字"廢= =",派番埋甲組既題目,有45分=.=only計e份都已經合格,最後拎到C…..加加埋埋既總分有12分=.="…..對於14分仲差2分= =,不過你話原校升都夠ga= =’反正學校都係收10分以上,細分又夠分,所謂既細分係phy+maths+chem or phy+ maths+A.maths,e兩個組合,是但一個加埋有5分以上同埋整體有10分就可以升中六=.="上年衡衡有11分,但係因為細分得4分=.=差1分,升唔到中六,兩個組合係決定你中六個陣係讀純數定係讀化學,A.maths個組好就讀純數,化學個組好就讀化學,細分都岩岩夠5分=.="不過真係岩岩好,除時就升唔到就食得屎…..算係一種警告吧,警告緊我係升到同升唔到之間= ="

  英文堂又係悶…..不過焜爺就有住佢既煩惱…..焜爺就想入ive,但係佢英文就麻麻,加上佢考A,要拎到C,其實都ok難= =’,曾sir話ive有個咩英文課程,讀完ive當你英文合格,可以收你讀文憑以上,唔洗讀基礎,咁你話咁個個讀完咪得low,仲有基礎課程黎做咩,的確係啊,如果真係咁易咁要基礎黎做咩=.=",其實係要考個試,聽落個試仲好鬼難,我聽完之後,咁我寧願你考A,博到個C既難度,比考到個個試簡單= =’,正當佢咁灰既時候…..都唔知點好= =",老實講我就想升中六跟住上= =",你話萬一中七升大學衰左,先去讀ive,起碼一定可以讀高級文憑,起碼唔洗再讀基礎文憑or文憑,當然啦,咁就會用多左時間,但係起碼有得博升唔升到大學,升唔到都仲有後路= =’讀基礎實在太貴…….一個月幾千蚊,我屋企又唔係有錢仔= =我就真係讀唔起……焜爺,真係好簡單,如果你浪費上緊堂既時間去諗e個問題既話,咁我會同你講,你不如留心上堂,睇下拎唔拎到C仲好啦

  食飯個陣同ray討論左好多問題,可以留意下,都ok多,不過就講講比較難答既野,題目都聽過n次ga la"學生應唔應該談戀愛"都幾老生常談啦,我個人覺得啦,如果我講唔應該既話,你地係唔係跟住唔談戀愛??我覺得都ok難low,除非你成日對住都係同性,無論出門口啊,去邊啊都係同性,唔係既話,你話會唔會,我都ok肯定答,就算你地唔一齊,都會有暗戀既情況,所以一定會談戀愛,至於應唔應該,其實都幾因應個人,當然啦,要有一定既質素,我講既質素係心理上既質素,唔係既話,你都係諗住玩幾個月就散個d,真係想長既話,你一定要有番d心理質素,而且係雙方都要有,心理質素係可以應付到唔同既事情,起碼可以處理得還好,而且,係心理上,更加唔可以過份重某一方面,唔係既話,當你失戀,你咩都做唔到,到時真係食得焦,其實我覺相處最緊要都係有人要肯退一步,咁大家都開心d,講番問題你話應唔應該,你想長既人,有心理質素自然就可以,同埋呢,衰左唔緊要,最緊要係知衰咩,下次可以改進一下,至於你係想短or你只係想發生性關係既話,咁你幾時都得,當然啦,e d都係你中意o者,咩質素既人就係搵番咩質素

  至於第二個問題呢,我覺得你就唔洗咁憎d所謂既雞即係妓女,其實大部份做得妓女都係俾人迫ga,要養屋企,俾人迫等等,有邊個女仔中意做e d野??少到冇得再少啦= =",要陪個你完全唔識既男仔,一d感情都冇,連友情都冇=.=只限係金錢之上,唔需要去痛恨佢地,我反而係同情佢地,因為佢地都係迫不得已……我突然諗起我好壞個陣…….我個陣係旺角某街啦,居然見到一個好樣,得個14,5歲既女仔係度拉客,當時既我,冇咩好大既感覺,今日諗番,仲記得好清楚……我對他們實在有住好大既同情心係度…….我實在難以想像佢地仲有冇未來??

  之後上maths,唔見左啊源=.=…..冇人陪我吹下水,好在仲有焜爺吹下水@@,中文堂都係啦,大家都好happy= =…….之後放學開會,個陣先知= =",討論左好多既問題,基本上CDE班都唔係問題,最大問題係AB兩班,而且B班仲未有代表黎討論一下=.=",我都係驚收錢既問題,一黎貴,二黎有人會唔服,都係個句啦,希望多d人去啦……..都搞得ok多野= ="

P.S 1:中五仲有23日……..唔捨得你地

P.S 2:腰骨痛= =………哇勁辛苦……

P.S 3:昨日得知MISS鄭,第一次會考得4分,嚇得我,O哂咀= =,咁叻都係得4分low,第二年先得,咁叻既miss都有失手既時候= =……

   有一樣野一定要先講,都可以睇睇ga,最近….我班上面,有幾個同學仔經歷緊初戀,睇到佢地d又面紅,又唔係咁好意思既feel….真係不禁令我想起我自己既初戀,甚至當時都同佢地差唔多….諗番起真係笑三聲,跟住又有d傷心吧…..唔係想打擊你地既士氣= =’,但係如果真係初戀到結婚到一生一世,既機率都係比較低=.=’難聽d係極低,初戀既時候…..你地既心態一定係,我會對佢好好ga,一定可以一生一世ga,為左你我會付出好多好多,甚至比起友情,學業更加重要都唔出奇,掛住佢既次數比起友情,親情,學業高出幾倍,e d都係正常,鬼叫人地第一次咩,我可以用以下幾隻字黎形容初戀既人係點,好似一匹狂沖既野馬,其實愛情之間既學問係十分多,要注意既地方都係好多,但係初戀通常都係最易做到簡單愛e 點,分享一下啦,我既初戀只不過係短短既兩個月,好受嗎??當然有開心有唔開心啦,不過我好肯定既係,我個陣應該係最真吧…….當年只係中一就升中二既我,心態成熟嗎??老實說,我如同小孩一樣,個陣我仲沖下沖下咁,個陣真係諗得太簡單….直到現在,不但有經歷,看過不少既經驗,我明白要成功的確不難,成熟了嗎??比起個陣的確係,不過之後就算有戀情,都冇之前咁天真吧….係好少嗎??最後啦……係最近都有戀情既同學仔,老實講啦,讀得男校,你有點唔好處,就係你可能會見一個中意一個,都唔出奇,接觸少,見到異性就有好感當作愛,大把人都係,以真正戀情既成功既路的確好難行,係度提一提,就算衰左都唔緊要low,有邊個第一次就得ga,得都少,點都好啦,祝你成功

  係度我順想講一講我昨日我好想鬧既人,雖然你好似冇黎我xanga,有一個商人,係市集度搵緊佢心儀既酒…..去左一個地方見到一支酒,一見到支酒就拎左黎飲,飲左幾淡,之後就同支酒發生爭吵,跟住又睇見第二支,又拎黎飲…..如是這……係e度我要鬧你啦

  e個世界好既女仔多的是…..真係ga,好多ga,咁你係唔係要個個都做下女友咁啊??係唔係個個都要發生一下性關係??老實講你同個個女仔一齊左幾耐??半年??冇…..三個月都唔知有冇好似岩岩一星期….你地就做咁既野,ok….有人講,現在社會係進步,係開放,我就唔用宗教角度講,都唔應該咁隨便掛,起碼都識番耐d先開始有性行為,如果唔係你同出面d野獸有咩分別啊??野獸就係見到就做,你又係咩??你係唔係同d野獸一樣低濺啊,如果你肯做野獸,冇問題low,你想做你咪做low,如果你認你係咁差既話,另外,個d女又係,都係個句low,你咩質素既人就搵番d咩質素既女仔low,咁岩你又係搵到d唔愛錫自己身體既女仔,好ga…..別跟我說你有咩問題,你問下你自己,係一年入面,你同過幾多個女仔發生個關係??我答你啦,起碼過六個,請問你自己係度做緊咩??真的如此有需要嗎??對住野獸,我只能用野獸既對話去對答,唔洗懷疑,我鬧既人,唔係我同學亦都唔係平時我有講既野,係另外一d人…..

  講番昨日既野,打少左,昨日食飯又有人困電梯,笑鬼死我,都係五樓停,次次都係五樓=.=’

  今朝起身勁眼訓low=.="……今朝班車走左….好無奈咁望住佢走….唉…..彭今日買早餐俾人食??開始懷疑緊個個人係= =??不過算啦=.=……

  一開波就中文堂,又係度做d會考題,都係ga,最近成日都要操中文low,中文堂,又係有本會考攻X個d野,見到本野就係笑鬼死,d名師補習,我心諗…..一定係睇X元甲,睇上腦,小息個陣係度做埋份宗教=.=,跟住上埋化學,啊堅講得咁Q快,唔好話明佢講咩,我連抄都冇時間抄low= =……真係俾個叻傑

  跟住小息好差煩low= ="交野,俾公晉整到張紙不似人形,又有d係度阻住哂= =,冇心情陪你地玩low,真係火火地,細佬又唔知放左張謝師宴d野去邊,激Q死,唔好怪我火,但係事實上真係好Q煩,做緊正經野既時候請唔好係度玩好嗎??英文堂,又係講oral= =maths堂又開始教書咁low….

  班主任堂係度做問卷,跟住maths堂,班友好多都訓覺啊,又有d人係度吹下水,搞到miss鄭幾火啊,佢火既原因都係一個o者,望住你地咁既成長,出到去都係死路一條,咁就緊係係度鬧d同學仔啦,好少見佢咁火= =",咁我既作風通常都唔關我事,我又冇訓,我就係度做d題目=.=’廢事浪費時間…e個就係我慣常既作風,不過講得岩ga,唔洗到會考派成積個日我都ok肯定,成班入面有唔少人既分數係唔會過8分,就睇今次既mock,有幾多個過左8分??好似岩岩一半,咁你諗下會考點死…..鬧下都好ga,俾班友自己諗下,不過如果真係識諗,應該一早諗左,唔係到現在先諗

  係度真係要講一講,好多人都俾學校影響=.=",學校都幾宣傳ive,因為每年都ok多人係入ive升大學,不過同學們都好似諗得太過簡單,又俾學校既不斷宣傳影響,選擇ive係因為你有d實際既科目想讀,先去入,老實講,細佬好似對ive,十分高興咁= =,其實我覺得佢都係過於理想化……諗住讀ive會係好成功,可能係ga,不過點都好啦,條路係自己ga,你讀ive,你都係要望住個大學黎上,如果你只係想讀ive,拎一兩張文憑既話,你認為有一份比較理想既工作嗎,我覺得比較難啦,你係老細,有兩份野係你面前,讀同一個科,一個係香港大學畢業,一個係ive高級文憑,我係老細都會選擇大學,冇計,香港地,最終都係比較古老少少,大學既感覺比起ive高,所以你讀ive你都係要望住個大學去升low

P.S 1:衰貓,你好=.=……我完全係俾人迫去識你,純粹係朋友OR網友=.=",係係….你好

P.S 2:就快到3月17…..要完結了嗎??

P.S 3:人人都可以選擇自己中意既人,我卻不喜歡…..因為我不想自己愛上人……

P.S 4:邊條木咀爆我post許嘉偉張相@@,搞到今日俾佢恰TIM

P.S 5:謝師宴今日開左個幾鐘會,好多野都明確左…….

  完全係無奈……….冇咩時間打日記tim,又要用超快速度去打完佢,本來諗住今日講多少少野,都係聽日先講

  昨晚完全係訓唔到啦=.=’,今朝起身都係死死下咁先肯起身,又冇人識開門=.="‘最後都開到,真麻煩,一開波就maths堂,係度同完講下maths咁low,條友仔又係度扮哂我識ga@@,多謝我啦,教你幾條ga…….呵呵……

  小息勁無奈low…..俾人用紙球飛,當區聰以極快既速度咁飛埋黎,我又用極快既速度閃開,個球就飛中最親愛既B仔度….B仔就好鬼死嬲,以為係我搞=.="我e d和平既善者,就如天使咁對人咁好,我點敢飛黎,跟住B仔就同區聰係度嘈=.="場面實在太激動…..最後都冇事……B仔之後都冇咩野,都話ga la,男仔嬲完一陣就冇野ga la@@,乖啊乖…..下次我幫你食左佢

  小息個陣衡衡已經好辛苦…….係中文堂個陣,佢送左落去,番左屋企,早退左,好似好辛苦= ="‘頭痛…..louis隻腳又傷左….同啊king單挑=.=’點知啊king出力太重,打傷隻腳……兩個一齊落去=.=英文堂做oral= =’,中文堂做會考題,中文堂發生一個超爆咀既野,中文堂,石媽媽係度問"仲有邊個未釘??"啊king就講"我冇釘啊,miss"跟住就笑爆咀……哈哈……諗起都想笑,d人就話,啊king咩你冇釘ga??哈哈…….唔明既野自己問我,不過男仔應該明掛@@+

  跟住去食野…….食完野番去maths同上午差唔多,phy今日錫年冇番=.="‘…..點知見到啊堅…仲諗住佢想教兩堂書tim??原來唔係……跟住就做05年份chem…..都做過ga@@….

  放學就去開會,又係關於謝師宴既野…….已經決定去帝京度搞ga la……愈多人去就愈平,話哂一生人一次,除非你重讀,@@去下啦…….

P.S 1:唔打同學住=.="要訓

P.S 2:彭,唔嬲=.="太好…….

P.S 3:今日有12個人話我七啊=.=++太好啦……

P.S 4:迪迪今日冇番…….其實我有D重要既事要搵佢,希望你聽日番

P.S 5:衡衡,你冇野掛=.=??好似好嚴重

P.S 6:B仔唔好嬲啦……知冇@@??

P.S 7:檢查有咩人黎過個件野,好似冇UPLOAD咁 ga=.=’你地係唔係一樣??