已經累死左= =……我17年既人生,經歷既第三段有親人去世…..第一次係我一歲個陣,婆婆去世….第二次係我七歲個陣,我大伯去世….個陣老豆….喊得係最西利…..因為佢大哥哥去世….從此….姓齊個面,得番二伯,我老豆,同四叔….今次係第三次…..雖然係送奔,但係….卻有好多感受….當然有好亦都有唔好,當中學左d野tim…哈哈….因為當你要去經歷一件你好少做既事,有好多野都可以留意下,問下人…..

  先講服飾既問題=.=’,一講e個我就勁無奈= =’,原因一陣講,所有係親戚關係都有袍著,如果係朋友,就只係得條頭巾,佢地既服飾,係一個白色or紅色既袍包住成身…..跟住加條腰帶,同埋一個頭巾……如果死果個人係孫以上既,全部都係著白色…..曾孫以下既,全部都係著紅色…….咁我就極度唔好在地我係曾孫個代=.=’,我著左紅色=.=,搞喜事咩= =??…..因為佢係我老豆個啊媽個啊媽= =……

  跟住….如果係繼承人(繼承人係得一個)….通常係男仔=.=,通常咩儀式,佢都係行最頭,同埋佢會拎住一個唔知咩既杖=.=’,身上著白色加d麻布,頭上面既頭巾會有三條黃色既野…..其他好親既親屬,比如,繼承人既兄弟啊,老婆仔女個d,總之係好親個d,都係白色加件麻衣…..咁其他人,如果係同死果個,同一個姓氏,頭上面會有一條藍色,如果唔係同姓氏,但係都係親戚,頭上面就會有一條紅色……如果係孫既話….頭上面就係紅色+藍色…..所以我老豆同啊媽仲有二伯,都係紅色+藍色= =….

  我著住件全紅,完全唔掂= =…..點解??因為我發現係在場著紅色既,都係小朋友,三歲啊,四歲啊,六歲咁= =….我係最大果個-.-…..我昨日一去到見到我係紅色,我就同老豆講,唔係掛,有冇得換=.=??老豆就飛一句埋黎"你細路仔啊ma"….= =’哇….17歲啦= =,仲細路仔,起碼都少年啦掛=.=…..無奈死…..

  因為我要著住件全紅既野,昨晚同今日,有d要係好多人面前,排隊行既時候…..細路仔,係唔俾行,咁成個場就係得我一個紅色= =’,勁搶眼low…..=.=’勁樣衰

  昨晚,有個女仔係咁望住我=.=……心諗"你係邊個= ="",我就專登避開佢既視野=.=,年齡,大既就二十幾歲= =’,外表….尚算可以=.=’,髮型,之前展既曲髮= =,但係佢係黑色………個陣我啊媽唔係度,跟住我啊媽番黎,佢就問我啊媽"你個仔啊??"跟住我啊媽話"係啊,你大個女好多wo"……我就下=.=….??個頭上面充滿哂d問號= =….跟住仲望住low=.=’驚嚇中….跟住佢個姐姐,都係二十幾歲,又係度望,跟住又講"啊…..我認得啦,係齊超~~~~"我個陣仲係= =’….下下下

  跟住仲係度爆我細個既野low=.=……佢話,個陣佢兩個帶我去淺水灣,我都冇左e件事-.-??個陣好似得兩,三歲= =’,佢話我個陣,一去到淺水灣就大叫"沙魚啊,有冇沙魚啊??我要睇沙魚"…..勁無奈= =…..仲話我個陣"點解咁多人係度沖涼ga??"其實係遊水= =……我發現我細個既時候=.=……居然會講e d野= =……我實在…..係天才=.=

  昨晚去到一點幾先訓…..其實都預左=.=’,我老豆仲冇訓過,今朝成6點就起身,勁辛苦= ="我e兩日都已經咁啦,e兩訓日都係訓得五個鐘= =….哈哈…..老實講,昨日,見左好多親戚….一d比較遠房既親戚= =…..

  姓齊個面…..我啊麻,好想黎,因為話哂,都係佢媽媽去世,擔心佢老人家o者= =’,所以佢特意派,二伯黎香港=.=係昨晚既出奔之中…..會係每一個有關係既人,出黎拜….即係姓齊既,會一齊出去….當時….我一個感覺……

  如果大吉利是講句,如果今次係我爺爺,甚至係我老豆….咁我會點??並唔係貪祖傳既家產…..去爭繼承人e d位,以係…..我會否還會咁平靜….我一直都表現得冷靜….相信我都會比較激動吧…..之前老豆咪好火ga,講左句,祖宗既野,我可能都…..已經忘記左…..我係姓齊氏既身份…..我真係一個不肖子孫

  今朝,食個早餐,就同啊媽去個度…..今日….睇左太麻最後一面,係個官材入面,有塊透明既野,睇到佢個樣……雖然就唔多好睇,可能仲會有d恐怖= ="‘….不過….太麻,多謝你啦…..如果冇你既話,我今日唔會係香港,個陣,佢係四兄弟入面,咁岩搵中我老豆黎香港,個陣我都唔知出左世未=.=,哈哈…..不過,多謝你啦,特別係我四歲之前,你都幾關心我地啊,係之後,係e度企隱陣腳啦,就冇咁多探訪

  列兩行隊,步出…..門口…..直到旅遊車…..當時我只可以講一句,哭聲直上天上……氣氛下,根本不可能會令你開心,我既心就一直忍住忍住….個陣當然,又係成排得我一件紅袍=.=,好搶眼……哭聲….又如何….人已死….今非得已矣….珍惜眼前人,唔只係你既另一半,珍惜一下你年紀大既長者,好搞笑ga,好多野呢,當仔女細既時候,好憎屋企人,當仔女到左三十幾歲,中年既時候,佢想對佢父母好既時候…….可能所有所有…..已經太遲…..人…往往都係後知後覺…..

  去到要火化屍體既時候…..好多人喊得好西利…..我老豆喊啦….一直都表現得好堅強既老豆…..係我心目中佢係好強硬,但係佢都喊啦…..我見佢個身係度震,我啊媽雙眼都冷冰左……我知老豆係度忍ga,但係都喊左……我個陣做左一個好簡單既動作…..一手塔住老豆既博頭…..整佢埋黎我身邊,好簡單咁講左一句"唔好喊啦……..老豆……"帶點輕鬆,但都難以檔住我既心傷….唔知點解….

  之後好開心咁去食野,二伯今日已經走啦…..因為我二哥佢考大學= =’,所以佢急住走,今年,我要考會考,佢要考大學,哈哈=.=+…..唔知個妹又點呢=.=??哈哈…..旅程順利…….

  無奈既係…..啊媽真係驚我搵唔到女朋友啊=.=’,係度同一個好FD既啊叔講笑咁話,第日做親家,無奈死我=.=’人地個女得十一歲O者= =’…..我諗我都唔會要咁細個掛=.=’,我記得佢個女,我十一二歲個陣,已經做個哥哥咁帶佢過馬路,= =’,真係…..真係= =…….唉……= =’唔好講笑,咩世代=.=’,仲要父母之命= ="我有我選擇中意人既權利=.=+,最多咪做神父,哈哈= =""…….

  係車度訓左一覺…..番到屋企,五點訓到七點…..一訓係張床已經訓著=.=’,哈哈…..

P.S 1:今日心情:E

P.S 2:個兩個女仔,我應該叫咩姐=.=??唔理啦= =,原來都係住均益,同一層樓=.=無奈中= =….

P.S 3:聽日十點又要去開會=.=…..呵呵….

P.S 4:又有新任務=.=……聽日我要打校監份手稿= =’

P.S 5:我老細noel今日又吹我= =,你見我今日都知…..我都冇咩時間做,仲好眼訓tim=.=’

P.S 6:連生佢要去太國=.=….唔係長住,去旅行三日O者,哈哈…..快D叫佢買手信

P.S 7:開心D既野=.=,去送奔原來都有利是收= =……正好….哈哈…..最近我因為用好多錢,我手頭上都冇咩錢……昨日去一去就多左成二百幾蚊=.=++,呵呵…..

P.S 8:昨日個度勁嘈= =’,有管樂團,又有唔知咩團= =……昨日咁多個送奔既場,我地個面最旺=.=…..最多人……今次咁搞一搞……我保守估計都已經用左十幾萬=.=

P.S 9:發現好多人都唔認得= =…..

  係準備送奔之前,打下野先=.=…….首先,道歉先,noel,我完成左個d,已經send哂我做左個d俾你ga la=.="仲差二十個幾個咪入,真係唔好意思,我諗我冇機會用部機去同你做…..係啦= =’,我都知你仲有大把野做,我都係幾多野搞啊= =’,一係我番黎個陣,同你搞掂埋佢=.=’,ok??我送完之後同你慢慢傾

  今朝…..打完電話俾展之後….有三個人打黎俾我,不約而同咁打黎……講既內容幾乎一樣=.=……輝輝,細佬同區陞……打黎同我講…..喂….齊超,你黎唔黎啊??就黎開始啦……我現在俾你一分鐘時間,無奈= =…..雖然係西環o者,但塔電梯都要時間ga,最後當然冇去…..我想去打波多過想去個度,現在連打波都推埋>"<,仲邊有時間去= =

  最近既生活同之前相差幾遠=.=…….最近好多野搞=.=….之前五月中個陣…..哇….真係悶到= =…..勁似d退休生活….個陣過既係退休生活,現在過緊既係番工生活=.=…哈哈…..

  昨晚…..俾我調查到d野=.=…..係low,我今日都同你講左啦,關於你啊哥既野…..本來我只係冇野做,順便睇下,點知俾我知左咁多野= =…..本來我仲係度諗好唔好講你知,因為我怕講左會影響你,但係….我覺得有d野你應該知既都俾你知,所以最後都同你講左…….證據??我已經搵到=.=….都幾肯定tim…..我諗你都知,佢女友之前都係佢個妹…..咁你知點解我唔會收咩契妹之類既野=.=…….因為我唔中意有e d關係low,只係唔同左稱號o者,對我都係咁對=.=,但係佢應該係用e個關係黎接近掛…..e個係我估= =",因為我有個朋友佢都係咁= =’…..都係個句啦…….證據同線索…….周圍都有,要搵既話,我可以搵到…..特別係e件咁既事….都已經幾肯定=.=,最緊要係………唔好唔開心,早d睇清楚,好過迷在當中,唔知咩事

P.S 1:老豆既事= =……唔知佢點,比起昨日好左d= =’

P.S 2:係咪星期二要開會??我怕我送完兩日之後,都冇咩點訓…….我怕星期二開個陣我會訓著= ="

P.S 3:新任務=.=…..做完同學錄,要開始做紀念品=.=….哈哈…..真多野

P.S 4:昨日係團契既觀察…..暫時下,昨晚諗清楚……應該係我多心…..哈哈=.=….不過…..會唔會真係照你所講,一點影響都冇,我就抱住一個觀望既態度

P.S 5:俾展既15/16=.=……一開始你會聽到有音樂=.=’我嚇左一跳,居然係之前柯南既op= =’….之後就會有15/16…..所以唔洗驚,你睇錯野= =’,正常GA

以下係我UP上去既LINK

http://www.yousendit.com/transfer.php?action=download&ufid=335FD63363D47DDC

以下係一個bt既網站,入面有…..如果你開唔到我上面果個網站既時候,就試下用bt啦= =….如果都唔得……就等我番黎搞啦=.=’

http://www8.discuss.com.hk/viewthread.php?tid=1604364&extra=page%3D3

  記得睇番今日既日記,谷鬼氣…..岩岩突如其來既消息……我諗聽日應該打唔到日記…..聽日下午兩點去到十二點…….後日五點去到唔知幾點,要去送奔……..

  我嬲唔係嬲去送奔,用左我既時間……..我嬲係嬲,老豆好似講到我唔去咁low…….我完全係冇講過唔去…..真係俾佢吹漲……咩意思啊= =…..講到我好似唔去咁,我有冇講過唔去啊,你同啊媽嘈兩句,就搵我發洩…..啊…..最憎ga la,我好聲好氣同你講low,老豆d態度真係……唉……差到冇人有……我從來冇講過唔去啊,唔該你有耳仔你聽清楚……我冇講過唔去……ok??唔好講到我唔去….唔去唔係你個仔e d說話,講真,我唔會餓死街頭low,就算你唔當我係仔,都係個句,我冇講過唔去,唔好係咁數我ok??…….今日我冇去咩??啊……你講唔講道理ga,你隻眼都睇到野掛,我今日下午冇出去陪你地=.=??啊媽就冇啦,你同佢講我都冇出到聲,但你同我講,我就反問你一句,我今日冇去咩??冇野講呢……車= =….真係火都黎,講到我勁不孝咁= =…..谷鬼氣…..

  你同我講"你死個陣都想有人送啊??"…….我答你…..我唔想=.=,我講真,要人咁麻煩黎送我e一程,我覺得冇必要,是但燒鬼左我,放一個地方就得啦= =’,唔洗搞e d野,我第日會同d子子孫孫講到明=.=’,我覺得我唔想人地麻煩low,不過,既然太婆想既…….ok我冇問題,我尊重佢,我都會去…..但如果你問我想唔想有人為左我搞e d野,我唔想…..ok??唔好講到我唔去…..完全冇意思,好冇??….

  同埋呢……如果我冇心呢,我諗6月5號個日,我唔會推左d約會low…..6月5號,本來要番學校拎槁,搞到我要搵noel幫我去,同埋有d會要開……好在謝師宴果個推到星期二,如果唔係,我又去唔到,我諗我係推哂low,唔該你明啦下,但係最好你早d同我講6月4號都係唔得,唔係我有d約會,放人飛機咁,我唔中意=.=……所以呢….請你尊重下啦……

P.S 1:聽日冇得去打波啦-.-….有少少失望,不過大事為重

P.S 2:唯有後日番黎見你地>"<+++…..

P.S 3:岩岩又同老豆理論完幾個字……結果…..我係更加灰心= =….講極都唔明

P.S 4:展…..俾心機考試啦=.=’

3個月大= =+,哈哈……見唔見到e個嬰孩,好有王者風範…..哈哈= =+,不出二十年,一定係一人之上,萬人之下= =+……呵呵…..

細個已經幾頑皮既我=.=…….

大個都好頑皮既我=.=…….

  昨日紅雨…..學校既情況,係極度混亂=.=’,因為學校有線人同我講,佢地昨日係…..同戰亂個陣冇分別= =’……因為紅雨係十一點左右,所以佢地冇得走= =’,食飯個陣既情況,混亂到好似戰時下既香港=.=……紅雨,所以學校唔俾我d師弟出去食飯= =’,咁,成千個學生就迫埋係學校度,雖則我學校唔係話好細=.=’,但係有一部份地區係冇野檔…….咁成千個學生就迫埋係學校買飯食,中一既師弟就緊係唔洗迫,因為佢地一定要訂飯,中二上去個d係可以出去食飯= =’,咁既情況,令到供應商冇飯盒買……..最後鄺B開哂咪咁講…..飯盒已經供應完畢,同學,唔洗排隊……慘low…..戰亂下,連飯都冇得食@0@……咁….佢地就真係唔知食咩=.=’,可能食埋d訓覺雞,即X米雞,因為食完勁想訓,所以叫訓覺雞= =’,不過我諗小食部都唔多=.=

  好在既係……我已經唔洗番=.=’,我就未經歷到咁既情況,係中三個年試過,紅雨,咁岩個陣係十二點幾,咁學校就俾我地番屋企=.=’,哈哈……都係個句啦….我諗鄺B講,冇哂飯買個陣,一定好激動= =+……我好清楚我D師弟既脾氣=.=

  昨晚有件事,唔記得講…….話說我昨日番屋企係度等電梯,咁我前面有個啊叔,咁有個著OL裝既女仔係我右面…..佢唔係同我一部電梯,咁就等啦,跟住冇啦啦有把男人聲講"喂……係啊…."…..驚嚇中= =,原來係果個OL裝既女仔發生=.=’…..跟住佢有電梯要入又講"我要塔電梯啦……bye bye"嚇死左=.=…..估唔到e個女仔係…..人妖黎= =…..我未見過我座野有=.=…..

  今日……有件大事=.=….我二伯黎左香港…….啊爺有四個仔,四個仔之中,最叻既就係我二伯=.=…..現在係唔知邊間大學度做主任= =…..咁老豆就叫我落去飲茶,順便見下二伯=.=,都有年半冇見……對上一次見面係05年既1月定唔知2月…..仲叫我咁得閒番大陸玩-.-…..心諗,其實都幾忙= =’,仲問我會考有冇信心,我就話點都有d ga=.=’,仲係度話…..如果唔得咪去我個度讀大學=.=+…..哈哈….係唔係0分都收先= =+??不過我肯定唔會0分,哈哈……之後傾兩句,順便練下普通話= =+

  死番屋企做同學錄……死火啦….我發現唔夠時間=.=……我昨晚仲拍哂心口,話今晚實俾到,今次真係大劑= =….我仲差少少….已經盡做ga la,冇計=.=’…..聽日應該俾到= =…..最多我今晚一兩點都同你做埋佢=.=++…..放心放心= =…..喂喂= =+…..念在我要做5A同5B兩班,遲少少啦=.="…..人地做一班,我做兩班= ="

  死出去教會…..哈哈= =….帶詩…..好既體驗黎ga….玩遊戲=.=…..我俾人罰,十下掌上壓,跳三下到天花板……e兩個都極度容易= =’…..不過仲有一個係罰我講冷笑話=.=….應該黎講都係幾易ga,我講左好多個冷笑話……點知原來一d都唔冷= =…..明心同helen就係狂笑=.=’極度無奈……講到明冷笑話,應該係無奈= =’唔係笑…..點知佢地就係度笑=.=…搞到我講左好多個= =’玩咩??

P.S 1:今日心情:E

P.S 2:老豆現在仲同二伯係度吹水=.=’哈哈……唔好飲醉番黎…..

P.S 3:今日我俾隻CORELDRAW俾細佬……點知俾我見到NOEL既老豆= =’

P.S 4:唔只咁,仲見到區聰同啊馬=.=……..我發現去親邊都好似會見到區聰,不過我就冇上前HI佢,因為廢事追佢=.=’我仲有野做……

P.S 5:區聰,食少兩枝煙啦= =……哈哈……好鬼臭啊=.=’,我盡量忍受o者,如果你噴埋黎就真係頂唔順= =

P.S 6:相聽日會再放…..

P.S 7:今日既團契入面………俾我發現多一件事…….哈哈= =+++……事情會發展成點呢??真係有趣……

  

張相就有D污濁,好似俾火燒過-.-….哈哈….拿….E個就係齊寶寶啦…..現在E個係齊超=.=++,出世一個月大= =…..

好似四歲……個聖誕老人,非禮我,我俾佢抱住>"<……你睇我幾唔想同佢影= =+

今日睇番件野既顏色…..我發現有D似POOH=.=……

  今日一起身就做同學錄既野-.-…..咪話我唔努力,對岩哂d位同埋尺寸=.=,放心啦,會做得好好睇睇= =+….呵呵…..啊媽見我係度做野,就睇下我做咩,跟住講,點解你要做o者,叫第個做啊ma……..講真,我係可以推左佢,唔做,但係我冇咁做=.=’,人人如果都係咁諗,就唔洗做啦= =’,我覺得,人地叫得我做,即係對我有信心,我更加唔可以令人失望,係咪= =+??哈哈…..所以我都係盡力,盡我可以做到既野去做……

  今日紅雨啊,係唔係今年第一個紅雨??唔知啦=.=++,不過我都唔洗番學= =’哈哈……明心就sms同我講"我冇帶傘,快d黎接我放學"…..我既回應係"你講既笑話都幾好笑= =…..哈哈….苦笑中"……采你都傻=.=’叫我接你放學,可能我死之前都會ga= =++…..叫啊姚接你放學啦=.=++,我相信佢好願意,我就…..睇對象啦,哈哈= =+……係唔係講到衰左d= =’,總之…..我得閒先啦下

  今日下午做到訓著左=.=……哈哈……本來諗住係張電腦台前訓一陣,點知一訓就訓著左= =……跟住d電話同sms係度響,我先起身-.-‘但都訓左接近一粒鐘啊= =’…..跟住望一望時間,=.=’哇…..又要出去聽講座,跟住拿拿林飛出街=.=+++

  男仔…..哈哈= =+…..今日我就見到一個情聖,我唔識=.=’,話說今日係電車站度有一個女仔,咁就自然上去坐電車,咁果個女仔就係我隔離,起初我冇留意= =’,跟住,見到一班男同學上車,有一個男仔…..真係….笑死我= =’,佢用一個放電既眼神去望住e個女仔=.=’,好一個憂鬱既眼神…..已經清楚交代左,我要溝你,哈哈= =…..望完仲要好型咁閃= =+…..無言以對,個女仔反而係冇野=.=’

  死去長沙灣,KK遲到low=.=……無奈…..仲話今日係全男= =’,點知有兩個女= =…..就係KK既老婆,同rebecar<<唔知有冇串錯=.=’有既話唔好怪我…..就係3個大人,1個青年= =+,我就係果個青年……跟住上去食飯,多謝哂@@+,有人請我食飯,仲傾左一d打機既問題,老實講我之前都幾迷打機=.=’,e兩年我反而少左好多,現在每日,都未必打一次機,個陣打到痴哂線= =’,哈哈……跟住一去到個度…..點知……

  寫住今日果個講員因身體黎唔到……無奈死= =…..最後,三個大人,一個青年,齊齊番西環=.=……番西環個教會個陣,又嚇我一跳…..不過我覺得佢地仲嚇一跳=.=…..我見到…..

  見到明心同啊姚=.=……一見到既反應係下…..你下我又下=.=’,真係估你唔到wo,今日會番low,我就話,今日講座咁冇,就順便參加埋d小組,佢兩個- -…..我仲同佢地講左今日去聽講座,=.=’,唔緊要= =…..跟住….傾開一陣計就番屋企

P.S 1:今日心情:D

P.S 2:買左隻魔獸世界黎玩,聽人講幾好玩=.=+都係十蚊隻,唔好玩咪算

P.S 3:今個星期日……我諗住…..都係唔去個個區議員啦= =原因…..

P.S 4:原因係,KK約左我去打波@0@……同埋佢個女(唔知幾年班)同佢個仔,好似就黎6歲= =,四個去…..咁老虎打死都話去>"<++呵呵…..唔好落大雨= =’

P.S 5:雲起會代理神話2……我諗遲D香港廣告會有神話既廣告都唔定…..如果就咁睇,我相信佢既畫面同流暢性肯定可以哄到人玩一陣,我只可以講一陣= =’

P.S 6:我既頭髮開始長= =……..

P.S 7:我個老細NOEL,係咁吹我做完未=.=’真係好似番工= =……放心啦,聽晚之前會俾到你ga la,我已經做完A班,差B班= =,原來我要做兩班>"<

P.S 8:啊展你個電話= =……點講呢,成日都好似打唔通咁=.=’係唔係供應商,因為今日紅雨,有D問題= =’

P.S 9:不斷放相,聽日仲有= =+

記得睇番今日日記@@,岩岩睇完louis既日記=.=無奈死我…….妒忌啊>"<……叫我搵-.-….哈哈…..睇下點啦,不過我都唔係識好多女仔o者= =’……俾展貼中….

1. 最[[友誼永固]] = 當然係5D既同學仔啦…….因為我地肯定只會係兄弟既關係,皆因我都相信我既同學唔係玩斷背= =+’

2. 最歷史悠久 = 均記同浩然,DD輝,都係小學識到中學

3. 最又愛又恨 = 肯定係彭彭= =…..有時都可以,有時就好鬼黑人憎

4. 最[[結義金爛]] = 咁難明ga=.=??我中文差

5. 最[[不離不棄]]= 諗左幾耐下=.=…..都好似諗唔到邊個wo= =’,好似人人都有離開既機會= =’

6. 最義氣長存 = 肯定係5D班反骨仔= =

7. 最天天相對 = 啊媽啊爸= =

8. 最離我太遠 = ambi,劉勤

9. 最大條道理 = 雪人….Leo….admin

10. 最重色輕友 = 冇啊,個個都好重友輕色,哈哈=.=…..苦笑中

11. 最提點你 =  主…..

12. 最關心你 = 大把@@….個個見我有野都問,不過肯唔肯講就唔知

13. 最陪伴你 = 展=.=??算係啦,識你開始,好似對你比較多= =+

14. 最珍惜你 = 唔知wo= =’問人啦下…..

15. 最引誘你 = 性感既野= =’哈哈…..

16. 最吸引你 = 同上面有咩分別=.=??

17. 最協助你 = 細佬=.=+,番學個陣成日幫我影印野啊,又幫我手搞下d鎖碎既事

18. 最嘲笑你 = 彭= =…..我發現,真係你最多= =’

19. 最唔理你 = 一時間諗唔到= =’

20. 最高 = 自己班就許嘉偉=.=18X….其他班有個我都識既就係姚明,19X= =’,中三個陣同佢一班ga,不過中四分左班= =+

21. 最矮 = 可能係飯=.=+,又可能係啊比= =’因為啊比話自己得150,不過我又冇度過佢= =’,我識既女性,幾乎9成都係15X=.="

22. 最肥 = 啊明=.=…..有兩個至三個啊B加埋= =’

23. 最瘦 = 男既咪啊B= =’,女既就…..未明= =’

24. 最近 = 又係彭彭- -,我屋企可以望到佢屋企=.=’無奈…..不過啊B都好近- -過條馬路就到

25. 最潮 = ray= =+++最近你睇下佢就知,潮爆= =…..日光日白都俾警察查身份證,哈哈= =+….俾黑社會打,俾警察查,你真係潮爆= =+

26. 最大量 = 諗唔到tim,我飛

27. 最百萬富 = 比較有米既人=.=……noel….啊發….啊展….排名不分先後= =’,

28. 最有學識 = noel= =??話哂都全級第一@0@+

29. 最有家底 = 唔明= =??最有錢??不過唔係答左咩??

30. 最有名牌 = 區聰啊,louis啊,個d= =

31. 曾經一次唱K無錢俾邊個幫你俾 = 未試過=.=’

32. 曾經一次同你一齊犯事的朋友 = 慶….樂….劉勤

33. 曾經同你))KISS((既朋友 = 嘿嘿嘿= =…..係冇ga,哈哈…..我講真,我都未見過我d男仔既fd,就算真係好fd,男同男都唔會咀= =’,女同女既反而多low,可能女既冇所謂掛=.=’,當然= =…..我都未啦= =’

34. 曾經HURT你最深既朋友 = 李X德,慶……

35. 一齊返學既朋友 = 每日朝早坐91既團友= =+…..連生,細佬,何偉健,焜爺,大佬,焜爺細佬,有時noel同公晉都係度……

36. 一齊放學既朋友 = e個又係多=.=….而且每日唔定= =…..咪又係細佬啊,連生,焜爺,何偉健,noel,louis,公晉,衡衡……多到唔多記得= =’太耐冇番學

37. 係學校成日一齊既朋友 = e條問題,有d似….有人同我講,你最好果個fd low,我完全估唔到=.=’因為個個都咁fd,點答……基本上……番到學校….我同個個都好fd=.=+……成日一齊,食飯就成日同ray一齊= =+

38. 係學校愛過既朋友 = 我唔玩斷背啊= =’成班男仔,點…..= ="‘變態>"<“"

39. 邊個唱歌最好聽 = 區聰=.=

40. 邊個同你一齊最感到自由 = 唔知=.=’

41. 邊個朋友最臭味相投 = 5D個班衰仔= =

 

貼貼貼:明心….囡….啊J….louis同ray(唔好同我講冇時間=.=’考哂試ga la)….

細個個陣既我同老豆= =……個陣老豆真係後生d,現在…..哈哈= =……個陣我太細個啦,單手已經俾佢抱起左=.=’無奈….你睇我幾唔想同佢影就知啦>"<,哎呀哎呀,唔好捉住我

都係細個個陣啦=.=’唔記得去邊tim…..慘,我好似仲矮過後面個垃圾筒= =|||

louis屋企對出果個公園=.=++,e隻烏龜…..今日仲係度= =’我專登行過去坐,發現今日,隻腳都可以貼地- -,個陣…..唔好話地連佢個枝鐵枝都掂唔到= ="‘

細個去海洋公園既相=.=…..不過係幾時就唔知,雖然前兩日先去完海洋公園,不過個背景,我都係冇咩印像,肯定係海洋公園= =+

  今日……忙碌=.=……點解??做份野都做死我=.=…..跟住我同noel講,我做左9個o者,佢就講"咩話….咁少??"我就無奈死左= ="‘…..

  我發現我未番工,但係我現在已經有d似番工既feel……現在就好似有個老細俾d資料我,要我入哂d資料同埋做好哂個板面= =……個老細仲要講,後日之前要交到啊…..e個老細就係noel=.=…..哈哈…..e份工作,雖然就唔難= =’對於我有畫過下coreldraw……因為如果你有學過少少,真係唔難=.=++,不過就好煩…..我仲要負責做5A班= =’,5A都係得幾個熟o者= =’……早知我做5B啦…..5B成班得27個人= =’,好快做完=.=…..做到訓啊…..e一兩日都要做e d= =’

  昨晚同果個鄧生傾過ga la,有好多野啊= =……遲d舊生會都會黎同我地一齊開會……今日打俾校長= =’又唔得閒,發現校長都幾忙=.=,唔好睇佢平時咁得閒係條走廊度行黎行去=.=….我發現校長每日都會去睇人上堂=.=’,但係點解我平時上堂都好少見佢睇我地上堂=.=’一個星期都唔知有冇一次= ="

  今日拎noel隻cd,因為我之前個coreldraw,唔用得= =’,見到啊B,哈哈……等女友放學low>"<,係度哂命,激死我…..= =+,不過….哈哈….兄弟之情當然唔會唔見@0@++,呵呵…..跟住就番去做野……

  今晚,同人出去聽講座,幾好…..聽完之後我好想睇達文西密碼tim,不過如果真係為左娛樂,就唔好睇,因為….未必睇得明同都幾悶下,我就想睇啦@0@….可能因為聽完佢講…..

  所有今年英文考A既人睇下,今日心情本來好好地……唉….你咩意思o者??你係唔係我朋友黎ga??我講真啊,我就算對陌生人都唔會咁啦,我望住佢"黑"‘衣"我都唔會同佢講,死開啦,抵你成世做"黑""衣",你所做既行為就係咁……我唔覺得我英文考A,有咩問題??我中文中學黎,我又唔係英文中學,點解我一定要考B??係唔係中文中學就一定好屎??請你諗諗啦,同出面d無知既人一樣標籤化,冇意思,就等如,有人讀ive,有人讀中六,跟住就同讀ive果個講,你冇鬼用啊,你睇下我有中六讀,有分別咩??只有d無知既人,跟唔上時代既人可能仲會咁講,但係我唔覺得我考英文A有咩問題low,我英文唔係勁,我當然係A啦,唔通考B做炮灰??考B既都係英文中學,中文中學點鬥??等於一個英國人講英文,同一個香港人講英文,緊係英國人勁好多啦,好正常wo,我覺得…….

  你係我朋友,唔係踩低人,係鼓勵人ok??洗唔洗周圍唱通街啊,打電話同人講埋,咁唔通你讀理科,maths連E都唔知有冇,你又好勁咩??我只係想講,讀理科,phy chem都會對數字,就算你冇讀A.maths,人地文科最多咪經濟得少少= =’,都係個句low

  要人尊重,唔該尊重一下自己ok??我今日真係好嬲,我真係廢事係你面前爆出黎,如果係我d同學聽到,睇到,我講真,真係爆啦…..俾著區聰,佢唔打到你出血,我真係跟你姓,我覺得我容忍能力都幾高=.=……但係我都好嬲low,請你學識尊重人好冇??我今日我冇講一句你既野,我冇講"咁你呢,你咪又係得個幾分"…..我相信我今日冇講e句話,但係你就係咁講,由見你開始就講到我番屋企,我真係就黎爆,我都知你份人把口係咁,但係唔該你都唔好係咁講啦,我認我曾經講過,你咪又係得幾分……我認我係有講,但係唔該你自己諗下,我講e句之前你講咩??你講既係,你考英文A冇鬼用….俾你升都冇用…..你係講完e句我先講,ok??但係我今日冇講,因為我尊重你…..我諗住你會尊重我,你講完一兩次會停口,但係你講完又講,真係煩都煩死人……

  我同你講…..我從來冇踩低我同學…..因為佢地會尊重我,起碼有個底線…..你覺得猿菊好差咩??我就冇同佢講,你會考0分啊,算吧啦你,我真係有日同佢講,你第時諗住點…..你認為啊B好蠢咩??啊B咁古靈精怪,我冇睇少佢既能力,佢可以做到,但係佢冇做,佢理科真係得ga,但係佢唔努力,成日出去玩o者,你認為區聰好差咩??我好老實講,區聰真係好叻…..英文唔差,理科都唔差,只係佢成日出街玩,唔讀書o者…..我完全冇睇低同懷疑佢地既能力,你話啊長好差咩??佢理科好得ga,不過係成日去打機o者ma……..我同我身邊,成積比較差既同學,既紀念冊都寫左一d比較類似既野……就係,你諗住你第時點啊??你既然讀唔到,咁你有冇諗住進修定番工,番工儲錢第日進修定點??同埋你第時既理想係咩?你人生既目標等等,我相信有俾紀念冊我寫既同學,成積比較差既,我都有寫類似既野,老實講,佢地真係差ga…..不過係唔係真係唔得,我又唔係咁睇,佢地唔努力,一努力,皇仁都唔夠抽啦,我講堅,我好相信佢地既能力…..我有踩過咩??最多咪講…..我拎8A,e d比較自大既說話…..但我未踩佢地…..以你呢??

  如果人人都咁諗既時候…..我相信你都有睇奧運,中國隊既劉翔,有句說話我覺得真係好好"誰說中國人不能跑在黑人前面,我就要證明給他們看看"…..e句說話我一直都用住,我想講既係,你如果已經睇死人,佢仲會唔會有e份鬥心去跑??俾人睇死,但係拎到第一,咁又係點??佢冇放棄,佢之後有加油,佢有能力鬥得過d黑人,證明我地d學生都係,弱係弱在唔肯去做,唔係真係天生差,我想同你講low,如果你已經睇死左人,考A係冇用,就算俾你上到去都係唔得,你又有冇諗,佢可以係兩年入面努力番??你完全係冇諗過,人可以係兩年時間之內,溫番好多野,只要你肯去做,我相信一定得low

P.S 1:今日心情:E…..俾D人破壞哂

P.S 2:英文考A既人,一齊黎睇=.=,D人勁串low,我唔覺得有咩問題

P.S 3:請你學會尊重別人

P.S 4:讀書,讀書,唔係讀英文,咁多科,英文只係其中一科比較重要既一科吧

P.S 5:相…..聽日會再放@@

P.S 6:我最憎…..最憎…俾人睇死….我真係勁憎俾人睇死,心中個團火…真係好火low,仲要係一個熟既fd,激死

P.S 7:聽日又要做死人= =….

P.S 8:聽晚又有講座,不過今次係同KK去=.=’,唔洗再對住D口咁衰既人= =,唉…..KK大哥,我黎= =+

P.S 9:今個星期日……個個唔知咩小姐又叫我去= =’,區議會既野,我諗住去,廢事番教會=.=’,推左佢地勁多次,都未去過一次,好似好衰…..= =’

P.S 10:打HP勁lag= =….打E隻GAME都咁lag,咁打D激少少既game咪死機=.=’唉…..換左部機,反而d性能仲差過之前= =’

見咁耐冇放過相=.=+,就放半邊面啦= =+……沖完涼影…..

最後上課日,3月17號個日,我錯過左影e張相=.="前兩日番去開會,我順便影埋……各位同學仔…..懷念嗎= =+??哈哈……63室….5D……

  我部腦…..部腦…..搞掂啦>"<,喊喊喊……早知一早放去灣仔啦=.=’,搞左咁鬼耐= =’……昨晚果個師父打黎同我講最快聽晚,最遲後日=.=’點知今日中午就打黎同我講搞掂= =’好啦……太好啦….有機用……我結束左去西寶城啊,MC啊用電腦既日子…..流淚中>"<+++

  講番少少之前我冇講既野=.=+…..話說之前我地係海洋公園玩e個滑浪飛船既時候,見到有個工作人員….係ATS……我地學校既師兄= =+睇真d…..先認到原來係高佬……上年5D果個好高下果個呢@@++我地仲係咁同佢say hello….哈哈….我仲同佢講,師兄我會考好個會考ga la@@…..其實個陣已經考完會考=.=++

  開會個日,我行過63室…..真係一個幾懷念既課室@@++….一個訓覺既好地方@@,我冇訓ga,不過坐我側邊果個焜爺就成日訓=.=,坐我前面果個細佬就成日釣魚= =’吸引我訓low= =……..一個幾好既串人地方…..曾sir對許嘉偉,啊長同區聰= =+….呵呵….有時都幾爆咀….曾sir真係…..好風趣=.=+補oral個陣仲係度自己講自己愛國,無奈死= =’,一個幾好既圍嘔場地=.=…….你見我平時俾十幾個人搞就知啦,仲要唔係女>"<,係男仔個下先慘>"<……一個幾好既學野地方,只限於我= =+,呵呵……

  現在既63室已經冇人用咁濟…..因為新校岩岩起好,中六既同學都搬哂去個面,6樓基本係有時有d流動班用之外,已經係廢左= =……..63室好似同我講…..佢好掛住大家……現在既63室已經清靜得很…..63室就對住我講….佢好喜歡好似之前咁…..你們還記得他嗎??

  e幾日,真係日日出街=.=….仲諗住今日可以唔洗做野,點知都係出去搬下機,聽日…..哈哈= =….我都係要出去ga,出去聽e個破解達文西密碼既講座=.=…..6月2號就…..= =好似都有,不過唔多記得,死火=.=……點解考完會考好似仲忙過未考會考咁= =….

  時間真係過得好快……我記得我上年9月岩岩開學個陣,仲係度諗….岩岩升上中五,有排先3月17號,點知3月頭個陣就諗,點解咁快3月頭=.=’,直到3月17號最後上課日個日都好…..我都係諗,會考仲有一兩個月時間=.=,仲有排啦……考完第一科DT,仲有成大半個月先考英文,我又諗,仲有排……直到今日已經考完= =…..成績好似都定哂啦掛…..時間…..好似真係唔等人…..好快又會到9月….9月既時候,我會身在何處??

  埋怨…..少d埋怨啦= =…..唔好埋怨人….我極力勸阻….係度埋怨人地e度做得唔好,個度唔好,e度唔得個度唔得,有意思咩??我意思係…..每個人都有佢既優點,e個世上唔會有完美既人,請唔好埋怨你身邊既人,如果你既朋友做事做得唔好既時候,請你唔好埋怨佢既能力…..自己亦都要負責任,因為你搵錯人,你都需要受番佢到底做唔做得好,所以點用人都係一種學問黎……唔好埋怨你既另一半,我女友唔夠靚,身材唔夠好,性格唔好溫柔,唔好埋怨你男友唔夠靚仔,唔夠風度,唔夠學識…..請你尊重一下別人,亦都尊重一下自己既選擇…..千萬別埋怨所有所有…..如其浪費時間埋怨…..為何不想想法子,我相信凡事都有解決既辦法,如何把傷害程度去到最低呢??

  今日拎部腦番屋企開個陣我真係O哂咀= =……..點解??我發現佢拎走左塊顯示卡,迫住我用內置=.="好在我仲有均記個張外置既顯示卡= =,一裝掂哂……點知一開機再次O哂咀= =…….佢雖然有幫我留番d記憶,不過我要好辛苦咁搵low=.=,痛苦死…..雖然d野仲係度,不過仲要好辛苦搵番d野= =’,不過總算可以啦……搞到我O哂咀-.-

P.S 1:今日心情:D

P.S 2:再見啦…..西寶既小朋友=.=’我唔會再同你地爭

P.S 3:聽日晚上出去聽講座@0@….

P.S 4:昨晚我睇一個台灣既綜藝節目,有個名星勁似karmen= =+…..都好耐冇搵你

P.S 5:昨晚有個叫吳X婷既人打黎-.-…..四點幾打黎= =’,下次唔好咁遲打俾我,我真係= =…..我仲唔記得我同你講左D咩=.=,講左幾句我就訓左啦…..唔好係我訓著既時候打黎,因為我唔知會講咩=.=’……所以彭彭之前好興一兩點打黎= ="‘陰公,我個陣仲訓緊覺GA= =’

P.S 6:由聽日開始一連幾日都會貼相……@@貼咩相??貼番我細個既相同埋海洋公園個D,想睇既就留意=.=+

P.S 7:3套TV板,1套特典= =……柯南咁多野未睇,下載左都唔得閒睇

P.S 8:關於謝師宴既事同學錄入面既文章…..學生會….搞掂左@@,校長,我聽日打個電話問下佢收唔收到我張字條……校監….要NOEL6月5號去門房拎……舊生會果個會長鄧生真係好串-.-…..佢問我用中文定英文寫= =,我心諗,用英文寫,我驚我地D學生睇唔明,哈哈= =…..又唔回我電話,又話一陣會打番黎=.=’唉…..我一陣會再打俾佢

P.S 9:搵郭SIR個陣見佢改緊會考既野,2006年CE@@…..唔知係唔係電子科黎,考生號碼好似係030跟住唔知咩….死啦死啦,改緊我份野>"<++

P.S 10:個日搵校長,魚勾係校務處,佢仲讚我有禮貌=.=++….呵呵….因為我搵校長,同埋我都講得幾客氣= =,哈哈……魚勾仲講,有前途啊…..哈哈= =,多謝,仲問我咩班WO,唔洗講緊係5D啦= =+…..你老婆MISS鄭教個班=.=+,係唔係好優秀呢= =+

P.S 11:啊展,錫住自己啦=.=…..身體頂唔順就休息下= =",搞到我昨晚真係……擔心= =’

  昨日因為去左海洋公園,幫啊長慶祝生日,加上番到去西寶城個腦又唔用得,所以冇打……講起昨日…..真係超超超超超超超超超超超超正=.=+++…………

  由昨日早上講起啦=.=’,昨日一早起身番去開會…….而且我仲多左一樣野要做=.=’,就係搵校長,校監,學生會同舊生會既人去做專訪……俾人拉入左同學錄製作小組,證明我又多左野要做= =…..直到今日為止……都仲未搞掂,搵校長都咁難搵low,真係俾佢激死>"<,校監就更加…….唉……

  啊展一聽到謝師宴就勁想去=.=’,心諗咁鬼多麻甩佬,你仲去啊??哈哈……不過就算你想去都去唔到ga la= =",因為只係俾中五同學= =’,唔會俾其他人…..而且人數都幾多,個場我地都已經用左兩個場,=.=但係都仲係幾迫,都係啦……有機會下次去第d宴會ga@@……….至於louis= =,唔好咁嬲先….不過應該有人提你ga wo,冇都唔緊要啦=.=’下次我會提多次你ga la……我知你都好緊張

  去海洋公園啦……….我地行過去海洋公園,勁啊呢??哈哈……我同noel,兩個一齊行過去= =’,反正我學校去海洋公園都係幾個字路程……noel…..佢已經成個痴線佬咁=.=…..一路行一路大叫,海洋公園我黎啦,又大叫跳樓機,佢真係痴左線= =",我見到路人行過都望住e個痴線佬,我都唔知好唔好同佢行得咁近=.=’你話哂都全級第一wo= =………第一wo…..出到去成個痴線佬咁= =’點得…..愈近海洋公園就痴得仲勁=.=,無奈……

  今日去既人有….我,noel,ray,啊長(壽星仔),啊明,區陞,啊發,迪迪,何偉健,公晉….一行十人……四份一班5D= =+…….岩岩好,哈…..我相信今日既旅程,俾啊長同noel,係一個好深刻既一日……啊長話佢去咁多次海洋公園都未玩過機動遊戲,都唔知信唔信佢好= =’,如果係,咁今次就係第一次玩……相信noel今次係最後一次去海洋公園,下次去已經係唔知幾多年後既事……特別係佢地,今次一定唔會忘記…..

  今日都唔知係好定唔好,有落少少雨,不過都係少少,大部份時間都係冇雨,陰陰地同埋係星期一,人數算係幾少,玩遊戲,差唔多唔洗點排對= =+………..正…….我地既第一站係去熱帶森林唔知咩=.=…….低B ga,好在今次全男班,如果有女仔實嚇死佢,海洋公園養埋d怪獸= =’,隻草X,養到激大隻,係我平時見既五六倍=.="養到d野大隻到嚇死你= =…..O哂咀….最搞笑我發現個龍係冇咩防衛能力,如果佢地要走出黎我諗都幾易=.=

  行經日清= =……無野睇的…..之後轉個灣去睇安安同佳佳….唔知隻安安定佳佳,勁有性格,佢首先好似人咁訓左係度,跟住隻手同腳係度郁幾郁,跟住轉身,再訓過,唔采我地= =,真係俾佢激死……熊貓真係好=.=’又有冷氣,又有野食,又唔洗做- -….無奈….睇恐龍館….原來暴龍都幾大隻-.-…..雖然係假但都幾有氣勢= =++

  跟住係度諗好唔好睇劇場,最後都冇去睇,因為實在睇左幾次=.=’,班友去買燒尤魚= =….好鬼貴啊二十幾蚊= =’….之後去打機,無奈死=.=…..哈哈….個度有電子遊戲機中心……..過左一陣我地就坐X車上山…..

  係上面我地都係度嚇大家,你知唔知試過斷一次,個X車跌左落山,死亡率係100%,無奈= =……我地分三部上,我,noel,公晉,啊發同埋第二部……ray,迪迪同何偉健,仲有第三部,啊明,區陞同啊長………我地係度第一部=.=….部野既號碼係234= =,無奈….第二部係176,第三部係174……號碼都唔老黎=.=

  啊迪係度爆我全名low=.=……..隔住咁遠係度大叫……."齊超,快d開門跳落去",跟住我就扮開門,我就同佢講,不如你過黎開門…..= =佢係咁爆我全名,成座山都聽到佢講野-.-……無奈死……不過係最高個陣望住個海都唔知點咁-.-冇咩安全感

  一去到就去下水母館…..真係好靚=.=++…..d水母幾靚啊…..不過就睇到有d頭痛= =……..睇埋沙魚館,好似都冇咩點變= =’我覺得d沙魚我係由細睇到佢大=.=’,哈哈……..跟住……就沖落去玩機動遊戲啦>"<++

  點知因為有少少雨水,所以唔開住,搞到noel好激動,哈哈…….但係跳樓機就仲郁到,我地就試玩跳樓機,第二次玩跳樓機-.-‘唔知點解特別緊張,個個都緊張,有四個冇玩= =,啊明,區陞,何偉健同啊長= =……..我發現啊迪勁似個大細路,係度勁興奮= =…..好啦,升到上去,我都唔多敢望到最底……= =’係望住個天……心諗,我要死啦= =…..我連遺言都未講就跌=.=,啊迪佢仲好興奮係度倒數,一d都唔驚咁= =’,一跌落去,成個身向下,但個心係向上- -….負荷好勁=.=…..玩完之後我先得知,原來我未死= =+…..仲有我計到地深加速度果然係9.98ms負二次,phy既概念係正確=.=+,講一講先= =’,我地基本冇排對就入去,因為實在冇咩人=.=+

  玩海盜船,又話坐最後驚d= =,我完全係冇feel=.=……無奈….我地十個人霸哂最前同最後兩排,哈哈……岩岩好十個……之後玩過山車…..係360度轉個陣好爽=.=’,轉到好興奮= =+…..跟住就死去玩滑浪飛船…..仲一玩就玩左兩次,成身濕哂….哈哈…..好正…..

  之後食下野,又唔知去邊行下,睇下野咁……

  之後再去玩海盜船…..一玩就玩左四次-.-……低B ga….佢地好似玩唔停咁low= =…..好興奮啊,我地仲專登坐係上面玩十五二十,哈哈…..跟住仲係度講,好爽啊…..玩完之後我地仲係度叫,唔好停>"<…..總之….個工作人員俾我地搞到極度無奈=.=….我地仲好串咁同工作員講,睇住我地啊….仲係最高點唱歌-.-,無奈……d中國既旅客見到我地咁,就係度拍哂手掌俾我地…..哈哈…..多謝多謝….

  玩多一次過山車,玩到隻手痛-,-……無奈…..跟住又去玩幾次愈礦飛車…..哈哈…….不過最興奮既都仲係再連續玩五次滑浪飛船…..搞到成身濕哂,啊迪佢痴線-.-‘,係咁潑d水過黎=.=’真係未出發先濕哂= =…..前後玩左七次…..= =….我地成身都濕哂=.=….由頭濕到落腳=.=’冇邊度係唔濕,好在今日冇傷風= =

  之後玩到六點幾七點閃人…..啊姚打黎問我野……當你問我幾時發現既時候,哈哈…..你見我平時傻下傻下咁,但係我好留意身邊每個人既動作,說話,同埋一d行為@@,所以咪俾我睇得出low……所以我幾時都話…….線索周圍都有,只係差在我去唔去搵o者,我要搵一定可以係每個人既說話,行為之中搵到

  出到香港仔,食埋KFC,番屋企……搬機= =,一陣諗住搬出灣仔整…..跟住….就緊係訓覺啦……

  今日啊…..我番到學校補oral,俾曾sir串=.=…..曾sir一見到我就話"打xanga打到遲到啊??"…….無奈= =我既回答係"我部腦壞左wo=.=""跟住練完oral,食埋野就打埋日記,一陣番學校搵校長傾野= =…..之後飛番屋企出灣仔….唉…..好忙啊= =’

P.S 1:今日心情:B-A

P.S 2:黎緊星期五俾KK約左去聽一d野= ="唉….唔好意思推

P.S 3:岩岩係學校見到MISS嚴,係度問我會考考成點,我就話8A,佢就驚訝到係度笑,見到D中四既同學仔又問我考成點,都係答8A,哈哈…..中三都有=.=++發現都仲有唔少人認得我

P.S 4:啊長生日快樂啊

P.S 5:今次我真係冇咩錢啦- –

P.S 6:俾人話我把聲似飛仔=.=’除左無奈都係無奈= =

P.S 7:唉…..校監啊,好難搵到你>"<

P.S 8:啊展,下次同你去第D宴會啊,哈哈……開心番先= =+

P.S 9:彭彭,你又嬲咩啊-.-??

P.S 10:啊姚,記住我同你講既野= =+

  再打多少少先,記得睇番今日日記=.=’,因為今日下午個啊伯係度阻住左= =’,激死……唉…..幾時有得用番自己部機ga…..極度麻煩……唉…..柯南….星期一又做啦>"<,加埋我已經錯過左三集,仲有一套特X>"<,極度灰暗…..好想睇好想睇>"<“""

  e幾人忙到我連去拎部機修理既時間都冇,諗住今日下午ga,不過見落雨就算,預定星期二啦=.=’因為星期二比較得閒少少= =’,番學校練完oral就要拿拿林死番屋企…..= =’星期三又有講座…..都真係….幾多野搞….

  聽日去海洋公園啊…..哈哈…..同班衰仔去low= =全男班,哈哈…..冇計啦,男校啊ma,因為聽日係啊長生日=.=++….加上noel下個月底就要飛去美國讀書….e次一別唔知幾時再見…..加上玩下啦,考完會考咁= =’,咁就去啦…..我都幾耐冇去海洋公園=.=’,快d坐過山車>"<正正正……不過話時話…..noel都活躍左d ga la,之前個陣佢成日溫書都唔得閒陪我地,現在就走,就黎要去外國,同埋又考完會考,好事黎ga…哈哈….

  不過聽日既時間其實都幾緊迫…….因為我聽朝七點耍起身,死番學校開會,關於謝師宴既事……我身為e個既:秘書+班代表+精品小組既成員…..既懶鬼,哈哈….= =+,聽日唔去就唔得ga la,關於今次e個show,其實時間都唔多,希望部腦就快d好番,有時我要入番d文件就易d,唔係就幾麻煩=.=

  昨晚= =…..話說我就送e個既liza加helen番屋企,其實唔係送,咁大家都係住西環,同路o者= =+,我今日先知,昨晚班友仔玩到唔知幾點,真係通消low=.=……低能的,我就冇你地咁好精力,我就送兩位小姐番屋企=.=…..都成十一二點,多個人多照應ma,哈哈…..你話如果係好似彭彭個d,我就緊係放心啦…..點解??佢咁鬼暴力,邊個會恰佢啊= =’,唔好怪我講事實

  今日番到屋企……已經死左…..我實在好累=.=,訓著左…..哈哈…..冇計啦….為聽日又要展開新既旅程= =+++

  訓完就係度汁房……唉= =,今次我真係扔哂我中四中五既筆記走….d紙啊,咩都扔哂=.=….都唔多捨得啊,不過心諗:會考都完左,留黎都冇咩用=.=…….係留番d書同埋少部份,我覺得有用既野…..其他都清哂…..一清我間房就真係冇咁亂,整齊好多,呵…..之前會考個陣亂到咩咁-.-,千奇唔好有人黎我屋企,哈哈= =…..現在仲算見得下人,留番d書….好多回憶ga>"<…….d死人功課,仲記得有d係抄=,=+++,呵呵……..

  望住啊sir既名…..點啊老師們??曾sir,石媽媽,miss鄭,啊堅,錫年,廢sir,劉sir,林sir,慶叔….教少左我地班,工作量一定減輕唔少啦……特別係miss鄭=.=….我記得上年佢教4D,5E兩班= =.咁我地就係4D既時候,佢只係教我地一班,個陣d中五走哂,佢得閒到成日係部腦面前玩接龍=.=……係度打機,真係俾佢激死= =’,跟住,上堂又係度講,我得閒到好悶啊,你地做功課啦,我地仲要扮到好好心,俾miss多d時間休息,唔好俾功課tim- -++…..miss鄭,你係度玩緊接龍嗎??哈哈…..小心俾校長見到

  哇哇…..差d俾啊媽扔埋本日記=.=…..話說本日記,記戴少少我童年既野,加少少中一既野=.=’初戀既事啦= =…..仲有成個中三個年既野…..中四就另一個日記網,中五就e個=.=++……千萬唔扔得ga= =,再次睇番都幾搞笑……老馮<<—當時全校最恐怖既啊sir=.=…..day 6最尾4堂連續四堂老馮…..真係要叫救命,哈哈…..中三個年真係幾過引……我今日又記得個陣老馮成日同我地講既一句"你地中文係最後一新既課程…..務求一擊即中"……= =個陣仲係度諗,會考,有排啦,我現在先中三,今日睇番都太遲=.=’已經考完啦= =……哈哈……

P.S 1:聽日海洋公園>"<++同埋開會…..

P.S 2:星期二最好就天氣好,唔知公安星期二得唔得閒=.=’最好搵多個……徵求苦力

P.S 3:啊比= =……你又搞咩野啊= =??男人O者 MA,你要我大把俾你=.=’,過左去就過左去,你咁都係冇用GA WO,D咁鬼衰格既男人= =,佢送上門,你都請人搬佢走啦

P.S 4:十年冇SD E-MAIL俾外國既筆友-.-…..佢地唔會當我死左掛

P.S 5:睇完有關中日戰爭既事…..有時覺得,過去左既事,今日好多人都唔了解,我既心情就大為緊張….畢竟,E件事曾經發生過…而且又係香港出現….我可能了解唔到….但係….我對當時既軍人….我致十分既謝意,好欣賞你地既勇氣….好欣賞你地為國家既心…..今日你要年青人去做嗎??十個都未必有一個

P.S 6:區議員選舉….原來我每日都要去=.=’今日打黎先知,真係俾佢激死….咁唔洗講啦= =……我6月既一半日子都要貢獻俾E個區議員=.=……哈哈…..苦笑中

P.S 7:我最近留意左好耐…….唔係昨晚先發現….係一早已經發現左一件事…..哈哈…..我咁精明既眼光,敏銳既觸覺,獨特既分析能力……我已經睇得出…呵呵….我諗係時候,我要問一問你D野啦…….啊姚…..