一場CE打散左5D- -….現在分佈情況初步估計如下,一班40人………

  5人決定升中六(有d夠分但去外國or ive)…….5人去國內同其他國家…….2人打算重讀……10人俾ive收左同極大機會俾ive收……..5人諗住係其他學院進修……13人報ive但機會不大同埋唔知做咩好- -………

  就咁睇……發現我都幾幸運-.-……..

  幫啊達宣傳下……….啊達要去大陸讀書…..但需要借錢……數目大既係15萬,最好係免息同低息……最好係17號之前有方法=.=…….唉…..真陰功…….啊達俾心機啦- -‘唔好再錯失機會

  後悔tim-.-…….後悔一個月之前…..有人請我去做文員- -……但係我拒絕左,哎呀…..早知就去做啦,又舒服又爽-.-…..雖然現在都ok,不過早知個陣去番工好過,好想用自己隻手去搵錢- -,唔想再依賴屋企人,唔想屋企人咁辛苦-.-‘

  未來四年……一定要俾心機……..四年後又係一條好漢……望住黎考……大家四年後就會見我著畢業袍@0@…..跟住出黎做野,順便半工讀埋個學士學位,搞掂- -…..未來四年既計劃

  今日,明心約左我去打波…….少有- -“…..教佢防守……唉…..救命= =…..d女仔真係唔敢太過勇-.-…..不過算啦,算好左ga la= =’,走藍……仲搞笑……哈哈…..不過個個人開頭都係咁,諗起好耐之前,都曾經係咁……

P.S 1:今日心情:D

P.S 2:諗通左…….唔會放棄你…….

P.S 3:諗住去Ray屋企打下機-.-…….過幾日去…..

P.S 4:讀IVE…..係俾一個機會我……我唔會放棄……

P.S 5:今日搵焜爺傾計-.-…….焜爺去左唔知咩教育學院,係上次一個叫VICY既女仔想我入個間= =……

P.S 6:E間野西利啦…..讀完一年半之後過澳州……好……焜爺………係澳洲讀完大學番黎見@0@……..

P.S 7:聽下…….我XANGA上面有一首歌…….永不放棄……錫年個陣想我地永不放棄……我係時候…..唔好再係度呆…..唔好放棄任何機會……我要努力加油,我係齊超啊MA,冇理由做唔到

P.S 8:NOEL既一句名言……..希望各位都可以記住………

邊個睇少我地香港仔工業學校??

邊個睇少我地讀成績差既中文中學??

邊個睇少我地係鋸木仔??

講得太好啦…….

P.S 9:希望…….5D既同學……同所有ATS既師兄師弟,希望你地見到,俾心機…….唔好衰俾人地睇……..老實講……..我唔想係IVE衰俾人地睇,我想係IVE拎到好成績,跟住大大聲聲同人講…….我係香港仔工業學校出黎GA……吹波啊??

  給未來的女友……你知唔知??每晚我祈完禱,第一個講心事既人就係你…..雖然我唔知你係邊個,我亦都唔知你係邊,更加唔知你係點……只係每晚同你傾,你都好似主咁…..會係背後支持我……真係好多謝你……唔知你出現左未??定係你未出現都好……我都會等你…….五年,八年,十年…….甚至更耐都希望見到你

  因為只有你……先會係最愛我……其他女仔…..根本不值一提,甚至當我係後備一樣…..只有你唔係….每次唔開心,你都會支持我,鼓勵我……我真係好想早d見到你,俾我知道你係邊…..

  其實放榜之前…….我都知會入ive……個晚我冇訓,成晚同主傾計……佢一直都同我講要我入ive,我真係唔明……但係佢一直叫我去個面……甚至…

  我番學校之前…….同主講……如果巴士站,有3個人,我就升上去,有4個人我就去ive,有5個人我就重讀,其他既,我就好低分……….誰知一上到去……冇啦啦有部車,車走d人……真係岩岩好得4個……….主再一次明示俾我睇……..指引我既路…..所以拎到成績,除左科中文- -‘,其他都唔算意外………

  今日….番完去教會之後……去左創業既x險樂園,睇人玩- -……..愈睇愈想玩,哎呀……好耐冇玩個d遊戲…..真係好想玩…….細個個陣……老豆成日帶我去玩…..哈哈…..唔去就喊啊咁…..諗起都好笑…..真係辛苦老豆……唔知…..十幾年後,會唔會掉番轉,係我帶d仔女去??

  番到屋企……累…….

  今晚……係街度,見到d人係度燒野…….拜祭鬼神……當時我真係見到魔鬼…..我聽到自己既呼吸聲……唔知點解,當時企左係度,合埋隻眼…..唔知點解講左一句說話"世人不知道都擺啦….為何你這魔鬼也要上來討飯??"……跟住就閃-.-‘幾神奇既事….連我都唔知做咩= =’

  最近心情都好差……咩事都有…..都一直打擊我…..幸好心靈上有主同一個女仔支持…..已經令我還可以支持得了…..灰心嗎??我只係答…..係…..

  最近好多心煩事…….好多人都唔知??正常……番去,見人,我都扮得很好,冇人睇得出……哈哈……只有當事人先知咩事…..不過算吧啦…..唔緊要….由得佢….既然係冇可能既話,都冇要再去做d咩……你中意啦下,我唔會再做任何野,要搵就搵佢

P.S 1:今日心情:U

P.S 2:由8月6號到8月12號……..上我XANGA人次有469次……人數有146人….留言21個……..

P.S 3:人次回留言都有輕微回升,人數有輕微下降…..大市認為,今個星期係放榜周,應該有特別上升,點知係冇- -….下星期會有平隱發展

P.S 4:放榜,令我一個幾出呼意料既人…….就係焜爺-.-…….我諗住焜爺應該係同我差唔多料,點知…….差咁多- -……係學校個陣,佢D理科都幾OK-.-‘

P.S 5:今日……識左一個叫啊茵既人…..又係生活一個幾黑暗既環境-.-‘跟大佬啊,爆粗啊,周街搞人個D- -……

P.S 6:講左幾句…..睇黎本質都唔係太衰GA…….仲有得救,而且都係聰明女…..冇讀書都係讀明校,仲要成績中間個D

P.S 7:心情灰透了……..唉……今日又喊- -,頂……好唔想喊…..成日都係咁

  放榜後,唯一一日冇流過眼淚-.-…..但係都唔會話好開心= =…..唉…..好啦……好好地讀埋e四年佢…….唔好再浪費e個機會啦- -…..

  我都覺得…….做一個大專生,點都好過做一個中七學生=.=……大專學生出黎搵佢個科點都會容易d俾人請- -……中七讀完如果升唔到大學,真係學曾sir話齋一舊飯咁= =…..如果e四年入面……讀哂成個課程,拎到一個合格就算升唔到點都會容易搵工……由低做起,冇所謂……學野……..

  重讀中五……..我冇選擇到……一黎我今次死係死係語文科手上-.-…….語文科最緊要係時間累積……..我好老實講,如果番去重讀,番去一個中文中學,冇太多機會去接觸英文既時候……我科英文唔會太大進步…..就算會考拎到E仔,AL既UE都係等炒…….除非今次我中英兩科都起碼合格…….總分低既話,我會考慮重讀,如果兩科要時間既科炒…….我肯定自己冇可能係一年入面追得番,而且仲要係新課程

  所以去ive,英文教…….對英文機會點都大d掛- -……跟住我今日已經係咁操英文ga la……未來兩年,唔係今年就係下年,我要重考番個英文,頂……..唔信兩次都唔掂,痴線

  我係學校……..9次考試……由中一到中五……中五只考一次mock…….9次考試入面…….我未試過有一次中文係會唔合格=.=……..頂……最差都係中三個次- -,但係都合格- -……有個E,中四五,三次考試都拎D-C…….頂…….冇諗過份中文會炒粉……都唔知係咪改果個唔係路……..真係勁想去查下有冇問題low…….考咁多次都合格,會考反而炒左,唔係掛??……差咁遠??

  今日去柴灣ive個度交錢= =…..好……成功搞掂哂….11號開學….仲問左個師兄…..一個星期好似最少上三日堂,最多上哂五日-.-…..時間唔定……平均一星期四日…..多左 一日……正……

  番教會玩拍七…….我同明心係咁耐都唔輸= =…….D人唔抵得我咁耐都唔輸,係都要迫我唱歌-.-‘;哈哈……好好…….

  如果我個日唔洗上堂既話………陪下你地班衰仔去食下太宮啦@@……中六既同埋會重讀既兄弟@0@……..如果得閒個陣打俾你地一齊去食lunch啊…….

P.S 1:今日心情:F

P.S 2:發現……..大專既生活……真係幾自在- -…..

P.S 3:睇過哂IVE入面D學生講…..8間都講哂……原來最好兩間係柴灣同青衣……

P.S 4:咁都俾我入到間比較好睇D,算係咁GA LA= =+……

P.S 5:louis……..我地做硬同學仔ga la@@…….

P.S 6:我地班現在既情況都幾…….一部份升中六,一部份好有機會入到IVE,一部份係其他地方讀書,一部份諗住出黎做野,一部份現在仲係混混惡惡咁…….最擔心係後者= =’

P.S 7:頂…….今日唔睇都唔知……柴灣間IVE,原來有泳池,有網球場,有健身室(啊KING最愛),仲有酒樓都有- -吹漲……..五樓個度原來有得上去飲茶,第日可以過黎飲淡茶,我請@0@…….

P.S 8:有泳池就緊係有靚女著泳衣入水……..正@0@………比堅尼……..

  心情…..唉……發現真係打沈左low….發覺自己好失敗…..好鬼冇用…..唉…..好似已經提唔起勁,咩事都冇哂信心……到底……我可以點??

  就算今晚…..俾左一套電影我睇…..教會d大佬俾左d電影我睇……係講關於一個人由低處點升番上高,跟住又點跌,跟住又點唔放棄…..就算套影片係幾咁激勵人都好…..我個心都係死左…..唉….跌低左唔想起身嗎??

  起碼……佢係低谷既時候……都有個老婆一直支持佢,佢放棄既時候,個老婆一直鼓勵佢……唉- -……唔好意思……我係愛情又係另一個失敗者……佢算係好…..起碼有個咁愛佢既人…至於我??…..唔講好過講

  今日……有兩個女性朋友……都黎想我有番d心機…….多謝先…….

  屋企個面……唉……俾老豆講完一輪……都係要我俾心機…..我都知佢既好意…..唉……愈俾佢咁講,我就愈唔開心……愈覺得自己差得好緊要

P.S 1:今日心情:U

P.S 2:我……唉……已經係唔知點好

P.S 3:好掛住…..學校……老師…..同學…..已經知冇機會再一齊了

P.S 4:聽聞啊達會番大陸讀書??唔知係咪呢??

P.S 5:一場CE完全打散左5D班…….全軍散哂

P.S 6:齊超<<你真係冇鬼用啊………

哇……..好似有四五個未做-.-……做住兩個先……唔好意思,咁遲先做

遊戲規則:
必須發表一篇文章,將所有愛的問題都答出來
寫完所有愛的問題後,請點名７位朋友繼續下去!
注意!被點名的人不能重覆!!
未滿７人者屬違規或被pass者不回覆,會有報應!
拍拖中的人會分手! 單身的會一年內交不到男/女朋友

點名的人：啊比
填寫日期：8月11號
愛的音樂：順耳就得啦= =’
愛的店鋪：冇特別喜好
愛的國家：好多國家都好中意……..好想周圍遊歷同見識
愛的顏色：天藍
愛的休閒：咁就緊係吹下水啦
愛的個性：理性型
愛的科目：宗教同理科@@?
愛的口頭嬋：最近好興講,"痴線GA"…..有時同人傾一D心事既時候好興講"如果我係你…….."同埋……."都係個句LOW……."
愛的小動作：唔知WO= =’
愛的習慣：打日記??
愛的季節：秋
愛的女仔：你地之中如果有人愛我既…….我都會愛你
愛的甜食：冇特別喜好-.-‘
愛的男仔：全部啦緊係
愛的節日：聖誕<<有禮物@0@……新年<<有利是……哈哈
愛的香水：冇特別喜好= =’
愛的運動：藍球- -‘
愛的定義：有排講
愛我的人：睇黎除左屋企人之外都唔會有人愛我= =’
愛過我的人：唔知 = =’

 

●●●遊戲規則●●●
必須發表一篇文章,將所有愛的問題都答出來
寫完所有愛的問題後,請點名8位朋友繼續下去!
注意!被點名的人不能重覆
未滿７人者屬違規,會有報應!
拍拖中的人會分手!
單身的會一年內 交不到男/女朋友!!

點我的人:明心
填寫日期: ８月11號

1.有冇試過買野向阿媽報大數以圖呃阿媽錢? 細個可能有= =’
2.有冇上過咸網? 男仔有幾多個冇上過??我就唔信啦,哈哈……
3.你想曾蔭權做2年定5年? 係仲未有另一個合適既人選之前,我都係想佢做五年
4.有冇偷睇過人沖涼? 冇掛- -‘
5.有冇睇過報紙的風月版? 見到LOW,我唔會睇風月板-.-‘
6.鍾意咩音樂類型?順耳
7.最常講GE粗口係乜? 頂…….
8.鍾唔鍾意Avril Lavigne? 麻麻= =’
9.孫中山幾時死? 好耐冇讀中史= =’
10.有冇試過除晒衫影相? 細個有
11.你覺得香蕉似? 香蕉<<答得好
12.某d野你係咪等到大減價先會買? 暫時冇= =’
13.識唔識講法文? 識……"今晚打老虎"<<法文意思係你好
14.食漢堡包時會唔會拎走舊青瓜? 唔會
15.覺得人生乜野係最重要? 一個有意義既人生
16.死前一定要做? 留下遺言
17.你有冇紋身? 無
18.孟加拉有幾多人口? X>1…..X<999999999999999999999999999999999
19.呢排想睇咩戲? 冇
20.請發誓你會誠實作答以下問題? 好啊
21.裸睡? 有兩次….哈哈……又幾正GA WO= =+’
22.暗戀學校既老師? 無
23.偷野? 有…..好耐之前
24.俾人偷野? 唔知-.-‘
25.背叛情人? 應該無掛??
26.見過人死? 如果見住一個生既跟住斷氣既話,就未- -‘
27.企圖自殺? 應該唔會
28.搞到人大肚/俾人搞大個肚? 無
29.被遺棄? 睇下係咩圈子
30.考試唔合格? = =’冇,你信唔信??幾叻既人都會有一次掛??
31.界手? 無
32.被拘捕? 無
33.逃學?  無
34.被出賣? 無掛??
35.被玩弄感情? 有…..

1.靚仔/索女: 肯定唔係
2.笨: 係
3.有魅力: 唔知= =’
4.怕癢: 怕
5.多愁善感: = =’唔知
6.性感: 唔係
7.聰明: 唔會
8.易呃: 係

9.脆弱: 有時….係
10.自信: 已經打沈左……..
11.單眼皮: 可單可雙….平時單
12.食得辣: 緊係得

  唉……今日老豆都一直叫我俾心機…..讀ive….考好d英文…..唉…..好似真係好對唔住屋企人……啊媽啊爸,身體又唔係好,又唔係後生,我真係諗過半工讀……但係….讀ive係全日……根本冇e個時間…唉….如果…..第日有機會俾我上大學…..我一定會選擇半工讀…..我唔想老豆啊媽咁辛苦

  e幾日一直都啞口無言……屋企人都已經發現左…..唉…..咁岩俾我睇到一句話…..你可以輸左一個中六學位,但係唔可以輸左你既信心同勇氣………唔好意思……我全部輸哂……心情極度消極…..唉…..好似好失敗……好難受….

  我直到今日都冇睇過新聞……..唔想見到放榜既野…….亦都唔想聽到仲有幾多中六學位等等……我在逃避嗎??……好難受……唉…….失敗既痛苦…….好辛苦….

  你係邊度失敗就要係個度企番起身……..所以我真係諗過,重考多次英文……頂….我唔信考你唔到,谷鬼氣……反正第日番學都係用英文教…….成日都係對英文,今次我一定會考得好好睇睇……激死……

  頂…..聽日開始聽番d英文…….拎番個本野,學番一d生字先…..跟住加錄音帶,我唔會放棄時間…….雖然現在係暑假…….我就唔信搞唔掂你-.-…..各位來年中五既朋友…..可唔可以借一借新課程既英文考法個d野黎睇睇

  好累……今日訓到好遲…….因為之前兩日都冇咩點訓…..好累….

  有人問我係咪真係有喊過…….我答你有…..其實今日都想…..但係冇昨日咁激烈…..真係好對唔住人…..更加對唔住自己…….真係唔想屋企人咁辛苦…..我真係好想搵錢幫補下…..啊媽成日e到痛個到痛……跟住老豆又成日咁累…..仲要我成日激佢地…..唉……諗起真係衰仔…..真係唔想….

  亦都對唔住學校既老師…..唉……佢地教得唔錯ga….係我自己懶……hea左咁耐…..一諗起e度…..心情就…….好低落…..我諗…..我真係….唉……真係無面番學校見任何一個老師……

  昨日一個幾大既對比……..女仔全部都係報喜……男仔全部都係報憂-.-…….女仔好多都係話…….我入得番原校啦…….我唔洗去外國啦…….比我預期高分好多啊…..等等……真係好多= =……男仔反而係…..我0分…..我1分,係,我係1分= =’….我得4分low…..我得兩分,仲諗住有五分………..我識個d女仔係咪全部都叻d,男反而全部都比較弱d=.=??

P.S 1:今日心情:U

P.S 2:心情……反復…..

P.S 3:今年都有D中六既師兄…..因為重考英文衰左…..升唔到中七= =……唉……所以有D英文肥左又免強升上去個D….真係小心,唔好再肥

P.S 4:今晚,舊生會個會長打俾我…….問今年如何……我都係咁講…….之後仲問NOEL….我話去左多倫多-.-……佢話多倫多個面好多舊生= =….可以支援你,NOEL要就記得開聲

P.S 5:今晚又去左做和事佬=.=…….都係有一對情侶因為D小問題嘈

P.S 6:最後當然和好啦…….本來仲嘈到要分手- -…..唉…..都係個句LOW,有時要忍下GA…….好似我咁-.-…..哈哈…..

P.S 7:啊明……生日快樂…….今日冇出去同你慶祝TIM

P.S 8:我既…..愛情–>失敗……學業—>失敗….友情–>成班都分散…..半失敗- -….親情–>不過不失……..唉…….失敗……

P.S 9:岩岩SUB左華哥@0@……聽日改名……好耐都冇增加5D之友

  唉……係度先同一d中六既朋友…..講一聲加油啦,知唔知啊@0@??……啊迪,俾心機啦,升左中六咪鬼成日訓覺……劉自俾心機啦,唔一定AL做陪跑,華哥考好d英文啊,啊朱都係咪鬼成日訓啦,仲有d……唔知係選擇升定係去邊ga….咁都俾心機啦

  其實…..我其中一個最對唔住既係石媽媽……..痴線,我冇諗過中文咁差,放榜個陣同之後,石媽媽都有上黎同我地傾……我一直都係迴避,唔想俾佢知我中文成績……..唉…….我真係完全冇諗過中文會咁low= =’,其他科都仲有得講,但係中文我真係十分肯定咁灰= =…….最大為失望既一科…….對唔住啊,石媽媽>"<“"我今日最驚面對你,唔想俾你見到

  昨晚其實我已經真係訓唔著咁濟- -……驚……其實昨晚係多次祈禱之中…….我都聽到神同我講……今次係唔得…..亦都多次暗示左俾我睇…..最後…果然係俾佢講岩左,係衰左ga……

  派成績之後,都知衰左……衰係中英手上- -…….英文都預左,中文真係諗都冇諗過……..反而理科都ok wo=.=’…..比起其他都算仲睇得下- -…….因為理科都算係咁上下既關係…..相比其他同學,我好似高分d= =’其實整體真係好低…….

  今年學校成績同全香港成績一樣出現兩極化= =……有好高分,有好低分…..最高分當然係5D班既noel啦@0@……..拎左兩三條A….起碼一條B,其他唔知,二十幾分……最低分,我個班都已經有0分= =’其他班傷亡就可能更加慘重,邊個就廢事講,同一班有二十幾分,有0分,兩極化

  學校每隔一年都會出現一次既成績-.-……04年放榜,又係兩極化,好多二十幾,都好多0分= =……05年平均,好平均,好多十幾分,但係就冇咩標青……06年再一次兩極化=.=…….恭喜係我地學校考07年會考既中五朋友,你地黎緊既成績應該幾平均- –

  啊B就低能= =……拎到幾分廢事講,總之低過五分,又高過0分咁啦- -,跟住好似好開心咁叫人去打牌-.-,真係唔明點解佢可以睇得咁化= =……可能真係有唔少同學預左…….我好老實講……基本上前後左右……都係好低分,唔係0分就一分,唔係一分就兩分,唔係兩分就三分,唔係三分就四分= =’……..相比之下,我好似好睇少少??…….其實一d都唔好睇= =,唉……

  最搞笑就係啊源睇到……下……齊超都係得x分……咁我咪0分??…….點知….哈哈….係唔係就唔講啦……自己估啦…….有d好成績既,16啊,18啊,14啊都有d…..最後陪幾個中六仔同埋一d失敗者(包括我)……一齊食南記……啊迪個啊媽就開心啦,見到個仔升到中六,請埋我地食野tim

  ray<<真係唔好彩…..難得科英文C左,諗住ive可以讀少年,點知佢條友仔得四科合格-.-……唉……浪費左個C…..louis差少少…..多一兩分就好啦…..跟住,我,louis,仲有佢啊媽,同ray,仲有許嘉偉…….一齊同郭sir傾,跟住點好

  公安…啊發….仲去左申請重讀-.-……又入左5D班…..兩個凹凸英雄= ="‘,不過佢地兩個可能未必重讀…….都仲有d同學去左報重讀ga….報重讀個d,好多都係5D同5E…..重讀既朋友……..你地千萬唔好放棄@@……..記得我地班都有三個重讀生……今年成績都好好…….希望你地都可以好似佢地咁……..

  都有d去左內地同海外升學……祝你地好運……

  唔知算唔算係不幸中既大幸……..ive今日已經優先收左我-.-……我個陣睇,痴線,成82個人咁多爭個20個位= =’…..點知咁好彩,又唔知貪我咩好-.-‘,咁就收左我啦,總算有書讀 = =’…..現在有d拎兩三分個d同學就真係驚……因為ive都未必收你= =’…….要睇下彩數啦…..

  我就報左產品設計…….係高級文憑……louis同我都收左@0@……..我地兩個麻甩佬都選中e科…….點知我地兩個佢都優先收左………係咪我地有讀過DT,有優勢-.-??…….睇黎…….我同louis要做起碼六年同學-.-…..好兄弟….咀淡先….好過一枝公入左去個個都唔識- -‘

  衰鬼……都有d靚女@0@……正爆…..讀左咁多年男校,今次真係一洗衰氣……大吸陰氣……

  我發現我幾叻仔= =………勁多人炒A.maths……..我A.maths反而都有個E仔-.-…不過我都預左A.maths一定合格= =’,唔會特別驚喜…..今次成績……全部都F以上…..好彩地係冇U……咁我將證書上面,起碼都會見到哂所有科…….第時見人都可以同人講我讀過= =…..有D人U左英文,D人都唔知佢有冇讀過英文

  走個陣,得我一個走……扮完啦……係人面前,我好似同平時差唔多…..都係嘻嘻哈哈…..唉…..係地鐵都流左D眼淚…..

  真係好對唔住…….首先對唔住自己……對唔住屋企人…..屋企又唔係有錢,又要生我一個,早知叫啊媽生多個…….跟住又對唔住D啊SIR,MISS……中文,真係對唔住石媽媽…..我平時考試測驗,成績都唔差,點知會考係我咁多次中文考試同測驗最差既一次…….對唔住啊……石媽媽…….對唔住啊…….馮老師…..個陣,成日要我地補課都知你辛苦GA LA…..對唔住馬SIR同MISS區>"<…..兩個係我中一二個陣,就一直鼓勵我…..唉……中文咁差,真係對唔住咁多年教我既中文老師

  對唔住曾SIR>"<…..雖然話就話,好似平時唔會太緊我地,但係佢都俾好多野我地做,我又衰,平時HEA左佢……對唔住李SIR….真係教英文好好啊…..好似D名師咁,唉…又係我唔俾心機……MISS嚴…..教左我中一二英文…..佢個陣成日支持我GA…..唉…..佢係我入黎E間第一個班主任,好鬼錫我>"<…..對唔住啊,英文衰左

  MATHS算係…..不過不失咁啦……MISS鄭…….算係咁GA LA= =…..我已經盡左力啦…唉….但係……其實我可以再好少少……今次MATHS成績係意料之中既事,不過我覺得可以再好少少

  化學啦WO……我讀三年既化學都係啊堅教…..雖然就好鬼懶-.-‘,拿….考MOCK個陣同我地講,會考我地會好少人合格……拿…..我化學合格左啊…..算係有D交代啦= =’……我諗啊堅都唔會點失望

  PHY…..其實都算有少少失望GA= =…….未考之前,E科真係幾OK,中四個陣E科成績唔錯= =’,唔知點解開始差左,唉…..合格都合格度,不過……唉……我考E科個陣,難到痴線…..都已經預左會差D= =

  A.MATHS…..算係咁啦…..MISS鄭係咪講過話A.MATHS合格有野食=.=??哈哈……

  宗教…..又係算係咁啦,不過不失…….其實我仲預會高少少,不過都係我意料之中既事…….

  唉……心情好重…..喊啦……冇計…..係啊…..係人面前唔會做E D野,可能俾人睇會堅強D掛,暗地先做….今日係老豆面前喊左一次……雖然老豆講左好多難聽既說話…..但都講左…..要我俾心機….唉…..

  我講真…….由黎緊既學年開始……..我要比起之前二百倍既努力…….講真,我都真係成個中五係HEA……係會考之前個幾日先溫左陣書咁…….以後唔會唱E枝歌仔…….

  失敗既經驗…….一次已經足夠……今次E次既失敗經驗……..一次已經十分足夠…..我一定會認清今日既臉,同自己既眼神…….我唔要再好似之前咁…….我唔容許有第二次既失敗…….頂…..我今次真係整D書做汁黎飲…..一定唔可以再衰…..真係火到黎……從未試過……..有一次……咁有決心…..去讀書

P.S 1:今日心情:不明

P.S 2:四年後……科大見……

P.S 3:好…..去CW打天下…..之後番學都係個面-.-…..

P.S 4:聽人講CW D學生比較叻- -??唔係講笑……我睇D論壇真係咁講= =’

P.S 5:唔知第時上堂係點-.-??……著便服….中意上堂就上堂,總之有功課交= =’…….好似過緊D大學生既生活 = ="

P.S 6:我算係都安全D,因為個面優先收左我,仲有D朋友仔,係仲未知到底自己有冇書讀…..亦都未知第時點行….希望真係快D諗清楚

P.S 7:痛苦經驗一次已夠…….永世難忘……會考<<你好野

P.S 8:諗住用自修生去考多次英文科=.=…….冇所謂,反正都係俾個百幾蚊,報一科考,希望考好D……

P.S 9:最後亦都對唔住…..一直支持我既人…..實在太多……不能盡錄….

會考衰左,,無野好講…*

  先講一個重要既野先…….聽日9點先放成績既……咁最好就8點幾番到學校啦…早D番到去,一齊傾下計…研究下大家點算啦下………

  聽日放榜啊……..心情如何……??望江…..如臨大敵…..會考放榜…..不成功便成仁…..今晚…係最後一晚= =…..聽晚我諗我已經死左……唉…..今晚……唔知有幾多人訓唔著呢??

  放榜前夕……今日都有好多中五既朋友仔同我傾計…..好多都係度問點算- -….我心諗..喂= =…..我聽日都要放榜= =…..好似唔記得左我都係會考生…….佢地都好驚-.-…..

  基本上今日搵我傾個D,全部都係叻仔叻女黎= =……個個都係讀名校個D,反而自己學校就冇=.=’,佢地都係驚…..驚自己入唔番原校…..你知D名校收人幾鬼死高,咩二十幾分先收你咁,痴鬼線=.=’……咁好在佢地都係諗左如果原校唔得,聽日會去邊間…..好…..希望你地都可以入得番原校啦…..

  今年會考整體成績都出左,算係好消息黎= =’…….有64%合乎中六資格,比上年升左1.2%,好似話係六年黎最高,中文合格率72%…..英文SYL B合格率78%,SYL A合格率58.8%狂升6.6%…..MATHS合格率得74.5%,跌左1.3%…….合格率提高….對於我地E D比較差既人黎講,算係好彩……因為合格率提高,對於勁人黎講就影響唔大,對於比較差既人係好消息……

  痴線…..今年25個十A= =…..係十年黎最多人拎十A…..9A47個…….8A就88個=.=…..但係都有個唔好既消息,拎0分既同學都多左…..有六千幾人拎0分= =….希望冇你份啦下….我都幾肯定自己唔會0分=.=’

  昨晚同啊RAY傾左好多關於IVE報科個面既野…..今日都同細佬傾左少少IVE既野…..希望大家如果升唔到都可以搵到你中意既科啦下….

  聽日…..唔知個分係如何都好…..大家都唔好灰心啊,要生要死啊…..努力向前吧@0@….

  A B C D E F U ……幾個唔同既英文字,對於17,8歲既中五會考生黎講……好似已經主宰左一切………你U就係失敗者…..你A就係成功者……事實又係唔係??心理壓力真係俾年青既人,好大既打擊…..特別係….拎成績表既時候….到底又會點??

  壓力….不外呼黎自屋企……自己…..朋友…..屋企….屋企人對你既期望,有D家長視野就少….認為中六係唯一一條路等等…..甚至屋企人俾壓力你,覺得你好掂,又會唔掂送你外國等等…….自己….驚自己升唔到有咩出路,會唔會就咁冇書讀,第日點出黎做野,又會唔會自視過高等等……朋友,通常發生係名校會多D,同人鬥有幾多條A等等….

  講咁多都無用啦……聽日等睇成績啦…….聽天由命…….

P.S 1:今日心情:不明…..太緊張啦@0@….

P.S 2:距離拎會考成績最後一日……聽日就係啦,哈哈……..再見啦- -聽日我會跳樓……可能聽日會見我拎8A@@……我就係果88個之中其中一個,哈哈

P.S 3:臨危不亂….才是真英雄…….唔好打亂自己陣腳

P.S 4:唉= =…..其實我都好驚GA…..我D演技比較好,所以我好似扮到好有信心同無咩事咁O者= =’

P.S 5:其實我最想知今年理科成績係點-.-…….

P.S 6:今晚唔知訓唔訓得著-.-……唉……

P.S 7:再一次提醒中四既朋友…….好快O者= =…..

P.S 8:今天的晚上…….不知為什麼…….好像過得特別快…….??

  e次死得= =……..一個壞消息,一個好消息…….壞消息係….原來冇得再拎多張中五成績表……問左書記…..係e個時候,我除左想講句what the fxxk??之外,冇第二句想講= =……點知好消息係……佢之後講多句……但係會有番張總表,係你係學校既總成績單……哇……好彩….冇左個張都仲有e張= =……記住我回憶番上年放榜個陣,我見收我地學生既時候,都會有張唔知咩成績表= ="……..原來就係e張….今次算係….咁啦= =…..希望快d搵得番張野….

  各位兄弟們……ive個面已經開始接受報科……你地報左d咩科,講黎聽下,我有冇興趣= =’……最好唔好去太遠…一諗起…….如果我要去"團"門個面讀…….痴線= =’…….每日番一次學,車費都好金下-.-…..跟住又要成個幾鐘…..最好近d啦= =’,車費問題,唔知大家有冇考慮到呢??…..講下你地想去咩科先啦@0@??

  昨晚聽電台…..又係聽到我狂笑= =……原因係……估唔到e個世界有咁多廢人= =……真係廢人中既廢人中既廢人中既廢人= =…….痴線……點會有d男仔咁ga??要個老婆做野,幫佢還債…..仲要周圍借錢…..跟住又唔俾心機做野….仲要成日去賭錢….賭幾十牌都算,賭成幾萬蚊…….真係痴鬼線,仲要…..打老婆…..哇..e d真係冇得頂既行為…..仲要個女既供樓…..個男仔有工番既時候,又成日遲到俾人炒左,完全冇上進心…….搞到現在冇野做…….又累埋個女冇野做…..最衰格既係….仲要出去玩女人= =……搵第二個…..跟住仲要去花天酒地…….

  我想講…….e個唔係人= =……真係好廢……咩人黎ga….最搞笑係忍左九年….哇….冇得頂啊…..可以忍咁耐,俾著我,一個月都頂唔順…..都係個句=.=’,好彩暫時都未識一個衰到咁既人= =……你地千萬唔好做e d廢人……真係廢得好緊要….鬧都鬧掛你….

  會考…..好緊張啊…..又好大壓力…每次諗起都驚驚地= =……但係每次都會令到你諗起…….唔係電視講,就係周圍講,就算冇人講,你個心都會提你…….

  勸導一d中四既朋友啦…..好快ga o者@@……..真係好快……你見我日記都唔係打左好多野o者ma……我日記9月2號,岩岩開學,開到會考個陣……..有幾耐??中五實際黎講,唔係一年…….係半年…..你地仲有半年既學校生活……好快o者,好快完…..唔好輕易放棄自己@@…..加油啦…..知唔知啊,想hea埋佢既啊J……知唔知啊有心無力既明心…….

  後日…….電視上面…….又會出現……一個幾好既畫面= =……年年都會睇到…..影住一d同學係度喊……跟住又影住一d同學係度狂笑興奮…….好大對比-.-…..年年都係…..今年我相信都係

  你地知唔知點解d電視台,唔會黎我地學校彩訪……..因為我地學校既學生表情太少=.=……哈哈……我相信喊既都唔會好多= =……我相信笑既都係唔會好多…..因為冇咩表情,就唔夠吸引同對比…….所以一定無電視台黎我地學校= =,哈哈……

P.S 1:今日心情:D

P.S 2:距離拎會考成績最後……..兩日……已經係超緊張既時期

P.S 3:唔係嚇你= =…..中四既同學….時日無多了…..要俾心機就快啦<<用好低沈既聲讀出

P.S 4:到底你地IVE報左咩科啊@0@…….快D同我講啊….

P.S 5:聽人講BBA個D科入U既比率低D=.=’因為BBA太多人讀同埋好高要求= =’

P.S 6:IVE入U比率有五成@@??都幾高WO……起碼高過學校先-.-哈哈

P.S 7:各位老友…..兩日後見……唔好喊啊@0@…..考得唔好,最好玩番晚就開心哂GA LA