開始唔知自己係點…..我今日成日都唔知做咩…..總係心不在焉…..不斷係度唔度諗緊咩…..我係唔係應該唔好放咁多感情落去呢??…….因為….好似…..已經唔係我想咁快樂既事了…….唉…..到底你同我既關係到底係點??

  今日唔上maths…..起身都未番學,又訓過……到左8點半先起身,去上中文….中文堂…..不錯…..係度玩小組討論……我地個組討論得最激烈,miss俾最高分- -“‘激烈到真係想隻秋個隻….之後討論第二個題目,要有正反雙方,我地專登坐一個vs陣- -“…….正既一面,反既一面咁坐……笑死,依然好似係度鬧交咁= =’但係分數卻意外地高

  今日好多人都見到…….= =’……好多人都講"e…..你有咩咩咩wo……兩邊都有wo"……-.-“仲話我咩唔乖啊之類= =’,冇ga….冇ga….唔洗咁緊張……今日英文啊sir冇番一粒鐘,因為要去開會…….早一個鐘去食lunch,之後…..又打牌…..今日隱守第二@0@…..有錢收……十幾蚊,哈哈……我打咁耐牌最爽既一次…….炒三家仲要有個三炒…….炒兩個12隻,一個13隻…….好鬼爽啊……張康霖今日三炒左兩次13隻- -‘……破哂紀錄

  打到連maths都廢事上…..所以…..今日有3粒鐘既maths堂我係冇上過ga,哈哈……叫紫,同埋paco個d幫我地點名= =’…..

  英文堂……好呆…..成個英文堂我都心不在焉…..係度諗第d野……我都唔知自己諗咩,諗咁多都無意思,冇必要諗…..啊sir問我野,都唔知佢問咩= =’….哈哈……大致上今日都知佢講過reading既野….唉…..唔知自己想點….

  明心叫我拎本會考答案俾佢= =’…….番緊學中……係今日最忙既星期一之中,佢居然咁叫-.-‘……哈哈…..跟住番屋企,去石塘咀自修室俾佢…..wei…..不錯…..溫得很好….冇咩點講野,俾完就閃人…..

P.S 1:05年既今日……福音主日…..要唱歌- -…..冇錯,當年既唱個陣就係得我一個男仔-.-‘,彭,稀,明心+埋我= =’…..唱完之後,KK仲話我唱得好=.=’…..無奈…..之後去聖安多尼堂…..想見之前個班人….當年既今日…..西環有個叫咩耶穌出巡,係聖安多尼堂搞……估唔到咁快就一年……..我亦都萬萬估唔到,個陣既一個月後…….居然俾我識到啊姚…..帶上拉一段同佢地有機會接觸既路……..

P.S 2:唔知……我真係唔知,現在既關係叫做咩……

P.S 3:死火…..回條又唔記得交……本來都記得,一放學就冇左件事- -“‘

P.S 4:聽日……唔想番學….唉…..

P.S 5:今晚…….我獨個兒出去吹風了……..

我實實在在講…….我實在很懷念以下的日子………

告別足球場…….

好鬼迫- -…….

仲要成班一齊去唱K-.-…..每次睇e張相好搞笑…..成班著住同一件三係度唱K,成二十幾三十人- –

63室既最後一張遺照……..

中四個年好興斬頭片= =’……所以d kai子就…..

  to:各位5D既巴打:讀緊中六既……俾心機啦….al一定係比ce難好多好多…..重讀中五既,今日已經11月中,距離會考唔係好多日O者>"<“",今年係早左會考…….讀緊IVE既,都係啦…..讀IVE係輕鬆少少,但係都唔係話咩都唔洗做,讀IVE要PASS唔難,但要高分就難……讀毅進既,俾心機,讀完之後有個5E再睇下可唔可以升到第D路@@+…去左海外升學,係難適應,但係我相信你得GA,NOEL……去左番工既,就真係要唔怕蝕抵,番工搵番D經驗都係一件好事

  番IVE唔係唔好,不過有D地方幾懷念,諗下PE堂,是但一拎住個足球就大叫開波啦……好過引,現在我個班,都冇五個以上係中意踢下波打下波= =’…..不過番IVE就真係要好有自律….唔會好似中學咁迫你做野,D老師唔係咁熟……我同人講……我之前讀香工個陣…..D啊SIR同我地一齊踢波GA WO…

  昨晚…..靚女搵我…..依然唔開心…..唉…..睇到佢咁….有時真係唔知點…….好…..你做左我好多我好耐冇做亦都從來冇做既野= =’…….走…..個陣……我係街度……聽到有人叫我…..我望一望先知……原來係吳瑋…..哈哈…..企條街講兩句就走…..

  三點訓……估唔到我今日好早起身又好鬼精神= =’……八點幾已經起身,訓唔番咁…….都好,今日我做招待,係要早D番去-.-‘….番到去…..聽野…..可愛既小朋友們叫啊姚做爸爸@0@…汁埋野,食埋野……閃人

  估唔到靚女搵我…..唉…..講真,真係有D心UP…..可以點呢??點先令到你開心D,唔好咁灰呢……??真係好無助…..好多野真係唔係你想做就做到…….可能…..唔係一朝一夕可以做到……我希望真係可以令你唔好咁灰,唉……我現在只希望多祈求啦….希望令佢有快樂…..縱然之後點都好結果如何都好….我真係好希望你唔好再咁灰暗….好好地生活,咁已經足夠….

  媽媽見到我問左一條問題…….我驚訝死= =…佢一野就睇出…….勁

P.S 1:05年既今日……福音主日之前既一日……派傳單= =’…..痛苦…..當日既晚上…..天氣好凍….我好記得……好凍…..上年既今日係得十幾度= =’今日我仲著短就知我唔覺凍…..俾人搶左手機去SMS,內容係我失戀啊=.=’……冇戀又點失呢= =’……NOEL SEND番黎,安慰我,真係好感動,雖然個陣冇失戀,但係佢咁講,真係好大既鼓舞……但係…..其實…….仲有後話??想知咩事,過多兩日,我番學個陣就知

P.S 2:點解….仲未有凍既感覺??…….我喜歡凍….

P.S 3:真係好擔心你唔想你成日想死…..好想你開心…..但係….我卻冇E個能力…..我現在既心情就好似想阻止一件事,但係卻做唔到…..個種感受好難受…….你喊…..我會為你既喊去喊……因為我愛你啊

咁耐冇玩一百問,玩下先…….想了解我多D就睇睇啦@0@

1.屋企最貴既野係? 冇野值錢-.-‘屋企好窮

2.屋企幾多房幾多廳? 二房一廳

3.有photo album嗎? 點會冇,不過e幾年就冇咩相

4.你屋企望出去是甚麼風景? 全部都係樓= =’

5.你家中既門係咩色? 啡色黎,好似木色個種

6.對兄弟姊妹嚴厲嗎? 我都冇,點知,不過我諗唔會掛

7.會對屋企人發脾氣嗎? 極少LOW= =’

8.如果不開心,會半夜三更打電話到朋友訴苦嗎? 唔會,訓左先算= =

9.你現在聽緊甚麼歌? 冇聽,入緊歌

10.你現在穿著甚麼衣服? 底"三"一件,X衣通一條

11.最中意邊個香港歌手?! 冇特別話最中意-.-‘

12.最中意邊個日本歌手?! 同上
13.最中意邊個臺灣歌手?! 同上
14.最中意做D咩?! 就係無野做- –
15.最中意邊個?! 你估下…..哈哈@0@….
16.最中意同邊個玩?! 冇話GA,個個都差唔多

17.最中意咩歌?! 咁鬼多= =,點答
18.最愛既人係邊個?! 你估下先@0@,呵呵……想知咪問我LOW

19.最掛住既人係邊個?! =.="靚女掛….平時佢E個時間陪我= =’今日佢有fd生日,特別唔慣

20.最心愛既野係咩?! 生命….

21.最關心既係邊個?! 下=.=…..咁又冇定ga,咩人有事我都會ga= =’

22.最DOWN既時候係幾時?! – -時時….唉…..
23.最中意咩通訊工具?! 月亮,老馮話用月亮黎send msg,勁搞野
24.最中意邊個異性朋友(唔可以係拖友)?! 唔知wo=.="‘…..最中意既女性朋友,搵個男性都難,女性就更難

25.最錫既人係邊個?! 最錫我最中意既>"<+

26.最冇辦法接受到既野係咩?! 世界得番我一個
27.最好笑既朋友係邊個?! 許嘉偉先生……太掛住你d冷gag…..

28.最肥既朋友係邊個?! 阿明….- -好大件….

29.最令你開心既人係邊個?! 當然係之前5D既兄弟@@+
30.最講得心事既係邊個?! 嗯….好難答你,純粹係睇我想唔想講咁解

31.最中意TVB邊個男演員?!冇特別喜好wo- -‘

32.最中意TWINS邊首歌?! 下=.=……好少聽佢地

33.最想邊個做你爸爸?! 齊生……算係咁啦

34.最想試下同邊個拍拖?! 最想同你low,唔洗望啦係你啦,哈哈……

35.最怕係街度撞到邊個?! 冇咩人唔撞得,呵呵

36.最想知佢諗乜既人係邊個?! ai= ="…..冇話特定ga

37.最唔想發生既野係咩?! 灰暗…….

38.最易令你觸電既異性係點既?! 咁勁??我未試過識第一日就中意人wo= =’

39.最冇能力做到既野係咩?! 停止時間

40.最中意邊隊組合?! 唔知

41.最中意邊個網友?! timtam,超爆咀,又勁串嘴,同你吹水真係好笑

42.最矮既朋友係邊個?! 下=.=…好似係啊B= ="…..

43.最高既朋友係邊個?! 許生….同高佬= =’….
44.最中意FIONA邊首歌?! 下??

45.最靚既朋友係邊個?! 你地講啦- -‘….我唔知啊,哈哈……

46.最中意咩電器牌子?! 冇特別喜好

47.最黑你憎既歌手係邊個?! 點知=.=

48.最好聽既合唱歌係咩?! 無研究=.=

49.最好聽既失戀歌係咩?! 唔好問我= =’

50.最鐘意邊張相? 祼照啦緊係,哈哈…..講笑,風景相我最中意

51.你中文名好唔好聽? 好聽到爆啦,哈哈

52.你英文名係邊個同你改? 啊比=.=用左好耐

53.你呢個電話號碼用左幾耐? 用左兩,三年

54.你想唔想轉電話號碼? 廢事= =
55.你用緊咩電話繩?冇=.="‘之前有條,俾人整甩左- -‘

56你留唔留指甲? 唔中意留= =男仔留黎做咩

57你鍾唔鍾意自己個髮型? 七到爆啦,哈哈…..

58.你而家戴緊咩飾物? 而家就冇,最近慣打,介指同頸練….

59.你有冇化妝? 你會唔會化妝? 冇,亦都唔會= =男人洗化咩,化左同冇化都係咁=.=

60.你有冇近視? 有冇戴眼鏡? 有近視,有眼鏡

61.你出街有d咩一定要帶? 錢,鎖匙,手機

62.你最近買左咩係用得最多錢? 冇野買

63.岩岩對上食左咩? 打邊爐@0@

64.岩岩打比邊個? 靚女= =’

65.岩岩對上接邊個電話? 啊紫,講番條橋點整….

66.岩岩send sms比邊個? 下…..= =彭彭low

67.岩岩收邊個sms? 彭彭low=.=’

68.岩岩聽首咩歌? kary—座右銘…

69.岩岩對上搭咩車番屋企? 5B巴士…..中環番屋企
70.岩岩對上一次邊個上過你屋企? 哇……好少人上過我屋企,唔記得

71岩岩對上一次發脾氣係因為邊個? e d廢事講啦= =’

72.發脾氣係因為咩事? 唔講啦= =’

73.出門口要準備幾耐? 快就5-10分鐘…..慢就40分鐘

74.附近多唔多地方行: 西環唔多啦= =’

75.用乜野銀包: 唔記得叫咩- -‘我覺幾靚

76.用乜野ＭＰ3: 冇咩點用

77.有冇染髮: 冇……但想染

78.最唔鍾意食乜野: 好腥味既野

79.最唔鍾意飲乜野: 苦= =’

80.最想收到乜野禮物: 冇ga,有心就得啦,唔洗貴野

81.劉浩龍/周國賢: 兩個都ok wo..好難選擇= =’…..

82.薛凱淇/梁洛施: = =都係唔知選邊個

83.古巨基/許志安: 基仔好dd= =’

84.容祖兒/楊千嬅: 千華啦= =’

85.數三個靚仔明星: 八兩金,八兩金同埋八兩金

86.數三個靚女明星: 夏威衣,夏威衣同埋夏威衣

87.鍾唔鍾意大長今: ok啦,七成中意

88.鍾唔鍾意閩大人: 幾好@@……

89.國語叻唔叻: ok啦,識聽….識講…..
90.識唔識照顧細路: 唔多識= =’

91.邊個好朋友識得最耐,幾耐: 唔知= ="
92.有冇唔係識左好耐既好朋友，邊個，幾耐:唔係識左好耐都問= =??

93.有冇係網上遇返失散既舊同學: 冇=.=好難中low

94.有冇係網上ＦＤ到同校但唔識既人: 有一個咁大把…..今年5D@@,我d師弟不過我知佢係邊個

95.鍾唔鍾意聽收音機: 最近冇咩聽,之前幾個月成日聽

96.鍾唔鍾意上網: 都幾啦
97.e一百問係copy邊個: 是但係網上copy
98.宜家諗緊邊個: = =’成日問e個,都話靚女low=.=’佢閃左去玩,今晚冇佢陪啊啊啊>"<“"

99.自選問題: 你係唔係男仔=.=??我係=.=我太無聊

100.現在的時間是: 晚上10點30分

  岩岩睇番上年既今日…….我都係唔開心……好似…..好似…….我已經整整一年多活在一個不快樂的日子之中…..我之前都講過……今年…..我過得一d都唔開心……e個係真……今年唔開心….數算最近幾年……02年,煩既野多….開心同唔開心參半….03年,有一段日子幾低落,其他都過得很好…….04年過得很快樂……05年…..上半年還很好….下半年就漸入灰境…….06年…..成年都冇真真正正好開心過一段日子……今日已經11月中…..06年快過去……唉……為咩??….到底為咩??

  生存有咩意義??…..最近好多人都有e個問題…..到底有咩意義??…..如果你現在既生活係冇一個人生目標既話…..的確係冇意義…..你既人生就係……食,工作/番學,訓,玩…..等等….一句好重要既說話"一個有意義既人生就係活出一個意義"…….你自己去諗一個你e一句人既目標,去行….有人既人生意義就係搵錢,搵錢同埋搵錢……咁你到底係咩??一個點既人生意義先係重要……

  如果有個男仔走埋黎問我"做個好男仔好定壞男仔好??"…..我二話不說就會講做個壞既好…..我唔係第一次係度講…..做好男仔就係冇咩用ga= ="……對人好真係冇用……講真= =’,你做個壞既好啦….去玩下,去中意點就點…..做好男仔,冇用….真係一d用都冇= =’,比較好聽少少就係有人講你好人,其他真係一d用都冇=.=’……..再係度呼籲各位男仔…..你有得選擇做好男仔定壞男仔既話,你可去做壞啦,做好真係冇用…….我冇得選擇…..冇辦法…..唉…..有既話我都做壞…..

  有人問我覺得啊紫點…..拿….唔係咩野….講真,佢真係一個好女仔黎,真係,佢男友就正啦,咁都搵到,佢係我識咁多女性之中……算係最好既頭三甲ga la……你要我講佢係性格上既缺點,我真係諗唔到= =’…….真係搵唔到d咩野去指責佢=.=’…..好勤力low佢,佢唔係番工就係溫書….我覺得佢可能會考唔係太好,但係佢係俾心機,佢已經係得左,就算唔係高分,總比起冇付出就高分既,佢叻好多……有d咩事,佢都會幫手…..真係..冇野好講….佢對個d細佬又好= =’……仲要個樣又唔係差,我覺得都算幾好….係就係太太太細粒少少…..大佬啊…..咁既女仔,香港地極少有ga la……根據我多年黎既經驗,係極少ga la,咁都有仔要@0@’,兄弟,你有福啊……真係好野黎….錫住佢啦知唔知@@,唔係我對你唔客氣

  根據我咁耐既經驗…..同埋我認識既咁多女性之中…..好女仔,冇幾多個ga= =’…..普通既,就即係好普通既女仔,有少少任性咁個d…..都開始慢慢少緊……個d恐怖既女仔,就開始多少少….點恐怖??又打你啊,又蠻不講理=.=’…..真係…..唉= =’…..

  .今日……行馬灣……好似行街= =……..坐船,感覺不錯……原來坐船係咁好訓= =’…..訓著哂咁….訓著都唔知…..到左就行行行…….見識下馬灣係點…….我咁大個仔都未去過……似鄉村地方吧……唱歌…..傳道居然要我獨唱-.-‘……真係玩我咩??…..最後…..番去係船度訓左….起身個陣大咀拍我先識起身= =’佢唔拍我可能仲訓緊…..好累…..

  今天既晚上…..特別凍….聖誕節又黎…..我討厭聖誕節….因為…..係咁凍既日子….我會覺得我自己更傷感…..今年既聖誕節格外凍…..亦即係今年我特別傷感了…….

P.S 1:頭….有D唔舒服….

P.S 2:昨日英文堂好搞笑……..啊SIR話星期一有一堂番唔到,KELVIN一下爆左句"YEAH~~~~~~"跟住啊SIR黑哂口面講,用英文咁講"你唔中意上我堂??….."…."即係你憎我….."笑死左….

P.S 3:中文堂小組討論……討論到好似打架咁……六個人組…..係咁傾,傾到企哂起身= =’想隻秋,傾應唔應該著多過四CM既鞋,佢地都可以吹到去打飛機,食屎既關係上面,無言死……MISS都叫我地唔好咁激動……笑死左我

P.S 4:當年今日,講番昨日先= =’…..05年既11月17號早會宣佈….5D既模範學生係細佬= =’驚訝死哂,因為成班都唔想出面所以寫佢-.-‘…….啊B俾人搞…..小息個陣,班友睇AV睇上腦=.="好彩學校冇女….全仔,係度搞小B= =’,小B灰到想喊…..放學之後DT要加時做工件= =’…..睇自己班係度打波,5D對5B,最後WIN幾分,啊源好波@0@~~~~~~~~

P.S 5:當年今日,05年既11月18號……梁SIR走入黎同曾SIR講……我地5D班下星期五要為畢業禮唱歌咁話WO-.-‘….第一次上中文堂釣魚……太眼訓啦….石媽媽同我有眼神接觸= =’好似想叫我唔好訓

P.S 6:有人……愛我嗎??…..

  老實講……今日我既心情係好差……原來諗住今晚搵靚女吹下水……..點知佢佳人有約…..- -最後半粒鐘都唔知有冇…….算啦=.="‘…..

  講一件今日發生既真事…..今日我晚上七點幾出門口個陣,見到一隻狗….係我樓下…..當我今晚12點幾番黎個陣,隻狗依然都係樓下…..管理員係咁拍d門,想隻狗走……本來我之前諗住有人養,但當我12點幾番黎個陣仲見佢係度…..我就知……隻狗俾人遺棄了……而且係e層樓既人…..我不斷望住佢….佢好慘….佢好想入黎,佢好想搵番個主人…….佢好想搵個錫佢既人……然而…..冇人會錫佢…..冇人會要佢…..e隻狗…..就同我一樣…….

  今日有個同學同我傾開我既感情生活……..哈哈……佢講左一句我都唔知岩定錯既說話"咁係你唔要o者ma…..你唔好估自己會有太多選擇….."….的確係……我冇選擇既權利…..我亦都冇中意人既資格…..係岩ga,的確係岩…..我根本就唔應該去考慮咁多…..應該咁講,如果有人要我,收留我,我就應該馬上黎應…….就好似隻狗咁…….我應該馬上答應,唔係係度等….等咩??…..哈哈…….真正中意我的嗎??恐怕…..這世都不會有了…….

  戴住個假面具做人……..真係好煩……有時想講……有時我有心情就可能會同人講…..有時我冇心情,我就唔會同人講…..哈哈……做人做到咁又何必呢??……我同隻狗一樣…..不低冇人收留,仲要受到管理員既趕走……我亦會受到人既厭棄,e個係一個必定會實現既現實….我可以點??明知結果係咁….但又點??

  真係= =…..唉…..唔洗懷疑咁多…..我真係想澄清番先啦下…..真係咁多人誤會又誤會= =’….本來都唔想講咁多人地d野-.-‘,不過……唉….真係…..廢事你地誤會啦…..啊紫呢,係有男友ga=.=’…..真係ga….我同佢真係普通到唔普通既同學…….至於靚女,佢都有少少中意既對象ga la= =’…..真係….所以….咁講….暫時兩個都係冇可能住ga la= =’……咁講會唔會岩聽d,哈哈……

  我唔會對一d有男友or中意左第二個男仔既女仔特別去睇住……原因,真係唔想做一d不必要既誤會,而且我都唔應該咁做,就算對方我真係中意,但係佢有男友or中意既男仔,咁都冇計,盡量唔理咁多ga la…..我將個責任係交番俾佢男友,同佢地既關係係普通到唔普通既朋友………

  例子:明心未同啊姚一齊之前,我好多時都會晚上搵下佢吹水ga……真係= =’……所以之前估我同佢有野,但係佢同啊姚一齊左之後….我真係極少打俾佢-.-“……因為廢事煩啦,佢男友會錫住佢ga = =’我諗,我…..係一個避免一d不必要既男女關係中間既人…..為左咁…..佢地都係我朋友……不過唔會咁埋low…..即係,我都會當你係朋友,不過唔會玩得好痴身…..e個係真…..因為….你已有男友or你中意既人…..

  今日……番學…….都係咁…….唉…..

P.S 1:唔該啊展幫我留位>"<,唔該哂你

P.S 2:我既心情……今日基本上係0

  好累…..今日起身….七點…..跟住都仲有d眼訓- -‘見今日第一堂係maths…..再訓多半粒鐘=.=’…..好似好唔俾面個啊sir= =’……其實我已經算好ga la,有d成10點先番,10點半落堂-.-‘…..個d分明係番黎點個名就走= =’…..今日著…..格仔恤三+件大樓…..凍…..

  今朝個胃好痛……唔知係咪冇食野定咩….."那"住個胃= =….想嘔咁,又辛苦……直到上maths後期先好番d

  上maths堂…..報紙入面有個冷知識,叫賭博既害處,我專登唔扔張報紙,拎番去,俾張康霖同埋橋個d睇-.-‘e d賭徒黎ga…….e堂maths教三角….sin.cos..tan…我記得我A.maths之前仲好似有另外三隻-,-“唔記得哂啦……….我d A.maths還哂俾大家姐miss鄭啦>"<“….死火,開始連d maths既野都唔多記得……番左ive咁耐,我d maths全部都係靠之前中四五個陣d底=.=’…..因為上左咁耐maths好似都未真真正正寫過筆記= =’

  上完之後上英文堂……最後一半鐘…..係speaking 1之前…….最後既一粒鐘……拿拿林同紫係度練….速度快左唔少….做得比之前更加流暢…..上417A……令我更加緊張>"<“…..我真係好驚炒low=.="….因為聽人講好難wo…..

  班長哥,今日特別多人笑= =’….緊係啦…..我都想笑…..今朝maths堂見到佢已經唔對路-.-‘,點解??佢著紅色恤三,仲要著埋老西….仲打埋呔…..仲要著條唔知咩褲= =’……條褲好唔掂= =’,同佢件三唔"親"…..好怪= =’…..最頂唔順係佢整d三落去條褲度,整得超整齊,冇d三角會飛出黎…….我之前番中學都冇佢咁整齊=.=’…….我之前,後面d三飛哂出黎- -‘,前面就整好d……好野…….班長哥好野……..佢話今日咁著專登為左speaking,笑死左-.-“‘,speaking,冇人會睇你個樣ga>"<“"

  唔知係咪啊紫,太緊張=.=’……佢居然講佢係student A= =’……我先係…..所以最後成班等我地兩個搞掂埋先開始得=.=’好無奈……我心諗"死啦…..紫佢咁緊張,一陣點搞=.='"…..好彩之後,佢既表現都係陣定,我見張野…..哇……個公司名,好Q難讀wo,但係我記得我之前有讀過= =’….d內容唔係好難…..做完仲有十秒……..part B…..又係個公司名難到痴線……但係啊紫今次做caller入面既內容都有好多生字,都幾難,搞到我有時唔知佢讀咩,只係跟番佢讀咩音,我照讀番咩音= =

  做完……鬆一口氣….下次既基準試係一月又有兩份……reading 1同埋writting 1…..希望成功啦….今次e份……應該都合格掛……

  最搞笑依然都係Leo同班長仔= =…….Leo講左句"等多陣先……"……真係…..都唔知笑好,定係安慰下班長好= =’…..班長真係灰爆…..個陣,班長係度講緊d msg內容……點知Leo爆左句"等多陣先….."…..班長仔冇哂野好講= =’……肥就肥硬ga la= =’……如無意外,speaking最大忌係咩??就係up中文=.=

  食飯…..食完飯打康樂棋….打左兩場,一勝一負…本來唔應該輸ga= =’…..我知咩叫反敗為勝…….本來win緊人地成十幾粒…….跟住俾佢狂入十粒,=.=’…….真係冇哂野講…….之後,同kelvin,細雄個d去圖書館開會……講番份報告…..下星期二又要開……下星期要成組都出席=.=’…….咁快已經有功課要我做,要我寫目標= =’

  上學習技巧,一堂玩既堂= =……最搞笑就係,今日miss問我"齊超…….你仲未交回條wo,已經遲左好耐啦"…..我"miss= =’…..唔好意思啊….我有帶番張野番黎ga"……miss又講啦"咁你簽左名未??"……我"ok,現在簽……"…….miss就好無奈咁講"你好似未夠18歲wo"……我"有咩所謂,仲要幾個月就18歲ga la@@",跟住miss又講"唔得ga…..一定要俾屋企人簽"……我"唔係啊化……..miss…….我中四到中五d回條,全部都係我簽ga wo= =……."…..因為e句,miss冇哂野講……咁係啊ma= =’我真係中四五,95%回條都係我自己簽-.-“

  因為下星期三要去日營……成班都要去咁話= =……我咩都未搞掂,今日去中環搞搞佢同埋拎埋張八達通,告別散紙既日子啦……哈哈…….之後靚女係咁叫我去陪佢=.="…..最後就去陪佢啦…….

  又帶我去公園= =’…….點解…..住西環既朋友….特別係女仔=.=""咁鬼中意去果個公園= =’……聖心look….哈哈…….吹下水…..玩十五二十…..靚女狂輸@0@…….我真係覺得我現在玩十五二十勁左好多….同好多人玩我都好有信心……除左啊B同埋橋= =’……特別係啊B,好快= ="‘……我唔會忘記你今日狂輸,only唔小心俾你win一場既紀錄,哈哈……..

  坐到七點半…..走佬= =原來佢住個度,又幾近WO= ="我屋企去你屋企都唔洗十分鐘= =’….又中意了我把聲….哈哈…..唔通…..唔通….DJ真係有得做@0@??…..好似幾好做咁wo= =是但up下野就有錢洗……幾好啊……今日見你幾開心咁……希望你可以KEEP住啦…..唔係既話,靚女就唔會再叫靚女GA LA,哈哈…….

P.S 1:當年今日,05年既今日….我測CHEM…..得14/25= =’….NOEL好Q勁- -24/25…..放學仲要測PHY= =’….之後….番屋企坐電梯發生一件勁有趣既事,有個細路仔係咁望我既校章,跟住仲要勁串咁講,香港仔工業……真係勁想打佢-.-“……好串啊個細路

P.S 2:今個星期六行馬灣……@@…..下星期三日營

P.S 3:星期五…….快樂快樂…….放一點半>"<+

P.S 4:朱古力又有新花名,叫高秀萍……點解??因為佢又高….又廋…..同埋又平low= =+,咩平??你話女仔有咩平啦,哈哈……..我真係覺得朱古力係我班入面,係一個好活潑既一個女同學

又放相@@

高佬居然係上普通話同中文個陣係度睇報紙@0@……..

四樓望過去圖書館既天台……圖書館既天台要係教學樓先行到過去= =

由四樓望落去既地方@@…..圖書館對出既地方…..

我張畫圖台,真係好鬼好用ga- -+,張台好有用啊…….之前中學用塊板同T尺,e張台…..真係專業好多

上堂畫圖既情況@0@………

  今日出門口…..天氣很好……坐完地鐵出緊去個陣,我仲拎住部手機係度sms緊……點知就有人叫"齊超~~~~~"…….成八個同學仔企哂係度- -唔知做咩野,先做原來落緊大雨……如果唔係真係俾雨淋到先知原來有雨落= =’

  跟住勁多人係度等校車……我番ive咁耐…….都未試過係度坐校車番學-.-“……一角七,真係好厄錢low- -‘不過冇計,鬼叫我地冇拎傘…..等到個天都好哂-.-‘……但因為我地唔想咁快番去,所以都係等- -‘,hea左成半個鐘先番到去-.-‘…..我都覺得自己有d衰格= =’

  番到去畫啊畫……..畫緊"鬼""積"…..中三痛苦回憶……杜sir成日叫我重畫既圖- -‘…..好煩…..仲要成班都冇蛇尺雲板個d…..睇下香工既威力@0@……徒手繪圖…….結果……都仲可以= =+,正啊…..畫到悶悶地…..去補中文……都唔係補ga= =’,上下網打下機咁就過日子…..之後食飯??….e……點解食飯??唔係放學咩??….因為我俾紫捉去操speaking= =’…….

  食飯……幾個麻甩佬係度…..點解你唔走ga??…..俾人捉去練啊…..點解你又唔走??我都係俾人捉去練= =……..原來……橋佢講佢俾馬樂欣捉去練=.="係度講"唉….我唔走得啊,要練speaking"………二師兄就講"我俾candy叫去練speaking……"又問我……我咪又係俾紫捉去練= =’….."……..三個都係俾d女捉哂去練speaking,冇得放學= =’…..不爽…..反而湖就俾jeason大師兄捉去練@0@…..

  勁多人係繪圖室度畫圖…….因為好多人都未做好,紫都係….我都當然係= =’,所以冇咁快練speaking……所以齊齊先做繪圖功課先…..但係我做完佢都未做完….係e個咁悶既時間,有咩好做??就緊係打牌啦…..搵番d豬朋狗友係度打牌-.-“….大dee…..四條~~~煙king花~~~~….= =’熟到無倫,皆因成日打

  之後去練啦….頂- -…..d人真係勁麻煩-.-……係咁講= =’…..去練speaking, ok= =??…..冇做第d野…..吹漲=.=’…..真係去練speaking,都咁鬼多非聞,我同個男既一組,係咪傳我地搞基-.-“……圖書館爆哂….冇位- -諗住上繪圖室算- -‘…..去到就講我咁快搞完黎??…..我真係冇哂野講=.=’….之後去左3樓既英文教學室度練….話說e間野就西利啦…….好多學英文既野….英文故事書,咩書,連ce,al個d都有,仲有好多英文影片,練英文既軟件…….總之你up得出可以練到英文既野,e 度都有…….

  練就練左…….時間大既係2分48秒到3分08秒之間……因為考試得3分鐘,所以盡可能係3分鐘之內完成……紫仲要係唔食飯,又冇早午餐……叫佢去食,佢居然講唔餓-.-‘…..唔怪得你咁鬼細粒啦…..= ="‘….真係好細粒…..同啊比差唔多啦@0@…..練…..完之後…..番番落去畫圖室….

  收到一個不利好既消息……speaking 1……好似好多生字>"<“"….好多未見過既生字咁……今次大碌啦……要併音咁話wo= =’…..都話冇咁著數啦…….上次listening咁鬼易…..speaking e份一定難番d= =’..之前仲諗住2B tim…..今次但求2C算啦-.-..

  SPEAKING 1係咁考……有分part A同part B…..我做student A….紫係做student B….通常part A,student A都係會做caller….student B會做聽電話果個……..跟住part B就調番轉…..做caller果個,要留msg,要留個人資料,同埋一d內容….d內容係要你整到一d句子同問題出黎,跟住個聽電話果個要confirm番你講個d野,但一定要抄得快同埋講得快,因為三分鐘入面都要講幾多野= =",唔係就唔夠時間…..三分鐘之內要做哂……..聽電話果個唔知你既內容,你同你拍擋會有野檔住睇唔到對方,所以幫唔到大家……但如果你唔識聽個d字,是但好快咁講…….你個拍擋又confirm唔到,咁又係等死…….所以佢個考試設計係好屈機…….真係考你英文係咩料= =’

  番到黎d傻仔就講….."超哥…..搞完啦….."…..= =真係冇哂野好講……紫仲係唔明咩意思之前……我就拿拿林講"喂喂喂……有牌,快d打牌先啦,唔好講咁多@@"…..之後就打牌= =’….真係麻煩…又話咩"今日著到咁靚仔,又恤三,又西裝"樓"又gel哂頭,"咁靚仔"…係咪同約左邊d女去街啊??"…..我"當然唔係啦,平時都係咁上下"….冇錯….今日我都算著到幾整齊啦叫做-.-‘…..個個都講,今日著到咁靚仔做咩??…其實真係冇做咩- -純粹冇野做著下咁解

  之後放學…..哇…..又係落得好大雨…..又要著校車去地鐵站…..跟住坐地鐵番去…..今日先知紫原來真正番既係咩工…….之前我仲諗住佢係做neway個d…點知…..係…..哈哈….真係估唔到= =’完全估唔到,佢咁既樣係做e d野= =’……唔係d咩唔正經既野=.=’+

P.S 1:當年今日:05年既今日…..今日測A.maths……哈哈….測A.maths之前幾日係最忙,因為個個都溫書

P.S 2:今朝你SMS同我講既野……真係令到我好灰-.-‘……唉…..我真係…..唉…..算啦

P.S 3:聽日有得拎八達通啦- -告別散紙既生活

P.S 4:聽日SPEAKING…..一定要成功…..唔係我同紫就一齊死-.-“搞咁耐

P.S 5:聽日…..應該要開會……關於黎緊既報告……

  e個世界…好多人都不斷做緊一d後悔既事…..有時…..有時…..真係唔應該講太多……正如,你未俾火燒過,你係唔會知道原來俾火燒係咁痛……咁你下次就唔會再行埋火到……但係…..有d野….後悔已經太遲…世界既人啊……點解你們往往都喜歡做一些後悔既事,特別是一些冇得番轉頭的事呢…..

  所以我開始改變一下我既做法…..可能之前會叫人唔好咁,唔好咁…..現在我唔會理咁多……因為人係要真正受過痛苦先會明白……人係犯濺??某程度上….答案係:岩……你地咁做…..不但會賠上自己既身體,時間,金錢,精神……更隨時賠上生命…..我能做…..我可以做既就係咁多….俾意見….唔一定岩…純粹個人睇法….

  遲到啦…..今日好急咁番去- -,岩岩好遲三個字…….第一堂英文…..係度練speaking……正…..唔知幾時開始好中意練speaking…..就算落堂都好想練=.=’…..痴左線….星期四就考啦…..驚唔驚??少少啦-.-“……speaking e d壓力會大d-.-“,反而d唔洗講野個d既壓力就冇咁大…..

  食完飯個兩粒鐘係度打牌– ……..打左成40鋪…….現在番學…..必定會做既事情就係打牌…..唉- -‘…..真係…..打到唔想打-.-‘本來想打下康樂棋….不過康樂棋e d咁康樂既活動佢地都可以用黎賭錢- -,一蚊一隻- -‘最後今日…….輸左-.-‘…..四個入面第三- -“……最搞笑就係今日有鋪炒左兩個39隻牌…..型爆,好彩我出頭牌,唔係我都炒埋- -‘…….

  跟住上產品設計……今日分組要同上一組唔同- -……做第二份報告……經過上次第一份之後….大師兄jeason受到好多會想招攬既對象…..= ="….我e d亦都有本錢轉會-.-+…..四至五個人一組…..新組既人員係@0@

  kelvin(組長),我,細雄,啊紫同埋paco…….係e個推組長個陣….選舉中kelvin有三票@@….我都有兩票low,吹漲= ="….好彩今次唔洗d咩副組長-.-“….做住卒仔先……咩叫最強同最弱係埋一齊今日見到啦,jeason同左Leo一組-.-“……

  組入面有個女仔真係有用好多=.=+……..細心咁多,正…..哈哈….又得閒可以叫佢買下d咖啡上黎飲@@+,當正秘書咁洗…..很好,呵呵……跟住傾左好多野…..很好….e組的確比起之前既好…..今次做既題目係……橋…….諗起中一做過……但係今次係用紙做- -“…..

P.S 1:當年今日…05年既今日…….DT派測驗- -得四十七分=.=’…..宗教堂係度睇片 = =’….MATHS堂派測驗…..28/35……成績還算可以@@+

P.S 2:今日拎住份求職既野黎睇……愈睇就愈想番工- -“…..

P.S 3:痴線GA…….今次E份產品設計既報告….報告個陣起碼要一半英文講- -….份報告有一半字要英文……..英文…英文……英文= =….點都係走唔甩

  先同啊B講聲生日快樂啊…….唔好意思啊,你今日下午先問我去唔去打邊爐,我真係去唔到,如果你早一日同我講就應該去到..唔好意思啊….今個星期六日去打你又唔制= =’……唉……..

  今日發生左一件好樣衰既一件事-.-‘就係唔記得幾點測驗- -‘……..問左人先知係9點半,跟住佢仲講咩,8點半唔洗番- -……本來個陣啊靚女就打緊黎俾我,之後收線,我又訓-.-……e次一訓,訓遲左幾個字,趕住出門口…因為今日測驗-.-“

  今日第二件好樣衰既事,去到考場- -‘,唔知自己坐邊,企左一陣問下啊sir-.-‘….唉…..不過….個個遲到都係咁-.-“‘…..哇…..d題目真係易到呢…….五條MC…..肯定岩四條-.-,好肯定…..四條短題目…..肯定岩哂= =…..最尾個條長問題……唔係我唔識,當我出到去問人解番條問題,發現係好易- -…….點解會唔多識??因為我唔識睇個英文-.-…….痴線,d英文咁鬼死長同多……有d仲要睇唔明- -‘所以唔識做,轉中文,e份肯定拎到80分以上@0@,正爆

  發現我個班有狗仔隊-.-…….今日,李文光同paco,已經係度同我講"齊超…..聽聞你昨日同佢單獨約會wo(指住啊紫)"……我"係溫書,唔係約會=.='"……佢地"係咪啊??……一定有下半場啦…."跟住miss係度望住我地- -‘…….我驚訝…..驚訝既係…..咁快收到風??應該冇人講過出去,點解佢地會知??

  上中文堂…..講咩投訴,= =唉…..真低能的…..咩星州炒米入面有隻小強-.-…..跟住今日去canteen食野個陣,今日有一道飯真係星州炒米,笑死左……..

  上英文堂之前……李文光同paco,係咁同我同啊紫講恭喜- -……我真係冇哂野講……真係同佢冇野low-.-‘……昨日真係溫書o者-.-‘咩都冇做過…..唉…d非聞真係= =’…….去食飯個陣見到我又係咁講= ="‘,拿….講真……暫時我同佢冇意思住-.-“,我同佢係普通到冇得再普通既同學= =’,真係一d深入既野都冇講過ga= =’

  上英文又係up番d speaking 1既野…….up完之後去食飯…….食完飯之後當然又係打牌-.-‘,去到maths堂都仲打緊…….見到louis,最近見佢著得好骨子-.-“…..好有老細feel,打完成個maths堂……我係第二名- -+

  跟住兩粒鐘英文……狂係度講speaking 1……佢同我地既回應part A,話我讀錯一隻字-.-‘唔清楚,其他3冇問題,跟住到part B,今次真係唔可以怪紫,因為佢份野真係有d野幾難讀,係去到最尾個度,我confirm唔到,其他都冇問題……之後吹陣水,放學走佬

P.S 1:當年今日@@,05年既今日……我病左,冇番主日……仲燒到38度-.-…….今日,係岩岩發生無耐個陣….仲記得個陣同啊比嘈…..我冇野搵野講,講真,道理唔係我E邊…..我冇野好講……

P.S 2:利物X輸俾啊仙奴三粒-.-………巴塞好勁啊,細哨好似番黎咁,@@超勁啊……

P.S 3:聽日番十點半…..正……可以訓好D

P.S 4:今個星期四……第二份既英文基準試就黎啦…..希望成功

E 個係邊個??e個咪靚女low@@…..其實係我唔識讀佢個英文名= =’,咁佢中意我咁叫,咁就咁叫啦下@0@……

  靚女@@,大家都係住西環@0@…..好…..咁就聽日開始重新番學…..太好啦,唔洗再做雙失青年……你讀南區最勁既女校……我就讀南區最勁既男校@0@….勁啊呢……聖心 vs 香工……冇得打- -‘哈哈…….你既病…..好快會冇事…..唔好俾自己咁大壓力@@

  點解最近咁多人,不約而同,同我講同一個問題= =……e個問題就係"你係咪拍拖啊??…."…….實在太多啦-.-“….係度澄清下先,我未有女朋友啊= =…..拿…..有,你問我,又唔怕講啊,咁得閒,你叫我點死個俾你- -‘….同埋,你睇下我就知……我e d,成世都唔會有ga la……我e d單身到我死為止-.-“

  d同學就咁…."啊超…你係咪拍拖啊??"…..我"冇啊= =….",佢地"咪扮冇啦….",我"…..= ='"……..屋企人"喂…你係咪拍拖啊,係你咪介紹俾我識low….."我"啊媽啊= =….我冇啊,up堅ga"…..KK<<一個中年人仕三十幾歲都黎同我講…….KK"齊超,最近係咪拍拖啊…."我"冇啊= =….."….KK"唔緊要啦,遲來的春天啊ma"我"(冇哂野好講= =)"…….朋友"你係咪有拍拖啊??",我"- -冇啊…..(講到我有d煩)"…朋友"係咪啊??(好懷疑既態度)……..今日連個陌生人…….都咁問我- -…….我真係冇哂野講

  今日….番教會….累ga- -“…..因為昨晚訓到三點起左身,又訓唔番- -“…..唉……helen冇啦啦番黎@@,嚇死我…..之後…..就要去柴灣圖書館….因為約左啊紫今日去練SPEAKING…..柴灣圖書館…..<<咁大個仔都未去過,問你死未= =’

  因為我太叻@0@,搵到識去…..識摸下柴灣d地型…..原來柴灣圖書館都幾大-.-“…..幾靚…..正當我係度搵啊紫既時候……就有人叫

  “齊超~~~~"…..我望望下邊個先見到佢,因為圖書館唔俾咁大聲,佢地個自修室雖然可以大聲,但d位冇哂,痴線ga真係- -“……現在先11月咁多人係度溫書??…..係度準備今年d CE同AL= =’……好,各位書友仔努力……正當咁既時候,轉戰柴灣既M記-.-…..

  練下又吹下水咁……我真係覺得佢係一個好好既女仔-.-“……講堅……真係好鬼勤力,溫哂d maths,又係度講咩溫書啊個d野- -‘……份人又謙虛wo,講咩會連累我-.-‘唔好咁講…..咁我都好屎- -‘…..講堅,真係好ga- -‘….嗯…..乖女仔@@….很好,第日一定好有成就,行左陣

  係地鐵發生左一件事-,-極度無奈……..正當我買完飛個陣…..居然撞到啊紫既一位之前中學同學都係女黎…….一黎就講,你條仔啊??…..= =’我同佢都係度否認,心諗"啊姐啊= =……你睇我兩個咩都冇做,咁都up得出??"….- -之後,等佢地兩個慢慢吹…..我就行開少少…..跟住條友又行埋黎問我"係咪真係同佢拍拖o者??"我"唔係啊= =…..冇d咁既事….."….心諗"救命啊…….要我講幾多次>"<“"……最後,閃人-.-‘真係頂唔緊

  番屋企…….跟住出街食飯…….

P.S 1:今個星期四就考SPEAKING…….希望可以考好D…..

P.S 2:啊B就黎生日,呵呵……我最可愛既小B

P.S 3:睇番05年既今日……我今日係去派傳單@@……第一次,啊B仲要約我去BBQ,但因為派傳單去唔到- -……上年E個時間……我岩岩病左-.-……..

P.S 4:聽日…..星期一……又係辛苦既一日…..