我之前的一些同學真的對我好…..專登來灣仔找我……其他人有專登黎灣仔找我嗎??….我看不到…..就算你得閒….唔得閒我明白….得閒既…有嗎??….冇……但佢地有….我好開心…..試問我點解唔可以對佢地好??…

  好似昨日的文仔都對我很好……一直幫我找尋岩我既display卡….縱然佢有野做….又幫我搵邊d平d…岩用d…..我真係好多謝你….每個人對我好係邊…..做左咩….有時我唔講….唔表示我唔知….可能我一句好簡單既多謝….但其實我真係好開心既一句多謝…….

  今日…..係教R1同W1….兩個唔關我事….由朝早訓到中午…..累死…..好眼訓……

  下午食完野….又訓…..

  但係啊發打黎搵我low……衰鬼….真係開心…..其實我都好想快d同你地出去ga….冇計啦….上堂= =’….好彩你熟e間ive….估唔到有得做gym…..玩番陣….哈哈……真係好耐冇見….

  之後我地班….成為現在e個eps班入面最嘈個堆-.-“"….我地班果幾件俾miss罰留堂五分鐘咁大把= ="…..無奈….都唔似罰- -‘…仲不知幾開心……我都唔知點解我地係最嘈個堆–“…哈哈….

  休息….休息…上堂訓覺都真係訓唔到…..

   上英文班上到叫哂救命…..之前兩晚Aron問我地上成點…..我就答佢,我地班成為係個度最嘈既份子- -‘……的確…..我地好明顯係最嘈個堆- -‘…..

  今日狂操S3….今日考= =’….類型同上次唔同…..但係真係易左-.-‘….我有信心pass….咁都唔pass就….真係冇計- -….

  不過今日之後….就真係…..好慘….因為黎緊都係上W1同R1….但係兩份我都合格哂….點算啊- -‘….好悶啊= =’…..我見到份野咁易,我有d後悔…..

  好累…..真係好累…..冇一日可以訓得飽…上堂又訓唔到….一落堂就眼訓……唉…..

  十年冇打….原因冇動力….冇計….唔多想打….但係唔表示我過得好沈悶….其實我依然都係日日精彩= =+’

  之前兩日收到要番學……番英文…..唉…..好大獲- -‘….朝九晚五….一粒鐘食飯….仲慘過坐監low….

  但係冇計….基於免得過下年又要讀英文….日日上到六,七點先放學,e個仲嚴重既打擊,我決定係暑假KO佢…..勝算都唔低ga….三份駁一份…..只要有一份合格就得啦

  我係可以take哂八份考,反正係計最高個份,但係我覺得咁反而仲分散時間= =’….本身已經要三日考兩份,咁緊迫既時間點搞啊….另外,反正我都要一份合格,三份中要有一份拎2C,總好比原來五份2C要有兩份拎2B….所以決定- -考三份算啦

  但係真係悶到嘔電…..黎緊星期一就要考SPEAKING 1同3……..

  大部份同學都係黎自柴灣既同胞- -‘…..見到許嘉偉….佢又係個度上堂….真係咀淡先啦…..

  灣仔食野好唔方便….我意思唔係話灣仔好難搵野食,以係我地次次都成十條友一齊出去食,成日都唔夠位,迫埋一堆咁- -‘….

  密集式…..同坐監咁….

  同張康霖,細雄,霍金,高佬,小春,ringo 個d又同一班- -“…

  今日番第二日….吹水既吹水- -‘….訓覺既訓覺….第二日已經叫苦連天就知慘啦….

  今日爆咀事件…EMT系隔離科個學生….個miss鬧佢,佢係度笑…miss就鬧"你好似當我講笑啊"……成班靜哂……..學生A好理直氣壯咁講"我唔係講笑啊"…..當時佢既心情同語氣真係笑爆咀,搞到我都忍唔到口想笑= =

 

  今日番香工……好正好正…..真係好懷念的感覺……正如Noel所講…..e度先係我學校……就算佢係多倫多….我係ive都好…..都唔會好似e度咁

  Noel….唔同左- -‘…都唔係好唔同ga….係個頭電左low….同埋覺得佢高左d- -‘….上車番學校

  一番到去就拎本校刊……區副校話唔好話俾人知…..點知傳到個個都知咁濟- -‘…..勁無奈….

  個個老師都覺得我唔同左樣low- -“……居然有個仲問我叫咩名- -‘…..我話我叫齊超…..佢幾驚訝=.=’….我比佢仲驚訝…..唔係啊化…..跟住佢拎本校刊指住我張相話….e個樣我就一定認得- -‘….

  個個老師都話我瘦左黑左-.-‘…..望番我中五個陣既身體量度表…..我居然比中五輕左三十幾磅- -‘….難怪老師們會咁講…..好多人都咁講…..e個係一個事實-.-‘…..真係輕左三十幾磅….

  先拜訪劉sir……之後再拜訪miss鄭-.-‘…好一個miss鄭….吹左陣水….

  周圍行…..之後去左見石媽媽….再講番今年學校衰左….其實係整體全香港都衰左- -‘…..

  跟住落工場……每次入工場都有陣味…..好正既味道- -‘…由我中一到現在….都有e陣味…..可能係工場獨有既味道,好親切…..

  會見中六既同學仔…個個讀Al都講想死- –

  同啊朱,Noel去左食太宮…..啊朱AL得兩科合格- -‘…..中六既UE,好多人都炒….死得人多….

  好耐冇食太宮…..好懷念…..真係好懷念….

  番屋企…..

  原來我中一入學個年就係余立X正式出任校長- -‘….仲要係第一個非神職人員既校長

XANGA已經更新…過去一個月冇放…唔好意思= =’….你地可以睇番….

    今日番主日…..今日全程好乖仔好留心咁聽….唔係成日都係ga…哈哈….明白明白…..唔應該做奴隸….我諗我都需要諗諗….

  同師母開會之前….師母問左我一個問題…..就係問我"點解我見你最近好似成日都唔開心咁….你係咪有咩事?"….其實….可以話有又可以話冇ga- -‘….

  開會本來就好快傾完….點知愈講愈多野- -“…來來我都好留心….一齊參與….到左後期我就好累….昨晚完全冇訓覺…今朝成朝聽道….勁眼訓….勁累…- -‘

  番去訓覺了….

P.S 1:06年既今日:啊展係日本番黎- -‘….吹我打XANGA….但冇計….同均記兩個麻甩佬整極都整唔好部腦….唉- -‘….都唔知點算….日日係西寶城同陽光打XANGA啊……慘….上年今日既晚上….同教會D大小姐去旺角聽講座….之後就行陣街….晚上又出去- -‘….因為一D野….我好似冇咩點理到佢地…諗諗下….我知咩事…哈哈…..

 

P.S 2:聽日番學….而且會知道最後兩份既成績…..希望兩份合格…但我諗都有一份合格ga

P.S 3:後日PRESENT….希望會做好D

P.S 4:黎緊一個星期會好好好好好好忙…….頂埋黎緊個一兩個星期就會好好好好好好爽= =+

P.S 5:7月1號….Noel就會番黎…..到時已經會搞活動ga la- -….下次5D既聚會會係7月搞ga la…..不過黎黎去去都係個d ga la….BBQ..遊下水…玩下- -…做下低能野….打邊爐….再唔係咪叫Noel帶d外國美女番黎俾大家認識下low- -….順便學英文…哈哈…..

  今日都係冇咩好做- -‘….好hea…其實一早就起身…不過唔肯落床咁解…..今日亦都係見番5D班友仔既日子…打邊爐啊ma….雖然今晚就唔係話太多人….但都好耐冇見面….對上一次已經係3個月之前既事…..很好…..其實我要係度預祝番吳瑋生日快樂….哈哈….雖然未到

  今日下午做左一件我從來冇做過既一件事- -‘….就係係美國X險樂園玩左成一百蚊- -‘….我細個都未玩過咁多….最後一d收獲都冇- -“….唉…灰哂….

  下午番團契….搶答遊戲-.-‘…幾好….唔錯既一個團契形式…..不過其實最緊要投入…哈哈….我覺得我都算投入ga la- -+’…不過我都有好多題目唔識- –

  要多d睇聖經啦真係….平時睇下又唔睇…睇下又唔睇….搞到半桶水- -‘…記得d又唔記得d…加上小組黎緊又係鼓勵大家睇聖經….所以我決定我都要睇多d…..

  今日落大雨….- -‘….不喜歡落雨….想打波冇得打….

  同姚吹左陣水…佢又係華富….咁岩同佢吹左陣水….知道左好多野…..

  打邊爐….3個月冇打….仲唔食盡佢- -‘…..同成班仔食真係……真係禽獸咁- -‘…搶住黎食…有冇搞錯….冇計啦….吹下水….傾好多野…啊發真係好多毛…哈哈….衰鬼….好耐冇見啦….下個月一唔一齊去剪頭髮??….吳瑋要搬去"團"門了….由西環搬過去個面- -‘…..唔緊要啦….得閒都可以出黎….老實講我都好耐冇見吳瑋個衰鬼@@….

  最近個個見到我都話我瘦左- -‘….其實我都覺….我都唔知點解-.-‘….食完坐的士番西環….岩岩好五個- -‘…唔多唔少…華富既華富走….其他既其他走….西環既西友就坐的士….真係威水….

  今日勁早就番學校–‘….因為上電腦堂….好似又要測驗….唉- -‘…都唔知點搞好….我真係掂都未掂過….可能都係抵自己死ga- -‘

  之後上普通話….考試….聽野….勁易- -‘…我sure自己一定有80分以上low-.-‘….真係好簡單- -‘…考完之後….我就冇咩做….決定走堂….

  原來有life skill同埋產品設計科技- -‘….但都唔上low….life skill好似仲要做報告….辛苦sing湖做啦….哈哈….其實都冇咩所謂@@/….life skill唔難合格….我同sing湖有信心@@+

  之後走佬….周街行….哈哈….唔知點解….今日我覺得我睇任何野….都好正….好潔白…..好清爽的感覺….

  晚上番小組….睇影片….講家庭…..有一下我幾感動….就係個仔係醫院度…佢媽係咁幫佢祈禱….幫佢按摩等….佢隻眼有少少郁…又冇醒咁….雖然最後個仔係行唔到路…睇唔到野…講唔到野….連自己都控制唔到自己…去大小便都要人幫手….但係佢依然都可以傳福音….做好見證….好奇妙….本應要死既人…主愛佢….同佢媽媽….

  一段好長既感情….過左幾年既時間…..人….周圍既事物依然冇變….唯一只有人既心變了….我要更加努力….去打好我既波….我真係想證明俾佢地睇…..冇左你地….我都可以做到….我實在太完美過去既自己…..其實我一早已經超越過既我….我仲等咩野??

  天氣熱到爆炸- -‘….完全冇野好做….下午三點半先上堂….你話d時間表真係好到你啊- -‘….

  三點半上中文….講下星期要講演講考試….我抽到5月25號…10點50分- -‘…..今日成班係度玩NDS既右腦之達人- -‘…包括我….就算我冇裝e 隻game,原來只要有一個人有安裝都可以連線….太正- -‘….好唔公平low….PACO咁多人幫….不過Paco e d野又真係勁d= =’….

  大家玩到好高興…miss睇到眼火爆- -‘…唔好意思….哈哈…你地都未免太過明顯啦= =’…

  之後….番屋企…休息…..

  今日我想同兩個人講一d平時聽慣聽熟既野….雖然…我唔知你知又好,唔好知好….但既然你冇做…我就需要提…

  第一個….勁少上黎我xg….但我都要講一講…..我唔知點解- -‘….sub你咁耐….你既內容都係咁灰-.-‘….咁多個月以黎冇一件事可以叫做開心番少少= =??….就算我之前好唔開心….好灰….一年365日….至少有一兩日係開心-.-‘….其實….唔需要咁low- -‘….真係既來之.則安之….有就有….冇就冇ga la….唔需要咁煩惱…..你盡哂力….冇後悔,真係博哂咁濟都唔得既話….都冇計ga – -‘….你都係基督教既朋友….我諗真係有係有好多野要等神既安排…..要等….唔係一時兩刻就有….係等既過程….耐心….堅持…

  第二個….唔好意思= ="…我真係唔想ga….但係有時真係好多野係迫不得已…..我想做既野又因為現實既事困住做唔到….唔係我唔想幫你….唔係我唔想去同你搞掂你既煩惱…..只係我現在真係唔得….起碼我話你知….我今日做唔到…

  昨日同啊J吹兩句…..講都係講升學既野- -“…做我師妹??好好= =’….希望你得啦下..IVE唔難掛-.-‘….其實好睇科….但起碼可以講如果你係lv 1既話….難度應該唔高…..最麻煩都係英文個八個基準試….祝你好運@@……

  今朝番學….眼訓,….專登訓多半個鐘…預左遲到- -‘….番去做野…..唉….悶到爆- -‘….最後我冇做….搵人抄份就算- -‘…之後…叫二師兄幫我入game….我知點解我昨晚有d game玩到有d玩唔到既原因- -‘….點知…..最後我番到屋企唔見左個入電腦既野-.-‘…麻煩了….雖然都打到…不過要入game就要問人借野= =’

 放學…..同龍哥個d去老柴既泉記食野…..本來唔係去老泉….去咩澳門茶餐廳….點知因為d野貴+唔岩食- -‘….走佬….去番泉記….食食下….Paco個d黎塔台-.-‘…之後去左機鋪玩左陣….佢地就番學校遊水…我就番去…

  番去訓覺- -‘….眼訓中….

P.S 1:06年既今日:冇打….因為部腦壞左- –

P.S 2:今日心情:D

P.S 3:忍唔住要開冷氣訓覺@@

P.S 4:星期一就會知最後兩份既成績 READING 2同埋WRITTTING 2

P.S 5:想搵許生點知唔ONLINE- -‘….有冇搞錯

P.S 6:玩NDS寵物小精靈….玩到我開始有番小學打GAME BOY既童真- –