世事就係咁橋….今日就係咁橋番灣仔….兩年前我就係長期係灣仔番工…..我仲記得第一次番工真係傻下傻下….灣仔區特別多外國人…我第一次番工就係面對一個外國女人…我唔識點面對…..英文特別差既我,更加唔知要講d咩….哈哈….仲俾sam哥鬧tim…今日第一個客人都係外國女人….世事真的未免太橋了吧^^"…..其實以前我成日都俾sam哥鬧…因為我真係做得唔好ma….不過都要多得佢我先會有成長….我真係覺得sam哥好勁=__="‘…..真心覺得….從對話,從同客人溝通到報價,到所有程序都安排得好到不得了…講野又實又硬….真係好利害=__="果然經驗老到…同埋閱人無數呢….當時你同我講"唔識唔緊要,最緊要係你用咩態度去面對o者"….同我既想法一樣!!!

  直到我一年前要離開…..我仲記得最後番工個日….我打左一封e-mail sd俾四哥,阿銘同sam哥….我真係打足成晚既一封e-mail,內容依然係我腦海之中^^"….若非因為想讀書的話,我都唔會想離開你地,我知道我停留係每一個地方,認識既人,最終都會有一日離開….e個世界有幾多個會一直係你身邊陪伴住你??真係唔會多….最後過兩幾日….sam哥就想我用pt既身份番黎番工….其實我係e-mail都講左"假如公司係未請到人之前,又唔夠人番工,我唔介意番黎做義工"…..點知當時我所謂既義工就轉左做pt….其實我當時咁快決定走,我都係想公司快d請到一個新人,等多D時間操練一個新人….無謂留我E個有離心加上都冇心再係度長遠發展既人….

  然而…..我相信….下年既E個時間….或者真係要離開了….縱然你地想千方百計留我係度….四哥講"假如TODY想係度成世做PT,我都制ga"….講真,我聽到依句,雖然好似冇咩野,但我真係好感動呢…下年暑假要實習….相信真係冇咩時間再為你地效力….好好珍惜我們所擁有的時間吧….

  番灣仔依然都係咁多西裝人^^"….對住e d人….無可否認…灣仔區既人,一般都比深水步既人聰明….問既野,並不直接,卻是在間接想知我諗緊咩^^"….真係要鬥智呢….阿銘去左隔離鋪度番工….哈哈…..之前我同你仲有sam哥三個人在灣仔既時間真令人懷念….真係咩都講ga^^"…三個男人老狗….閒時望下出面d靚女行過,閒時又吹下e樣,吹下果樣…..可惜既係,e個機會已經不在了^^"不過唔緊要的….

  今日諗好左啦….其實都冇咩大不了….反正好多野又唔係未試過…..甚麼事情會令我難堪呢??有咩所謂….無論屋企定還是….咩都好啦^^"….其實真係冇所謂….畢竟e個係由天意所決定的…我冇咩必要再去做太多野了….聽日頭髮一剪…昨日既我已經死了….明天就是全新的我,我要為未來的工作,家庭好好的奮鬥呢….

  搞笑….今日下午skype,公司幾個同事一齊吹水….黎緊下星期會有公司飯局^^"….crystal 依個小妹妹真的串到爆….我講咩都頂住哂=__="你人又細粒,再嘈真係同你隻抽…..人地抽你同阿ho水….我緊係唔出聲啦^^"仲想我幫你??太難啦…..人少少…你兩個咪認左佢low(笑)….不過我知道係冇可能ge^^"….因為….哈哈….內情不必多講….但我深知阿ho諗緊咩ge^^"雖然我冇問,但我早就知道了…

  今天晚上….家中沒有人….電腦mon前面….貼上一張五百蚊…..一看就知道係媽媽留下俾我….其實e張五百蚊昨晚都係咁話俾我俾我….我一直都唔要….咁大個仔…唔想再要屋企人養我咁多…偶然有飯食,有地方訓下,已經好好了…我22歲,我應該自己照顧自己的……最後佢用e招要我收下….其實應該等我好好服侍你ma=__="平時出左糧想請你或者爸爸食餐好d…你地都唔想同我去食= ="….係咁叫我話自己儲起d錢….唔想我俾錢你地用…或者你地擔心我唔夠洗或者你地想for我將來之用吧…..我都知道ge…..放心放心….就等我讀完書之後,真真正正投入社會之後,你地可以好好退休啦^^"(笑)