今日就緊係成條死屍咁啦=__="不過係放工之前好搞笑….冇啦啦部lift停左係13樓,開左門又唔見人wo,咁好自然就禁關門啦…..點知冇啦啦有個阿伯係隔離彈出黎=..="真係嚇左一嚇….不過最搞笑係…佢係入面冇啦啦係度跳舞….我本身真係係度諗:佢做咩野ga=__="??"…….跟住睇睇下就係好想笑,忍得好辛苦…跟住仲有個婆婆入埋黎…佢先唔跳(笑)…..之後…希望你地唔好覺得我嫌你地慢想超越你地….我超越你地係因為我想開門俾你兩個老人家o者(笑)^^"

  今日做野都ok啦…冇咩特別野….起碼冇昨日咁嬲=___=’…偶然見到一個客人,佢居然認得我,仲問我點解會過左黎深水步…唔係灣仔(笑)…..其實我真係唔會期望你地會記得我….我好多謝你仲記得我,有時對客人其實我唔期望記得我,除左某一兩個因為成日見成日得閒上黎搵我吹水就另計(笑)….其他大部份我都唔預的…真係有d喜出望外…

  其實有時都幾唔中意自己個樣=__="..唔係憎自己樣衰,係憎自己點解個樣好似好弱既人咁,我真係好憎好憎…..其實我自己知自己唔係真係咩都唔識,咩都做唔到,相反我覺得我做到好多人地未必做既野….但往往望住自己個樣好似傻仔咁=__="…有時我真係好憎自己個樣點解會咁….希望我所謂傳說中既靚仔病可以改變一下就好啦….雖然e d野都冇得改變….加上人又矮=__=’唉……有時真係好憎自己e d野….

  放工塔車番屋企,依然係訓都死左-__-“‘今次訓既中途連一d想醒既feel都冇…..好彩咁岩係之前一個站望一望落車…唉…太累啦…

  其實我今日都好想去六四,我認為有d野係必須要俾現今既人知道的…….自從六四之後某程度上我覺得中國內地打壓自由得更強…..fb唔俾上,香港既yahoo唔俾上,報紙唔俾報有關64既野,甚至好多言論自由既都唔俾唔登甚至禁播….一d想爭取既人仕往往就俾人捉,軟禁等等….某程度上因為咁,佢地都失去左好多思考空間阻礙到佢地心理可以進展得更成熟既一面…..導致最後只係知道物質…所以先會有咁多事情出現…..中國要成為一個真正既國際大國….相信仲有一條很漫長既路要走了…

  9月會唔會去旅行呢!!!!!!!!??暫時都未知….相信可能又係一個人去….不過都冇咩所謂…反正我唔怕單獨…我可以自己生存到^^""….地方….可能泰國或者日本掛…….不過…依家講都係言之過早…畢竟…我都未肯定呢…睇下到時番完成個暑假有幾錢再決定@__@""

  聽日本身去沙灘……不過因為好多人都有野做呢@__@""所以只能夠改為食飯….不過唔緊要啦^^""明晚見吧….聽日終於唔洗番工=__=