訓已經好難訓得著….發夢又唔知發咩d咩夢=__="‘好似係度俾人做解剖緊=__=’…訓又訓唔好,一大朝早7點幾8點就彈醒左…之後就依然係床度訓係度=.="直到差唔多時間先落床…..

  一開始番工就知今日一d都唔吉利= ="本身都已經岩岩好….望住個差人check人身份證= ="唔知點解望望下,佢又叫埋我一齊黎check,早知唔望啦= =’….唉….又搞到我遲到,我真係有少少不爽咁話"我番緊工,你可唔可以快少少,唔係一陣扣我份糧,係咪你擔當"….恕我有點不禮貌,但心情不好,加上又趕急既心情,真的很令人會有點怒火….

  對住d客真係有時想鬧人= ="…..明明講左kvm switch ps/2還ps/2 usb還usb,usb貴d係正常,因為依家個個都係usb頭,ps/2平係因為依家冇咩人再用ps/2頭…..一早講到明個轉頭係冇用…轉頭有幾貴o者,5蚊都唔洗就有個…咁如果轉頭係得既話,d人唔洗出usb系列既kvm switch啦=__="…..貴成百幾蚊自然有佢既理由,並唔係5蚊就做到既事….好聲好氣講,又唔聽…..最嬲就係番到去試完話我件野唔得,話我亂咁黎….真係俾佢吹漲….既然你唔信我,就唔好搵我=__="‘你搵得我,就請你相信我…又請我食死貓,冇禮貌到飛起….客人不是大哂的….為左你e兩百幾蚊貨仔,我真係冇必要去忍氣吞聲….唔係個同事幫我消下火,我真係唔會好客氣咁同你講野=__="

  成日又多野做…..d電話又唔停=__="問完一個又聽一個,我試過今日一時間拎住兩個電話解答兩個唔同既問題….我真係發現自己一時間成為一個神人= ="….唉….平日真係好鬼忙…平時番星期六,日就得閒好多…..今日真係忙到嘔….忙都唔緊要,數又唔係特別多=..="

  除左番full time既時候,我都幾耐未試過一日我開左一萬三千蚊單…..辛苦係值得^^"….雖然對我黎講,我成日冇開過單又好,定還是一日開左成100萬單都好…..對我黎講一d影響都冇…因為我都係計時新…我又冇佣金收…所以公司搵幾多對我直接既影響幾乎係零…..不過間接既影響當然大….搵得多,老細條數好睇d,佢地自然就可以增派人手,加人工,增加唔同既分店等等,著得件制服就應該好好盡自己既責任….上個月條數咁普通,就等我今個月令到條數靚靚仔仔啦!!!!我自有我既辦法^^"

  係車度又訓著左=__="番工真係好累人呢….其實有時候真係好想每次番完工番到屋企都聽到有人同我講"今日辛苦哂啦"….可惜每當番到屋企,媽咪就訓左房休息,加上佢一定唔會講e d野=__="偶然聽到有人講,雖然我好似冇咩反應,只係我唔將自己開心既情緒表達出黎o者(笑)…..唉@__@唔緊要啦….明天又是新的一天了….還是不要太著緊比較好呢….