番學之前打一下吧….哈哈….昨晚車仔對阿仙奴- -….車仔主場今季第二次輸波….但踢得真係唔錯,唔知點解係果五分鐘冇啦啦俾人整入兩粒….真係冇計…

  一陣考試都唔知考咩- -….食香蕉….唯有番去個陣問番人同寫番啦…得兩個鐘時間-.-…但希望可以做到啦

  我好中意旅行…..我好喜歡去世界每一個地方….去睇唔同既人….去睇唔同既野,我好想去接觸唔同既人,去了解佢地既文化,我好想感受每一個地方既氣氛….所以我好中意旅行,奈何我唔會有咁大既資金-.-….哈….如果有機會….我一定要去不同既地方見識一下….

  愛….咩野係愛啊?愛係要付出,愛係有痛苦,有甜密,有冇野得到??我諗如果真係愛既話,我諗都唔會去在呼….正如好簡單既例子….你爸爸媽媽唔會因為你肥左,高左,瘦左,矮左,傻左,而唔愛你….無論你變成點,你屋企人都係咁對你….e d就係叫愛啦….其實愛e個字,又點只咁簡單啊…..要接觸,要去明白,好難好難….不過….簡簡單單就好了….

  好….講番中二先….中二係我好唔開心既一年吧

  學業唔知點解差左,唔知係唔係上年考得不錯,成個人都太過放鬆,仲記得老豆個陣,見到我考第七,都唔係咁開心- -‘,我自己都唔係咁開心,差左….但其實真正差既原因我諗唔係人既放鬆,而係周圍既人都影響緊我,家中的事情,煩到嘔電….不過個陣,我好想入3A班…因為3A係設計班中最好吧….係選科個陣都冇咩點諗….因為電子….我真係唔識- -….不過我一d都冇後侮…因為我唔入3A…我第日點會入到5D呢….哈…..

  友情ma….人生既低落了….話說我初戀的對像….居然唔知點解混入左我果班藍球隊之中- -….哈….可怕既事情….就黎啦….e個女仔喜歡了我一個認識了五年既朋友….以我朋友亦喜歡他….我個陣唔中意佢,甚至有d討厭佢,我不斷去同我個老友講….你唔好同佢一齊啦….佢有問題ga….講左好多好多….冇人信我….我唔想係佢面前講我曾經同佢一齊,因為我覺得咁只會令佢更加唔信我….最後….e個女仔又離開了…..朋友們都把今次既責任推在我身上….我還很清楚記得你當時同我講既野….將e d一切一切既錯,都加在我身上….是我既錯….德哥哥都不幫我….哈….很可笑….我沒有半點反駁….既然你地覺得係我錯既話,我冇野好講…..最後期個陣….d人可以當我透明….冇人同我講一句說話….哈….我一下子就走了….我冇必要再留係e度…..朋友嗎??….原來都唔夠一個識左幾個月既女仔…..講咩野叫做識左五年既朋友…..

  點解我叫做tody….其實係現實上面冇咩人會咁叫我ga…哈哈…..通常都將我既全名當係花名咁叫,因為我個全名就似花名….tody既由來係中二個陣,啊比幫我改…..啊比….係我一個識左好耐既朋友….點啊你…講起上黎我都好耐冇同你傾過計….唔知你最近點呢….同你男朋友又點啊….係ga la…佢係唔多理你ga la,但最近你地都有想解決問題既心o者….哈….唔好咁灰…

  至於愛情ma…..更加不知所謂….受到朋友既冷落….很多既問題….我已經很麻目…但中二既一個小朋友,談不上麻目,更談不上其他….現在覺得個陣時好幼稚….不斷去接觸不同既女性,哈….我要做一個衰人,唔要男仔都要受傷的那個….最後ma….自己受到責備….我做了人生中第二件後侮既事了….正當所有都離棄我,還有一個人肯去接受我….那個人就是飯飯了….去到中三個陣仲同左佢一齊….

打埋中三先…哈…..中三係我好開心既一年,呵呵….

  不得不先提友情e面….係我同班同學介紹下,去左玩我既神話…..可能係香港唔係太出名,到後期都只係出神話2,一d都唔好玩….神話1既時代….係台灣…馬來西亞人居多….就算現在….大家都冇玩lu…我記得個陣我好細個…..幾乎最細果個就係我- -‘…..中三ma,得15歲….由69lv年代去到89年代再去到95年代….真係好感動….

  個陣玩雅典sever…..人類冇可能唔識tody啦…哈哈….係人都知tody係傻的,每日都講冷笑話…..係全頻度,仲記得個陣,我一個人就可以滅左一個團,真係可以一個打六,七個….都唔洗死….隻遊戲ma…人類同獸人,係唔可以對話….一見到就係打,所以冇咩話停唔停戰….你升緊lv都照殺你….搞到成個sever既人都唔洗升lv,係度清人….甚至打人地既據點….我個陣殺生太多- -‘….獸人們都很痛恨我….開人黎爆粗鬧我-.-

  很多很懷念既名字喔…..當時既巫師隊–>盡盡…藍天王子….比五…杰特…無名公子…timtam(好掛住你同我搞冷gag凸死仔)…..火鼠…人妖不滅(死人妖凸)….當然仲有其他….王子….我怕痛…愛你喔…BABY主教(karmen結婚未啊@Q@凸)…..TC…愛心…梁浸浸…天問….雪貂(感覺好似現在fez既由由= =)….再生….山豬…豬仔….哇…真係再數落去數到聽日都唔掂…..

  現在e d人….全部都過25歲-.-….全部都大過我好多- -….冇啦….祝你地有好既人生吧….偶然仲記得當時有個叫tody就很好了….哈….

一大堆相….唔放lu~~~~~

  讀書ma….哈哈….我好成功入左3A班了….很開心….記得個陣呢…教我地中文同中史係老馮…..老馮真係全校出名最惡- -‘……我記得第一日開學,羅友見到day6最尾果四堂個陣….爆左一句"仆X…連續四堂老馮…"…哈….一上老馮堂呢…個個都死氣沈沈…諗起都搞笑….不過其實老馮惡得黎份人又唔係差….我仲記得你ga…馮老師..冇計lu….你既形象太深入民心了….個陣ma….讀書好輕鬆….識左好多都係….之後5D既人….我同好多同學…都係係中三個陣識….成日塔車撞口撞面個d…估唔到現在一班….全班11名….算係咁啦….係e個班入面第11名,算係咁了@@…..

  愛情ma….好似好好地同你飯飯一起了…mm….但係其實都有不少隱隱約約既問題了….係咩??嗯…我諗要去到中五個陣….你地先知到底咩事…哈….