我….真係覺得好可悲…今日…有個唔係好熟既男仔朋友….好開心…記住…係好開心…咁同我講"我同過四個女仔做過啦…."….我只係好無奈咁答佢…."係啊= =’….幾好啊…"….

  每次我一諗起….我身邊有一半女性已經同人發生過性行為….我真係覺得好可悲….唔係我對每個問…你係唔係衰過- -‘….咁點解我會知??…一d係從佢地口中自己同我講….一d係佢地d男朋友同我講….可能實際唔只一半-.-‘….因為我真係唔會冇啦啦問e d野……但都已經有一半….我真係覺得….會唔會…有少少….

  我係一名青頭仔- -‘…唔知點解到現在都仲係咁多人唔信啊-.-‘…但係點都好- -‘…請愛錫自己既身體…特別係女仔…我既立場係….最好就唔好搞啦….但如果真係要搞….都要諗清楚…值唔值得…會唔會後悔….都過到自己個關既話….就自己做定安全措施….老實講…我唔想再聽到有人對住我講"….懷疑自己既女友有左or自己有左既說話….."

  我覺得….拖啊…抱下…錫啊…咀對咀個隻打車輪啊…摸啊咁…e d都可以接受既野-.-“….好正常既野- -‘….但去到發生關係個度….就要諗下啦…因為好多人…最後係後悔low….

  有好多女仔都後悔….因為…佢地諗番轉頭…第一次俾得唔抵..原來…現在既另一半係好d….真係…我覺得男仔好少會去覺得唔抵- -‘…..通常係女仔先會覺得唔抵….所以真係….諗清楚….

  我有個女性朋友…邊個我就唔講啦….我同佢個男朋友好fd- -‘….個男仔係邊個??當然都係唔講啦….佢女友就成日因為…個男仔之前同過其他女仔發生過關係….搞到…成日因為個d野嘈-.-‘…..其實我覺得都冇咩意思….

  如果係我…我會咁諗low- -‘…..冇同其他人搞過咁就緊係最好啦…如果有…我都冇咩所謂…如果你既另一半問你….請你老實答啦…唔好因為怕講左…可能會搞到散啊咁….如果係咁…..請盡早同佢講bye bye…..因為佢愛你既….唔係你既人….係你既肉體…..咁就冇意思了….所以…如果…係因為你唔係而唔同你一齊…諗清楚….

  今日…一朝就起身…番學….最近e兩日….我都好留意…周圍既一對對情侶…唔知點解…最近….唔知點解會俾佢地吸引住….有時…我覺得好搞笑….

  好似見到有一對情侶….個男仔一手飛件外套落個女仔度就走去落車…個女仔好似好不爽咁…跟住個男仔就死死氣咁去拎番…跟住又拖哂手咁走….有時見到….都覺得…很不錯….學靚女既xanga講….拍拖就應該咁…..我都覺得….哈哈…

  特別係今日有一個景象…..我相信….我很難可以忘記到…..到杏花村…行番學校個條路…我今日見到真係一個好美麗既景象……

  兩個…智力有少少問題既情侶…手拖手….開開心心地番學….個男仔係我地學生休息室果個室長….至於個女仔係飯堂做野既人……兩個雖然….係智力上面有少少唔係咁完善…..但個畫面真係很好….

  簡單就係如此完美….我真係覺得好靚…好正….佢地有講有笑咁拖住番去….我真係覺得…佢地比起我平時見到其他咁多對之中….我完全係覺得好美麗…..佢地可能冇機心…亦都冇咁多野需要去諗…你問佢地咩叫愛…..佢地可能答你唔到…..但係佢地就做左一件咩叫愛既事俾你睇到….

  我一睇到….本來趕住番學校….我都停下腳步…係佢地後面…去留意…因為真係好好….平凡既一日入面….其實可以睇到好多野…..我覺得….根本就唔洗諗咁多…簡單就係最好….

  今日…番9點半堂….上英文….又講番d英文個d文法既野-.-‘….

  上完就落去食飯同hea下….今日都係好眼訓….真係好眼訓….食完野就訓左陣- -‘….好似都唔多夠就要上產品設計堂-.-‘…

  今日真係開始做件實物啦….二師兄真係幾勁-.-“….估唔到佢勁熟電子既野….二師兄幾好ga…做電子個d野…佢真係有一手….好耐冇銼過野-.-‘….真係好耐冇銼…….我諗都成年幾冇銼過野…..之前係香工讀個陣仲會銼下….d人見到我識銼…都覺得有d料-.-‘……冇計…..中一就開始學- -‘….

  之後….又些英文….又係講番d文法既野….識少少…但唔係好熟個隻low-.-‘…..

  跟住一粒鐘空堂….去左打波-.-‘…哇….真係唔係講笑….打到成身汗….下次係打既話…我帶定三褲-.-‘….

  之後上產品設計科技…..龍哥著哂背心….拎住可樂…岩岩打完波咁行入黎,已經夠搞笑……..點知唔小心跌左杯可樂係地下-.-‘…..笑死….跟住後來….Tacky先發現….佢唔見左部PDA- -‘….爆哂粗….勁灰咁….搵左好耐都搵唔到-.-‘…..冇計啦…..

  之後去瑪麗….睇下老豆,點知啊媽都係個度- -……我一家三口,今日係醫院見番哂-.-…老豆睇落去好似一D病都冇-.-‘….仲話隻手冇事…老虎都可以打死幾隻咁話- -‘…現在已經一D都唔擔心了…..不過至於老豆幾時出院就仲未知….因為佢仲未檢查到點解有D咁既事出現….老豆今日照埋胃鏡…都冇問題….有排先出院啦咁- -‘…..仲未搵到咩問題……

P.S 1:06年既今日…..日記好短-.-‘….打咁耐黎既日記之中…其中一個最短- -‘….

P.S 2:聽日放假LU~~~~~

P.S 3:下星期三定唔知星期四就開始放假….但只係放一陣….

P.S 4:好耐冇番香工……搵日….得閒既話….我都想番去….

P.S 5:今日….真係麻煩哂咁多位人兄-.-‘….特別係何偉健….