我今日見到好多兄弟,特別係考完之後= =打日記之前……….區聰,生日快樂啊>"<,黎,俾哥哥擁抱下先,大個仔啦wo,哈哈…….唔好再咁變態啦,同埋唔好再咁暴燥,不過你真係好鬼搞野,哈哈……..祝咩呢??就祝你快d同"非""非"結婚啦>"<++,連生貴子啊…….呵呵…..好鬼妒忌你ga>"<……總之有咩事,打個電話黎@@

今日06年phy mc答案:1BDBDC 6ACCAD 11DABCA 16BACBA 21BBDAD 26CDABD 31BDADB 36BCDCA 41ACDCA

往年PHY,20條就拎E,31條拎C,41條拎A………但係今年PHY係高難度=.=……1X條就可以拎E,29條都有機會拎C,40條拎A,今日份PHY……唉= =…….一陣再講,真係死得人多

  今日…..帶住E個半死既心情去考PHY,係車站見到彭彭-.-….係度用一個極度黑人憎既眼神,同我眼望眼= =’,其實都唔洗講野,眼神已經交代左所有,哈哈…..講下O者,呵呵……..唯一一科同佢一齊考=.=,就係E科,上到車,打電話俾均記問野,佢都唔知係唔係真唔知定假唔知=.=係咁問我係邊個,谷鬼氣,= =我話姓齊果個,咩你家下識好多都係姓齊咩= =??話哂識左你七八年=.=’,咁都認我唔到,唉…..心淡

  今日見到好幾個自己友……啊KING啊>"<+++,肥狗,RAY,何雞,啊明,猿某,個D=.=…….哈哈…..唯一一科係坐咁鬼後,好正=.=++,之前成日坐頭6頭= =’,都未試過坐到接近最尾,坐最尾,一望,先有個種會考既氣勢,個個係度埋頭苦幹,哈= =……彭彭??坐9號位啊,有冇人坐佢附近啊,哈哈= =…..個樣好串下果個女仔呢= =…..

  一收到份野,一睇……哇……..難到嘔電,真係唔係講笑=.=’,真係好鬼死難,E次真係訓到直一直,第一題仲記得= =,計果個死人波長,都易啦=.=’,第二題先搞野…..隱形戰機,真係俾佢吹漲= =,個陣畫圖都唔肯定,最後問左人,好在第二題都岩哂……跟住個D唔記得,咩運輸帶,真係谷鬼氣,好鬼難LOW,個摩擦力圖都唔知岩唔岩=.=……..仲有本書,由高空跌落去既野,真係俾佢吹起…….仲有一條係凹定凸,答案係凹透鏡,基本上如果你分唔到係凹定凸既話,成條6-7分,你都要同佢講聲BYE BYE= =,答錯唔好喊,好在E條都答岩,昨晚望下D光線點畫…..放射線果題都OK=.=++,萬字夾,真係亂吹=.=’唔鬼識

  走緊個陣,我見好多人都走-.-,今日走既人數係昨日考中文既人數,十倍有突= =,成十幾二十個人,我係度諗,份野咁鬼難,仲係度諗,彭彭一定會走啦=.=’,哈哈……點知佢冇走WO,真係少有= =,仲諗住你會放棄,對你改觀= =+唔走個D都唔表示勁,坐我前面果個就係度訓覺-.-搞到我都想訓= =

  B部份,仲衰……低能GA,第一條咩有部車撞埋去個D野,事後同啊發傾開,好在同佢畫既一樣=.="我同佢都答左最少要7個,但都唔知岩唔岩,好難啊,健新老師又話會出殺車,E條唔會就係殺車掛=.=??仲有一條咩抽濕機,低B ga,仲要用咩分子理論,十年都唔出一次,今年居然出……唉= =,難到喊……最尾個條又黎多條電學…..都唔知岩唔岩…..發現一件趣事,每次個試場主任講,仲有15分鐘,都會震一震,係一個好靜既環境,冇啦啦講e d野,5分鐘又係=.=’,真係心臟病病發,我見我右面果個都係,都幾搞野,呵呵……昨日考中文又係= =’

  做完,個個出到去都話難,我就同啊king講,好難咩??我諗住有八十幾分wo@@……當然係…..吹水啦-.-,點拎啊= =",咁鬼死難,除非有番d運氣-.-,去洗手間個陣聽到第二d考生係度講,份野真係好難,份LQ難,咁份mc應該會易d,mc都係考你細心o者…….我本來都信……點知……

  一睇,份MC仲難過份LQ,吹到…….即係話無論LQ定MC都難到嘔電,睇論壇,有人講MC易,有人講MC難,我就覺得兩個都難,絕對係比05年高出個LV= =’,啊叔做番之前D MC都冇咁難,今年PHY問埋D冷門既野low,頂…….我昨日仲係度諗緊男出力女出電,點知今日無論LQ定MC,一條都唔出,唉……e次真係死得人多啦……..又冇時間做,撞左成十條,唉…..次次做mc都係唔夠時間,maths係咁phy又係咁>"<“",難到痴線啊…..總結,今日份phy……..係e五年入面,最難既一年…….我真係….唉- -……

  難到喊啊……出到去,見到啊源啊…….喔…..親愛既小源,一見到就黎個擁抱,諗住同佢地出去食飯,係培英考既區陞啊個d都係個度出黎,跟住諗諗下都係廢事啦=.=佢地成班去哂打機,今日唔想打機…….跟住坐車番屋企….係M記,想過馬路既時候……俾人cool住左,以為係我出面既仇家,仲想大叫非禮既同時………..

  原來係啊發=.=……唔好嚇我啦,仲有博士都係度tim,吹左兩句,算啦,都係陪啊發行一陣,點知係同一條街入面我撞到三班人low=.=’,係一條直路,撞到三班人…….如果計埋啊發就四班……行左兩步,見到區聰,小B同DD……哈哈…..見到佢地,就當然揮手,仲有D似黑社會tim,喂,大佬~~~~哎呀,小BB,今日同我撞哂D色= =,又係黑三黑褲,哈哈…..之後先知原來今日區聰生日,唔好意思啊,我記得你係5月,唔記得幾號>"<,跟住係街度大叫生日快樂,勁啦你,哈哈…….

  同啊發行左唔夠十步…..又見到….哇= =…..我係唔係有咁熟人啊??見到衡衡……係度串我LOW,佢講"你見唔見到地下有條界,E面真係天才,你個面咪白痴"無奈中= =……吹完兩咀,又走…….點知……行到街市,又見到……無啦啦,搞到好似成條街都識咁-.-行一條直路O者,成條路加埋都唔夠一百步又會見到咁多人,撞到5E既友仔=.=’,又係條街到吹左兩咀,我發現個個都好中意串我= =………我又係…..無奈中….之後先番到屋企

  勁串-.-,我番屋企有人就打黎俾我同佢講今日PHY既野,佢話佢同學係度問"幾分拎A?"跟住佢答"8字頭",跟住佢同學居然答…..好….又拎多個A,仲串過我- -谷鬼,但係人地又真係好有料-.-‘……..番到去問同學D分,個個都好低下-.-‘,死火,份MC真係…..- -….喊哂口,不過我睇番我份LQ又好似岩番多少少,拉埋都…..唉= =……

  番到屋企…….哇……有覺好訓啦,辛苦左三日,三日都OK,maths都起碼算係咁啦,不過不失,中文幾好,點知最後一日既phy就俾佢吹起左,= =……..今日一訓係床度就訓左…..又再一次想起了你…..點啊你….你個面應該幾凍掛,哈哈….我e度熱到咩咁,走左3日,但係好似走左成年咁- -,唉……

  你知唔知啊……每日都期望住,有住盼望,唉…..心就好緊…..唉……每次你個兩句話都係我腦海中轉,你知唔知啊??實在係難受,唔想溫唔想溫…….我現在好似係內憂外患既情況下咁,內憂,你既事,外患,會考……..唉….我真係想棄城投降,我現在好似俾人包圍緊咁,可以如何,現在已經冇心情再去面對所謂既外患,考就考左,成績點??哈哈….苦笑…..唉…..我已經無能力招架…..卻你的臉孔一直在走動住,笑……??真笑,好似已經冇係我面前出現過…….唉……都係個句…..你幾時番黎啊>"<??

P.S 1:今日心情:U…..我諗已經同份PHY差唔多分-.-唉

P.S 2:NOEL……你PHY岩幾多=.=??話哂你PHY全級第一,你低分既話,學校會好失望= =

P.S 3:89年出世既人……係命中最慘既人= =…..小六,第一年呈分試,中五,俾人稱為"未代考生"=.=,因為我地中英冇得番轉頭,唉= =……早知早一年出世,上年份PHY同今年比,真係天同地比

P.S 4:今日見到勁多上年中五既人,坐我左上角果個,上年5A= =,佢係唔係自修報??我仲見到上年5B同5C,既師兄-.-“

P.S 5:今日食飯,好心叫啊媽"坐係椅子到食野啦-.-“點知佢用一個好串又帶點可愛既語氣答我"唔中意啊~~~~"無奈死….

P.S 6:柯南第十部,連續三周都係票房第一,唔知上星期又係唔係呢??你就好啦,係日本有得睇,我都想睇>"<,不過你應該唔會睇掛

P.S 7:聽日考經濟既朋友仔,加油啊……啊比同彭彭,哈….拎番個A番黎,拎唔到,唔好話我教出黎@@+

P.S 8:本來今晚班衰仔約我去打邊爐-.-,點知屋企人都買哂野番黎,好啦……第日有機會叫我啦,我都會出去,不過…….唔好在一直叫我飲酒-.-我酒量唔好,亂性就唔好啦,哈哈…….