e雲死火啦=.=",聽日考phy,唉…..e兩日既考試已經搞到我半死咁濟=.=報個平安先,今日份中文,冇問題=.=+++,呵呵….詳細稍後再講,哇哇哇……下星期又黎料,下星期一考chem,唉= =…..星期三e個西利啦…….就係傳說中既A.maths……死火,現在連dy over dx,同埋in個d野都唔鬼記得-.-,e鋪真係…….背水一戰,諗住考埋聽日可以休息下,咁就錯啦,考埋聽日仲要狂溫chem同A.maths,唔係就死得咩咁= =,講就講溫……但事實上….我有心情去溫嗎??

  ……唔抵= =,今朝我係咁溫番d格式,你知我啦,冇讀書=.=’,作文個份野,出通告啊,投訴啊,啟事個d咪死硬,一陣你地就會知點解我會話唔抵= =,今朝拿拿林睇番,點知一睇,睇左成9個字-.-‘遲左出門口,飛出去等巴士,真係有沖動想坐的士= =’,我聽人地試場開門俾考生入,但係我都到站啊,陰公,一落車飛都飛到去,天氣又熱到咩咁,到左,成身汗-.-……..點知原來都未俾考生入場,懷疑監考果個都遲到,哈哈=.=…..最後我都遲左四分鐘開考,太好運= =+……今日係第一科亦都係唯一一科係課室考,保良局間課室……哈哈……諗起火機,火機之前都係讀e間@@

  哇……一拎到份野……我真係喊- -,因為今朝睇個D格式,今日係唔洗用,今日份野出左看圖,搞活動既野= =,同埋最尾個部份唔知叫咩= =’,完全係唔抵low,仲諗住今朝睇下有d用=.=’浪費我時間- -,再睇下作文題目…….第一題:有人認為讚賞是成功的最大推動力,你同意嗎??談談你的看法…….第二題:一次與同學做專題研習有感……..第三題:每逢節日,不少商場都有應節的布置和活動,以此為主題,寫出在某節日內,你在一個商場的所見所聞………

  我既戰略係……先做語文運用,搞掂哂d後遺=.=’,我最憎作文個陣仲諗夠唔夠時間做語文運用,所以先做語文運用,一路做既時候,一路諗作文題目入面既野,一黎多d時間,二黎作緊個陣唔洗擔心…….第一題肯定放棄-.-‘,打死都唔作議論文,我作咁多年文除左日記= =,都唔知有冇作超過兩次議論文,睇左之後…….我最後選擇左第二題…….

  再一次發現,我係一個好有感情既人=.=+,呵呵……歷史報告….我諗我又係太過激情= =……我居然寫到"我看到我們的專題報告,不但空範又沒有色采,正如我心情一樣的沒有色采,空虛得那麼沈默,我卻是那樣的無助,然而,我卻忿怒起來……(跟住唔記得講咩= =)…..我卻是那樣破口的大罵他們,我的心卻是那麼的哀痛,麻麻的在痛,眼框內的眼珠卻在之間混轉,更促使我死心了………."…….跟住仲有=.=……."外面的夕陽照在他們的臉上,格外的漂亮,我的心境和外面的陽光一樣是火一樣的熱情,重新使我對未來充滿憧憬….跟住又一堆唔記得= ="……"專題的內容多"枝"多采,而且專題的數量又不斷的增厚,正如我的心情一樣,不但有了色彩,而且我們之間的友情更與專題一樣不斷增厚住,早前的死心,今天的心卻是活了起來…….啊……我的心卻是那麼的輕啊!…."跟住又一堆=.=

  平時打xanga都成日抒情ga la=.=,如果你係我長期讀者既話,都有留意到,呵呵=.=……算係咁啦,咪又係有幾激吹到幾激有幾熱情講到幾熱情=.=…..作完我坐左好耐= =,冇帶錶,唯一一份,係我做完,仲有成半個鐘時間,我考mock個陣都係得e份野可以訓幾個字= =’,如果你話e d時間可以補番一d我冇時間做既科就好啦=.=,唉……..係度檢查份野…..

  今日我發現一個好奇怪既現象……..就係係e間考既考生,基本上係全男= =…….好奇怪low,唔怪得我都冇發現,唔係俾人提一提我都唔知,真係半個女仔都見唔到,係見到一個miss咁low= =’…….一定係平時番學對得男多,見唔到女都唔出奇-.-

  份問答,一睇……哇= =……..第三題花潮成17分low,吹漲- -,學校今次考mock貼中題= =,果然有出對現今香港既睇法,呵呵= =,第四題:本來想做X劌論戰,但居然爆冷爆條廉X藺相如列傳…….完全冇溫e課=.=’,睇完,唔想做…….第五題:一睇就做啦- -,X林深處居然出正我最熟個條,畫家同護林員,今次冇死啦= =+……第六題:望望下都係麻麻地,比起第七題,都係做第六題啦=.=,第七題:最短,X丁解牛,冇掂過- -,青玉案唔熟,唔做啦,第八條又唔錯wo……好在今朝有人問一問我點解佢要做彭X令,同埋點解要辭官…..又係冇死啦=.=++….今朝先睇完…..最後做第3,5,6,8…….當然第一第二題必答

  都係個句,做e份野,又係有我既戰略-.-,就係先做問答,係我腦海中仲有印像既時候,先做左先,我唔想因為唔夠時間,冇做最尾個d 17分既題目,好重分,先做左隱陣d= =……最後先做閱讀理解,我見周圍個d個個都做閱讀理解,我好似有d怪=.=,呵呵……做到第六題,真係想笑出黎……條問題係問"有人認為現今香港社會有這些現象,你同意嗎??試選其中一種社會現象,談談你的看法…..可能d人唔明,e題係出係孔X己,係講科舉對人既野…….最後我合埋我良心講……其實現今香港,都唔會有e d情況ga la,會考就算衰左,你都可以去選擇一d你有興趣既野,比如你中意做戲,可以去演X咩中心,之後仲吹水吹到ive……唉= =…..我真係講左大話……你估下,現在係唔係真係咁美好啊拿,為左考試先咁答,問心個句…..會考唔重要咩??打死都唔信啦=.=’…….唉……冇啦啦諗起一句"會考塗毒人心>"<“

  又到抒發情感既時候=.=………唉唉唉………今日,同何雞啊佢地去唔知叫咩既地方食野……..行過去既時候…..見到一個女仔……冇錯= =…..我發現我真係我唔講唔出現,一講就出現,昨日我咪講我想見果個好似你既女仔ga

  今日居然俾我見到……..我睇到眼都突埋……口入面講左一句"鄭展……."都未講完你最尾個名既字,我就係度望住佢= =,唔係呢…….真係有d似你ga,無論高度=.=’同髮型,個側面都有d似,我諗個女仔都幾無奈,哈哈……之前考英文佢坐我右上角,一台頭就望到,又諗起你low= =’,考英文個陣都諗住=.=,跟住係街度又見到,眼都突埋……個女仔都幾無奈,俾我咁望住,哈……唉…..點啊你= =??冇見你幾日,好似冇見你幾年咁啊陰功……我今日見到佢真係想叫你個名出黎咁濟-,-,激動得濟…..不過諗諗下,你現在個頭電番直=.=’應該唔係好似佢咁係曲髮= =…….唉……

  最近…..現在分不清自己的心境到底是怎樣??開心嗎??只是假扮的在笑吧,現在假扮得連真正的笑會假扮的笑都分不出來,唉……冇心情啊,對住d phy,真係好驚phy失手…..因為中文同maths都起碼有番本身既能力先,真係驚phy失手,咁就真係…..我唔係驚phy唔合格,我係驚phy拎唔到高分,唔好怪我好似好串=.=’,我講真,我phy唔係想要拎個E仔就算>"<…..唉…..壓力好重……心情好緊…..好灰心…..唉…..難道我真的自從那天開始便不能再重新奮鬥下去??……我到底係度做咩野??唉…..想住你又如何??我在你心中的地位卻是那樣的低微…..不能再下去了……我已經無力再下去…….好辛苦啊……

P.S 1:心情U

P.S 2:感謝主啊=.=…….好在今日作文有岩我胃口既野,仲有D問答都幾岩我胃口

P.S 3:當然唔少得多謝我既媽媽……..石媽媽啦>"<+++,石媽媽我冇令你失望掛??呵呵…….

P.S 4:聽日科物理真係…….唉……好驚失手>"<得個E我跳樓啦

P.S 5:聽日係唯一一科同彭彭一齊考=.=……哈哈…..等我考完之後串下佢先>"<++,我既對白會係"喂…..彭彭,你有黎考咩??多謝拉CURVE wo呵呵….."一陣俾佢打死都似,哈哈

P.S 6:今日我作文有用一個人名……呵呵…..你估係咩名??我諗左好耐=.=’佢俾咩英秀啊,有容個D咁既野,姓氏可以自己選,但係名一定要用佢俾你個D………我最後用左一個……叫梁一心……哈哈……..梁明心>"<+++

P.S 7:今天看到的……..很像你……但卻不是你