劇場板"偵探們的鎮魂曲"詳細既劇情@0@"",受到委託人既約定,柯南等人黎到新開既主題公園,但係,e個卻係一個圈套,柯南+毛利要係12小時內解開事件既真相,否則,帶係手上既手錶就會引爆整個公園既人,都會死……..

  柯南同毛利係委託人身得到兩個暗號,當佢地解開左暗號,前往一個廢既賓館,係地下室發現一d線索,步出賓館發現好多拎住槍既人,就係e個時候,怪盜基德出現……..

  怪盜基德救左毛利,柯南,點知神奈川既警察,以為毛利係同怪盜係一班人,而且係e個時候,柯南接到委託人既電話,最奇怪既係委託人叫柯南做工藤新一,而且更要柯南損失最愛既人既味道,圖中有住工藤新一同蘭既相,柯南感到震驚,身份俾人識穿,服部同白馬探(估唔到佢都有份=.=+)都出場….

  得到服部同白馬既幫助下,搵到下一個地點,係某研究會中更發現其中一個人係之前運送金錢既車度俾人偷襲,感到十分懷疑,係另一方面,公園中連續出現偷野事件,偵探團出動,以而,灰原哀,就要負起搵番失蹤左既偵探團既責任….

  柯南係解開幾個暗號下,直至下一個地點,係不同地方得到唔同證據,係e個時候,遇到最大既危機,3名電單車手攻擊佢地,而且柯南更加俾手槍射中…..跌左落河底,得番最後3個鐘…..最後會點呢@0@??我都唔知= =",今次主要登場人物:柯南,毛利,蘭,偵探團,灰原哀,博士,園子,怪盜基德,服部,白馬,英理,和葉,貝爾摩德

  最近唔知咩事,成日都會胃痛=.=’,昨晚就勁痛,痛到我兩點幾起左身= =’想死…..昨晚我諗係我自從凍左之後第一日開冷氣,因為痛到勁多汗- -“…..明白女性既痛苦@@,所以我不嬲都好尊重女性,哈哈……

  今日一朝起身去補課,又係遲到= =’點知撞到兩位同我一齊遲到既好同學,衡衡+公晉,跟住番去,熱到想死low= =’,聽聽下書,發現學校既鐘聲,現在改左超奇怪,其實我諗都改左一排,但係今日我先留心去聽,超低能= =’之前係好傳統既鐘聲,現在有多種唔同既聲,有一種係街邊雪糕車個d聲=.="最近發現紅毛豬係十分可愛= =+’

  我已經諗住我係遲大到個d= =’,點知許嘉偉同啊腸仲遲=.=’,我已經覺得我係好早到個d= =’,之後同迪迪+劉自去食太宮,又係吹下水,咩都吹,最搞笑係走個陣,見到石媽媽同朱sir,跟住平時同我地玩開個個侍應專登同我地講"喂,你地唔記得拎走包煙wo"頂佢=.=…..我地e d一睇就知唔食煙,你話如果區聰唔食煙搵鬼信咩@@,你話我e d食煙,搵鬼信咩,都幾大對比,教多你地一次,e個叫對比@0@同埋反語,跟住石媽媽就好驚奇,點解你地咁早ga,之後又答番,係wo,今日補課,無奈死= =

  之後同迪迪坐車番屋企,啊迪,18分啊,你得ga你@0@,加油啊

  番到屋企啊媽打黎,本來諗住就番黎,點知因為最近幾晚都訓唔到覺,所以都係推遲d番,唉= =……媽啊,你係唔係咁啊,要我做個不肖子孫-.-??最近發現男人都係衰人= =……包括我在內,有時我又幾衰ga@@,哈哈……真係完全唔明,點解最近咁鬼多人個老豆出去搵第個ga,今日已經有個女仔打黎,我個陣係度溫緊書加有d想訓覺= =’,打黎就喊哂口咁……我都唔知點同佢講好,佢老豆同出面某女人既來往-.-,跟住係度喊……除左安慰番之外,我諗我都唔知點面對,之前仲有ga=.=’名字不方便講啦,總之最近好鬼多老豆出去搵第個=.=’唉……至於我老豆ma,我諗唔會啦,哈哈…..佢不知幾乖,一早番黎要番屋企做野=.=+服侍本王,哈哈…..男人係蓄生,女人偏偏中意蓄生= =….唔知e句岩唔岩呢??希望我唔會做咁既人掛=.=’唔係結左婚都失去左意義

P.S 1:話說前晚去睇戲有個扮冇咩力水好弱既人,個人叫吳偉文,笑鬼死我…….我諗5D既同學都知,吳偉文即係啊king,佢咁Q大隻又多雞肉,又識打功夫,身體不知幾好,但扮個個係岩岩同佢相反,笑死左

P.S 2:啊比既事可以暫且告一段落吧??好似已經冇野,但我想你冇必要因為咁去改變自己,我永遠都係覺得自然就是美

P.S 3:最近想起一個人,一個中一識既人…..好似已經忘記左好耐

P.S 4:頂=.=…….個死Karmen肯應我啦,十年都唔應我low,明仔都算好在,今日牛頭角爆炸既地點,佢今日係個度行過三次都冇死= =’,唔係既話係新聞見啦

P.S 5:日本既YAHOO,對於4月15號最期待電影,名偵探柯南既偵探們的鎮魂曲(日文名,名探偵コナン 探偵たちの鎮魂歌(レクイエム)  )高舉第一,而且距離第二名個套成幾千票網站如下,http://movies.yahoo.co.jp/polls/?poll_id=2530估唔到柯南部劇場板係日本係咁受歡迎-.-“

P.S 6:最新一套劇場板既預告片,雖然就冇中文字幕,但都可以睇到幾激下= =’,得閒不妨留意下,下載網站如下http://www.bcast.co.jp/cgi-bin/yahoo/movies.asx?cid=20060406006cs0000movie1m

P.S 7:發現4月15號係首映日,但係亦都係耶穌受難節個日=.=又會咁岩

®