人同人之間既關係實在奇妙,我今日實在係度話你地知,如果再這樣落去,後果係十分之大,有一個中學同學,冇見十年,十年後既一日,突然e個好耐冇見既同學搵我,我實在係好高興,但搵我既主要目的係希望我幫佢影相,因為佢快要結婚,作為一個老同學,我當然幫助佢,結婚後,這位同學唔再搵我…….明既人自然會明,唔明既人當然唔明,恕我唔想解我心入面到底想講咩,明既人就去明啦

  話分兩頭,今朝死死氣咁去補課,諗諗下都係去下啦,下星期一就考DT,雖然就係吹水o者=.=’但都要吹得有理先得ga,咁就試下番下啦,係巴士度發生一件事,個司機唔知係咪鬥快=.=’當我要落車,仲有一個伯伯同我一齊落,佢遲遲都唔開門,跟住個伯伯就鬧司機,落車啊,跟住我隨後就落,伯伯落左都唔夠0.1秒,就想山門,好才閃得快= =’唔係差d夾死,咁快就死??唔抵唔抵=.="

  番去補課都可以接受ga,其實我已經遲左到=.=",番到去,見到noel……佢就咁講"cheap友,學我xanga d野"我O哂嘴=.="其實會考e個唔係因為你=.=’係因為肥狗,我見肥狗有先用,你條友仔,仲好講,你講個個真光妹妹係你表妹,我打死都唔多信ga la,你個偽君@0@,唔好扮野,哈……講笑o者,係你邊個又有咩所謂,上堂聽啊sir講下d題目,不過我就覺得,e d題目,會考出既機會都未必多=.=",不過都有d得益ga……

  之後就同公安+ray+劉自+桐桐+啊發去太宮食野,都好耐冇去,我記得之前番學個陣成日去,哈哈……最好笑既係,班友想食多份甜品,但又唔敢講,冇計啦,唯有我親自操刀,我收埋個盤,用紙巾頂住+杯水…..跟住就同老細講,甜品呢??點知個老細又發現左,見我地幫親左咁多次,就送多份,哈哈……之後諗住同啊發+公安番學校溫書,但,公安條女好似搵佢,公安唔好咁燥@@,女友拎黎錫ga,冷靜d…….咁就得我同啊發啦……

  溫溫下,ray都黎左,神奇=.=",之後有班中三既師弟仔黎左,好似係3A,我認得一個人,勁嘈=.="‘頂…..最低能既係,當我係度溫書既時候,有一堆師弟係度講三國志= =’,最搞笑既係,條友好似係度講故咁,內容如下"話說劉備佔領四川,孫權就迫佢還荊州,點知又唔還wo(點解ga,點解ga,其他同學問),聽埋落去啦,跟住孫權就搵百萬雄師去打劉備…….."好q長,都唔記得哂,吹漲=.=我同啊發,ray你眼望我眼,有沖動= =…..真係頂佢

  之後一堂,走哂,靜哂=.=",發現d A.maths,好鬼多都唔記得哂,今日唔做下都唔記得咁濟,雖則之前d測驗唔係高分,都有一半分=.=’,但我諗現在做番都唔知有冇一半,唉……食得屎啦,唔得=.=……..我做到,係唔記得o者,跟住佢地去問miss拎d mock,我就係度溫左陣……..

  拎左一份,點知佢地話唔夠,想再拎,今次要我去講=.=’係教員室度你推我,我推你咁=.="好啦,又係我親自操刀,你地跟我後面,@0@,哈哈.跟住就問miss,跟住miss就話冇哂啦,仲話,咁copy我地,其實係犯法,我就同miss鄭講,唔怕啦,我唔會告你@@,點知佢又話真係冇,咁冇計啦,空手而回,問下邊度仲有啦,maths今年新課程,做會考題係唔夠,phy同chem岩岩先新課程一年,都係唔多夠=.="

P.S 1:今日中七同學考英文……下星期一到我考啦wo,殺啊…….

P.S 2:心情極差,可能會有D燥,唔好怪我

P.S 3:話說中西區有個區議員過左身,慶叔有一個老同學就參選今次區議員,拉埋我地班去做助選團=.=",慶叔真係中意搵我地班笨,差唔多次次都搵我地,講下O者,慶叔E D係俾機會我地學下野………第一次搞政治既野@@…..興奮,好似話6月中就黎料

P.S 4:今晚訓覺會否見到你…..我實在有好多野想講你知….

P.S 5:食飯個陣講起MISS鄭,講佢今年好似好忙,一定係校長見到佢上年係度玩接龍=.=’因為佢上年只係教4D(我地班)+5E,兩班=.=’但今年教3班,哈哈……..

P.S 6:5D同學…..你地知道嗎??我記得我唔開心個陣,想自閉個陣,你地都會引我笑,引我玩,今日見唔到你地全部啦,老實講,我真係好難受,唉……個陣仲有你地個避難所,今日呢??我好似已經冇左…….我真係好掛住3月17號之前既日子,好掛住中四中五既日子……..唉…….但又如何??