做DT,做到半死….今日番學起身,唔想起身,跟住訓多半個鐘= =,好在細佬有帶,幾驚佢又冇,今日勁多人冇番,又係6個,個個都唔多想交DT先唔番,喂….兄弟啊= =’你有幾多交得幾多啦,有十張都交住十張,唔交咁,死硬ga wo,今日已經係最後,之後你冇機會再交,咁你份設計係會度咪拎U??今日4堂DT,用紙做都可以做住先o者,起碼都有個樣,起碼有dd分,跟住份筆試考番好少少都可以合格,但係你份工件0分,你筆試除非冇啦啦超勁,好似noel,公晉,啊迪咁,咁都岩岩合格,問題,你冇咁既能力=.="咁點都交住少少…..逃避冇用= =’特別係因為e份野先唔番既人,你都係要面對個結果就係拎U,人往往都係中意逃避的吧…..

  中文堂,羅友俾人收左電話=.=",石媽媽真係好鬼勁啊…..係第一個位度點名,都望到羅友個電話,我個心就驚左一下= =,羅友咁後都望到,我咁前咪更易望到,唔怪得上次講電話,石媽媽隻眼係咁望住我,心虛中…..羅友就真係慘左d@@,唉…..

  英文堂同小息…..冇咩野做,講下oral= =’….呆悶中,同人賭下錢,就係我地自創既新遊戲= =,估錢…….死火啦,做左病態賭徒….maths堂講個箱型圖,勁似針筒無奈死,miss把聲好似都未好哂= ="

  宗教又係勁悶low,見佢拎住d野,以為係份mock,點知係d會考題,又做,好鬼悶low=.=’,上廢sir既宗教堂,唉……DT堂,有一半人做緊最後d野,有一半人係度呆…..我就係呆個d黎,又同人賭番兩手- -“

  下午,去左小矮人度食,俾大傻一野拍落黎,超痛=.=’佢真係傻ga….番到去,係度搵啊肥狗,係度講挑機啊挑機啊…..皆因估錢輸左兩場俾佢=.=",區副校好似聽到,行過,好似講左句,挑咩機??最後挑佢機都係打個和= =吹漲……跟住3堂DT都係賭下錢既時間- -“完全係得閒到冇野做……

  放學個陣B仔唔俾我走low,要我陪佢等區聰= =",個個都走,得我陪你o者,係唔係好有義氣先…..呵呵……

  彭彭啊……唔好嬲啦,我真係send唔到ga…..因為線路太繁忙….我打電話去3台度問,佢就俾e個答案我……無奈….跟住過左陣send到啦….唔係我唔理你啊….咁係send唔到ma= =,打俾你,你又好似唔多信咁,仲cut埋我線tim= =",乖啦…..勁無奈low…..個電話公司太繁忙,搞到我要汁番咁多手尾….激死….

  今日講36號…..黃家進(周杰倫??),中四先識佢,中三個陣佢係電子班轉黎我地設計班= =",基本上係冇個識,唔係佢個外表似周杰倫,係佢俾人個feel好似= =",好難形容,基本上佢都好鬼靜個一班=.=",同佢最fd係A班個個所謂既校草??定係都係冇咩野講既猿"某"??唉…..我又係對佢了解唔多=.=",不過佢咁落去又係唔得掂= =…..唉…..

P.S 1:今日WIN左5蚊= =……

P.S 2:岩岩發現我地既情況,就可以用三國黎做比喻= =’,我地就係蜀國既後主,孔明死鬼左,咩勁人都死左,冇人輔助,面對強勁既魏國(會考),完全冇能力應付…..= =國家既存亡就好快決定…..等如我地現在既情況…..但係我地番學仲係好鬼開心,完全未知大難就到= =…..

P.S 3:份DT做得唔多好=.=不過合格掛

P.S 4:今日啊KING係咁問我d野= =,聽日post姓齊既人俾你睇