係打日記之前,介紹一個網俾你地去玩下,暫時,我只可以講暫時,女仔平均分數高過男仔=.=,啊發啊,董卓個d都冇佢地高分,唔通女仔真係細心d??最衰既係勁少人合格=.=’,50分都冇,唉….失敗,你快d去玩啦,打埋個名同埋e mail就可以玩,網站係http://fdtest.knowmemore.com/user/index.php?user=todychai

  睇番昨日同學仔既日記如下= =啊ray日記"唔知點解齊超整日都比人打"歐陞既日記"小息…齊超再死係我地手上..哈哈..咁鬼串原子彈丫拿..我都冇諗住最後會咁嫁..不過可惜攪起左個頭我地班兄弟就停唔到la"撒旦既日記"小息，齊超又比人圍ｐ　ｌａ！我都有份！"  睇完之後只係有點無奈=.="

  唉…..冇啦啦kick kick下又kick番神話個網度,睇番個討論區,已經係冷冷清清,唉…..因為轉左神話2,就開始衰落,唔係轉左神2都可能仲玩緊e隻online game= =,唉….好掛住同你地吹下水啊,一齊上戰場殺敵@@,神話既流暢度我敢包係全online最勁,所以打起上黎就好正,今日散哂啦=.=,仲有傾下計既都係得karmen,timtam,貓貓,alex,盡盡,maggie ,可憐,明仔,其他都唔知去哂邊= =??昨晚一兩點個陣我拎VCD睇魔"誡",人類同半獸人既大戰,愈睇就愈似我個陣玩緊既神話,人類既弓箭手係出面射,獸人既神射手都係鬥遠距,有人類既殺手去偷襲人地獸人既無影者就黎暗殺,人類有祭師主教輔助,獸人就有冷血幫手,人類有中距離既巫師幫手轟炸,獸人就有中距離既魔鬥黎炸,人類係前面埋身肉博既鬥士同護衛,獸人既近戰係有騎士,武士,係度混戰,一諗到就好興奮,因為個陣既場面好正,今日都冇人玩lu,仲有個班戰友成日吹下水咁,有d仲好串嘴,有時玩玩下都笑死,戰友們,你地去哂邊啊??karmen,盡盡,timtam,alex,maggis,貓貓,雪貂,暗豬,人妖不滅,王子,色魔四暗刻,紅菊,上細看,藍色,hk人,貓王,珍妮,藍天,杰特,殺手tc,night,風利,桐桐,丁叮,米奇老味,萬寶路,豬仔,窩囊,美迪師,火鼠,比五,jacy,kavien,shadow,啊飛,遊戲人間,大聖明王,香香,挈月,佩佩,B女,yuki,浸浸,文仔,聖箭,oscam,5332,雪兒,聖劍,愛心,全完,傻呼呼,神之小x妹,無名,dax

  以上人,實在太多,不能全部打哂,多謝你們,我諗係自從同之前個班fd離開左之後,第二個令我快樂既時候,第三個就係現在既5D,雅典四巫師係雅典F.4,tody+timtam+盡盡+無名,天下第一鬥士—>alex2083,最強護衛—>dax,alex,一把劍沖埋獸人度,以一打十,好鬼型,唔係講笑,最強巫師,我的確有一排係我做,之後係無名@@

  今朝8點就起左身,不過個陣就勁凍,凍到入番去訓,訓個陣熱熱地,勁唔想起身,好在今日唔洗番,如果唔係我會死= =,好想訓覺啊,10點先肯起身,凍到痴線,就開始溫下書咁,上下網咁low,溫書都係力不從心,唔夠力去溫

  愈黎愈驚,驚咩??驚3月17號= =",好驚中五畢業啊,一諗到之後就冇得番學就想死,今日下午去左幾個人既xanga睇左,全部都係我地d師兄,有d現在係中六,有d係ive,有d重讀緊,有d唔知讀緊咩,唔好諗住升到中六好開心,升到你面對好多唔同既學生,好多都唔識,點都好…..無論第時你行咩路,現在既同學都唔會再番番去一齊,就算讀ive都分唔同系,唉……好怕3月17號會忍唔住自己既眼淚……..

  話說今日番去團契,我今日唔記得要上堂=.=’,我仲要買會考題,拿拿林飛出去買埋d會考題,跟住番教會上堂,上完之後就團契,令我感到有d驚訝既係啊姚俾左既消息我,啊慶佢問我最近點??我記得上次我識佢,得知佢又係明愛,我叫佢幫我問啊慶最近如何,估唔到啊慶知道左我識啊姚,就問啊姚咁多野,睇黎……..我都係時間要番去一次啦.不過係考完試之後,咁耐既事,都係要解決,咁耐既問題到最後都要黎個了斷…….

P.S 1:30號留番聽日打,好累=.=

P.S 2:彭彭啊~~~~~~唔好嬲啦= ="唉….真係…..