慘……昨晚打日記打到2點幾,我3點先訓=.=’,好痛快咁訓,一訓訓到12點幾,其實仲想訓,但係我知老豆又煮緊野,冇理由俾佢食哂我冇得食= =’,咁就起身啦,發現成日都好遲起身,好野……日記回應破左紀錄=.=,有9個咁大把,好ga la,多謝各界會友既頂力支持= =,我會堅持寫落去,多謝多謝
其實今日都幾悶下=.=,又係上網吹下水,e度講下個度講下,我已經冇咩野,我相信我都有足夠既智慧=.=’,唔會唔番屋企訓,唔似某D女仔= =,叫極都唔番,我昨日同完louis吹完之後,冇咩事啦,最緊要係有人陪我一陣就夠ga la,多謝彭彭昨晚係咁俾msg我,原來彭彭你昨晚都幾忙啊,一黎要sms我,二黎賓賓昨晚又好唔開心,我都唔知tim,三黎,明心仲要留係個度,賓賓要走,你都唔信陪邊個好,難為左你啦,彭彭………..唉…….你真辛苦,有你sms我,夠ga la,多謝…..原來明心都有sms我wo=.=,但係我3點訓個陣先收到,收其他台個d sms係唔係耐d= =,咁鬼耐先收到= =,你都訓左我先收到
今晚……..老豆去飲,本來係請埋我地成屋人去飲,一個我都唔多識既親戚結婚,係我老豆既啊媽既大佬既表妹個女= =,真係好遠既關係,我就緊係唔識啦,咁就啊媽都唔去,我陪啊媽=.=,老豆就一定要去ga la,咁冇計啦,直到現在老豆都係未番,我真係諗住買番套西裝,有時要出席下e d場面,不過都係算啦=.=……到時先諗啦,雖然我就唔多識你,新婚愉快啦
係屋企,清理番d e mail,真係多到爆炸= =,但唔可以全部delete哂,因為有之前既筆友留俾我既信……雖然現在冇理啦,2002年5月29號,我人生既一個轉向點,我加入左cueasy,一個討論區,現在唔同左……雖然現在仲係度,我睇到好多人俾我既信…….當年既回憶,不斷係我腦海中出現,係e度是但copy幾封信出黎"
chiu chiu….sorry 呀~~姐姐咁耐無黎…係因為我個電腦唔掂
呀….上唔到網呀…唔知整幾耐呢….放心啦..我咩事都無
呀……我好好呀…但我就黎開學啦….都無咩時間黎呢….
如果你想搵我既…可以send e-mail 比我啦….
如果下次得既..我留電話比你..你call me 啦~~好唔好….
你呀~~~自己小心d 啦~~知唔知呀…..要讀書呀…ok~~~~
e個就唔係cueasy識,不過佢都對我好好ga= =,唉…….冇佢哄下我,都幾難維持
走喇我~~~~~~~
睇實呢度和~~哈哈哈~~~大個仔呀﹐識諗左野~~~~~好事~~~~~~
我短期內認該唔我上黎~~~~~
11月到時提體我送份手信仔比13歲既~~ chiu~~~~~chiu~~站長~~~~~~
bibi~~~~~ 😉 衰人神婆~~~~~~"
原來再打字會轉左色,咁我用藍色字再打落去啦=.=,神婆……唉…..好掛住你啊,勁耐冇見你啦,我諗有4年啦>"<….唉…..,.係啊,個陣11月,我13歲….唉…….個陣你買手信番黎俾我ga,朱古力,食左啦,件三著完啦,現在唔岩,手巾我仲係度….好多謝你啊神婆,你d占卜幾好ga……..冇你,我點會識諗咁多,冇你,Leo同埋雪人,我根本就唔識諗野,冇你地教我點去睇唔同事物,我諗我今日仲係一個細路仔咁,唔識去諗野,好多謝你地教我去對事物有一定既分析能力,唔係我唔會諗到咁多野
“超超 遲d我寫信比你呀,有心機就會寫gala,你等我la…咁呢排你就緊d咩呀?打機?不過你都乖gei,我就唔worryla,我記得你幾時examga,18…..你既死期….haha….我而家就怕放榜,死緊…..8月…..下個月我就有謝師宴~~應該會幾好gei~~我有~~~你冇~~~hahahikki"
係啊,你個陣要去會考放榜,想唔到…….今日就到我啦,哈哈….我今日已經唔係當年既小朋友左,我都怕放榜啊,個陣我就唔知死啦,謝師宴??我諗好快我都有啦,哈哈….睇下幾快…..
超超 你好乖呀…你識咁就最好la…我會考…我諗要repeatga la…因為一d野,我都冇心溫書,攪到成績好差,希望你唔會咁la,今日我好早起身ar,比mysister 吵醒,好想殺左佢呀
我仲記得你中五重讀左一年,之後都升到中六,個陣你好唔開心ma,好似得10分定唔記得左係8分咁上下,下年你就有十幾分,我都就會考啦,我想講…..我睇番…我真係覺得時間真係好快……
chiu 仔,
你o既故事, 我已經睇o左, 每個人都有佢自己o既過去 🙂
都已經話明係過去, 就已經係過去, 諗o黎有咩用呢, 係咪?
記唔記得我以前同你講 D 咩呢? (你可能已經冇咩記性 -.- )
以下係 main point: (哈, 我好似教緊書咁 *0* )
如果要諗返o既話, 一係就只係諗 D 開心o既事
唔係o既話, 就要將佢當係俾自己o既警惕, 唔好令自己衰落去俾人睇
要好好咁做好佢, 證明你係得o既, 唔係得個講字
而且, “天真" 有咩唔好? 我細個o既時候都係咁啊, 所以都 … :p
朋友呢 … 係日積月累返o黎o既, 係咪?
你而家都有好多好朋友啊, 係咪?
你現在亦過得好好啊, 唔係咩?
cueasy o既朋友都好擔心你
你啊, 請假還請假~ 唔好請咁耐~ 最多俾你一個星期
因為我所認識o既 chiu 仔係冇咁弱就俾人打底啊~~ 係唔係咁講, chiu?
^(+++)^
from snowie 🙂
P.S. 呢封信係我三更半夜寫o架~ 聽日都唔知返唔返到工添o架? 你啊, 唔好浪費我 D 精神啊~ 加油, 知冇? ^_~
雪人~~~~~~~,岩岩開icq,收到你一個留言,你同我講聖誕快樂,我諗我同你既關係係最耐,多謝啊….其實…..直到今日…..我諗我都仲係不斷更新緊,當然你教我既野,我會ga la,係ga…..你講得岩ga,我唔會再衰落俾人睇ga la,天真??哈哈,舍 陣可能係ga,家下我諗唔會啦,係啊…….個陣既我,可能真係唔會咁易俾人打低,我係倒退緊??今日我唔知,不過……我諗我都唔會咁軟弱…..聖誕快樂……
睇左好多既信……回憶可能真係太多了.小朋友既時候,可能真係有好多人係後面好直接咁支持緊我,但人大左,唔會再有人會係直接咁支持你,以係間接左,幾時都話小朋友係好,不過….我相信我已經有足夠既能力去應付事情….我係cu出黎既優秀既人,咁走出黎緊係有番足夠既能力去處理事情,你地教我好多野,我諗我現在無論係對唔同事情,我有番我個人既睇法啦,我有能力去講番我既意見出黎,我個陣係唔識,我現在識,而且我仲識得少少技巧,我諗,係你地幫我啟發出黎啦,係啦……嗯……我仲有你地…係後面支持緊我,係咪??
睇到有個電視,中國下某地方上堂既日子,佢地有書讀,都算有錢,但…..你睇睇,拿….我住既地方已經唔算係有錢,但我好過佢N倍,大家都係中國人,但分別就如此大,原因係咩??佢地生活已經唔係好,加上仲要面對,我地平時面對既困難可能就好唔掂,可能真係會跳樓都唔定,我唔係想講,我地既幸福,等等既事,我係想講既係,如果中國真係想成為一個比較富裕既國家,我相信有錢既人有錢得強勁,冇錢既人冇錢得慘痛既距離實在太大,而且人民既教育水準普遍都唔係太高,諗深一層,一個係農村出生既小朋友,冇錢讀書,佢既命運就已經定左落黎,佢第日都係農夫,佢既仔都係,不斷咁落去,除非有d咩特別改變,唔係既話,佢地成世都會係咁,你唔覺得係一件好慘痛既事??其實生活係香港都未必一件好事,一個多姿多采既社會,煩惱就更加多,因為人人既生活都太精彩,農村就簡單得多,所以就免左唔少煩惱……其實都係有好有唔好
P.S 1:今日都係唔打住同學啦,聽日一次過打兩個
P.S 2:老豆岩岩番,有D飲醉,所以先唔打同學= =
P.S 3:有冇人話我28同29號補課係幾點到幾點??留言OR MSN話我知,唔該
網站標題 