岩岩收到香港教育城既e-mail,登左啦,雖然就唔係精選=.=’,不過都有登ga,不過我諗正常人作既文,只要冇咩口語,我諗起碼都會登你ga,登就登左,是但啦,反正作出黎都係想發洩自己o者,想睇自己問我啦,我過兩日先會放上黎

  今朝想同你講d野,點知你唔理我,難道我連想講一兩句既說話機會都冇嗎??我只要講完,我就唔會再煩住你,你放心…..我只係想講一次,想認認真真咁講一次…..

  今日係貴校既陸運會,一開始都好投入睇ga,個個拎住張賽程表,甲組100公尺,我諗係我成場最認真睇既一個比賽,個個都係度叫支持個個,令我諗起賭馬=.=….下面比賽個d就係一隻隻馬,上面個d就係賭徒= =…..

  其他時間,唔係訓下覺,就係同其他人X大D,一望上去,成個中五,X大D,開左成四五台,我都有份打…..我一直都好唔開心,問louis,如果你中意左個唔中意你既人,你會點??佢講你見唔見到出面啊,跟住又講,唔可以因為一個樹放棄左成個森林,跟住佢又講左句,要係咁多之中搵左個你中意ga,可能真係好少,後面個句真係好認同=.=,唉……好鬼煩…….同人吹下水,開心下,都只不過係一時吧…..唔好介意我打字打得多,如果我唔打出黎,我會頂住頂住

  再一次澄清,真係俾你地激死,我同佢冇關係,人地有男朋友,個個亦都唔係我,唔好再拎我同佢開e d玩笑好嗎??我今日去食飯,只不過係咁易望到真光間學校o者=.=就亂講二十四,望下都唔俾= =??唔好講…….好冇??唔好再講佢好嗎……??你一講我心情就冇哂…….請不要令我去番現實,俾我暫時忘記一下吧……

  今日同樣因為件事,好低落,你同我講我好自私,我認,我咁做可能會係好自私,不過如果我唔咁做,我會覺得你好自私,如果我仲好似之前咁為你付出,為你整天擔憂,然而,咁對一個人,以個個人係唔中意你既話,我會好受嗎??我相信答案係唔好受,咁點解你要咁自私,要我咁唔好受,要我個心咁痛,雖然我就算好似現在咁,我都會好痛,但係我學緊…….我真係唔明天主為何要這樣安排,要我由中二開始每日都遇見你,仲要每日都會留意你,縱然個陣我係唔識你,係e個茫茫人海之中,俾我遇見你,天主你點解要咁安排,點解你要係icq度add到佢,係e個網上世界,咁多人,數以憶計,點解係咁多人度,你要俾我認識佢,點解你要俾我同佢混熟…..點解你要俾我中意左佢??你咁既安排,到底係咩意思,我猜測唔到,e種"原"份可能真係唔係個個都有,應該要好好珍惜……..但係點解你偏偏又要我放棄佢,我內心已經完全崩潰了……我頂唔順…..打打下都會眼紅…..我唔想再打…..請你唔好再接近我…..我怕我會唔知做d咩出黎,我怕我又會中意你….我怕我見你有咩事,見你唔開心既時候,我又會出去搵你…..我好怕……

  放完學,番去個陣同哂所有同學仔講bye bye,直落下面7仔又買左枝酒黎飲,唉……本來昨晚祈禱話唔可以再飲啊ma,點知今日放學又買左枝,去左屋企出面冇人既後樓梯,對埋佢,點知……唉……都係自作自受,飲完之後冇耐,岩岩就開始嘔,係度狂嘔,個胃又痛……都好ga,天氣又凍,最好就凍鬼死,最好就胃痛,痛鬼死我,點痛都唔夠個心痛ga la,妖那聲……好鬼憎自己

  我相信,亦都好肯定話你知,今個聖誕,會係我人生最低落既聖誕……我真係唔想出街,特別係望到一對對=.=真係想搵野打爆佢,唔好叫我聖誕出去,就算叫,都唔好去d多人既地方