話說有一位得道高僧,佢有兩個徒弟,一個徒弟清理緊後花園個陣,唔小心整死左隻蟻,跟住佢另一個徒弟就話佢殺生要拉佢去見師父,踢佢出個寺,個徒弟就同師父講"師父,佢殺左隻蟻,犯左殺生,踢佢出去啦"師父就話"你講得岩"另一個徒弟就話"我唔小心,向下行就整死左隻蟻,我唔想ga"師父又講"你講得都岩",故仔講到e到,首先個個師父唔係d咩無主見既師父,佢係一個得道高僧,到底e個故事入面有d玄機??上年死狗班ga唔好講=.=因為李副校講ga,想知就黎搵我

  今日一起身就十一點幾,但係我就一d都唔開心,你既電話俾我有一定既震撼力,雖然只係短短既四個字,但係對我黎講,就唔只四個字,我現在好清楚自己係度做緊咩,我亦都好清楚我自己中意既係邊個,但係你既電話俾我既感覺係好大,令我諗好多野…….今日我一直都諗緊同你既問題….已經好煩惱,點知仲有第二件事…….

  今日忘記左,原來我要早d番去聽傳道講個d咩成長課程,點知佢打黎叫我,我個陣先記得,拿拿林就去左,講完一輪,其實都冇咩俾心機同佢傾,因為我今日真係好煩惱,甚至到團契既時候,我一直都係度諗緊野,真係對唔住,我今日實在冇力去參與係其中

  走個陣我見到一個老年既男人同一個老年既女人,係街度拉住手行,佢地既外表,好明顯睇到係俾時間摧殘,但係佢地都係咁恩愛,慢慢咁行,加上太陽落山,佢地唔係d咩靚仔靚女,但係佢地都係好好咁行…….我覺得世界最靚既畫就係兩個老人,一個男一個女拉住手慢慢咁行,而且要係太陽落山個陣,真係令人又妒忌又想祝福……..

  番到屋企再受大擊,你同佢既開心,我卻受到極大既打擊,是我應該放手嗎??如果你們關係係好既話,你同我講,我馬上離開e個關係之中,好唔開心…….係我妒忌嗎??我認係,係我唔開心嗎??我都認係……一心想住我會係第一個同你講既人,度好哂時間,但係卻俾"那人"搶上風頭,以你卻如此高興,我諗如果係我,你一d都唔會高興…….因為我e d都唔重要…..我只不過係個過來人吧了……再次現起,我對你放棄既念頭,我真係唔想,因為咁做我知我會好辛苦…….唉……我可以點算??有冇人幫我諗下……louis……我同你一樣…..我同你都因為差唔多既原因,痛苦緊……唉……你想喊咩??我話你知我都想……我怕我招架不住……唉……幾時得閒??我都想同你出去散心…..大家都係中意個個都有男朋友,同病相怜……好唔開心

  timtam多謝你今晚俾我既笑話,好耐冇同你傾計,你真係我心入面既開心果,我今晚唔開心,我同你講唔開心,你就講d笑話,雖然係串左少少,不過我都好開心……有你如此識講笑既網友,我真係好開心…….多謝你