冇眼鏡既一天,睇黑板??我好似都冇咩點睇,又唔係睇唔到ga,係睇野要估估下low,都唔肯定係唔係個隻字,今朝上車,仲諗住周文傑同學(廢事叫你連生= =)會幫我e個睇唔到野既傷殘人仕叫我上車,點知你冇上黎low=.=識你咁多年都未見過你唔準時,最需要你既一日居然唔準時>"<,之後你先番,遲左起身= =,好在個陣我見到部似91又唔知係唔係91既車,又見到彭彭隻野行過去,咁就包冇錯啦,彭彭又係度偷笑=.=咪以為我咩都睇唔到,=.=番到去要做功課,因為我有兩份未做頂…….

  由下個星期開始,每個星期番三日學o者,都唔知係唔係應該開心,如果係之前個四年,一定爽死,今年就….感覺好唔同=.=,好怕得番既日子唔多…..今年學個個咩庖丁解牛,有句都幾岩用,用有限既日子去追求無限既懶…..得番日子唔多,我追求既係無限既懶散……唉……下個星期一陸運會,星期二要去堅道參加感恩際,咪住咪住……..咁我咪同賓賓仲有明心同站@@

  化學堂,狂做MC,因為我冇做= =,咁都俾我撞中好多題,阿堅都唔知係唔係路=.=我六樓落到去實驗室,跟住同我講,上去講書,shit~~~~~上到去講完一堂,又要落番去實驗室,去完小息又要上番六樓=.=…..你仲坐電梯,死懶鬼= =,係實驗室都可以講書o者= =

  英文堂冇啦啦有突擊測驗,都唔知做成點=.=,不過英文e d冇得溫,突擊同講定先分別都唔大= =食完飯番去上聖堂…..

  上聖堂,悶到爆…..聽院長係度講野,後面傳出d笑聲,唔係人笑既笑聲,係個公仔鎖匙扣係度發生d笑聲,迪迪同louis兩條友都有,係咁整d笑聲……超搞野…..跟住又唱聖歌,發現天主教同基督教既分別,天主教好似好"裝"重,基督教個d就輕鬆好多,天主教個d背到熟哂=.=基督教個d識都唔識,最爆笑既係何偉健同迪迪唱歌唱到勁沉,一到高音既地方就勁搞野,我同輝輝係度笑爆咀…….本來聽佢講野聽到想訓,唱個陣就笑死

  番上去聽兩堂A.ma,同睇唔到黑板,自己做野好過,做做下都唔知已經就黎放學= =跟住又去補phy,聽聽下聽到有d想訓…….上左好多堂……最後決定左,各位1A既書友仔,01-02年,定左21號去燒啦,反正個日係聖誕X歡咁順手晚上去埋啦

  番到去換埋眼鏡……換左個粗框,總覺得有點怪=.=……不過是但啦…..已經係度諗聽日會有d咩反應= =??不過是但啦,睇睇下就慣ga la,聽日原來要走火警,咁又唔洗上半堂……..正……