19/11/05:唔好意思,昨日番到屋企都好遲,1點幾先訓,成日都冇時間去打日記,所以我今日打番,可能有d都唔記得=.=’,係啦,你知啦,星期六我最中意既日子,因為可以訓個勁,星期一到星期五咁繁忙,好似都訓唔夠咁,上下網吹下水咁,同人玩下地雷,昨日玩地雷,louis同阿賓,兩條友仔都走佬low,明明我就黎win ga ma,搞錯啊=.=,學哂我d奸招,唔俾走佬啊….

  下午番去,估唔到我係第一個番到,仲諗住已經遲到,係出面聽彭彭既媽媽同傳道既老婆係度講好多野,我就扮冇聽其實係度聽佢地講咩,你媽媽好似有好多唔開心既野咁,傳道個老婆又同佢講好多野咁,講咩,你現在有彭彭啦,佢都好好ga.喂喂,你好好對你媽媽啦,你係佢心目中都好重要ga,唔爭在好好對埋我ga,哈哈…..跟住就開始派傳單既日子= =

  好恐怖low,去d球場度d波飛黎飛去,其實係足球驚o者,藍球就冇咩所謂,我有去講ga,點知個個都唔留名個d low,好似聽完就算咁,唉……都幾灰,今日去過兩次沙倉,第一次係派傳單個次,第二次係搵彭彭個次,兩次去既心情都唔同,但都有同一個感覺,e度係曾經同個班人快樂既地方,e度有好多同佢地既回憶,每次去個陣都怕會唔會見到佢地,如果見到我應該俾咩反應,佢地又會有咩反應,我到現在都仲未可以勇敢面對佢地,係我已經低頭了嗎……??

  番去就唱下歌咁,你知啦,我冇音樂天份ga ma,唔好叫我唱咁多=.=,仲有兩個傻ga係度扮跌低啊個d傻ga,都幾搞野,真係怕你表演個陣笑左出黎,最後有冇??今晚睇我打20/11/05既日記啦,仲有啊,某人係街度踢我d重要地方low=.=,好在唔係大力,唔係真係不保,e d只有男人先明……男人最痛,慘……唔該你唔好亂踢=.=我都未對你做d唔岩既行為,你仲拎左我部電話去send野俾人,搞到番到屋企,阿媽阿爸問我,你失戀咩??我O哂咀= =,我用左個好假既借口,冇啊,人地send俾我,唔小心按左轉"奇"轉哂俾人o者ma,佢地一睇就知唔信,但係都冇問,仲有大佬啊,ray啊個d都問我,你失戀啊=.=??唉….俾你玩死,下次唔俾電話你啦

  不過都因為你啦,noel有send番msg俾我,有兩個msg,真係多謝你關心啊,雖然我就唔係真係失戀,不過你有咁講,其實都睇得出你幾好心ga,真係好朋友黎……

  晚上出去X大D,出面又凍,早知著多件"三"啦,阿彭問完個條問題後,佢心情好似大跌,我反而覺得奇怪既係,點解冇問我= =’,唔通唔想我講純粹唔想我玩,定係另有內情??一直都有留意每個人既神情,只不過冇人知o者=.=,你就鬼死咁快閃左,你個兩個fd,叫我追你番黎,其實唔講我都會咁做,拿拿林沖左出去,搵左咁耐都搵你唔到low,msg一開始都唔應我,打電話又專登cut我線,你真係忍心我三又唔係多,又咁鬼凍,係街度搵你,係街度見到一對對=.=個個都一男一女,有d妒忌既沖動,不過都係祝福佢地啦,差唔多成個西環尾行哂咁濟,目的都係搵你,打左勁多msg你回我,唔好問我點解要為你咁做,我都唔知點解=.=,1+1=2,只不過係數學上既法則,應用係生活,係情感,唔同方面e條法則係錯,我唔想計較個結果,如果我做既野可以令你唔好咁灰既話,我覺得我冇所謂,凍都痴線,再一次去到沙倉搵你,因為你上次好似去過個度,係個度有殮房,超恐怖=.=d風又吹得勁大,真係有d凍到冇感覺,係個度你先同我講你番左去,算啦,拿拿林番去啦……最後係搵唔到,不過應該冇事掛……番到去已經十二點八個字,沖個涼,個頭等佢冇咁濕,已經成點幾,跟住先去訓覺…….所以冇打日記,現在打番