有開心有唔開心,雖然唔開心既事,已經解決左大半,但係……都係有d….唉……..由朝講到晚啦

  今朝收到彭彭既msg,話佢就到,等等下馬路,我都感覺到d殺氣,但係我又廢事望,係唔係佢,就算啦,直接過,點知你條友仔,行快過我,仲整過笑臉我睇啊,你整起個頭髮,好鬼得意,哈哈,雖然唔係第一次睇……洗唔洗走咁快啊,個個真光都唔坐94,你坐94,唔想見到我,定串我先=.=+’

  番到去,宗教堂,d野全部我做哂=.=講又係我講,俾班友仔激死,算啦,唉….一個和尚唔擔水食,兩個唔擔水食,第三個應該點啊,要仲努力d,因為如果佢都唔做,就會等死,冇計…..小息個陣係度練歌low,搞左勁耐,又話要點要點,本來有打鼓,但係條猿"謀"條友仔唔打low,咁冇理由得阿達打,所以冇打啦,仲要個個拎住支蠟燭low,超搞野=.=’,一開始背住面,跟住拍到拍子就轉身,加埋個低能動作,岩岩做個個都笑,我都頂唔順,不過做做下都算=.=’,搞左勁耐,個陣仲諗緊比賽掂唔掂

  食飯之後,化學堂,阿堅果然俾我練歌,唔係掛,上次佢學生會選舉撞佢個堂,佢不知幾唔happy,跟住唱唱下見到黃sir係度,係度做間諜啊,唔會輸俾6Aga,哈……

  比賽就一觸即發啦,睇睇下,見到6A,有抄襲成扮low,又要有蠟燭,一定係有人做間諜啦,佢地班又唱得幾好wo,到我地啦,我地緊係與眾不同啦,人地開哂燈,我地係熜哂燈,人地一開始係面對面,我地一開始用背隻對住人地,唱完,發揮出平時既水準啦都,跟住最緊張既時候,緊係等結果啦,梁sir講左4班,估下邊班係頭三,6B,講完一輪…..話有82分wo,7A……又講完一輪…..話有85分wo,6A再一次講完一輪…..話有82分wo,諗住今次死硬,班班都係中六以上,冇中五,唔係掛….跟住到5D,唔係啊,中左??講完一輪,e個緊係要長講啦,話哂自己班,佢話一開始擔心我地跟唔到拍子,因為我地個個係背住,點知又跟到wo,而且仲話F.5有咁好既聲音,係幾時有,有83分,咁咪即係第二,太好啦……第一7A,第二5D,第三6B,抵啊,黃sir個班冇,呵呵

   真係唔係講笑,水運會,全場第一,跑橋,雖然三甲不入,但係都第四,個人仲第一tim,都係靠阿達,歌唱,都第二,都唔差啦,出前五丁班,再勝一場,太勁啦,冇計啦,鬼叫有我e個精神支柱咩,講下o者=.=’一陣俾人打死,照之前,應該頭三名個d,會放番今日套片放上校網,過多一兩星期應該有,到時放上黎俾你地欣賞

  放學,班友仔勁happy,係禮堂中五到中七,發現自己班d友仔係最興奮=.=’,成日係度大叫,特別係許嘉偉=.=’,番到去,心情急轉直下,唉…….本身都好興奮,點知…..唉…..

  今晚你又打黎,我只可以同你講,我都係男仔,我都會介意,嬲唔會,點解,因為你地冇野,但係你地有咁既舉動,我會介意,但唔會嬲low,我唔中意間接講low,有d野直接d講好,我少講學校d野你知係因為,你俾d反應都好咩low,有邊個會對住冇心機聽既人講咁多,同埋,就算首歌係過左時,但係我地都好俾心機,好投入low,我唔係想講咩,如果你認為我既介意會阻到你既社交,你講,我下次就唔理,我e方面,咩都唔理,如果你就我,咁唔該你唔好成日做,我問好多人,個個都會介意,就算兩個冇野,咁大接觸,大佬啊,咁大個仔都只不過抱過兩個女仔,除親戚,一個你,一個初戀,其他都未啊,不過呢….唔好成日做low,同埋我都希望你肯聽人講野low,唔係我唔想講,係我講左係冇人聽既話我都廢事講,你明冇??好似暫時平息左,唉…..

  聽日又要番lu……..