首先我想講俾某人聽,其實都唔洗估,成日都係講你,今日都係講你ga la,你俾個條線我既用途真係唔大low,點解,我講你唔信,我冇見過佢兩個月,唔係唔想,以係冇機會,曾經最長成半年,我都煩惱緊e個問題,我對佢既距離真係好似一個係香港一個係美國,好少少既就係電話費唔會貴,除左咁真係冇分別,等,我無奈的等,我只有等既份兒,點解…….我都想俾條線佢,我e度同你講聲多謝,但係我能夠嗎??星期一到五有大半都係補課,中四個陣都仲可以時日傾到,中五可以嗎??更加唔好話見,星期六,佢媽媽中午就番,可以同佢出去嗎??星期日佢媽媽成日係屋企,我又可以嗎??表面好似冇咩野,其實e個係之中最大既致命傷,佢都唔想,佢曾經都同我講過,但我可以點??除左無奈接受,我都係等,等機會,所以你明我,點解我想你陪我啦,我唔係想你做佢替身,我只係想有人可以陪我low,亦都唔係攝時間,我係真係想聽你講野,真係想你陪我low,唔係我好悶冇野做,先搵你low,其實我係有野做low,我相信你知我係點,我其實一d都唔受,都幾辛苦,只有你係度個陣,真係可以笑幾下,同埋番學,仲有,我唔知你今晚幾時番,不過我都會等到點半,其實聽日我要好早起身同老豆去轉台,為左你啊,不過唔緊要啦,我都會等ga,可能旁人當我白痴,但我行動證實到你知,我的確係白痴,等你啊,唔好扮唔知我講緊你啊,彭彭

  晚上收到飯飯既電話,雖然唔係傾好耐,我亦用e個理由推左佢地,唔出去,e個係其中一個原因,仲有既就係,我今晚唔想出去,其實今晚我本就唔想出去想玩下自閉,但係已經出左唔少地方,教會,食飯,今晚心情都係幾麻麻,飯飯俾我既電話,就更加愁,佢係偷偷地咁打,我難為她了嗎??好失敗…..我見佢咁我已經不能說話,我好多野講唔到,睇番第一段,同樣既感覺,奈何我能做甚麼呢??學校既同學,雖然有好多好fd,但係講心事既真係唔多,我同邊個講??我…..可以點…

  話說今日係英國個位朋友,搵我,因為想忘記以前既人所以識個新男朋友??拿拿林就鬧掛佢啦,其實都唔可以叫鬧,只不過係同我講左一句,你咁同你個位新既男朋友公唔公平先??佢都未正面回答,但係答案都估到係唔公平,因為人地傷你,搵第個忘記傷痛,害埋你自己,亦都唔尊重人地,講講少你又好似受落,希望你千萬唔好咁做

  今日,我得閒既時候就做下maths,點解??唔備下,點上堂,個陣miss鄭唔洗備上就冇問題,現在唔得,點都要備下課,唔係我一d都唔明,maths都仲未有問題,反而A.maths,有d題就真係好難備度啦,睇番彭彭俾我既05年試題,一睇就幫我打左枝強心針,原來平時d測驗啊,考試都有會考水準,仲諗住學校個d易好多tim,好…..突然間有哂d信心對會考

  係啦,咁岩係學校網睇到02-03年一個咩奧斯卡,即自己學校做影片,睇到有個幾好,不過就黑左少少,個陣我中二,仲係細路仔,咁就各位A記既朋友可以睇下都幾得意,唯一出現既女老師就係miss鄭@@",其他都係全男班low,好多師兄都畢業=.=’,咁快就到我,唉….,俾網址http://www.ats.edu.hk/sharing/023/wmv/heal_the_world.htm