頂……打左咁耐,居然唔見左個日記,最近xanga,係唔係有d問題,咁我長話短說啦,今日一出門口,就覺得天氣凍左,特別係個d中意著背心個d啊,你知我講緊你啦,哈…..唔該你著多幾件,一陣病左你就知死,睇下我係唔係對你好好呢

  一番到去,買我既早餐,檸檬tea加炒面,好少食炒面,平時都係食開三文治,今日係我第一次上課室食野,係一樓見到個電梯,寫住未經老師許可,不能使用升降機,采你都傻,上到去緊係食埋佢啦,之後先知,小歐歐同埋louis,兩條凹凸英雄,俾啊開和捉左,大佬啊,六樓,成日又上又落幾辛苦啊,雖然我唔係少日坐,冇咩精神個陣我先會坐,唉…..最近都係少坐為妙,應該捉人會捉得幾緊

  番到去,發現有隻四腳蛇,隻野加埋條尾有成隻手掌咁大隻,隻野入得黎,都估到會死下死下出去啦,走個陣,小曾曾話唔好殘害生命,唔係一人記一粒,走左之後,因為係上DT,落去上,緊係唔落住啦,睇埋點玩隻野,B仔問殺唔殺左佢,我居然係第一個舉手支持,拎住份報紙,話寫左佢,我可能傻左,跟住小歐作個d仲話拎火機燒佢,個d仲傻=.=’,隻野俾人用報紙圍攻,隻野好快咁行埋黎,個個係度大叫,退後幾十步,俾人圍攻之下,隻野已經係半死,仲行埋去阿達(馮俊達)個位度,阿達送佢去洗手間出面,我地落去上堂,隻野"台"起個頭望住我地,超恐怖,拿拿林走左佬

  今日大家姐又冇番,仲話請到星期一,都唔知有咩事,佢上年都只係請得一日假,個個代我地個個助理雖然係大學數學系畢業,又係原校仔,但係教得真係麻麻=.=’,我自己做仲好過佢講,不如俾我地去睇電影仲好啦,唔怪得放學個陣noel都話,好廢,我都同意= =’

  上maths堂有個代課,班友緊係玩啦,阿達就緊係訓覺啦,都估到啦,佢成日訓,仲要成日除左對鞋wo,今日就俾人偷左對鞋,後來先發現,又話咩急屎= =想去洗手間,係度門度係度大叫,俾番對鞋我啊,我要去all屎,諗起佢個樣都好笑,對鞋入面放左d垃圾,一著,勁爆笑= =’,好心佢啦,唔好成日除左對鞋

  下個星期五就歌曲比賽,我地咩都未準備,點得啊,話哂上年第三wo,就係要快d搞搞佢啦,最近好多人學左大傻叫我齊寶寶…= =…..一諗起就想死,唔好叫得咁咩,隻大傻又抱又痴埋黎,唔好意思,我唔係基,我中意女仔= =’,我對女仔先有興趣,唔好再咁叫=.=頂唔順啊….番黎做DT工程圖,做到唔想做,唉……聽日努力啦