最近發現石老師d脾氣愈黎愈差= =’,成日大聲鬧人,我坐咁前,個耳仔都震穿,冇計,鬼叫班仔好似唔知會考黎緊咩,上到英文堂仲恐怖,你知小曾曾有時講書冇啦啦好鬼大聲,岩岩食完lunch,平時上堂好乖既我都有d想訓,呵呵,跟住冇啦啦係度吼叫,嚇親,我好自覺咁雙手放係頭度= =’

  我地今日申請小息留係課室,雖然接受左,但係係試用期,而且我覺得班仔未必做到所講既約定,唔好係課室度玩,已經係冇可能,佢地唔落去得兩個原因,一,大熱天時行上6樓,熱死,累死,二,有個地方涼冷氣之餘,仲可以用d fd係度X大D,玩下咁,點會去溫書啊,唉……真係驚佢地搞到冇左e個特權,希望生性啦

  今日放學開會所以遲左先先番,今年領袖生就快選出,我地e d就快退位,我覺得三姑,即總領袖生,我大佬,好好人,同佢合作咁耐都好唔錯,好睇住d細,好親切既感覺,有d唔捨得,佢仲為我地搞個個燒野食,個次真係開心死,我仲win左比賽tim,好多回憶啊,三姑,好好地考埋個高考佢,希望下年升到大學

  開會期間,發現一件好奇怪既事,睇到一份報紙,我見好多人睇,我八掛又去睇下,點知標題係,好耐冇做個d野,一做整到斷左,跟住成班麻甩佬係度睇住份報紙,講個男仔同個女仔搞搞下,太勁整斷左一條海棉體,唔係話=.=’,痛死都似,最後走個陣,俾左份報紙三姑,同佢講,小心d啦,睇清楚,佢面紅咁話,唉.得啦得啦,哈

p.s:個鼻冇啦啦有d痛,講大話講得多先會=.=,我又冇昆人,點會呢= =’,唉……快d唔好咁痛就好啦